ৱুমেন অমদি চাইল্দ দিবেলপমেন্ত মন্ত্রালয়না নারি শক্তি পুরস্কর-২০২১গীদমক নোমিনেসনশিং কৌখ্রে৷ এপ্লিকেসনশিং/নোমিনেসনশিং অদু ওনলাইন মোদ খক্তদা লৌশিনগনি অমদি www.awards.gov.in পোর্তেলদা মেনশিনবা য়াগনি৷ ২০২২গী জানুৱারি ৩১ ফাওবদা লাকখিবা এপ্লিকেসনশিং/নোমিনেসনশিং অদু ২০২১ চহিগী নারি শক্তি পুরস্করগীদমক খন্নগনি৷

এৱার্দশিং অসিনা নুপীশিংগী শেন্মীৎলোন অমদি সোসিএল এমপৱার্মেন্তগী ফিল্দশিংদা থোইদোক-হেন্দোক্নবা থবক তৌরিবা অদুবু মশক খঙবা উৎলি৷ নারি শক্তি পুরস্কর-২০২১ অসি মালেমগী নুপীগী নুমিৎ, ২০২২গী মার্চ ৮গী থৌরমদা ৱুমেন অমদি চাইল্দ দিবেলপমেন্ত মন্ত্রালয়না খুৎশিন্নগনি৷

নারি শক্তি পুরস্করগী ইলিজিবিলিতী ক্রাইতরিয়া অমদি অতোপ্পা অকুপ্পা মরোলশিং অদুগা মরী লৈনবা গাইদলাইনশিং অদু https://wcd.nic.in/acts/guidelines-nari-shakti-puraskar-2021-onwardsদা ফংগনি৷

মীওই খরনা নত্রগা ইন্সতিত্যুসনশিংনা নুপীশিং মরু ওইনা ফিভম শোকপা য়ানা লৈরিবা অমদি মার্জিনেলাইজ নুপীশিংবু শক্তি পীনবা হোৎনবদা মখোয়না কৎথোকখিবা অদুবু মশক খঙবিনবা ৱুমেন অমদি চাইল্দ দিবেলপমেন্ত মন্ত্রালয়না নারি শক্তি পুরস্কর অসি চহি খুদিংগী ওইনা মীওইশিং অসিদা অমদি ইন্সতিত্যুসনশিংদা খুৎশিন্নরি৷ এৱার্দ অসিদা সর্তিফিকেৎ অমা অমদি শেল ওইনা মীওই অমমমদা নুপী লাখ অনিগী মনা পীরি৷

এৱার্দশিং অসি মীওই পুম্নমক্তা অমদি ইন্সতিত্যুসনশিংগীদমক থোং হাংলি৷ এৱার্দশিংগী খ্বাইদগী য়াম্বা মশিং(মীওইশিং অমদি ইন্সতিত্যুসনশিং য়াওনা) অসি ১৫ ওইবা য়াই৷ অদুম ওইনমক, হায়রিবা মেক্সিমম নম্বর অসিদা রিলেক্সেসন থম্লকপা হায়বসি ৱুমেন অমদি চাইল্দ দিবেলপমেন্তগী মন্ত্রীনা থৌবুরেল ওইদুনা ফমখিবা সেলেক্সন কম্মিতীনা অয়াবা পীরকপা য়াই৷

এৱার্দশিং অসিগীদমক সেল্ফ-নোমিনেসনশিং অমদি রিকম্মেন্দেসনশিং তৌবসু য়াই৷ সেলেক্সন কম্মিতীনসু জস্তিফিকেসন নিংথিনা তৌদুনা এৱার্দ অসিগীদমক ইন্দিবিজ্যুএল/ইন্সতিত্যুসন অমা রিকম্মেন্দ তৌবা য়াই৷

ৱুমেন অমদি চাইল্দ দিবেলপমেন্ত মন্ত্রালয়গী জোইন্ত সেক্রেতরী লেবেল ওফিসর অমনা লমজিংখিবা স্ক্রিনিং কম্মিতী অমনা এৱার্দশিং অসিগীদমক এপ্লাই/রিকম্মেন্দ তৌরকখিবা ইন্সতিত্যুসনশিং অমদি ইন্দিবিজ্যুএলশিংগী এচিবমেন্তশিং অদু য়েংলগা এৱার্দশিং অসিগীদমক ফংখিবা নোমিনেসনশিং অদু স্ক্রুতিনাইজ তৌগনি অমদি সোর্তলিস্ত থোক্কগনি৷ স্ক্রিনিং কম্মিতীগী রিকম্মেন্দেসনশিংগী মতুং ইন্না এৱার্দীশিংগী অরোইবা সেলেক্সন অদু ৱুমেন অমদি চাইল্দ দিবেলপমেন্তগী কেন্দ্রগী মন্ত্রীনা থৌবুরেল ওইখিবা সেলেক্সন কম্মিতীনা খনগনি৷

******