হৌখিবা চহি অনি অসিদা, ভারতকা লোইন-লোইননা মালেমগী মফম খুদিংমক্না লাইচৎ অসিগী তমথিরবা মতৌ অসিগা মায়োক্নখ্রবসু, কেন্দ্র সরকারগী মরু ওইবা মীৎয়েংদি খুনাইগী খ্বাইদগী খুদোংথিনিংঙাই ওইরবা কাংলুপশিংদা অশোই-অঙাম য়াওহন্দনবা হোৎনবা অমসুং লাইচৎ অসিদগী ওইরকপা হকশেলগী ফিভমদা শোকহল্লিবশিং অদুদা মতিক চাবা তৌফম থোকপা মথৌশিং পাংথোকপনি হায়না  ইকোনোমিক সর্ভেনা হায়রি। কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা ২০২১-২২গী ইকোনোমিক সর্ভে অসি পুখৎখি।

ইকোনোমিক সর্ভে অসিনসু পোলিসীগী ‘এজাইল ফ্রেমৱার্ক’ অসিগী মতাংদা পনখি মদুদি “তংদা লৈতাদবা ফিভম অমদা, এজাইল ফ্রেমৱার্ক অসিনা  অতেনবা তাঙ্কক কয়াদা পুরকপা ফলশিং অদুবু য়েংশিল্লদুনা অমসুং হেন্না ফগদবা মওংদা তত্তনা শেমদোক-শেমজিন তৌদুনা থবক পাংথোকই” মরমদি “এজাইল ওইবগী ফ্লেক্সিবিলিতী অসিনা রেসপোন্সিবনেস হেনগৎহল্লি অমসুং অওনবা পুরকপদা মতেং পাংঙি, অদুবু মসিনা তুংদা ওইরক্কদবশিং অদুবুদি প্রেদিক্ত তৌনবা হোৎনদে”। মালেমগী ওইবা কোবিদ-১৯ লাইচৎ অসিগী মায়োক্তা কেন্দ্র সরকারনা পাংথোকখিবা থবকশিং অদু এজাইল, স্ত্রেতেজিক অমসুং প্রি-এম্পতিব ওইখি।

কোবিদ-১৯গী মায়োক্তা ভারতনা হকশেলগী মতাংদা পাইখৎখিবা থবকশিং:

ইকোনোমিক সর্ভেনা হায়রি মদুদি, অনিশুবা মীশিং খ্বাইদগী য়াম্বা  অমসুং অহল ওইরবশিংগী মশিং য়াম্না য়াম্বা লৈবাক, ভারতনা কোবিদ-১৯ রেসপোন্স অমসুং মেনেজমেন্তকীদমক্তা মাইকৈ কয়া থোক্না খোংথাং কয়া অমা লৌখৎখি। মসিদা য়াওরবশিং অদুদি:

1. অথিংবশিং থম্বা/ পার্সিয়েল লোকদাউনশিং
2. হেল্থ ইনফ্রাস্ত্রকচরদা বিল্দিং কেপাসিতী
3. কোবিদ-১৯গা চুনবা লিচৎ-শাজৎশিং, তেস্ত তৌবা , ত্রেস তৌবা , ত্রেঈতমেন্ত তৌবা অমসুং
4. ভেক্সিনেশন দ্রাইব

কন্তেনমেন্ত অমসুং বফর জোনশিংগী মতাংদা শন্দোকপগী চেন অদুবু থদৎনবা পাম্বৈশিং লৌখৎখি; পেরিমিতর কন্ত্রোল; কন্তেক্ত ত্রেসিং; চিংনবা কেসশিং অমসুং খ্বাইদগী হেন্না খুদোংথিনিংঙাই ওইবা কন্তেক্তশিংগী আইসোলেশন অমসুং তেস্তিং তৌবা, অমসুং ক্বারেন্তিন ফেসিলিতীশিং হাংদোকপা। রিয়ল-তাইম দেতা অমসুং খুদমদা য়ুমফম ওইরগা হোংলক্লিবা ফিভম অদুগী মতুং ইন্না প্রিভেন্তিব স্ত্রেতেজীদা অহোংবা পুরকখি। লৈবাক অসিদা লৈরিবা তেস্ত তৌবগী ফেসিলিতীশিং অদু য়াম্না হেনগৎহনখি। সরকারগী সেন্তর পুম্নমক্তা কোবিদ-১৯ তেস্ত লেম্না তৌহনখি। হেন্না য়াংনা স্ক্রীনিং তৌনবগীদমক্তা রেপিদ এন্তিজেন তেস্ত কিতশিং পুথোরকখি। এন.-৯৫ মাস্কশিং, ভেন্তিলেতরশিং, পার্সোনেল প্রোতেক্তিব ইক্যুইপমেন্ত কিতশিং, সেনিতাইজরশিং পুথোকপগী কেপাসিতী অদু মিসন মোদতা হেনগৎহনখি। সর্ভে অসিনসু আইসোলেশন বেদশিং, দেদিকেতেদ ইন্তেন্সিব কিয়র য়ুনিৎ বেদশিং, অমসুং মেদিকেল ওক্সিজেনগী সপ্লাইগীদমক্তা শেমগৎখিবা য়াম্না চাউরবা ইনফ্রস্ত্রকচর অদুগী মতাংদা পনখি। অনিশুবা ওইনা কোবিদ হেনগৎলকখিবগী মনুংদা মেদিকেল ওক্সিজেনগী দিমান্দদা য়াম্না হেনগৎলকপা অদুবু মপুং ফানা পীবা ঙম্নবা, সরকারনা রেলৱেশিং, এবর ফোর্স, নেভী অমসুং ইন্দস্ত্রীবু ‘অমত্তা ওইবা সরকারগী’ এপ্রোচতা থবক তৌহনখি।

কোরোনা ভাইরস অসিগী মায়োক্তা লোআন্থেংনবদা, কোবিদ ভেক্সিন অসিনা পুনশি কন্নবা অমসুং হিংনবগী পাম্বৈশিং লেংদনা থম্নবা লাইচৎ অসিগী মায়োক্তা খ্বাইদগী হেন্না ফবা পাম্বৈ অমা ওইখি।

কোবিদ ভেক্সিনেশন স্ত্রেতেজী:

ইকোনোমিক সর্ভে অসিনা উৎলি মদুদি ভেক্সিনেশন তৌবা হায়বসি হকশেলখক্কীদমক্তা পাংথোকপা থবক নত্তে, মসি ইকোনোমীবু চাউথোহন্নবা, মরু ওইনা কন্তেক্ত-ইন্তেন্সিব সার্বিসশিংগীদমক্তা য়াম্না মরু ওই। মরম অদুনা মসিবু হৌজিক্কী ওইনদি মাক্রো-ইকোনোমিক ইন্দিকেতর অমা ওইনা লৌগদবনি।

“লিবেরেলাইজদ প্রাইসিং এন্দ এসেলেরেতেদ, নেস্নেল কোবিদ-১৯ ভেক্সিনেশন স্ত্রেতেজী”, অসি ২০২১গী মে ১দগী জুনে ২০ ফাওবা চৎনহনখি, হায়বসি সর্ভে অসিনা খঙবা ঙমখি। ২০২২গী জনুৱারী ৩দগী কোবিদ ভেক্সিনগী কোভরেজ অসি চহি ১৫-১৮গী কাংলুপ ফাওবগী ওইনা শাংদোকখি। মখাতানা, ২০২২গী জনুৱারী ১০দগী হেল্থ কিয়র ৱার্করশিং, ফ্রন্তলাইন ৱার্করশিং অমসুং চহি ৬০গী মথক্তা ওইবা কো-মোর্বিদিতীশিং লৈবা মীওইশিংদসু অনিশুবা দোজশিং কাপ্লবা মতুংদা থা ৯ নত্রগা চয়োল ৩৯ মপুং ফারবা মতুংদা কোবিদ-১৯গী প্রিকোশন দোজশিং কাপ্পা য়াহনখি।

ভারতকী নেস্নেল কোবিদ ভেক্সিনেশন প্রোগ্রাম অসি, মালেমগী খ্বাইদগ চাউবা ভেক্সিনেশন প্রোগ্রামশিংগী মনুংদা অমনি, মসিনা লমদম অসিদা কোবিদ ভেক্সিনশিং পুথোকপদা মতেং পাংবদা নত্তনা মালেমগী অনিশুবা মীশিং খ্বাইদগী য়াম্বা লৈবাক অসিগী মীয়ামদা লেম্না ভেক্সিশিং কাপহনখি হায়না ইকোনোমিক সর্ভেদা পল্লি। ২০২১-২২গী কেন্দ্রগী বজেত্তা লৈবাক শিনবা থুংনা ভেক্সিনেশন তৌবগী প্রোগ্রাম অসিগী মখাদা ভেক্সিন লৌণবগীদমক্তা লুপা করোর ৩৫,০০০ কাইথোকখি। ২০২১গী জনুৱারী ১৬তগীনা ২০২২গী জানুৱারী ১৬ ফাওবদা, কোবিদ-১৯গী ভেক্সিন দোজ পুন্না করোর ১৫৬.৭৬ কাপথোকখ্রে, অহানবা দোজ করোর ৯০.৭৫ অমসুং অনিশুবা দিজ করোর ৬৫.৫৮ ওইখি। মসিগী চাং অমসুং খোংজেল অসিদা ভেক্সিনেশন তৌবা অসিনা হিংননবগী পাম্বৈশিং অদু হান্নাগী ফিভমদা য়াম্না য়াংনা হঙ্গৎহনবা ঙমহনখি, হায়না সর্ভে অসিদা তাক্লি।

ভারত অসি কোবিদ ভেক্সিশিং পুথোক্লিবা লৈবাকশিংগী মনুংদা অমনি হায়না সর্ভে অসিনা উৎলি। লৈবাক অসিনা ভারত্তা শাবা কোবিদ ভেক্সিন অনিদগী হৌদোরকখি। ভারতকী আত্মানির্ভর ভারতকী ভিজন অদুগী মনুং চন্না, ভারতকী লমদম অসিগী অহানবা কোবিদ-১৯ ভেক্সিন, ভাইরিয়ন ইনএক্তিভেতেদ কোরোনা ভাইরস ভেক্সিন (কোভেক্সিন) অসি মপুং ওইনা নেস্নেল ইন্সতিত্যুত ওফ ভাইরোলোজী ওফ ইন্দিয়ন কাউন্সেল ওফ মেদিকেল রিসর্চ (আই.সি.এম.আর.)গা খুৎশম্নদুনা ভারত বায়োতেক ইন্তর্নেস্নেল লিমিতেদনা দেবেলপ তৌখি অমসুং মেন্যফেকচর তৌখি। ওক্সফোর্দ-এস্ত্রাজেনিকাগা খুৎশম্নদুনা পুথোকখিবা কোভিশীল্দগী ক্লিনিকেল ত্রাবেলশিং অদু আই.সি.এম.আর.না ফন্দিং তৌখি। কোভিশীল্দ অমসুং কোভেক্সিন অসি ভারত্তা পাকশন্না শিজিন্নখিবা ভেক্সিনশিংনি। থা খুদিংগী কোভিশীল্দগী দোজ চাউরাক্না মিলিয়ন ২৫০-২৭৫ অমসুং কোভেক্সিনগী দোজ চাউরাক্না মিলিয়ন ৫০-৬০ পুথোকখি।

মসিবু তেক্নোলোজীনা মপুং ওইবা ভেক্সিনেশন প্রোগ্রাম অমা ওইহন্দুনা, আরোগ্যা সেতু মোবাইল এপ অসি মীয়ামদা মখোয়না কোবিদ-১৯ ইনফেক্সন তৌরম্বা য়াবগী মতাংদা মশানা য়েংজবা য়ানবা হৌদোকখিবনি। কো-ৱিন ২.০ (ই-ভি.আই.এন.গা লোইননা), তোপ-তোপ্পা দিজিতেল প্লেতফোর্ম, রিয়ল তাইম ভেক্সিনেশন এক্তিবিতীশিং সপোর্ত তৌবা খুদম ওইনা ভেক্সিনগীদমক্তা রেজিস্তর তৌবা, বেনিফিসরী খুদিংমক্কী কোবিদ-১৯ ভেক্সিন স্তেতস ত্রেক তৌবা, ভেক্সিনগী স্তোকশিং, স্তোরেজ, ভেক্সিনেশন তৌবগী প্রোসেস, অমসুং দিজিতেল সার্তিফিকেতশিং জেনরেত তৌবা অসি লোইনা সপোর্ত তৌই হায়না ইকোনোমিক সর্ভেনা পল্লি।

হেল্থ সেক্তরদা তৌখিবা চাদিং:

লাইচৎ অসিনা অনম্বা সোসিয়েল সার্বিসশিং অয়াম্বা শোকহল্লবসু, হেল্থ সেক্তর অসিনা খ্বাইদগী হেন্না শোকখি হায়না ইকোনোমিক সর্ভেনা পনখি। হেল্থ সেক্তরদা তৌখিবা চাদিং অদু চাউরাক্না ৭৩% ময়া নক্না হেনগত্তুনা, ২০১৯-২০ (কোবিদ-১৯গী মমাংদা)লুপা করোর লাখ ২.৭৩ ওইরম্বদগী ২০২১-২২ (বি.ই.)দা লুপা করোর লাখ ৪.৭২দা হেনগৎলকখি।

নেস্নেল হেল্থ মিসনগী মথক্তা, ২০২১-২২গী কেন্দ্রগী বজেত্তা, প্রাইমরী, সেকেন্দরী অমসুং তর্সিয়রী হেল্থ কিয়র সীস্তেমশিং চাউখৎহন্নবা, হৌজিক লৈরিবা নেস্নেল ইন্সতিত্যুশনশিংগী মপাঙ্গল কনখৎহন্নবা, অমসুং অনৌবা অমসুং নৌনা থোরক্লিবা লাইনাশিং খঙদোক্নবা অমসুং লাইয়েংনবা অনৌবা ইন্সতিত্যুশনশিং শেম্নবা মথংগী চহি মঙা অসিদা চাউরাক্না লুপা করোর ৬৪,১৮০ চংগদবা, কেন্দ্রনা শেন্থং কাইথবা অনৌবা স্কীম, আয়ুশমান ভারত হেল্থ ইনফ্রাস্ত্রকচর মিসন অসি লাউথোকখ্রে। মসিগী মথক্তা, ২০২১-২২গী কেন্দ্রগী বজেত্তা কোবিদ-১৯ ভেক্সিনেশনগীদমক্তা লুপা করোর ৩৫,০০০গী শেনফম অমা কাইথনবা হায়খ্রে।

নেস্নেল হেল্থ পোলিসী, ২০১৭না সরকারগী হেল্থতা তৌবা চাদিং অদু ২০২৫ ফাওবদা জি.দি.পি.গী ২.৫%দা হেনগৎনবগী পান্দম থম্লি, হায়না ইকোনোমিক সর্ভেনা অমুক্কসু হন্না পনখি। মসিগী পান্দম অসিগী মতুং ইন্না, হেল্থ সেক্তরদা কেন্দ্র অমসুং রাজ্য সরকারনা তৌখিবা চাদিং অদু  ২০১৯-২০দা ১.৩% ওইরম্বা অদুগী মায়োক্তা ২০২১-২২দা জি.দি.পি.গী ২.১% য়ৌখি হায়না হায়রি।

নেস্নেল ফেমিলী হেল্থ সর্ভে-৫ (এন.এফ.ঐচ.এস.-৫):

খ্বাইদগী নৌবা এন.এফ.ঐচ.এস.-৫কী মতুং ইন্না, সোসিয়েল ইন্দিকেতরশিং খুদম ওইনা তোতেল ফর্তিলিতী রেত (তি.এফ.আর.), সেক্স রেসিও অমসুং হেল্থ আউৎকম ইন্দিকেতরশিং খুদম ওইনা ইনফেন্ত মোর্তেলিতী রেত, অন্দর ফাইব মোর্তেলিতী রেত, ইনস্তিত্যুস্নেল বর্থ রেত অসি ২০১৫-১৬দা য়াম্না ফগৎলকখ্রে হায়না ইকোনোমিক সর্ভেদা হায়খি। সর্ভে অসিগী মতুং ইন্না, মীয়ামদা সার্বিসশিং য়াঔহনবদা নত্তনা, পাম্লিবা আউৎকমশিং অদুসু ফগৎলকখি হায়না এন.এফ.ঐচ.এস.-৫না উৎলি।

অঙাংগী ন্যুত্রিশন ইন্দিকেতরশিংসু ভারত পুম্বগী থাক্তা হেনগৎলকখি। অন্দর ফাইব মোর্তেলিতী রেত (য়ু.৫.এম.আর.) অসি ২০১৫-১৬দা ৪৯.৭ ওইরম্বদগী ২০১৯-২১দা ৪১.৯দা হন্থরকখ্রে। আই.এম.আর. অসি ২০১৫-১৬দা হিংনা পোকপা ১০০০ খুদিংদা ৪০.৭ ওইরম্বদগী ২০১৯-২১দা হিংনা পোকপা ১০০০ খুদিংদা ৩৫.২দা হন্থরকখি।  স্তন্তিং অসি ২০১৫-১৬দা ৩৮% ওইরম্বদগী ২০১৯-২১দা ৩৬%দা হন্থরকখি।  ৱেস্তিং অসি ২০১৫-১৬দা ২১% ওইরম্বদগী ২০১৯-২১দা ১৯%দা হন্থরকখি। অমসুং অন্দরৱেত অসি ২০১৫-১৬দা ৩৬% ওইরম্বদগী ২০১৯-২১দা ৩২%দা হন্থরকখি।

খ্বাইদগী নৌবা এন.এফ.ঐচ.এস.-৫না উৎলি মদুদি তি.এফ.আর., নুপী খুদিংদা লৈগদবা অঙাংগী মশিংগী চাংচৎ, অসি ২০১৫-১৬দা ২.২ ওইরম্বদগী ২০১৯-২১দা ২.০দা হন্থরকখি। লৈবাক অসিদা তি.এফ.আর. অসি ফর্তিলিতীগী রিপ্লেসমেন্ত লেভেল মখাদা (নুপী খুদিংদা অঙাং ২.১) হন্থরকখি হায়না সর্ভে অসিনা তাক্লি।

অপুনবা মীশিংগী সেক্স রেসিও, নুপা ১০০০দা নুপীগী মশিং, অদু ২০১৫-১৬ (এন.এফ.ঐচ.এস.-৪)দা নুপী ৯৯১ ওইরম্বদগী ২০১৯-২০ (এন.এফ.ঐচ.এস.-৫)তা ১০২০দা হনেগৎলকখি। খ্বাইদগী মরু ওইনা, হৌখিবা চহি ৫ অসিদা সেক্স রেসিও অমসুং পোকখিবা অঙাং নুপা ১০০০দা পোকখিবা অঙাং নুপী অদু ২০১৫-১৬দা ৯১৯ ওইরম্বদগী ২০১৯-২১দা ৯২৯দা হেনগৎলকখি।

*****