থবক শুবা, মীয়ামগী ৱাকৎ অমসুং পেন্সন মন্ত্রালয়
কেন্দ্রগী মন্ত্রী দাঃ জিতেন্দ্র সিংহনা হায়রি, কোবিদ কেস হেনগৎলকপনা মরম ওইরদুনা মীরোলবী নুপী এমপ্লোয়ীজ অমসুং দিব্যাং এমপ্লোয়ীজশিংনা ওফিস কাবদা কোমথোক্লগনি
Posted On:
09 JAN 2022 2:46PM by PIB Imphal
লায়চৎ অসিগী অহুমশুবা ৱেবনা লাকপদা পর্সোনেল অমসুং ত্রেনিংগী দিপার্তমেন্ত (দি.ও.পি.তি.)না ইসু তৌখিবা গাইদলাইন্দগী মরমদা পল্লদুনা, সাইন্স অমসুং তেক্নোলোজী; আর্থ সাইন্সেসকী রাজ্য মন্ত্রী (ইন্দিপেন্দেন্ত চার্জ); এম.ও.এস., পি.এম.ও.; পর্সোন্নেল, পব্লিক গ্রাইভেন্সস, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ), দাঃ জিতেন্দ্র সিংহনা ঙসি হায়খি মদুদি মীরোলবী নুপী এমপ্লোয়ীজ অমসুং দিব্যাং এমপ্লোয়ীজশিংনা ওফিস কাবদা কোমথোক্লগনি। অদুম ওইনমক, মখোয়না শেম শাদুনা লৈবা অমা মথৌ তাই অমসুং য়ুমদগী থবক তৌগদবনি।
কন্তেনমেন্ত জোন্দা লৈরিবা ওফিসিএল অমসুং স্তাফশিং পুম্বা কন্তেনমেন্ত জোনগী মতম লৌথোক্ত্রিবা ফাওবা ওফিস কাবগীদমক কোমথোক্লগনি হায়না মহাক্না মখা তাখি।
![](https://static.pib.gov.in/WriteReadData/userfiles/image/image001JY4U.jpg)
মন্ত্রীনা মখা তানা খঙহল্লি মদুদি সেক্রেতরী মখাগী থাক্তা লৈবা সরকারগী কর্মচারীশিংনা অপুনবা মশিংগী ৫০% ওফিস কাগদবনি অমসুং লৈহৌবা ৫০% অমনা য়ুমদগী থবক শুগদবনি। মরী লৈনবা দিপার্তমেন্তশিংনা মতম-মতমগী মতুং ইন্না রোস্তর শেমগনি, হায়না মহাক্না মখা তাখি।
মন্ত্রীনা হায়খি, অদুম ওইনমক, ওফিস কাদবা অমসুং য়ুমদগী থবক শুরিবা ওফিসিএল/স্তাফশিংনা তেলেফোন অমসুং অতৈ অতোপ্পা পাউ ফাওনবা য়াবা ইলেক্ত্রোনিক্সকী পাম্বৈশিংগা লোয়ননা মতম পুম্বদা লৈগদবনি।
ভাইরস ইনফেক্সন য়াম্না থুনা শন্দোরকপা অসি য়েংলগা, দাঃ জিতেন্দ্র সিংহনা হায়খি মদুদি পাউতাক্কা লোয়ননা দি.ও.পি.তি. ও.এম. অমা ইসু তৌখ্রে মদুদি ওফিসিএলগী মিতিংশিং য়ারিবমখৈ ভিদিও কনফরেন্সিংগী খুত্থাংদা পাংথোক্কনি। অসুম্না, তঙাইফদবা খক্তা নত্তনা মীতোপকা উনবসু থিংলগনি, হায়না মহাক্না হায়খি।
ওফিসকী অকোইবদা মী য়াম্না চিনবা থিংনবা লৌখৎপা ওইনা, মন্ত্রীনা হায়খি, ওফিসিএল/স্তাফশিংনা অকক্নবা মতম হায়বদি এ) অয়ুক্কী পুং ৯দগী নুংথিলগী পুং ৫.৩০ ফাওবা অমসুং বি) অয়ুক্কী পুং ১০দগী নুংথিলগী পুং ৬.৩০ ফাওবা ইন্দুনা চৎকদবনি।
চৈরক অসিদা, দি.ও.পি.তি.না ওফিসর/স্তাফশিংবু কোবিদকী-চৎন কাংলোন হায়বদি মতম পুম্বদা তোইনা খুৎ-শা হাম্বা/সেনিতাইজেসন, ফেস মাস্ক/মাইখুম উপ্পা অমসুং অমগা-অমগা থাপ্না লৈনবা অসি য়াম্না চেকশিন্না ইন্ননবা পাউতাক পীরি।
থবক মফম, মরু ওইনা তোইনা খুৎনা শোকপা মফমশিং নিংথিনা তৈথোক-চামথোকপসু শোইদনা তৌগদবনি।
দাঃ জিতেন্দ্র সিংহনা হায়খি মদুদি দি.ও.পি.তি. ও.এম.না ইসু তৌরিবা গাইদলাইন্দশিং অসি ২০২২গী জানুৱারীগী ৩১ফাওবা শোইদনা থমগনি। মরক অসিদা, মতম-মতমগী ওইনা চাং নাইনা য়েংশিনগনি অমসুং ফিভম মতুং ইন্না গাইদলাইন্দশিং অসি রিভাইস তৌবা য়াই।
*****
(Release ID: 1788786)
Visitor Counter : 154