কেন্দ্রগী বজেৎ ২০২২-২৩ অসি পেপরলেস ফোর্মদা ফেব্রুৱারী ১, ২০২২দা কেন্দ্রগী শেল-থুম অমসুং কোর্পোরেৎ এফিয়র্স মন্ত্রী, শ্রীমতি নির্মলা সিতারামন্না পুথোক্কনি।

কেন্দ্রগী বজেৎ শেম্বগী থৌওংগী অরোইবা তাঙ্কক য়ৌরকপা অসি পালন তৌবা ওইনা, হৌজিক মায়োক্নরিবা লাইচৎকী ফীভম অসি য়েংলগা অমদি হেল্থ সেফতী প্রোতোকোলশিং ঙাকপগী মথৌ তাবনা চহি খুদিংগী পাঙথোকপা হলৱা সেরমনীগী মহুৎ মখোয়গী থবক মফমদা “লোক-ইন” তৌদুনা লাকখিবা মরু ওইবা স্তাফতা অথুম-অহাও পীখি।

বজেৎকী অরোন-অথুপ ঙাক্তুনা থম্নবা, বজেৎ শেম্বদা য়াওবা ওফিসিএলশিং অসি “লোক-ইন” তৌদুনা থমখি। নোর্থ ব্লোক মনুংদা লৈরিবা বজেৎ প্রেস অসিদা কেন্দ্রগী বজেৎকী প্রজেন্তেসন শেম্বগী মতম অদুদা ওফিসিএল পুম্নমক লৈহনখি। পার্লিয়ামেন্তদা কেন্দ্রগী শেল-থুম মন্ত্রীনা বজেৎ অদি পুথোক্লবা মতুংদতা হায়রিবা ওফিসরশিং অমসুং স্তাফ অসিনা মখোয়গী ইমুং-মনুংশিংগা উনবা য়াগনি।

পুৱারী ওইরবা খোঙথাং অমদা ২০২১-২২গী কেন্দ্রগী বজেৎ অসি অহানবা ওইনা পেপরলেস ফোর্মদা পুথোক্কনি। মেম্বর্স ওফ পার্লিয়ামেন্ত (এম.পি.শিং) অমসুং প্রজা মীয়াম্না বজেৎকী চেরোলশিং অসি লাইনা এক্সেস তৌবা য়ান্নবা “য়ুনিয়ন বজেৎ মোবাইল এপ”সু লোঞ্চ তৌখ্রে। কেন্দ্রগী বজেৎ ২০২২-২৩ অসি পার্লিয়ামেন্তদা ফেব্রুৱারী ১, ২০২২দা বজেৎ পুথোকপগী থৌওং মপুং ফানা লোইখ্রবা মতুংদা মোবাইল এপ অসিদা ফংলগনি।

মোবাইল এপ অসিনা সংবিধান্না অয়াবা পীরিবা বজেৎকী ৱারোল, এন্যুএল ফাইনান্সিএল স্তেৎমেন্ত (বজেৎ হায়না খঙনবা), দিমান্দ ফোর গ্রান্তস (দি.জি.), ফাইনান্স বিল অসিনচিংবা য়াওনা কেন্দ্রগী বজেৎকী চেরোল ১৪ অসি মপুং ফানা এক্সেস তৌবা য়াহনগনি। মোবাইল এপ অসি বাইলিঙ্গুএল (ইংলিশ অমসুং হিন্দী) ওই অমসুং এন্দ্রোইদ অমদি আই.ও.এস. প্লেৎফোর্মশিংদা ফংবীগনি।

এপ অসি কেন্দ্রগী বজেৎকী ৱেব পোর্তেলদগী দাউনলোদ তৌবা য়াগনি (www.indiabudget.gov.in)। বজেৎকী ৱারোল অসি কেন্দ্রগী বজেৎকী ৱেব পোর্তেলদগী মীচম মীয়াম্না দাউনলোদ তৌবসু য়াগনি (www.indiabudget.gov.in)।

****