প্রধান মন্ত্রী শ্রী নরেন্দ্র মোদী অমদি মোরিসসকী প্রধান মন্ত্রী শ্রী প্রবিন্দ কুমার জগন্নাথনা ঙসি খুৎশম্নদুনা মোরিসসতা সোসিএল হাউজিং য়ুনিৎস প্রোজেক্ত হৌদোকখ্রে৷ ভারত অমদি মোরিসসকী মরক্তা লৈরিবা অফবা দিবলপমেন্ত পার্তনরশিপ অসিগী শরুক ওইনা প্রোজেক্ত অসি চৎনখিবনি৷ থৌরম অসিদা, প্রধান মন্ত্রী অনিনা ভারতকী দিবলপমেন্ত সপোর্তকী শরুক ওইনা অতোপ্পা প্রোজেক্ত অনি স্তেত-ওফ-দি-আর্ত সিবিল সর্ভিস কোলেজ অমদি এম.দবল্যু.৮ সোলর পি.ভি. ফার্ম উরেপ-উয়ুং তম্বগী থৌরমদা ভর্চুএল্লী ওইনা শরুক য়াখি৷ থৌরম অসি ভিদিও কনফরেন্সিংগী খুৎথাংদা পাংথোকখিবনি৷ মোরিসসতা পাংথোকখিবা থৌরম অসি মোরিসস সরকারগী কেবিনেৎ মন্ত্রীশিং অমদি সেনিয়র ওফিসিয়েলশিংগা লোইননা মাউরিসিয়ন পি.এম.ও.গী পর্মিজেসতা পাংথোকখিবনি৷

থৌরম অসিদা ৱা ঙাংলদুনা, লৈবাক অসিগী কেপাসিতীশিং সপোর্ত তৌবা অমদি প্রজাগী য়াইফনবা হোৎনবগা লোইননা সোবরিন্তীবু ইকাই খুম্নবা অমদি ঐখোয়গী মরুপশিংগী তঙাই ফদবশিং অমদি প্রাইয়োরিতীশিংনা তাকখিবা ভারতকী দিবলপমেন্ত এসিস্তেন্সপু শক্তি লৈহল্লিবা মংলান অদু প্রধান মন্ত্রী মোদীনা পনখি৷ লৈবাক অসি শেমগৎপদা সিবিল সর্ভিস কোলেজ প্রোজেক্তকী তঙাই ফদবা অদু প্রধান মন্ত্রীনা মশক খঙখি অমদি মিসন কর্মায়োগি পুন্না তম্মিন্ননবা হায়খি৷ প্রধান মন্ত্রীনা ২০১৮গী ওক্তোবরদা ইন্তরনেস্নেল সোলর এলাইন্স(আই.এস.এ.)গী অহানবা এসেমব্লীদা হৌদোকখিবা ৱান সন ৱান ৱার্ল্দ ৱান গ্রিদ(ও.এস.ও.দবল্যু.ও.জি.) ইনিসিয়েতিব অদু মহাক্না নিংশিংখি অমদি কার্বোন তন ১৩,০০০ থাদোকপদগী মোরিসসনা থেংনরিবা ক্লাইমেত চেলেঞ্জশিং অসি হন্থহনবদা এম.দবল্যু. সোলর ফার্ম প্রোজেক্ত ৮না মতেং পাংগনি৷

মহাক্কী ৱারোলদা, প্রধান মন্ত্রী জগন্নাথনা মোরিসসতা পীরিবা শেল-থুমগী মতেং য়াওনা মখল কয়াগী মতেং পীবগীদমক ভারতপু থাগৎপা ফোংদোকখি৷ প্রধান মন্ত্রী মোদীগী লুচিং মখাদা ভারত অমদি মোরিসসকী মরক্তা লৈরিবা মরীশিং অসি অনৌবা থাকশিংদা য়ৌবা ঙমখ্রে হায়না মহাক্না ফোংদোকখি৷

মোরিসস সরকারনা খন্দোকখ্রবা প্রাইয়োরিতী প্রোজেক্ত মঙা পাংথোক্নবা স্পিসিয়েল ইকোনোমিক পেকেজ(এস.ই.পি.) ওইনা ভারত সরকারনা ২০১৬গী মেদা মোরিসস সরকারদা য়ু.এস. $ মিলিয়ন ৩৫৩গী গ্রান্ত অমা পীখ্রে৷ হায়রিবশিং অদুদি: দি মেত্রো এক্সপ্রেস প্রোজেক্ত, সুপ্রিম কোর্ত শেম্বা, অনৌবা ই.এন.তি. হোস্পিতাল,  প্রাইমরী স্কুল অঙাংশিংদা দিজিতেল তেব্লেতশিং সপ্লাই তৌবা, অমদি সোসিএল হাউজিং প্রোজেক্ত অসিনি৷ ঙসি সোসিএল হাউজিং প্রোজেক্ত হৌদোক্তুনা, এস.ই.পি.গী মখাদা লৈরিবা হাই প্রোফাইল প্রোজেক্ত পুম্নমক চৎনখ্রে৷

মোরিসসকী প্রধান মন্ত্রী প্রবিন্দ জগন্নাথনা ভারত্তা লাক্তুনা ২০১৭তা শহি পীনখিবা অমগী মখাদা য়ু.এস. $ মিলিয়ন ৪.৭৪গী গ্রান্ত সপোর্ত অমা পীদুনা রিদুল্তদা লৈরিবা সিবিল সর্ভিস কোলেজ প্রোজেক্ত অসিদা শেল থাদরি৷ শেম-শাবা লোইরবা মতুংদা, মসিনা মোরিসসকী সিবিল সর্বেন্তশিংনা তোঙান তোঙানবা ত্রেনিং অমদি স্কিল দিবলপমেন্ত প্রোগ্রাম পাংথোকপদা মপুং-ফাবা অমদি ফঙ্কসনেল ওইবা ফেসিলিতী ফংহল্লগনি৷ মসিনা মখাতানা ভারতকা লৈনরিবা ইন্সতিত্যুস্নেল লিঙ্কেজশিং হেন্না মপাঙ্গল লৈহল্লগনি৷

এম.দবল্যু. সোলর পি.ভি. ফার্ম প্রোজেক্ত অসিদা চহি খুদিংগী কার্বোন দাইওক্সাইদ থাদোকপগী চাং তন ১৩,০০০ হন্থহন্দুনা মাউরিসিয়ন য়ুমথোং চাওরাক্না ১০,০০০ মৈ ফংহন্নবা, গ্রীন ইনর্জী চাওরাক্না জি.দবল্যু.ঐচ. ১৪ পুথোক্নবা পি.ভি. সেল্স ২৫,০০০ ইন্সতোল তৌবা য়াওরি, মসিনা মোরিসসনা ক্লাইমেত চেঞ্জকী ইফেক্তশিং অসি হন্থহনবদা মতেং পাংগনি৷

ঙসিগী থৌরম অসিদা মরু ওইবা বাইলেতরেল এগ্রীমেন্ত অনি এক্সচেঞ্জ তৌনবা য়াওরি: মেত্রো এক্সপ্রেস অমদি অতোপ্পা ইনফ্রাস্ত্রকচর প্রোজেক্তশিং অমদি অপিকপা দিবলপমেন্ত প্রোজেক্তশিং চৎনহন্নবগী য়ানা-ৱারোল অসিগীদমক ভারত সরকারনা মোরিসস সরকারদা লাইন ওফ ক্রেদিৎ ওইনা য়ু.এস.দি. মিলিয়ন ১৯০ পীনবগী এগ্রীমেন্ত য়াওরি৷

কোবিদ-১৯না চেলেঞ্জ কয়া অমা থেংনহল্লবসু, ইন্দিয়া-মাউরিসিয়র্স দিবলপমেন্ত পার্তনরশিপ প্রোজেক্তশিং অসি খোঙজেল য়াংনা পাইখৎখ্রে৷ ২০১৯দা, প্রধান মন্ত্রী মোদী অমদি প্রধান মন্ত্রী জগন্নাথনা খুৎশম্নদুনা ভর্চুএল ওইবা মোদতা মোরিসসতা মেত্রো এক্সপ্রেস প্রোজেক্ত অমদি অনৌবা ই.এন.তি. হোস্পিতাল শঙ্গাখ্রে৷ মতৌ অসিগুম্না, ২০২০ জুলাইদা, মোরিসসকী অনৌবা সুপ্রিম কোর্ত বিল্দিংসু প্রধান মন্ত্রী অনিনা ভর্চুএল্লী ওইনা শঙ্গাখ্রে৷

ঐখোয়গী কম্মন ওইবা পুৱারি, এঞ্চেস্ত্রী, কল্চর অমদি লোনদা ভারত অমদি মোরিসসনা অচেৎপা মরী লৈনরি৷ মসি ইন্দিয়ন ওসিন রিজনদা ভারতকীদমক মোরিসসনা মরু ওইবা দিবলপমেন্ত পার্তনর অমা ওইদুনা লৈবাক অনিগী মরক্তা লৈরিবা প্রিবিলেজ দিবলপমেন্ত পার্তনরশিপ অসিদা মমি তারি৷ সবকা সাথ, সবকা বিকাস, সবকা বিস্বাস, সবকা প্রয়াসকী স্পিরিতকা মরী লৈননা ঙসিগী থৌরম অসিনা মাই-পাকপা অমদি মতম কুইনদগী পার্তনরশিপ শেমদুনা লাক্লিবা অসিদা অতোপ্পা মাইলস্তোন অমা মার্ক তৌরি৷

******