লৈবাক শিনথুংনা কোবিদ হেনগৎলকপা অসিদা দিপার্তমেন্ত ফোর প্রোমোশন ওফ ইন্দস্ত্রী এন্দ ইনতর্নেল ত্রেদ (দি.পি.আই.আই.তি.)না কোবিদ কেসশিং শন্দোরকপা থিংনবা রাজ্য সরকারশিং /য়ু.তি.শিংনা লৌখৎলিবা খোংথাংশিং অসিগীদমক্তা মখোয়বু মশক খঙবীখি। মরম অদুনা চেকশিন থৌরাং লৌখৎপা ওইনা অমসুং ঐখোয়গী বিজনেস ইকোসীস্তেমবু সপোর্ত তৌনবগীদমক্তা, দি.পি.আই.আই.তি.না রাজ্যশিং/য়ু.তি.শিংনা অথিংবা (করিগুম্বা অমহেক্তা) থম্বনা মরম ওইরগা পোৎচৈশিং অমসুং তঙাইফদনা চংবা পোৎলমশিং ত্রান্সপোর্তেশন তৌবদা অমসুং দেলিভর তৌবদা মখোয়গী স্তেতস অমসুং থোরকপা ইসুশিং (করিগুম্বা অমহেক্তা) অদু মোনিতর তৌগনি।

পোৎচৈশিং ত্রান্সপোর্তেশন তৌবদা অমসুং দিস্ত্রিব্যুশন তৌবদা নত্রগা রিসোর্সশিং মোবিলাইজ তৌবদা মেন্যফেকচরিং, ত্রান্সপোর্তেশন, দিস্ত্রিব্যশন, হোলসেল নত্রগা ই-কমর্স কমপনীশিংনা অৱাবা মায়োক্নবা তারবদি, হায়রিবশিং অদু পীরিবা দিপার্তমেন্ত অসিদা মখাগী তেলিফোন নম্বর/ইমেলদা খঙহনবা য়াগনি:-

তেলিফোন: +৯১ ১১ ২৩০৬৩৫৫৪, ২৩০৬০৬২৫

ইমেল: dpiit-controlroom[at]gov[dot]in

মথক্তা পিরিবা তেলিফোন নম্বর অসি অয়ুক্কী পুং ৯দগী নুমিদাংগী পুং ৯ ফাওবা তৌবা য়াগনি, মসি ০৫.০১.২০২২দগী মথৌ তৌরগনি। মসিগী কন্ত্রোল রুমঅসিগী খুত্থাংদা স্তেকহোল্দরশিংনা খঙহল্লকপা ৱাফমশিং অদু মরী লৈনবা রাজ্য/য়ু.তি. সরকারশিংদা খঙহল্লগনি। মরম অদুনা স্তেকহোল্দরশিংদা মথক্তা পনখ্রিবা সার্বিসশিংদা অকাইবা লৈরবদি কন্ত্রোল রুমদা খঙহল্লক্নবা হায়জরি।

দিপার্তমেন্ত ওফ কমর্স অমসুং দাইরেক্তোরেত জেনরেল ওফ ফোরেন ত্রেদ (দি.জি.এফ.তি.)নসু কোবিদ-১৯ কেসশিং হেনগৎলকপা অসিনা মরম ওইরগা এক্সপোর্ত অমসুং ইমপোর্তশিং অমসুং ত্রেদ স্তেকওল্দরশিংনামায়োক্নরিবা অৱাবশিং অদু মোনিতর তৌনবা থবক পাইখৎখ্রে। দি.জি.এফ.তি.না ইন্তর্নেস্নেল ত্রেদকা মরী লৈননা থোরকপা ইসুশিংগী মতাংদা সপোর্ত তৌনবা অমসুং মায়োক্নরিবা অৱাবশিং অদুবু কোকহন্নবা ‘কোবিদ-১৯ হেল্প দেস্ক’ অমা মথৌ তৌবা হৌহনখ্রে।

‘কোবিদ-১৯ হেল্প দেস্ক’ অসিনা দিপার্তমেন্ত ওফ কমর্স/দি.জি.এফ.তি., ইমপোর্ত অমসুং এক্সপোর্ত লাইসেন্সিংগা মরী লৈনবা ইসুশিং, কস্তম ক্লিয়রেন্স তৌবদা থেংথবশিং অমসুং মসিগী মতুং ইন্না থোরকপা চয়েৎনবশিং, ইমপোর্ত/এক্সপোর্ত দোক্যমেন্তেশনগা মরী লৈনবা ইসুশিং, বেঙ্কিংগী ওইবা ৱাফমশিং অসিনচিংবা কয়া অমগা মরী লৈনবা ইসুশিংদা য়েংশিনগনি। হেল্প দেস্ক অসিনা কেন্দ্র সরকার অমসুং রাজ্য সরকারশিংগী অতোপ্পা মিনিস্ত্রীশিং/দিপার্তমেন্তশিং/এজেন্সীশিংগী ত্রেদকা মরী লৈনবা ইসুশিং অদু খোমজিনগনি অমসুং পুল্লপ পুনশিনগনি অমসুং মখোয়গী মতেং লৌনবগীদমক্তা কো-ওর্দিনেত তৌগনি অমসুং মতিক চাবা রিজোল্যুশন অমা পুরক্কনি।

এক্সপোর্ত-ইমপোর্ত কম্যুনিতীনা দি.জি.এফ.তি. ৱেবসাইত্তা ইনফোর্মেশন সবমিত তৌবা য়াগনি অমসুং মতেংগী মথৌ তাবা মখোয়গী ইসুশিং অদুগা মরী লৈনবা ইনফোর্মেশনশিং অদু মখাগী স্তেপশিং অসি শিজিন্নদুনা সবমিত তৌবা য়াগনি --

i. দি.জি.এফ.তি.দা ৱেবসাইত (https://dgft.gov.in )দা চংদুনা -- > সার্বিসেস -- > দি.জি.এফ.তি. হেল্পদেস্ক সার্বিস

ii. ‘ক্রিয়েত ন্যু রিক্ৱেস্ত’ অমসুং কেতেগোরী অদু ‘কোবি-১৯’ হায়না সেলেক্ত তৌ

iii. চুনবা সব-কেতেগোরী সেলেক্ত তৌ, অতোপ্পা মথৌ তাবা দিতেলশিং অদু এন্তর তৌ অমসুং সবমিত তৌ।

মসিগী নত্রগনা ইসুশিং অদু ইমেল আই.দি.: dgftedi[at]nic[dot]in দা সবজেক্ত হেদরদা: কোবিদ-১৯ হেল্পদেস্ক হায়না থমদুনা থাবীয়ু, নত্রগা তোল-ফ্রী নম্বর ১৮০০-১১১-৫৫০দা কোল তৌবীয়ু।

রিজোল্যুশনশিং অমসুং ফীদবেককী স্তেতস অদু দি.জি.এফ.তি. হেল্পদেস্ক সার্বিসশিংগী মখাদা স্তেতস ত্রেকর শিজিন্নদুনা ত্রেক তৌবা য়াগনি। ইমেল অমসুং এস.এম.এস. অদু তিকেতশিং অসিগী স্তেতস অদুনা অপদেৎ তৌরবা মতমদা অপদেৎ তৌরগা ওইনা থারক্লগনি। ত্রেদ কম্যুনিতীদা মসিদা পীরিবা ফেসিলিতীশিং অসি চুনগদবা মওংদা শিজিন্ননবা হায়জরি।

*****