‘ভেক্সিনেসন ফ্রোদ’নি হায়বা ৱারোল অমগা লোয়ননা মীওই কয়ানা দোজ অনিমক কাপ্তনা দবল ভেক্সিনেতেদ ওইরে হায়না অরানবা মওংদা রেজিস্তর তৌনরে হায়বা রিপোর্ত খরা মালেমগী মীদিয়াদা শন্দোরক্লি। হায়রিবা রিপোর্ত অসিনা ভেক্সিন কাপ্পগী ‘মশিং অসিবুসু শেমজিন শাজিল্লে’ হায়নসু মরাল শীরি।

হায়রিবা রিপোর্তশিং অসিনা লান্না লমজিংবতা নত্তনা য়ুম্ফম অমত্তা য়াওদনা লান্না পাউদম্লে হায়না শেংদোক্লি।

হায়রিবা ন্যুজ রিপোর্ত অসিগী হেদলাইন অসিমকসু অরানবনি। রিপোর্ত ইরিবা মীওইশিং অসিনা কোৱিন সীস্তেমদা ভেক্সিন কাপ্পগী থৌরমগী দেতা এন্ত্রী তৌরিবশিং অসি হকশেলগী থৌমী মশামকশিংনা তৌবনি হায়বসি খঙদবা মাল্লে। দেতাশিং অসিবু এন্ত্রী তৌরিবা হকশেলগী থৌমীশিংনা অরানবা থৌওং পাংথোক্লে হায়না পাউ ইবশিংনা ক্লেম তৌরিবা অসিমক্না ভেক্সিন কাপ্পগী দেতাশিংবু কোৱিন্দা মতৌ করম্না এন্ত্রী তৌবগে হায়বা খঙজদে হায়বা ময়েক শেংনা তাক্লে।

ভারতনা লৈবাক শিনবা থুংবদা পাংথোক্লিবা কোবিদকী ভেক্সিন কাপ্পগী খোঙজং অসিনা মসিগুম্বা মখলগী ওইনা মালেমগী খ্বাইদগী চাউবনি। থৌওং অসিবু মমাংগী চহি অমা হেনবদগী চত্থরক্লিবা কোবিদ ভেক্সিন কাপ্পগী খোঙজংদা মথৌ নীংথিনা পাংথোকখ্রবা কোৱিন দিজিতেল প্লেৎফোর্ম্না ঙাক্লৌ পীবা মপাঙ্গল লৈবা তেক্নোলোজী অমনা শৌগৎপনি। কোবিদকী ভেক্সিন কাপখিবগী ৱারোল খুদিংমক দিজিতেল প্লেৎফোর্ম অসিদা রেকোর্দ তৌবনি।

কোৱিন সীস্তেম অসি হীরম পুম্নমক মনুং চনবা প্লেৎফোর্ম/পথাপ অমনি অমসুং লৈবাক শিনবা থুংবগী মোবাইল অমসুং ইন্তর্নেত ফংবগী মতাংদা থেংনরিবা শিংনবা অমসুং অকক্নবশিং য়েংদুনা শেমখিবনি। ভেক্সিন কাপ্পগী মতিক চাবা মীওই খুদিংমক্না ফিজিকেল, দিজিতেল নত্ত্রগা সোসিওইকোনোমিক্কী খুদোংচাদবশিং কয়া লৈরবসু ভেক্সিন কাপ্পগী খুদোংচাবদি শোইদনা ফংহন্নবগীদমক্তা তঙাই ফদবা ফীচর অমসুং ফ্লেক্সিবিলিতী কয়া কোৱিনগী মনুং চলহনখি।

হায়রিবা থৌওং অসিগা লোয়ননা, ভেক্সিন কাপ্পা মতমদা অরানবা থৌওং পাংথোকপা অমসুং অরানবা দেতা এন্ত্রী তৌবা থিংনবগীদমক্তা মখাদা পীরিবা এস.ও.পি. অমসুং ফীচরশিং পথাপ অসিগী মনুং চলহনখিঃ

1. ভেক্সিন কাপ্পা লাক্লিবা বেনিফিশরীগী মশক মমিং খঙদোকপগী অমত্তা ঙাইরবা থৌদাং লৈবা ভেরিফাইয়র অমা য়াওই ভেক্সিন কাপ্পগী তীম খুদিংদা য়াওই।
2. ভেক্সিন কাপ্পগী অপুনবা থৌওং মনুংদা বেনিফিশরী অমবু ভেক্সিন কাপখ্রে হায়না কোৱিন্দা রেকোর্দ তৌদ্রিঙৈদা মখাদা পীরিবা খোঙ্কাপশিং অসি পাংথোকই।
   1. মতম লেপ্পা – থৌওং অসি ওনলাইন নত্ত্রগা ওন্সাইত্তা পাংথোকপা য়াই।
   2. চুম্লে শক্তাকপা – মতম লেপখ্রবা (ওনলাইন নত্ত্রগা ওন্সাইত্তা) বেনিফিশরীখক্তনা ভেরিফিকেসন তৌবগী মথংগী থাক্তা চঙবা য়াগনি অমসুং মসিদা ভেরিফাইয়র অমনা কোৱিন্দা পীরকখিবা মরোলগী মতুং ইন্না বেনিফিশরীগী শক্তাকপু চুম্মি নত্ত্রগা লাল্লি খঙদোক্কনি।
   3. ভেক্সিন কাপ্পা – ভেরিফাইয়র/ভেক্সিন কাপ্পা মীওইনা মায় পাক্না শক্তাক্লবা তুংদখক্তা বেনিফিশরী অসিবু ভেক্সিন কাপ্লে হায়না মার্ক তৌগনি।
3. ওন্সাইত্তা রেজিস্ত্রেসন তৌবা অমসুং ভেক্সিনগী অহানবা দোজ কাপ্পা
   1. অহানবা দোজ কাপ্পা লাকপা নত্ত্রগা ওন্সাইত্তা রেজিস্ত্রেসন তৌবা লাকপা বেনিফিশরীগী ভেরিফাই তৌবগী মতমদা ভেরিফাইয়র/ভেক্সিন কাপ্পা মীওইদুনা বেনিফিশরীগী মোবাইলদা থারকপা ও.তি.পি. হাপ্পগী মথৌ তাই।
   2. করিগুম্বা আধার পীরকপা ওইরগদি, আধারদা য়ুম্ফম ওইদুনা ভেরিফাই তৌবগী থৌওং খনবসু য়াই।
   3. করিগুম্বা অতোপ্পা ফোতো আই.দি. পীরকপা তারবদি, ভেরিফাইয়র/ভেক্সিন কাপ্পা মীওইনা ফোতো আই.দি. প্রুফ অদুগী ফোতো নম্বগী থৌওং খনবা য়াই।
4. ওন্সাইত্তা অনিশুবা দোজ কাপ্পগী –
   1. ভেরিফাইয়র/ভেক্সিন কাপ্পা মীওইনা বেনিফিশরী অদুবু মহাক্না পীরকপা মমিং, বেনিফিশরী আই.দি. (কোৱিনখক্তদগী থারকপা), রেজিস্তর তৌরবা মোবাইল নম্বর শিজিন্নদুনা কোৱিন দেতাবেজতগী থিবা য়াই।
   2. মায় পাক্না শকখঙলবা তুংদা, বেনিফিশরীনা মহাক্কী পোকপগী চহি অমসুং বেনিফিশরী দেশবোর্দ অমদি মহাক্কী মফমদা থারকপা এস.এম.এস. খক্তদা য়াওবা সিক্রেত কোদ পীবগী মথৌ তাই।
5. বেনিফিশরীগী মফমদা থাক খুদিংগী এস.এম.এস. নোতিফিকেসন থাগনিঃ
   1. ওনলাইন/ওন্সাইত রেজিস্ত্রেসন তৌবদা
   2. অনিশুবা দোজ/প্রীকোসন দোজ কাপ্পগী মতম খঙহনবা মতমদা
   3. ভেক্সিন কাপ্লে তাকপদা
   4. ভেক্সিন কাপ্পা য়াদবা মতমদা (মরমগা লোয়ননা)

মসিগী ফীচরশিং অসিনা ভেরিফাইয়র/ভেক্সিন কাপ্পা মীওইদা বেনেফিশরী অমবু ভেক্সিন কাপ্পগী মতমদা ভেক্সিন কাপ্লে হায়না মার্ক তৌদ্রিঙৈগী মমাংদা বেনিফিশরীগী মশক মমিং খঙদোকপা ঙমহল্লি। মথক্তা পীরিবা থৌওংশিং অসি লৈরবসু, ভেক্সিন কাপ্পা তীম্না এস.ও.পি.বু থওইদবদগী দেতা এন্ত্রী অমসুং রেকোর্দ তৌবদা শোইবদগী বেনিফিশরী অমবু ভেক্সিন কাপ্তনা কাপ্লে হায়না মার্ক তৌবগী কেস খরা থোকপসু য়াই। বেনিফিশরীশিংদা কোৱিনগী খুত্থাংদা এস.এম.এস. থাদুনা পাউ ফাওনবগী থৌওং লৈবনা মরম ওইরগা, অসিগুম্বা কেসশিং অসি ৱাকৎ থাংগৎনবা মেকানিজমগী খুত্থাংদা খুদক্তা পাউ ফাওই। মসিগুম্বা ৱাকৎ ফংবা মতমদা, অরানবা চুম্থোকপগী তঙাই ফদবা থবক পাংথোক্নবগীদমক্তা ভেক্সিন কাপ্পা তীম অমসুং মসিগুম্বা কেস থোকপগী পাউ লাক্লিবা সি.ভি.সি.গী অকুপ্পা মরোলশিং অসি মরী লৈনবা স্তেত ওফিসিএলশিংদা থানৈ।

মখা তাবা ওইনা, ভেক্সিনেসন বেনেফিশরীশিংদা কোৱিন্দা য়াওরিবা মখোয়গী রেকোর্দশিংদা তঙাই ফদনা শেমদোক্তবা য়াদবশিংবু শেমদোকপা য়াবগী খুদোংচাবসু পীরি। বেনিফিশরী দেশবোর্দতা য়াওরিবা ‘রাইস এন ইস্যু’ মোদ্যুল অসিদা মিং, চহি, জেন্দর অমসুং ফোতো আই.দি.গুম্বা বেসিক দেমোগ্রাফিক দিতেলশিং নত্তনা বেনিফিশরীশিংদা মখাদা পীরিবশিং অসিবু শেমদোকপা য়াহল্লিঃ

1. দোজ #১গী সর্তিফিকেৎ অনি পুন্সিনবা
2. “ঐহাক্কী কোৱিন একাউন্ত”তা রেজিস্তর তৌবা মশক খঙদবা মেম্বর লৌথোকপা
3. ভেক্সিন কাপ্পা হন্দোকপা – ফুল্লীদগী পার্সিএল্লীদা অমসুং পার্সিএল্লীদগী নোৎ ভেক্সিনেতেদতা

হায়রিবা মীদিয়া রিপোর্ত অসিনা মখাদা পীরিবা ভারতকী সরকারগী অসিগুম্না তেন্সিল্লবা ৱারোল অমসু পাউদম্লি হায়বসি খঙজিনবদা মরু ওইগনিঃ

“মরী লৈনবা ৱারোল অমদা, ভেক্সিন কাপকদৌরিবা মীওই অমগী মশক-মমিং খঙদোকপগী অমত্তা ঙাইরবা থৌদাং লৈবা ‘ভেরিফাইয়র’ অমা ভেক্সিনগী তীম খুদিংগী য়াওই পল্লদুনা ভেক্সিন কাপ্পগী অরানবা থৌওং থোকই হায়বা সরকারনা য়াখিদে। কোৱিন সীস্তেম অসি হীরম পুম্নমক মনুং চনবা প্লেৎফোর্ম/পথাপ অমনি অমসুং লৈবাক শিনবা থুংবগী মোবাইল অমসুং ইন্তর্নেত ফংবগী মতাংদা থেংনরিবা শিংনবা অমসুং অকক্নবশিং য়েংদুনা শেমখিবনি”, হায়না সরকারনা ফোংদোকখি। “ভেক্সিন কাপ্পগী মতিক চাবা মীওই খুদিংমক্না ফিজিকেল, দিজিতেল নত্ত্রগা সোসিওইকোনোমিক্কী খুদোংচাদবশিং কয়া লৈরবসু ভেক্সিন কাপ্পগী খুদোংচাবদি শোইদনা ফংহন্নবগীদমক্তা তঙাই ফদবা ফীচর অমসুং ফ্লেক্সিবিলিতী কয়া কোৱিনগী মনুং চলহনখি। হায়রিবা থৌওং অসিগা লোয়ননা, ভেক্সিন কাপ্পা মতমদা অরানবা থৌওং পাংথোকপা অমসুং অরানবা দেতা এন্ত্রী তৌবা থিংনবগীদমক্তা এস.ও.পি. (স্তেন্দর্দ ওপরেতিং প্রোসিজর) অমসুং ফীচরশিং পথাপ অসিগী মনুং চলহনখি”।

ভারতকী অপুনবা মীশিংনা য়াম্লবসু, লৈবাক অসিনা লৈবাক শিনবা থুংবগী কোবিদ ভেক্সিন কাপ্পগী প্রোগ্রাম্বু মায় পাক্না চত্থখিবা অমসুং চহি ১৮গী মথক্তা লৈবা মতিক চাবা অপুনবা মীশিংগী ৭৬%তা দোজ অনিমক কাপখিবগা লোয়ননা ঙসি ফাওবগী ওইনা অপুনবা দোজ করোর ১৬৭ হেন্না কাপখিবা অসি তঙাই ফদনা থাগৎফম থোকই।

****