“য়ুনিয়ন বজেৎতা কেপিতেল এক্সপেন্দিচরগীদমক থাদখিবা শেনফম অদু ৱাংখৎলক্তুনা চৎলিবা চহি অসিদা লুপা কোতি লাখ ৫.৫৪ ওইরম্বদগী ২০২২-২৩দা লুপা কোতি ৭.৫০ ওইরক্তুনা চাদা ৩৫.৪ হেনগৎলক্লি”, হায়না ঙসি মফম অসিদা পার্লিয়ামেন্তদা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা মহাক্কী বজেৎ স্পীচ পীবদা ফোংদোকখিবনি৷

য়ুনিয়ন বজেৎ ২০২২-২৩ পুথোক্লদুনা, কেপিতেল এক্সপেন্দিচর অসি ২০১৯-২০দা ওইরম্বা অদুদগী শরুক ২.২ হেন্না হেনগৎলকখ্রে অমদি মদু ২০২২-২৩দা লৈগদৌরিবা জি.দি.পি. ২.৯% ওইগনি হায়না মহাক্না ফোংদোকখি৷  ইনবেস্তমেন্তগী অচুম্বা সাইকলদা পব্লিক ইনবেস্তমেন্তদগী হৌরগা ক্রাউদ-ইন প্রাইভেৎ ইনবেস্তমেন্ত দরকার ওইরি৷ প্রাইভেৎ ইনবেস্তমেন্তগী পোতেন্সিয়েল হেনগৎনবা প্রাইভেৎ ইনবেস্তমেন্তবু সপোর্ত তৌবিবা অমদি ইকোনোমীগী তঙাই ফদবশিং অদুদা সপোর্ত তৌবা দরকার ওইরক্লিবা অসিগীদমক, ২০২২-২৩দা পব্লিক ইনবেস্তমেন্তনা মখাতানা ইনবেস্তমেন্ত অমদি দিমান্দদা লমজিংনবা অমসুং হেনগৎহন্নবা হোৎনগদবনি৷

ইফেক্তিব কেপিতেল এক্সপেন্দিচর:

রাজ্যশিংদা ফংহল্লিবা গ্রান্ত-ইন-এইদকী খুৎথাংদা কেপিতেল এসেতশিং শেম্নবগীদমক লৈরিবা প্রোভিজনগা লোইননা ইনবেস্তমেন্ত অদু পুন্না পাদুনা, ২০২২-২৩দা কেন্দ্র সরকারগী ‘ইফেক্তিব কেপিতেল এক্সপেন্দিচর’ অদু চাওরাক্না লুপা কোতি লাখ ১০.৬৮নি, মসি জি.দি.পি.গী চাদা ৪.১গী চাংনি হায়না মন্ত্রীনা অসিনা ফোংদোকখি৷

গ্রীন বোন্দশিং:

২০২২-২৩দা লৈরিবা সরকারগী অপুনবা মার্কেৎ বোরোইংগী শরুক অমা ওইনা, গ্রীন ইনফ্রাস্ত্রকচরগীদমক রিসোর্সশিং তাশিন্নবা সোভরিন্দ গ্রীন বোন্দশিং ইসু তৌরগনি হায়না শ্রীমতি সিতারামননা লাওথোকখি৷ প্রোসীদশিং অসি পব্লিক সেক্তর প্রোজেক্তশিংদা দিপ্লোই তৌরগনি, মসিনা ইকোনোমীগী কার্বোন ইন্তেন্সিতী হন্থহনবদা মতেং পাংলগনি৷

কেপিতেল ইনবেস্তমেন্তনা থবক্কী খুদোংচাবশিং ফংহনবদা মতেং পাংদুনা, অচৌবা ইন্দস্ত্রীশিং অমদি এম.এস.এম.ই.শিংদগী পুথোক্লিবা ইনপ্যুতশিংগী দিমান্দ হেনগৎহন্দুনা অমদি হেন্না ফবা এগ্রী-ইনফ্রাস্ত্রকচরগী খুৎথাংদা লৌমীশিংবু মতেং পাংদুনা ইকোনোমিক রিবাইবেল খোংলৈ থুনা লৈহন্নবদা অমদি পুনশিন্নবদা লৌরিবা থৌদাং অদু শেল-থুম মন্ত্রী অসিনা পনখি৷

******