শেল-থুম মন্ত্রালয়
azadi ka amrit mahotsav g20-india-2023

ইকোনোমিক সর্ভে ২০২১-২২গী শম্লপ্পা ৱারোল


ৱর্ল্দ বেঙ্ক, এ.দি.বি. অমসুং আই.এম.এফ. প্রোজেক্সনগী মতুং ইন্না, ভারতনা ইং ২০২১-২৪গী মনুংদা মালেমগী খ্বাইদগী য়াম্না শাহৌ লৌবা শেন্মিৎলোন ওইগনি

ভারতকী শেন্মিৎলোন্না ইং ২০২১-২২দা রীএল তর্মদা ৯.২%গী শাহৌ লৌগনি

লৌউ-শিংউনা মমাংগী চহিগী ৩.৬%কা চাংদম্নবদা ইং ২০২১-২২দা ৩.৯%গী শাহৌ লৌগনি

ইন্দস্ত্রীগী সেক্তরনা ইং ২০২০-২১দা ৭%গী চাংদা হনথখিবগা চাংদম্নবদা ইং ২০২১-২২দা ১১.৮%গা লোয়ননা মশক থোক্না হেনগৎলক্কনি

সর্ভিসেসনা মমাং চহিদা ৮.৪%কী চাংদা হন্থরুরবা তুংদা ইং ২০২১-২২দা ৮.২%গী শাহৌগা লোয়ননা মশক থোক্না হেনগৎলক্কনি

ফোরেন এক্সচেঞ্জ রিজর্বনা থা ৩১গী ইম্পোর্তকা মান্ননা অমসুং লৈবাক্কী এক্সতর্নেল দেৎতগী হেন্দুনা দিসেম্বর ৩১, ২০২১দা য়ূ.এস. দোল্লর বিলিয়ন ৬৩৪দা লৈখি

ইনভেস্তমেন্তকী থৌওংনা ইং ২০২১-২২দা ১৫%গী চাউরবা শাহৌ লৌবগী থাজবা থম্লি

কঞ্জ্যুমর প্রাইস ইন্দেক্স (সি.পি.আই.)গী দিসেম্বর ২০২১গী অপুনবা ইনফ্লেসন অসি খাঙবা য়াবা বেন্দগী মনুংদা লৈরি
এপ্রিল-নবেম্বর ২০২১গী ফিস্কেল দিফিসিৎ অসি বজেৎ ইস্তিমেৎকী ৪৬.২%দা লাকশিন্দুনা থম্লি

সেন্ত্রেল মার্কেৎনা লাইচৎ লৈরবসু নীংথিনা পাংথোকখি; এপ্রিল-নব

Posted On: 31 JAN 2022 3:11PM by PIB Imphal

ভারতনা ভেক্সিন পাক-শন্না কাপ্পা, সপ্লাই সাইদ রিফোর্মদগী কান্নবা ফংলকপা অমসুং কাঙলোন কয়াদা লায়থোকহনখিবা, এক্সপোর্তনা চাউরবা শাহৌ লৌখিবা অমসুং কেপিতেল স্পেন্দিং হেনগৎহন্নবগীদমক্তা ফিস্কেল স্পেস লৈবনা মরম ওইরগা ইং ২০২২-২৩দা চাদা ৮.০-৮.৫গী জি.দি.পি.গী শাহৌ লৌবগী ভিফম উবা ফংগনি।

ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা ইকোনোমিক সর্ভে ২০২১-২২ পুথোকখ্রে অমসুং মসিনা শেন্মিৎলোন হিংগৎহনবদা তেংবাংনবা ঙম্নবা ফাইনেন্সিএল সীস্তেম্না অফবা ফিভমদা লৈদুনা মাংদা লৈরিবা চহিসিদা প্রাইভেত সেক্তর ইনভেস্তমেন্তনা ফগৎলক্নবা শেম শাদুনা লৈরে হায়বা ৱাফম পনখি। ইং ২০২২-২৩গী গ্রোথ প্রোজেক্সন অসি লাক্কদৌরিবা মতমশিংদা লাইচৎকা মরী লৈননা ওইরক্কদবা শেন্মিৎলোন্দা অকায়বা পীবা লৈররোই অমসুং মোন্সুন্না মহৌশাগুম ওইগনি, মরু ওইবা বেঙ্কসিংনা গ্লোবেল লিক্বিদিতী লৌথোকপনা কাঙলোন নাইনা পাংথোক্কনি, থাউগী মমলনা বি.বি.এল. অমদা য়ু.এস. দোল্লর ৭০-৭৫ ওইগনি অমসুং চহিসিগী মনুংদা গ্লোবেল সপ্লাই চেন্দা লৈবা শিংনবশিংনা তপ্না হন্থখ্রগনি হায়বা ফিভমশিং লৈগনি খনবা ৱারোলশিংদা য়ুম্ফম ওইবনি।

সর্ভে অসিনা হায়বদা, মথক্কী প্রোজেক্সন অসি ৱর্ল্দ বেঙ্ক অমসুং এসিয়ন দিভেলপমেন্তকী খ্বাইদগী নৌবা ফোর্কাস্তকা চাংদম্নবা য়াবা প্রোজেক্সন্না ইং ২০২২-২৩গী রীএল জি.দি.পি. গ্রোথনা মথংশিৎনা ৮.৭% অমসুং ৭.৫% ওইগনি তাক্লিবগা চাংদম্নবা য়াই। জনুৱারী ২৫দা থোকখিবা আই.এম.এফ.কী খ্বাইদগী নৌবা ৱর্ল্দ ইকোনোমিক আউতলুক প্রোজেক্সনগী মতুং ইন্না, ভারতকী রীএল জি.দি.পি.না ইং ২০২১-২২ অমসুং ২০২২-২৩দা ৯%গী শাহৌ লৌগনি তাক্লি অমসুং ইং ২০২৩-২০২৪দা ৭.১%গী শাহৌ লৌদুনা ভারতপু চহি ৩ পুম্বগী ওইনা মালেমগী খ্বাইদগী চাউনা শাহৌ লৌরিবা শেন্মিৎলোন অমা ওইহনগনি।

ফর্স্ত এদভান্স ইস্তিমেত্তা য়েংলদুনা, সর্ভে অসিনা ভারতকী শেন্মিৎলোন্না ইং ২০২০-২১দা ৭.৩%গী চাংদা হন্থরুরবা তুংদা ইং ২০২১-২২দা রীএল তর্মদা ৯.২%কী শাহৌ লৌগনি থাজনরি। মসিনা শেন্মিৎলোনগী মপুং ওইবা থৌওংশিংনা লাইচৎকী মমাংদা লৈরম্বা থাক্তদগী হেন্না ফগৎপা ঙম্লে তাক্লি। ইনিদকেতর খুদিংনা ইং ২০২০-২১গী মপুং ফানা লোকদাউন তৌখিবা মতমদগী অনিশুবা ৱেবতা থেংনখিবা শেন্মিৎলোনগী চৈথেংনা হন্থখি, অদুবু হকশেলগী ফিভমদদি য়াম্না শোকহনখি হায়বা ৱাফম তাক্লি।

 

সেক্তরশিংগী ওইনা য়েংলুবদা, সর্ভে অসিনা ইং ২০২১-২২দা লৌউ-শিংউ অমসুং মরী লৈনবা সেক্তরদা লাইচৎ অসিনা থোইদোক্না অকায়বা পীখিদে অমসুং সেক্তর অসিনা মমাংগী চহিদা ৩.৬%কী শাহৌ লৌরবা মতুংদা ২০২১-২২দা ৩.৯%গী চাংদা শহউ লৌগনি হায়না তাক্লি। খরিফ অমসুং রবি লৌরোক্কী মখাদা লৌ উখিবা মফমশিং অমসুং গেহু অমসুং চেঙ পুথোকপগী চাংনা চহিসিদা তপ্না হেনগৎলক্লি। হৌজিক্কী চহিগী ওইনসু, খরিফ কুমগী হৱাই-চেংৱাই পুথোকপগী চাং অসি তোন মিলিয়ন ১৫০.৫ ওইদুনা মমাংদা অমুক্তা য়ৌখিদ্রিবা মশইং য়ৌগনি থাজনরি। মসিদা নত্তনা, সেন্ত্রেল পুলগী মখাদা হৱাই-চেংৱাই লৈবগী থৌওংনা নেস্নেল ফুদ সেক্যুরিতী অমসুং লৌমীশিংগী চাগাদা য়াম্না কান্নবা পীবা মিনিমম সপ্পোর্ত প্রাইসকা লোয়ননা ইং ২০২১-২২দা মসিগী চাউখৎপগী খোংজেল লেপ্তনা চত্থখি। লাইচৎনা অৱাবা কয়া লৈহল্লবসু, লৌরোক থানবা মরু অমসুং হার মতম চানা য়ৌহন্নবা সরকারগী পোলিসীদা অয়েৎপা লৈখিদে। চহি ১০গী চাংচত্তগী হেনবা রিজর্বরগী থাক লৈদুনা মোন্সুনগী নোং নীংথিনা চুখিবনসু ফিভমশিং অসিদা তেংবাংখি।

সর্ভে অসিগী মতুং ইন্না, ইন্দস্ত্রীগী সেক্তরনা ইং ২০২০-২১দা ৭%কী চাংদা হন্থখিবা অদুদগী হৌগৎলক্তুনা হন্দক্কী শেনবা চহিসিদা ১১.৮%কী চাংদা হেনগৎলকখি। মেন্যুফেকচরিং, কনস্ত্রক্সন অমসুং মাইনুগ সব সেক্তরগীসু মান্নবা থৌওং লৈখি অদুবু য়ুতিলিতী সেগমেন্তনা মথৌ থোইদোক্না পাংথোকপা ঙমখিদে অমসুং মৈ অমসুং ঈশিং পীবগী তঙাই ফদবা সর্ভিসশিংনা লৈবাক্কী লোকদাউন মনুংদা ফাওবদা মশাগী চাং ঙাকখি। জি.ভি.এ.দা ওইরিবা হৌজিক্কী ইন্দস্ত্রীগী শরুক অসি ২৮.২% ওইগনি হায়না পানরি।

সর্ভে অসিনা লাইচৎ অসিনা সর্ভিস সেক্তরদা খ্বাইদগী হেন্না চৈথেং পীখি হায়রি, মরু ওইনা শোক্ন-শম্নবগী থৌওং লৈবা মফমশিংদা। সেক্তর অসিনা মমাংগী চহিদা ৮.৪%কী চাংদা হন্থরুরবা তুংদা হন্দক্কী শেনবা চহিদা ৮.২%কী চাংদা হেনগৎকনি থাজনরি। তোঙানবা সব সেক্তরশিংনা থভবক কয়া অমা পাক শন্না পাংথোকখি হায়বসি পনবা য়াই। ফাইনান্স/রীএল ইস্তেত অমসুং পব্লিক এদমিনিস্ত্রেসন্না কোবিদ মমাংদা লৈরম্বা থাক্তগী হেন্না লৈরি। অদুবু, ত্রাভেল, ত্রেদ অমসুং হোতেলগুম্বা কাঙলুপশিংদি হৌজিক নীংথিনা হৌগত্ত্রি। তুরিজমদগী শেল তানবগী চাংনা মশক থোক্না হন্থখ্রবসু সোফৱেয়র অমসুং আই.তি. সেক্তরদদি মশক থোকপা থবক পাংথোকখি।

অপুনবা কমজুম্পসন্না ইং ২০২১-২২দা ৭.০%কী চাংদা শাহৌ লৌখি হায়না পানরি অমসুং সরকারগী কঞ্জুম্পসন্না মমাংগী চহিদা খ্বাইদগী চাউনা শরুক পীখি। সরকারগী কঞ্জুম্পসন্না লাইচৎ মমাংগী থাক হেন্দুনা মশক থোকপা ৭.৬%কী চাংদা শাহৌ লৌগনি থাজনরি। প্রাইভেত কঞ্জুম্পসন্নসু কোবিদ মমাংগী আউতপুতকী থাক্কী শরুক ৯৭% হেনগৎলি হায়না পানরি অমসুং ভেক্সিন কাপ্পগী চাং হেনগৎলকপা অমসুং শেন্মিৎলোনগী থৌওংশিংনা মহৌশা ওইরকপগা লোয়ননা মসিনা হেনগৎলক্কনি হায়না থাজনরি।

সর্ভে অসিগী মতুং ইন্না, গ্রোস ফিক্স কেপিতেল ফোর্মেসন (জি.এফ.সি.এফ.)না চাং ওনবা ইনভেস্তমেন্তনা ইং ২০২১-২২দা ১৫%গী শাহৌ লৌগনি অমসুং লাইচৎ মমাংগী থাক্তা মপুং ওইনা য়ৌবা ঙমগনি হায়রি। কেপেক্স অমসুং ইনফ্রাস্ত্রকচরদা শেল থাদবগী খুত্থাংদা শাহৌ লৈহন্নবা মিৎয়েং চঙবা সরকারগী পোলিসীনা শেন্মিৎলোন্দা কেপিতেল ফোর্মেসন হেনগতহল্লে অমসুং চহি ৭কী মনুংদা খ্বাইদগী য়াম্বা ওইদুনা জি.দি.পি. রেসিওগী ইনভেস্তমেন্তপু ইং ২০২১-২২দা ২৯.৬%কী চাংদা থাংগৎখি। প্রাইভেত ইনভেস্তমেন্ত সেক্তরনা মপুং ফানা হিংগৎপগী থাক্তা লৈত্রগসু, ভারতনা মপাঙ্গল লৈবা ইনভেস্তমেন্ত অমগীদমক্তা শেম শাদুনা লৈরে হায়না ইন্দিকেতর কয়া অমনা তাক্লি। মথৌ নীংথিনা পাংথোকপা অমসুং শেমদোক্লবা বেঙ্কিং সেক্তরনা প্রাইভেত ইনভেস্তমেন্তপু মতিক চানা শৌগৎনবা শেম শাদুনা লৈরি।

মখা তাবা ওইনা, সর্ভে অসিনা, মালেমগী লাইচৎনা অয়েৎপা কয়া লৈহল্লবসু, ভারতকী পেমেন্তকী বেলেন্সনা মমাংগী চহি ২ চুপ্পদা সর্প্লস্তা লৈখি তাক্লি। মসিনা রিজর্ব বেঙ্ক ওফ ইন্দিয়াবু পৈখৎলক্লিবা ফোরেন এক্সচেঞ্জ রিজর্ব, দিসেম্বর ৩১, ২০২১ ফাওবদা য়ু.এস. দোল্লর বিলিয়ন ৬৩৪ ওইখিবা, অসিবু থমজিনবা ঙমহনখি। মসিগী চাং অসিগা থা ১৩.২গী ইম্পোর্তকা মান্নখি অমসুং লৈবাক্কী কেস্তর্নেল দেত্তগী হেনখি।

 

সর্ভেনা ইনফ্লেসন অসি এদভান্স অমসুং অনৌবা ইকনোমী অনিমক্তা মালেমগী ওইবা সমস্যা অমা ওইনা অমুক হন্না উবা ফংখি হায়রি। ইনর্জীগী মমলশিং, নন-ফুদ কম্মোদিতীশিং, ইনপুৎকী মমলশিংদা হেনগৎলকপা, গ্লোবেল সপ্লাই চেনশিংদা অপনবা থোকপা, অমসুং ফ্রৈৎ কোস্তশিংদা ৱাংখৎলকপা অসিনা চহি অসিগী গ্লোবেল ইনফ্লেসনদা হেনগৎহনখি। ভারত্তা, কঞ্জুমর প্রাইস ইন্দেক্স (সি.পি.আই.) ইনফ্লেসন অসি ২০২০-২১গী চপ মান্নবা মতমদা চাদা ৬.৬ ওইরম্বদগী ২০২১-২২ (এপ্রিল-দিসেম্বর)দা চাদা ৫.২দা হন্থরকখি। মসি দিসেম্বর ২০২১দা চাদা ৫.৬ (ৱাই-ও-ৱাই) ওইখি, মসি তার্গেৎ তৌখিবা তোলরেন্স বেন্দগী মনুংদা লৈখি। ২০২১-২২দা রিতেল ইনফ্লেসন্দা  হন্থরকখিবা অসি ফুদ ইনফ্লেসন হন্থরকপনা ওইহনখি। অদুম ওইনমক হোলসেল প্রাইস ইনফ্লেসন (দবল্যু.পি.আই.) অসি দবল-দিজিৎ ওইরি।

শেন্মীৎলোন লোয়ননা হেল্থ রেস্পোন্সতা পীখিবা ফিস্কেল সপ্পোর্তনা ফিস্কেল দেফিসিৎ তাহনখি অমসুং সরকারগী শেন্দোন অসি ২০২০-২১দা হেনগৎহনখি হায়না সর্ভেনা হায়রি। অদুম ওইনমক ২০২১-২২ ফাওবদা সরকারগী রেভেন্যুসিংদা চাউনা রিবাউন্দ লাকখি। এপ্রিল-নবেম্বর ২০২১দা কেন্দ্র সরকারগী রিভেন্যু রিসিৎশিং অসি প্রোভিজনেল একচ্যুএলশিংদগী ২০২১-২২ বজেৎনা এস্তিমেৎশিংদা চাদা ৯.৬কী পান্নবা গ্রোথ অদুগা য়েংনবদা চাদা ৬৭.২ (ৱাই-ও-ৱাই) হেনগৎলকখি। তেক্স খোমগৎপা অসি দাইরেক্ত অমদি ইনদাইরেক্ত তেক্স অনিমক্কী ওইনা বাৱেন্ত ওইখি অমসুং থাগী জি.এস.তি. কলেক্সনশিংগী গ্রোসতা জুলাই ২০২১দগী হৌরগা লুপা করোর লাখ ১ হেনখি।

ভারত সরকারগী সস্তেন্দ রিভেন্যু কলেক্সন অমসুং তার্গেতেদ এক্সপেন্দিচর পোলিসীগী একাউন্তদা মসি হাপখি, এপ্রিল-নবেম্বর ২০২১গী ফিস্কেল দেফিসিৎ অসি বজেৎ এস্তিমেৎশিংদগী (বি.ই.) চাদা ৪৬.২ হন্থখি, হায়রিবা অসি মমাংগী চহি অনিগী চপ মান্নবা মতমগী মনুংদা য়ৌখিবা প্রপোর্সনগী শরুক অহুমগী ময়া ওইখি (এপ্রিল-নবেম্বর ২০২০দা বি.ই.গী ১৩৫.১% অমসুং এপ্রিল-নবেম্বর ২০১৯দা বি.ই.গী ১১৪.৮%)।

ফিনান্সিএল সেক্তর অসি অৱাবা মতমশিংগী মনুংদা মতম চুপ্পদা চৈথেং নক্লিবা মফম অমা ওইদুনা লাকই হায়না সর্ভেনা ফোঙদোকখি। অদুম ওইনমক ভারতকী কেপিতেল মার্কেৎশিংনা নীংথিনা ফগৎলকখি অমসুং ইন্দিয়ন কম্পনীশিংগী রেকোর্দ ওইনা রিস্ক কেপিতেল মোবিলাইজ তৌবা য়াহনখি। সেনসেক্স অমসুং নিফতীনা ওক্তোবর ১৮, ২০২১দা ৬১,৭৬৬ অমসুং ১৮,৪৭৭দা পীক য়ৌখি। এপ্রল-নবেম্বর ২০২১দা আই.পি.ও. ৭৫ ইস্যু তৌবগী থোংদা লুপা করোর ৮৯,০৬৬ হেনগৎহনখি, মসি হৌখিবা দিকেদকী চহি অমা হেক্তদগী খ্বাইদগী ৱাইখি। মসিগী মথক্তা বেঙ্কিং সিস্তেম অসি নীংথিনা কেপিতেলাইজ তৌখি অমসুং এন.পি.এ.শিং অসি স্ত্রকচর ওইনন হন্থরকখি। গ্রোস নন-পর্ফোর্মিং এদভান্সেস (জি.এন.পি.এ.) রেসিও (হায়বদি জি.এন.পি.এ.শিং অসি গ্রোস এদভান্সেসকী পর্সেন্তেজ অমা ওইনা) অমসুং সেদ্যুল্দ কম্মর্সিএল বেঙ্কশিং (এস.সি.বি.শিং)গী নন-পর্ফোর্মিং এদভান্সেস (এন.এন.পি.এ.) রেসিও অসি ২০১৮-১৯দগী হৌনা লেপ্তনা হন্থখি। এস.সি.বি.শিংগী জি.এন.পি.এ. রেসিও অসি ২০২০গী সেপ্তেম্বর লোইরকপদা চাদা ৭.৫ ওইরম্বদগী ২০২১গী সেপ্তেম্বর লোইরকপদা চাদা ৬.৯দা হন্থখি।  

ভারতকী ইকনোমিক রেস্পোন্সকী অতোপ্পা অখন্নবা ফিচর অসি দিমান্দ মেনেজমেন্তদা পুন্না মীপাল তাংবগী মহুৎ সপ্লাই-সাইদ রিফোর্মশিংদা ওইনা মীৎয়েং চংখিবা অসিনা ওইখি হায়না সর্ভেনা হায়খি। মসিগী সপ্লাই-সাইদ রিফোর্মশিং অসিদা সেক্তর কয়ামরুম দিরিগ্যুলেসন তৌবা, প্রোসেসশিং সিম্প্লিফিকেসন তৌবা, ‘রিত্রোস্পেক্তিব তেক্স’ অসিগুম্বা লেগেসী ইস্যুশিং অসি লৌথোকখিবা, প্রাইবেতাইজেসন তৌবা, প্রদক্সন-লিঙ্ক ইন্সেন্তিব অমসুং কয়া অমা য়াওখি। সরকারগী কেপিতেল চাদিং তৌবদা চাউনা হেনগৎলকপা অসি দিমান্দ অমসুং সপ্লাই রেস্পোন্স অনিমক্তা উবা ফংখি মরমদি মসিনা তুংলমচৎকী গ্রোথকীদমক ইনফ্রাস্ত্রকচর কেপাসিতী শেমগৎলি।

ভারতকী সপ্লাই-সাইদ লালোংগী মান্নবা থিম অনি য়াওই: (i) পোস্ত-কোবিদকী মালেমদা থোক্লিবা লোং-তর্ম অনপ্রিদিক্তেবিলিতী অসি লাকহন্নবগীদমক ফ্লেক্সিবিলিতী অমসুং ইনোবেসন হেনগৎহন্নবা রিফোর্মশিং। মসিদা ফেক্তর মার্কেৎ রিফোর্মশিং; স্পেস, দ্রোনশিং, জিওস্পাসিএল মেপ্পিং, ত্রেদ ফাইনান্স ফেক্তরিং অসিগুম্বা সেক্তরশিং দিরিগ্যুলেসন তৌবা; সরকারগী প্রোক্যুর্মেন্ত অমসুং তেলিকম্ম্যুনিকেসন সেক্তরদা তৌবা প্রোসেস রিফোর্মশিং; রিত্রোস্পেক্তিব তেক্সগুম্বা লেগেসী ইস্যুশিং লৌথোকপা; প্রাইবেতাইজেসন অমসুং মোনিতাইজেসন, ফিজিকেল ইনফ্রাস্ত্রকচর শেম্বা, অমসুং কয়া অমা য়াওখি। (ii) রিফোর্মশিং অসিনা ভারতকী শেন্মীৎলোন মপাঙ্গল কনখৎহন্নবা পান্দম থমখি। মসি ক্লাইমেৎ/এনভাইরনমেন্তগা মরী লৈনবা পোলিসীশিংদগী হৌরগা; তোতি ঈশিং, তোলেৎ, তঙাই ফদবা য়ুম, লায়রবগী ইন্সুরেন্স অমসুং কয়া অমগী পব্লিক প্রোভিজনগুম্বা সোসিএল ইনফ্রাস্ত্রকচর; আত্মনির্ভর ভারতকী মখাদা মরু ওইবা ইন্দস্ত্রীশিংদা মতেং পাংবা; ফোরেন ত্রেদ এগ্রীমেন্তশিংদা রেসিপ্রোসিতীদা অকনবা মীৎয়েং থম্বা অমসুং কয়া অমা ফাওবা য়াওখি।

ইকনোমিক সর্ভেগী খোঙচৎ অসিদা মরু ওইবা হীরম অমা খন্নখি মদুদি ‘প্রোসেস রিফোর্মশিং’। মসিদা দিরিগ্যুলেসন অমসুং প্রোসেস রিফোর্মশিংগী মরক্তা খেন্নবা খঙবা মরু ওই। অহানবগী অসিনা অকক্নবা থবক-থৌরম অমদগী সরকারগী থৌদাং হন্থহনবা নত্ত্রগা লৌথোকপনি। মসিগী ওন্নতৈনবদা অকোনবগী অসিনা মথৌ তারবদি সরকারনা ফেসিলিতেতর নত্ত্রগা রিগ্যুলেতর ওইনা থবক-থৌরমশিংগী প্রোসেস লাইথোকহনবা অমসুং কোমথোকহনবগা মরী লৈনৈ।

সর্ভেনা হৌখিবা চহি অনিদা কোবিদ-১৯ লাইচৎনা মরম ওইরগা মালেমগী শেন্মীৎলোন অসি অৱাবা ওইখি হায়খ্রে। লাইনা শন্দোকপগী ৱেব হঞ্জিন-হঞ্জিন থোকপা, সপ্লাই-চেনদা অপনবশিং থোকপা অমসুং হন্দক্তা নৌনা, গ্লোবেল ইনফ্লেসন থোকপনা পোলিসী শেম্বদা অখন্ননা শীংনবা মতমশিং ওইখি। শীংনবশিং অসি মায়োক্নবনা ভারত সরকারনা খুন্নাইগী খ্বাইদগী চৈথেং ফংগদবা শরুকশিং অমসুং বিজিনেস সেক্তরদা পীবা চৈথেং কোকহন্নবা সেফতী-নেৎশিংগী বুকে অমা পুনশিনিবা ‘বারবেল স্ত্রেতেজী’ অমা পাইখৎখি। মসিনা মথংদা মীদিয়ম-তর্ম দিমান্দ অমুক হল্লক্নবা ইনফ্রস্ত্রকচরদা কেপিতেল এক্সপেন্দিচর তৌবদা চাওনা হেনগৎহনবা খুত্থাংদা লোয়ননা তুং কোইনা চৎকদবা লোং-তর্ম এক্সপান্সনগীদমক শেন্মীৎলোন শেম-শানবা সপ্লাই-সাইদকী খোঙথাংশিং কন্না ইমপ্লিমেন্ত তৌখি। মসিগী ফ্লেক্সিবল অমসুং মল্তি-লেয়র এপ্রোচ অসি ফীদবেক-লুপশিং শিজিন্নবা অমসুং রিএল-তাইম দেতা মোনিতর তৌবা “এজাইল” ফ্রেমৱর্ক অমদা শরুক খরা য়ুম্ফম ওইখি।

লাইচৎ শন্দোক্লবা মতুংদগী মোনিতরী পোলিসী অসি গ্রোথতা শাফনবা অমসুং মতেং পীনবা কেলিব্রেৎ তৌখি, অদুবু অহেনবা লিক্বিদিতী মীদিয়ম তর্ম দিসলোকেসনশিং তৌদনবা চেকশিন্নবা কন্ত্রোল তৌখি হায়না সর্ভেনা পুথোকখি। সেফতী-নেৎকী মরু ওইবা হীরম অসি চাউনা য়েংলকপদা শেন্মীৎলোন্দা অমসুং অখন্ননা এম.এস.এম.ই.শিংদা শেলগী মতেং পীনবা সরকারগী গরেন্তীশিং শিজিন্নবা অসিনি। হৌখিবা চহি অনিদা সরকারনা রিএল-তাইম বেসিস অমদা শেন্মীৎলোনগী ওইরিবা ফীভম অসি খঙদোক্নবা পব্লিক অমসুং প্রাইবেৎ সেক্তর অনিমক্তগী ইন্দস্ত্রী, সর্ভিসেস, গওবেল ত্রেন্দশিং, মেক্রো-স্তেবিলিতী ইন্দিকেতরশিং অমসুং অতোপ্পা থবক-থৌরম কয়ামরুম মশক তাক্লিবা হায় ফ্রিক্বেন্সী ইন্দিকেতর (ঐচ.এফ.আই.) মরফুগী এরে আমা সরকারনা শিজিন্নখি। ঐচ.এফ.আই.শিং অসিনা পোলিসী ভারত অমসুং মালেমগী অয়াম্বা মফমদা পোলিসী শেম্বগী কনভেন্সনেল ওইবা পাম্বৈ ওইরিবা ৱাতরফোল ফ্রেমৱর্ক অমগী প্রি-দিফাইন তৌরবা রেস্পোন্সশিংদা য়ুম্ফম ওইবগী মহুৎ শেম্লিবশিংনা মখোয়গী রেস্পোন্স অদু ওইরক্লিবা ফীভমদা ওইনা য়ুম্ফম ওইরগা শেম্বদা মতেং পাংখি।

অরোইবদা, সর্ভে অসি থাজনীংঙাই ওই মরমদি অপুনবা মেক্রো-ইকনোমিক স্তেবিলিতী ইন্দিকেতরশিং অসিনা ইন্দিয়ন ইকনোমী অসি ২০২২-২৩গী শিংনবশিং অসি নীংথিনা মায়োক্নবা ঙমগনি তাক্লি অমসুং মরমশিংগী মনুংদা অমা হায়রগনি ইন্দিয়ন ইকনোমী অসি মাগী তোপ-তোপ্পা রেস্পোন্স স্ত্রেতেজীদা অফবা মফম অমদা লৈরি।

***



(Release ID: 1794114) Visitor Counter : 249