শেল-থুম মন্ত্রালয়
নিতি আয়োগকী এস.দি.জি. ইন্দিয়া ইন্দেক্স অমসুং দেশবোর্দতা ভারতকী স্কোরনা ইং ২০২০-২১দা ফগৎলক্তুনা ৬৬ য়ৌখি; ফ্রন্ত রন্নর মশিংসু রাজ্য অমসুং য়ুনিয়ন তেরিতোরী ২২দা হেনগৎখ্রেঃ ইকোনোমিক সর্ভে
ভারতনা ইং ২০১০-২০গী মনুংদা উমংনা কোনবা মফম হেনগৎপদা মালেমগী ওইনা অহুমশুবা থাক্তা লৈরে; ফোরেস্ত কভরনা ২০১১-২০২১গী মনুংদা ৩%গী চাংদগী হেনখি
ভারতনা ইং ২০২২ ফাওবগী মনুংদা সিঙ্গল য়ুজ প্লাস্তিক ফেজ-আউত তৌরগনি অমসুং প্লাস্তিক পেকেজিং ৱেস্তকী সর্ক্যুলর ইকোনোমীবু মপাঙ্গল কনখৎহল্লগনি
গঙ্গাগী মরু ওইবা মরেং অমসুং ত্রিব্যুতরীশিংদা য়াম্না মোৎহনবা ইন্দস্ত্রীশিংগী কমপ্লাইএন্স স্তেতস ফগৎলক্তুনা ইং ২০২০দা ৮১%কী চাংদা লৈখি
ইং ২০২৪ ফাওবগী মনুংদা পার্তিক্যুলেত মেত্তর কন্সেন্ত্রেসনবু ২০-৩০%দা হন্থহনবগী পান্দম ফংনবগীদমক্তা শহর ১৩২দা নেস্নেল ক্লীন এয়র প্রোগ্রাম পায়খৎখি
ভারতনা ইং ২০৩০ ফাওবগী মনুংদা মৈখু থাদোকপা হন্থহনবগী পান্দম ফংবা খোঙফম চেৎলি; রিসোর্সশিংবু নীংথিনা খঙদুনা মতিক চানা শিজিন্নবগী তঙাই ফদবা লৈরে হায়না সর্ভে অসিনা তাকখি
ভারতনা আই.এস.এ., সি.দি.আর.আই. অমসুং লীদইতকী মখাদা মালেমগী থাক্তা ক্লাইমেত লীদর্শিপ উৎলি
Posted On:
31 JAN 2022 2:45PM by PIB Imphal
ভারতনা নিতি আয়োগ এস.দি.জি. ইন্দিয়া ইন্দেক্স অমসুং দেশবোর্দকী স্কোর্না ইং ২০১৮-১৯দা ৫৭, ২০১৯-২০দা ৬০ ওইরম্বদগী ফগৎলক্তুনা ইং ২০২০-২১দা ৬৬ লৈরকপগী খুত্থাংদা সস্তেনেবল দিভেলপমেন্ত গোল্স (এস.দি.জি.) ফংবগী মাইকৈদা খুমাং চাউশিল্লি। ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা পুথোকখিবা শেনবা চহি ২০২১-২২গী ইকোনোমিক সর্ভেদা মসিগী মায় পাকপসি পল্লি অমসুং ভারতনা এস.দি.জি.গী মখাদা লৈবা খুন্নাই, শেন্মিৎলোন অমসুং অকোয়বগী ফিভমগী পান্দমশিং ফংনবা খোঙফম চেৎপগী থৌওংবু অমুক্কা হন্না নীংশিংহনখি।
ভারতনা সস্তেনেবল দিভেলপমেন্ত গোল্সকী মাইকৈদা খুমাং চাউশিনবশিং:
সর্ভে অসিনা রাজ্য অমসুং য়ু.তি.শিংনা নিতি আয়োগ এস.দি.জি. ইন্দিয়া ইন্দেক্স, ২০২১দা তাক্লিবা থবক পাংথোকপগী ফিভমগী মতুং ইন্না মখাদা পীরিবশিং অসি খঙখিঃ
- ফ্রন্ত রন্নর (৬৫-৯৯গী স্কোরিং) মশিংনা ইং ২০১৯-২০দা ১০ ওইরম্বদগী ইং ২০২০-২১দা রাজ্য অমসুং য়ু.তি. ২২দা হেনগৎখ্রে।
- কেরলা অমসুং চান্দিগরনা মকোক থোংবা রাজ্য অমসুং য়ু.তি. ওইরে।
- জিলা ৬৪না ফ্রন্ত রন্নর ওইখি অমসুং জিলা ৩৯না অৱাং নোংপোক ভারতকী পর্ফোরমর ওইখি (নোর্থ ইস্ত রিজন দিস্ত্রিক্ত এস.দি.জি. ইন্দেক্স ২০২১-২২)
অকোয়বগী ফিভমগী ওইরিবা ফিভম
ইকোনোমিক সর্ভে অসিনা কঞ্জর্বেসন, ইকোলোজিকেল সেক্যুরিতী অমসুং ইনভাইরনমেন্তেল সস্তেনেবিলিতীগা লোয়ননা খোঙজেল থুবা শেন্মিৎলোনগী শাহৌগী খল ঙাকপগী মরু ওইবশিংবু মিৎয়েং চঙলি অমসুং মখাগী হীরমশিংদা মিৎয়েং চঙলিঃ
মমাংগী দিকেদতা উমংগী লম্না মশক থোক্না হেনগৎখি অমসুং ইং ২০১০দগী ২০২০ ফাওবদা চহিদা উমংগী লম চাংচত্তা হেনগৎপগী মতাংদা মালেমগী ওইনা অহুমশুবা থাক্তা হৌজিক লৈরে হায়না সর্ভে অসিনা তাক্লি। মান্নবা অমা ওইনা, ভারতকী ফোরেস্ত কভরনা ২০১১দগী ২০২১ ফাওবদা ৩%গী চাংদগী হেন্না হেনগৎখি অমসুং মসিগী মরমদি য়াম্না কুঙবা উমংনা মতমসিগী মনুংদা ২০%গী চাংদা হেনগৎলকখিবদগীনি।
- প্লাস্তিক ৱেস্ত মেনেজমেন্ত অমসুং সিঙ্গল য়ুজ প্লাস্তিকশিং
সর্ভে অসিনা প্রধান মন্ত্রীনা ইং ২০২২ ফাওবগী মনুংদা সিঙ্গল য়ুজ প্লাস্তিক অমত্তা লৈহল্লরোই লাউথোকখিববু অমুক্কা হন্না নীংশিংহল্লি। হীরম অসিগী মতাংদা মালেমগী খুন্নাইনা থবক তৌমিন্নবগী তঙাই ফদববু শকখঙদুনা ভারতনা ২০১৯দা পাংথোকখিবা য়ুনাইতেদ নেসন্সকী ইনভাইরনমেন্ত এসেমব্লীদা “সিঙ্গল য়ুজ প্লাস্তিক পুথোকপা য়েংশিনবা’গী মতাংদা ৱারেপ অমা লৌখি।
লৈবাক্কী থাক্তসু, প্লাস্তিক ৱেস্ত মেনেজমেন্ত এমেন্দমেন্ত রুল্স, ২০২১সু খঙহনখ্রে অমসুং মসিনা সিঙ্গল য়ুজ প্লাস্তিক ফেজ আউত তৌবগী পান্দম থম্মি। প্লাস্তিক পেকেজিং ৱেস্তকী সর্ক্যুলর ইকোনোমীবু মপাঙ্গল কনখৎহন্নবা, প্লাস্তিক্কী মহুৎ শিনবা য়াবা অনৌবা পোত্থোক খুমাং চাউশিলহন্নবগীদমক্তা প্লাস্তিক পেকেজিংগী মতাংদা এক্সতেন্দেদ প্রদ্যুসর রেস্পোন্সিবিলিতীগী দ্রাফ রেগ্যুলেসন অমসু থোকখি।
গ্রাউন্দ ৱাতর রিসোর্স মেনেজমেন্ত অমসুং খঙলক্লবা লৌশিংশিংনা রাজ্য/য়ু.তি.শিংনা মখোয়গী গ্রাউন্দ ৱাতর রিসোর্সশিংবু নীংথিনা শেন্নবগী মথৌ তাই তাকখি অমসুং মসিগী মনুংদা রিসোর্সশিং রিচার্জ তৌবা অমসুং হেন্দোক পাথোক্না শিজিন্নবা থিংবগী ৱাফমসু য়াওরি। গ্রাউন্দ ৱাতর কা হেন্না শিজিন্নথোকপগী থৌওংশিং অসি ভারতকী অৱাং নোংচুপ অমসুং খা থংবা মফমশিংদা অয়াম্বা তৌই হায়না খঙবা ঙমখিববুসু সর্ভে অসিনা পল্লি।
সর্ভে অসিনা মোন্সুন থাগী মনুংদা রিজর্বোইর লাইব স্তোরেজনা পীক থন্না লৈ অমসুং কালেন্থাদা খ্বাইদগী নেম্না লৈ হায়বসু খঙবা ঙমখি অমসুং মসিনা মরম ওইরগা, রিজর্বোইরশিংদা ঈশিং থম্বা, থাদোকপা অমসুং শিজিন্নবগী মতাংদা স্তো নীংথিনা থৌরাং য়াৎপা অমসুং শেন্নবগী মথৌ তাই।
নমামী গঙ্গে মিসন হেক হৌখিবদগী মসিগী মখাদা শেমখিবা সিৱেজ ইনফ্রাস্ত্রকচর প্রোজেক্ত মশিং কয়াদা মিৎয়েং চঙলদুনা, সর্ভে অসিনা গঙ্গাগী মরু ওইবা মরেং অমসুং ত্রিব্যুতরীশিংদা য়াম্না মোৎহনবা ইন্দস্ত্রীশিংগী কমপ্লাইএন্স স্তেতসনা ২০১৭তা ৩৯% ওইরম্বদগী ২০২০দা ৮১% ওইরক্তুনা ফগৎলকপগী ফিভম লাকখিববু পনখি। মসিগা লোয়ননা এফ্লুএন্ত দিসচার্জকী ওইনা ২০১৭তা নোংমদা লিতর মিলিয়ন (এম.এল.দি.) ৩৪৯.১৩ থাদোক্লম্বদগী ২০২০দা এম.এল.দি. ২৮০.২০ ওইরকপগী ফিভমসু ওইখি।
লৈবাক শিনবা থুংবগী ওইনা ইং ২০২৪ ফাওবগী মনুংদা পার্তিক্যুলেত মেত্তর (পি.এম.) কন্সেন্ত্রেসনবু ২০-৩০%দা হন্থহনবগী পান্দম ফংনবগীদমক্তা ভারত সরকারনা নেস্নেল ক্লীন এয়র প্রোগ্রাম হৌদোকখি। প্রোগ্রাম অসি শহর ১৩২দা পাংথোকখি হায়না সর্ভে অসিনা পল্লি। তোঙানবা সোর্স কয়ানা এয়র পোল্ল্যুসন থোকহনববু থিংনবা অমসুং হন্থহন্নবা লৈবাক অসিদা পায়খৎলিবা তোঙানবা প্রোগ্রাম কয়াসু সর্ভে অসিনা পল্লি। মসিগী মনুংদা গারি, ইন্দস্ত্রী মৈখু থাদোকপা, ফত্ত হৌদি মৈ থাবা অমসুং উফুলনা থোকহনবা এয়র পোল্ল্যুসন অমসুং এম্বিএন্ত এয়র ক্বালিতী য়েংশিনবগী হীরম কয়া মনুং চল্লি।
ভারত অমসুং ক্লাইমেত চেঞ্জ
ভারতনা ইং ২০১৫দা পেরিস এগ্রীমেন্তকী মখাদা মশাগী অহানবা নেস্নেলী দিতর্মাইন্দ কন্ত্রিব্যুসন (এন.দি.সি.) লাউথোকখ্রবনি অমসুং অসিগুম্বা মিৎয়েং শানবা পান্দমবু ইং ২০৩০ ফাওবগী মনুংদা ফংদুনা মৈখু থাদোকপা হেন্না হন্থহন্নবগী ৱারোল অমসু ২০২১দা লাউথোকখি।
সর্ভে অসিনা ভারতনা ইন্তর্নেস্নেল সোলর এলাইএন্স (আই.এস.এ.), কোএলিসন ফোর দিজাজতর রেজিলিএন্ত ইনফ্রাস্ত্রকচর (সি.দি.আর.আই.) অমসুং লীদর্শিপ গ্রুপ ফোর ইন্দস্ত্রী ত্রাঞ্জিসন (লীদ আই.তি. গ্রুপ)কী মখাদা মালেমগী থাক্তা মশক থোকপা ক্লাইমেত লীদরশিপ কয়া পাংথোক্লি। শেল থুম মন্ত্রালয়, আর.বি.আই. অমসুং সেবিসু সস্তেনেবল ফাইনান্সকী মতাংদা তোঙানবা খোঙথাং কয়া পায়খৎলি।
*****
(Release ID: 1794518)
Visitor Counter : 140