ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜାନୁୟାରୀ ୨୨ତାରିଖ ଦିନ ପ୍ରଧାନମନ୍ତ୍ରୀ ବିଭିନ୍ନ ଜିଲ୍ଲା ମାଜିଷ୍ଟ୍ରେଟଙ୍କ ସହ କରିବେ ମତବିନିମୟ
ଯେପରି ଦେଶର କୌଣସି ଭାଗ ବିକାଶ ପ୍ରକ୍ରିୟାରୁ ବାଦ ନ ପଡେ ତାହାକୁ ସୁନିଶ୍ଚିତ କରିବା ହେଉଛି ବାର୍ତ୍ତାଳାପର ଲକ୍ଷ୍ୟ
ଏହି ମତବିନିମୟ ଜିଲ୍ଲାସ୍ତରରେ ବିଭିନ୍ନ ଯୋଜନାରେ ପୂର୍ଣ୍ଣତା ଆଣିବା ପାଇଁ ମିଶନ ମୋଡରେ କାର୍ଯ୍ୟ ପାଇଁ ଉଦ୍ଦିଷ୍ଟ
Posted On:
21 JAN 2022 6:49PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ୨୨.୦୧.୨୦୨୨ଦିନ ପୂର୍ବାହ୍ନ ୧୧ଟାବେଳେ ବିଭିନ୍ନ ଜିଲ୍ଳାର ଜିଲ୍ଲା ମାଜିଷ୍ଟ୍ରେଟଙ୍କ ସହ ଭିଡିଓ କନ୍ଫରେନ୍ସିଂ ଜରିଆରେ ମତ ବିନିମୟ କରିବେ ।
ପ୍ରଧାନମନ୍ତ୍ରୀ ଜିଲ୍ଲାର କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନାର ଅଗ୍ରଗତି ସମ୍ପର୍କରେ ସେମାନଙ୍କଠାରୁ ସିଧାସଳଖ ତଥ୍ୟ ସଂଗ୍ରହ କରିବେ । ଏହି ମତବିନିମୟ ଦ୍ୱାରା ବିଭିନ୍ନ କାର୍ଯ୍ୟକ୍ରମ ତ୍ୱରାନ୍ୱିତ କରିବାରେ ଆସୁଥିବା ସୁବିଧା ଅସୁବିଧା ସମ୍ପର୍କରେ ମଧ୍ୟ ଅବଗତ ହେବେ ।
ଜିଲ୍ଲାରେ ବିଭିନ୍ନ ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ଯୋଜନାର ପରିପୂର୍ଣ୍ଣତା ହାସଲ କରିବା ତଥା ଏହାର ଅଂଶୀଦାରମାନଙ୍କ ସହ ଆଲୋଚନା କରିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ଦେଶବ୍ୟାପୀ ଅଭିବୃଦ୍ଧି କ୍ଷେତ୍ରରେ ବୈଷମ୍ୟ ଦୂର କରିବା ନେଇ ନିରବଚ୍ଛିନ୍ନ ପ୍ରୟାସ କରିଆସୁଛନ୍ତି । ସାମଗ୍ରୀକ ଅଭିବୃଦ୍ଧି ଓ ସମସ୍ତ ନାଗରିକଙ୍କ ଜୀବନମାନରେ ଉନ୍ନତି ଆଣିବା ପାଇଁ ସରକାରଙ୍କ ଅଙ୍ଗୀକାରବଦ୍ଧତାର ଅଂଶସ୍ୱରୂପ ଏପରି କାର୍ଯ୍ୟକ୍ରମର ଆୟୋଜନ କରାଯାଇଛି ।
*****
SM
(Release ID: 1791665)
Visitor Counter : 173
Read this release in:
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam