“অনৌবা পব্লিক সেক্তর এন্তরপ্রাইস পোলিসী চৎনহনবরোমদা, এয়র ইন্দিয়াগী ওনরশিপ ত্রান্সফর তৌবগী লাল্লোং অদু মপুং ফাখ্রে”,হায়না ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা ফোংদোকখি৷ এন.আই.এন.এল.(নীলঞ্চল ইস্পাৎ নিগম লিমিতেদ)গীদমক পার্তনর শেমগদবা অদুসু খনখ্রে হায়না মহাক্না মখাতানা ফোংদোকখি৷ অদুগা, অথুবা মতমদা এল.আই.সি. পব্লিক ইসু তৌগনি হায়নসু পানরি৷ অতোপ্পশিংসু ২০২২-২৩দা প্রোসেস তৌরগনি৷

নেস্নেল বেঙ্ক ফোর ফাইনান্সিং ইনফ্রাস্ত্রকচর এন্দ দিবেলপমেন্ত(এন.এ.বি.এফ.আই.দি.) অমদি নেস্নেল এসেৎ রিকন্সত্রক্সন কম্পেনীনা মখোয়গী থবক থৌরমশিং পাংথোকপা হৌখ্রে হায়নসু শ্রীমতি সিতারামননা মখাতানা ফোংদোকখি৷

এসিলিরেতেদ কোর্পোরেৎ একজিৎ

অনৌবা কম্পেনীশিং রেজিস্ত্রেসন তৌবগী খোংজেল য়াংখৎহন্নবগীদমক আই.তি.-বেজ সিস্তেম কয়া অমা শেমগৎখ্রে হায়না শ্রীমতি সিতারামননা ফোংদোকখি৷ হৌজিক্তি হায়রিবা কম্পেনীশিং অসি ভোলুন্তরী ৱাইন্দিং-অপ তৌবদা লাইথোকহন্নবা অমদি ৱাইন্দিং-অপ তৌবদা হৌজিক হৌজিক চহি অনি দরকার ওইরিবা অসিদগী থা ৬কী মখাদা হন্থনবা প্রোসেস  রি-ইঞ্জিনিয়রিংগা লোইননা সেন্তর ফোর প্রোসেসিং এসিলিরেতেদ কোর্পোরেৎ এগজিৎ(সি-পি.এ.সি.ই.) শেমগৎলগনি হায়না মহাক্না ফোংদোকখি৷

ইন্সোলবেন্সী অমদি বেঙ্ক্রপ্সী কোদ

রিজোলুসন প্রোসেসকী ইফিকেসী অসি ফগৎহন্নবা অমদি ক্রোস বোর্দর ইনসোলবেন্সী রিজোলুসন লাইথোকহন্নবা কোদতা তঙাই ফদবা এমেন্দমেন্তশিং পাংথোক্লগনি হায়না শেল-থুম মন্ত্রীনা মখাতানা ফোংদোকখি৷

******