‘ਸਪੋਰਟਸ ਅਥਾਰਟੀ ਆੱਵ੍ ਇੰਡੀਆ’ ਨੇ ਕੋਵਿਡ ਦੇ ਮਾਮਲਿਆਂ ’ਚ ਤੇਜ਼ੀ ਨਾਲ ਹੋ ਰਹੇ ਵਾਧੇ, ਜ਼ਿਆਦਾਤਰ ਓਮੀਕ੍ਰੋਨ ਵੇਰੀਐੱਟ ਨਾਲ ਨਿਪਟਣ ਲਈ ਤਾਜ਼ਾ ‘ਸਟੈਂਡਰਡ ਆਪਰੇਟਿੰਗ ਪ੍ਰੋਸੀਜ਼ਰਜ਼’ (ਐੱਸਓਪੀਜ਼ – SOPs) ਦਾ ਐਲਾਨ ਕੀਤਾ ਹੈ। ਇਹ ਕਦਮ ਵਿਭਿੰਨ ‘ਨੈਸ਼ਨਲ ਸੈਂਟਰਜ਼ ਆੱਵ੍ ਐਕਸੇਲੈਂਸ’ (NCOE) ਦੇ ਨਾਲ–ਨਾਲ ਚੱਲ ਰਹੇ ਰਾਸ਼ਟਰੀ ਕੋਚਿੰਗ ਕੈਂਪਾਂ ’ਚ ਲਾਗੂ ਹੋਣਗੇ।

ਟ੍ਰੇਨਿੰਗ ਸੈਂਟਰਾਂ ਦੀ ਆਮਦ ’ਤੇ, ਸਾਰੇ ਐਥਲੀਟਸ ਨੂੰ ਲਾਜ਼ਮੀ ਤੌਰ ’ਤੇ ‘ਰੈਪਿਡ ਐਂਟੀਜਨ ਟੈਸਟ’ (RAT) ਕਰਵਾਉਣਾ ਹੋਵੇਗਾ। ਜੇ ਟੈਸਟ ਨੈਗੇਟਿਵ ਆਉਂਦਾ ਹੈ, ਤਾਂ ਉਹ ਟ੍ਰੇਨਿੰਗ ਲੈਣਗੇ ਤੇ ਉੱਥੇ ਪੁੱਜਣ ਦੇ ਛੇਵੇਂ ਦਿਨ ਤੱਕ ਖਾਣਾ ਵੱਖਰੇ ਰਹਿ ਕੇ ਖਾਣਗੇ। 5ਵੇਂ ਦਿਨ RAT ਦੋਬਾਰਾ ਕੀਤਾ ਜਾਵੇਗਾ। ਤਦ ਜਿਨ੍ਹਾਂ ਦਾ ਨਤੀਜਾ ਪੌਜ਼ਿਟਿਵ ਰਹੇਗਾ, ਉਨ੍ਹਾਂ ਦਾ RTPCR ਟੈਸਟ ਕੀਤਾ ਜਾਵੇਗਾ ਤੇ ਉਨ੍ਹਾਂ ਨੂੰ ਏਕਾਂਤਵਾਸ ’ਚ ਰੱਖ ਇਲਾਜ ਕੀਤਾ ਜਾਵੇ, ਜਦ ਕਿ ਨੈਗੇਟਿਵ ਟੈਸਟ ਵਾਲੇ ਐਥਲੀਟਸ ਆਪਣੀ ਸਿਖਲਾਈ ਆਮ ਵਾਂਗ ਜਾਰੀ ਰੱਖਣਗੇ।

ਕੈਂਪਾਂ ਵਿੱਚ ਕੋਵਿਡ ਪੌਜ਼ਿਟਿਵ ਜਾਂ ਲੱਛਣ ਵਾਲੇ ਐਥਲੀਟਾਂ ਲਈ ਏਕਾਂਤਵਾਸ ਦੀਆਂ ਉਚਿਤ ਸੁਵਿਧਾਵਾਂ ਨਿਰਧਾਰਤ ਕੀਤੀਆਂ ਜਾ ਰਹੀਆਂ ਹਨ ਅਤੇ ਇਨ੍ਹਾਂ ਸੁਵਿਧਾਵਾਂ ਨੂੰ ਦਿਨ ਵਿੱਚ ਦੋ ਵਾਰ ਰੋਗਾਣੂ-ਮੁਕਤ ਕੀਤਾ ਜਾਵੇਗਾ। ਇੱਕ ਮਾਈਕ੍ਰੋ ਬਾਇਓ-ਬਬਲ ਵੀ ਹੋਵੇਗਾ, ਜਿੱਥੇ ਅਥਲੀਟਾਂ ਨੂੰ ਸਿਖਲਾਈ ਅਤੇ ਖਾਣੇ ਲਈ ਛੋਟੇ ਸਮੂਹਾਂ ਵਿੱਚ ਵੰਡਿਆ ਜਾਵੇਗਾ। ਐਥਲੀਟਾਂ ਨੂੰ ਵੀ ਸਖ਼ਤੀ ਨਾਲ ਕਿਹਾ ਗਿਆ ਹੈ ਕਿ ਉਹ ਦੂਜੇ ਸਮੂਹਾਂ ਨਾਲ ਗੱਲਬਾਤ ਕਰਨ ਤੋਂ ਬਚਣ।

ਹਰ 15 ਦਿਨਾਂ ਵਿੱਚ ਇੱਕ ਵਾਰ, NCOE ਵਿੱਚ ਐਥਲੀਟਾਂ, ਕੋਚਾਂ, ਸਹਾਇਤਾ ਸਟਾਫ ਅਤੇ ਗੈਰ-ਰਿਹਾਇਸ਼ੀ ਸਟਾਫ ਦੀ ਬੇਤਰਤੀਬ ਜਾਂਚ ਵੀ ਹੋਵੇਗੀ। ਇਹ ਵੀ ਸਿਫ਼ਾਰਸ਼ ਕੀਤੀ ਗਈ ਹੈ ਕਿ ਐਥਲੀਟ ਸਿਰਫ਼ ਉਨ੍ਹਾਂ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਗੇ ਜੋ ਸਬੰਧਤ ਰਾਸ਼ਟਰੀ ਖੇਡ ਫੈਡਰੇਸ਼ਨਾਂ (ਐੱਨਐੱਸਐੱਫ) ਅਤੇ ਭਾਰਤੀ ਸਪੋਰਟਸ ਅਥਾਰਟੀ (SAI) ਦੇ ਮੁੱਖ ਦਫ਼ਤਰ ਦੇ ਅਧਿਕਾਰੀਆਂ ਦੁਆਰਾ ਸਿਫ਼ਾਰਸ਼ ਕੀਤੇ ਗਏ ਹਨ। ਇਨਵੀਟੇਸ਼ਨਲ ਟੂਰਨਾਮੈਂਟਾਂ ਅਤੇ ਗੈਰ-ਓਲੰਪਿਕ ਕੁਆਲੀਫਾਇੰਗ ਈਵੈਂਟਾਂ ਲਈ, NCOEs ਦੇ ਸੰਬੰਧਤ ਖੇਤਰੀ ਨਿਰਦੇਸ਼ਕਾਂ (RDs) ਦੁਆਰਾ ਸਿਫ਼ਾਰਸ਼ਾਂ ਕੀਤੀਆਂ ਜਾਣਗੀਆਂ।

ਇਹ ਵੀ ਨੋਟ ਕੀਤਾ ਜਾਣਾ ਚਾਹੀਦਾ ਹੈ ਕਿ ਸਬੰਧਤ ਰਾਜ ਸਰਕਾਰਾਂ ਦੇ ਦਿਸ਼ਾ-ਨਿਰਦੇਸ਼ ਉਨ੍ਹਾਂ ਵਿਸ਼ੇਸ਼ ਰਾਜਾਂ ਵਿੱਚ ਇਨ੍ਹਾਂ SOPs ਦੀ ਥਾਂ ਲੈਣਗੇ।

*******

ਐੱਨਬੀ/ਓਏ