విపత్తు నిర్వహణ రంగంలో భారతదేశంలోని వ్యక్తులు మరియు సంస్థలు అందించిన అమూల్యమైన సహకారం మరియు నిస్వార్థ సేవలను గుర్తించి, గౌరవించేందుకు భారత ప్రభుత్వం సుభాష్ చంద్రబోస్ ఆపద ప్రబంధన్ పురస్కార్ అని పిలువబడే వార్షిక అవార్డును ఏర్పాటు చేసింది. నేతాజీ సుభాష్ చంద్రబోస్ జయంతి అయిన జనవరి 23న ప్రతి సంవత్సరం ఈ అవార్డును ప్రకటిస్తారు. ఈ అవార్డు కింద సంస్థలకు అయితే రూ.51 లక్షలు సర్టిఫికెట్‌, వ్యక్తులకు రూ.5 లక్షలు మరియు సర్టిఫికేట్ అందజేస్తారు.

ఈ సంవత్సరం అవార్డు కోసం, 1 జూలై, 2021 నుండి నామినేషన్లు ఆహ్వానించబడ్డాయి. 2022 సంవత్సరానికి సంబంధించిన అవార్డు పథకం ప్రింట్, ఎలక్ట్రానిక్ మరియు సోషల్ మీడియా ద్వారా విస్తృత ప్రచారం చేయబడింది. అవార్డు పథకానికి ప్రతిస్పందనగా, సంస్థలు మరియు వ్యక్తుల నుండి 243 చెల్లుబాటు అయ్యే నామినేషన్లు స్వీకరించబడ్డాయి.

2022 సంవత్సరానికి, (i) గుజరాత్ ఇన్‌స్టిట్యూట్ ఆఫ్ డిజాస్టర్ మేనేజ్‌మెంట్ (ఇన్‌స్టిట్యూషనల్ కేటగిరీలో) మరియు (ii) ప్రొఫెసర్ వినోద్ శర్మ (వ్యక్తిగత విభాగంలో) విపత్తు నిర్వహణలో అద్భుతమైన పనిచేసినందుకు సుభాష్ చంద్రబోస్ ఆపద ప్రబంధన్ పురస్కారానికి ఎంపికయ్యారు. .

విపత్తు నిర్వహణ రంగంలో 2022 అవార్డు విజేతల అత్యుత్తమ పని సారాంశం క్రింది విధంగా ఉంది:

i. గుజరాత్ ఇన్‌స్టిట్యూట్ ఆఫ్ డిజాస్టర్ మేనేజ్‌మెంట్ (జీఐడీఎం) 2012లో స్థాపించబడింది. గుజరాత్ ఇన్‌స్టిట్యూట్ ఆఫ్ డిజాస్టర్ మేనేజ్‌మెంట్ (జీఐడీఎం) గుజరాత్ విపత్తు ప్రమాద తగ్గింపు (డీఆర్‌ఆర్‌) సామర్థ్యాన్ని పెంచడానికి కృషి చేస్తోంది. వ్యూహాత్మకంగా రూపొందించబడిన సామర్థ్య నిర్మాణ కార్యక్రమాల శ్రేణి ద్వారా మహమ్మారి సమయంలో బహుళ-ప్రమాద ప్రమాద నిర్వహణ మరియు తగ్గింపుకు సంబంధించిన విభిన్న సమస్యలపై జీఐడీఎం 12,000 కంటే ఎక్కువ మంది నిపుణులకు శిక్షణ ఇచ్చింది. వినియోగదారు-స్నేహపూర్వక గుజరాత్ ఫైర్ సేఫ్టీ కంప్లయన్స్ పోర్టల్‌ను అభివృద్ధి చేయడం మరియు ఇంటిగ్రేటెడ్ డిసీజ్ సర్వైలెన్స్ ప్రాజెక్ట్ యొక్క కొవిడ్‌-19 నిఘా ప్రయత్నాలను పూర్తి చేయడానికి మొబైల్ యాప్ టెక్నాలజీ ఆధారిత అధునాతన కోవిడ్-19 సిండ్రోమిక్ సర్వైలెన్స్ (ఏసీఎస్‌వైఎస్‌) సిస్టమ్‌ను అభివృద్ధి చేయడం కొన్ని ఇటీవలి కీలక కార్యక్రమాలలో ఉన్నాయి.

ii. ప్రొఫెసర్ వినోద్ శర్మ, ఇండియన్ ఇన్‌స్టిట్యూట్ ఆఫ్ పబ్లిక్ అడ్మినిస్ట్రేషన్‌లో సీనియర్ ప్రొఫెసర్ మరియు సిక్కిం స్టేట్ డిజాస్టర్ మేనేజ్‌మెంట్ అథారిటీ వైస్-ఛైర్మెన్. ఇప్పుడు నేషనల్ ఇన్‌స్టిట్యూట్ ఆఫ్ డిజాస్టర్ మేనేజ్‌మెంట్ అని పిలువబడే నేషనల్ సెంటర్ ఆఫ్ డిజాస్టర్ మేనేజ్‌మెంట్ వ్యవస్థాపక కో-ఆర్డినేటర్. అతను విపత్తు ప్రమాద తగ్గింపు (డీఆర్‌ఆర్‌)ని జాతీయ ఎజెండాలో ముందంజలో తీసుకురావడానికి అవిశ్రాంతంగా కృషి చేశారు. భారతదేశంలోని డీఆర్ఆర్‌లో అతని మార్గదర్శక పని అతనికి అంతర్జాతీయ గుర్తింపునిచ్చింది. అలాగే ఆయన లాల్ బహదూర్ శాస్త్రి నేషనల్ అకాడమీ ఆఫ్ అడ్మినిస్ట్రేషన్ (ఎల్‌బిఎస్‌ఎన్‌ఏఏ) మరియు అన్ని అడ్మినిస్ట్రేటివ్ ట్రైనింగ్ ఇన్‌స్టిట్యూట్‌లకు (ఏటీఐస్‌) విపత్తు నిర్వహణ కోసం రిసోర్స్ పర్సన్. సిక్కిం స్టేట్ డిజాస్టర్ మేనేజ్‌మెంట్ అథారిటీ వైస్ ఛైర్మన్‌గా ఆయన డీఆర్‌ఆర్‌ని అమలు చేయడంలో సిక్కింను ఒక మోడల్ స్టేట్‌గా మార్చారు. అదే సమయంలో పంచాయతీ స్థాయి సన్నద్ధత ప్రణాళికలను ప్రారంభించారు. వాతావరణ మార్పు మరియు డీఆర్‌ఆర్‌ని అనుసంధానించారు.

నేతాజీ సుభాష్ చంద్రబోస్ 125వ జయంతిని పురస్కరించుకుని ఈరోజు సాయంత్రం జరిగే కార్యక్రమంలో ప్రధాన మంత్రి శ్రీ నరేంద్ర మోదీ 2019, 2020 మరియు 2021 సంవత్సరపు అవార్డు గ్రహీతలతో పాటు వారికి అవార్డును అందజేయనున్నారు.

 

*****