স্পোর্তস ওথোরিতী ওফ ইন্দিয়ানা অয়াম্বনা ওমিক্রোন ভেরিয়েন্তনা মরম ওইরগা খঙহেন হেনগৎলক্লিবা কোবিদ কেসশিং অসি লাকশিন্নবা অনৌবা স্তেন্দর্দ ওপরেতিং প্রোসিদ্যুরশিং (এস.ও.পি.শিং) থোকখ্রে। হায়রিবা চেকশিল থৌরাংশিং অসি তোঙান-তোঙানবা নেস্নেল সেন্তর্স ওফ এক্সিলেন্স (এন.সি.ও.ই.) লোয়ননা হৌজিক চত্থরিবা কোচিং কেম্পশিংদা অকনবা মওংদা চৎনহনগনি।

ত্রেনিং সেন্তরশিংদা য়ৌরকপদা শান্নরোয় পুম্নমক্না শুকশোই শোইদনা রেপিদ এন্তিজেন তেস্ত (আর.এ.তি.) তৌগদবনি। করিগুম্বা তেস্ত অদুদা নেগেতিব ওইরবদি মখোয়বু ত্রেন তৌহনগনি অমসুং চংলকপগী নুমিৎ তরুকনি শুবা ফাওবা তোখাইনা চাক পীজগনি। ৫নি শুবা নুমিৎতা অমুক হন্না আর.এ.তি. অমা তৌগনি। মসিদা পোজিতিব ওইরকপশিংনা আর.তি.পি.সি.আর. তেস্ত অমা তৌগনি অমসুং আইসোলেসন্দা থমদুনা লায়েং চত্থগনি, অমরোমদা নেগেতিব ওইবা শান্নরোয়শিং অদুনা মখা তানা মহৌশাগী ত্রেনিং অসি চত্থগনি।

কেম্পশিংদা লৈরিবা কোবিদ পোজিতিব ওইবা নত্ত্রগা লাইওং উৎলকপা শান্নরোয়শিংগীদমক নীংথিনা আইসোলেসন ফেসিলিতীশিং খাক্তুনা থম্লি অমসুং ফিসিলিতীশিং অসি নোংমদা অনিরক সেনিতাইজ তৌগনি। শান্নরোয়শিংবু ত্রেনিং অমসুং দাইনিংগীদমক অপীক-অপীকপা কাংলুপশিংদা খাইদোক্কদবা মাইক্রো বাইও-বব্বল অমসু লৈগনি। শান্নরোয়শিংদা অতোপ্পা কাংলুপশিংগা য়ারিবা মহৈ ৱারী-ৱাতাই শাদনবা চেকশিনৱসু থমখ্রে।

এন.সি.ও.ই.দা লৈরিবা শান্নরোয়শিং, কোচশিং, সপ্পোর্ত স্তাফ অমসুং নন-রেসিদেন্সিএল স্তাফ অসি নুমিৎ ১৫নি খুদিংগী রেন্দম তেস্তিংসু তৌগনি। শান্নরপয়শিংনা মখোয়গী মরী লৈনবা নেস্নেল স্পোর্তস ফেদরেসনশিং (এন.এস.এফ.শিং) অমসুং সাই ঐচ.ক্যু. ওফিসিএলশিংনা রিকম্মেন্দ তৌবা কম্পিতিসনশিংদা খক্তা শরুক য়ানবসু রিকম্মেন্দ তৌখি। ইনভিতেস্নেল তোর্নামেন্তশিং অমসুং নন-ওলিম্পিক ক্বালিফাইয়িং ইভেন্তশিংগী ওইনা মরী লৈনবা এন.সি.ও.ই.শিংগী রিজনেল দিরেক্তরশিং (আর.দি.শিং)না রিকম্মেন্দেসনশিং পীগনি।

অকক্নবা রাজ্যশিংদা মখোয়গী রাজ্য সরকারশিংনা পীবা চৎন-কাংলোনশিং অদুনা হায়রিবা এস.ও.পি.শিং অসি সুপরসিদ তৌগনি হায়নসু খঙহল্লি।

*******