মেদিয়া রিপোর্ত খরনা মরাল শীবা লৈরি মদুদি “ফেব্রুৱারীগী অরোইবদা শিজিন্নদবা কোবিশীল্দ দোজশিং লাখ ৫০ লেম্না মাংলগনি”। এক্সপাইরী দেত নক্না লৈ হায়না ক্লেম তৌরিবা রাজ্য খায়না লৈরিবা দোজশিং মশিংগী অকক্নবা পাউ অমত্তা য়াওদবা, অসিগুম্বা রিপোর্ত অসি ময়েক শেংদবনি।     

কেন্দ্র সরকারনা ভেক্সিন দোজশিং মাংহনবা খ্বায়দগী য়াম্না হন্থনবা অমসুং কন্সিনী পোইন্ত ৬০ পুম্বদা “ফার্স এক্সপাইরী ফার্স আউত” (এফ.ই.এফ.ও.) প্রিন্সিপলদা মরুওইবা পীদুনা দোজশিং এক্সপাইর ওইহন্দনবা কোবিদ-১৯ ভেক্সিনেসন দ্রাইব অসি হেক হৌরকপদগী রাজ্য সরকারশিং পুম্বদা ইসু অসিবু য়েংশিন্নবা মাংজৌননা পাউতাক পীরক্লি।

২০২১গী নবেম্বর থাদা, হেলথ অমসুং ফেমিলী ৱেলফিয়র মন্ত্রালয়না পাউ ফাওরকখি মদুদি রাজ্যশিংগী মনুংদা লৈরিবা প্রইবেৎ হোস্পিতালশিংদা ফংলিবা কোবিদ ভেক্সিনশিং লাক্লিবা থা খরা অসিদা এক্সপাইর ওইবা য়াবগী ফিভমশিং রাজ্যশিংনা চাং নাইনা য়েংশিনগদবনি।

সরকার অমসুং লনাই ফেসিলিতীশিং অনিমক্তা ভেক্সিন অমত্তা এক্সপাইর ওইহন্দনবা রাজ্যশিংদা পাউতাকসু পীখি। মসিদা পাউতাক পীখি মদুদি রাজ্যশিংনা প্রাইবেৎ হোস্পিতালশিংগা লোয়ননা এদ্দিসনেল চীফ সেক্রেতরী (হেলথ)/প্রিন্সিপাল সেক্রেতরী (হেলথ)গী থাক্তা ভেক্সিন দোজশিং শিজিন্নবা য়েংশিন্নবা য়াম্না থুনা ভিদিও-কনফরেন্স অমা পাংথোক্কদবনি। রাজ্যশিংদা পাউতাকসু পীখি মদুদি মখোয়না প্রাইবেৎ হোস্পিতালশিংগী ওইনা সি.এস.আর./ভেক্সিনেসন সবসিদাইজ রেতকী মখাদা ভেক্সিনগী এদমিনিস্ত্রেসনগুম্বা ইন্তর্বেন্সনশিং য়েংবা য়াই।

মখা তানা, অখন্নবা রাজ্যশিংনা হায়জরকপগী মতুং ইন্না, কেন্দ্রগী হেলথ মন্ত্রালয়না শেংদোরক্লি মদুদি ভেক্সিন এক্সপাইরী ওইহন্দনবা অমসুং ভেক্সিন অমত্তা লেম্না মাংহন্দনবা, প্রাইবেৎ সেক্তর হেলথ ফেসিলিতীশিংদগীনা রাজ্য সরকারগী হেলথ ফেসিলিতীশিংদা, ভেক্সিন ত্রান্সফর তৌবগী এরেঞ্জমেন্তদা অয়েৎপা লৈতে। মসিগী একচেঞ্জ তৌরবা ভেক্সিনশিংগী এন্ত্রী তৌবগী প্রোবিজন কো-ৱিন দিজিতেল প্লেতফোর্মদা লৈরি। 

মখা তানা, প্রাইবেৎ কোবিদ ভেক্সিনেসন সেন্তরশিং (সি.ভি.সি.এস.)দা লৈরিবা কোবিদ ভেক্সিনশিং শিজিন্নখ্রবরা হায়বা খঙনবা ৱেস্ত বেঙ্গল, মহারাস্ত্র, কর্নাতকা, তেলঙ্গনা, গুজরাত অমসুং দিল্লীগুম্বা রাজ্যশিংগা লোয়ননা খন্ন-নৈনবা অমসু পাংথোকখি।

****