প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা কস্তমসকী হীরমশিংদা কোওপরেসন অমসুং ম্যুচুএল এসিস্তেন্স পীনবা ভারত অমসুং স্পেনগী মরক্তা য়ান্না ৱারোল খুৎয়েক পীনবদা অয়াবা পীখ্রে।

কান্নবশিং:

য়ান্না ৱারোল অসিনা কস্তমসকী ৱায়েল কাইবা থবকশিং ঙাকথোক্নবা অমসুং থীজিন্নবা অমসুং কস্তমসকী ৱায়েল কাইবা থবক তৌরিবা মীওইশিং ফানবগীদমক লাইনা ফংবা, থাজবা য়াবা, অথুবা অমসুং শেল চংদবা ইনফোর্মেসন অমসুং ইন্তিলিজেন্স ফংহনবদা মতেং ওইরগনি।

য়ান্না ৱারোল অসিনা লৈবাক অসিগী কস্তমসকী ওথোরিতীশিংগী মরক্তা ই-পাও পীথোক-পীশিন তৌনবা লিগেল ফ্রেমৱার্ক অমা পীনবা অমসুং কস্তমসকী আইনশিং নীংথিনা থম্বা অমসুং কস্তমসকী ৱায়েল কাইবা থবকশিং খঙদোক্নবা অমসুং থীজিনবদা অমসুং আইন্না য়াবা ললোন-ইতিক তৌহনবদা খুদোংচাবা পীবদা মতেং ওইরগনি।

য়ান্না ৱারোল অসিদা পীরিবা প্রোভিজনশিং অসি য়াওই:

1. কস্তমস দ্যুতিশিং চুম্না এসেসমেন্ত তৌবা, মরু ওইনা কস্তমসকী ভেল্যু লেপ্পা, তারিফ খাইদোকপা অমসুং লৈবাক অনিগী মরক্তা ললোন ইতিক তৌরিবা পোৎলমশিংগী হৌরফমগা মরী লৈনবা ই-পাও;
2. রিক্বেস্ত তৌরিবা ওথোরিতী অদুদা পীবা দেক্লেরেসন অমগী ( সর্তিফিকেৎ ওফ ওরিজিন, ইনভোইসশিং অসিগুম্বা) সপ্পোর্ত ওইনা পুথোকপা চে-চাং অমা হেক্তগী ওথেন্তিসিতী;
3. পীরিবশিং অসিগী আইন্না য়াদবা মওংদা পোৎ পুবগা মরী লৈনবা কস্তমসকী ৱায়েল কাইবা থবক:

1. নোংমৈ, এম্ম্যুনিসন, এক্সপ্লোসিবস অমসুং এক্সপ্লোসিব দিভাইসশিং;
2. আর্কিওলোজিকেলগী ভেল্যু লৈবা মরু ওইবা পুরৱারীগী, নাৎকী ওইবা আর্ত অমসুং এন্তিকশিংগী পোৎলমশিং;
3. অকোইবদা অমসুং মীয়ামগী হকশেলদা খুদোংথিনীংঙাই ওইবা হু চেনবা পোৎচাকশিং অমসুং অতোপ্পা পোৎলমশিং;
4. চাউনা কস্তমস দ্যুতিশিং নত্ত্রগা তেক্সশিং লৌবা গুদশিং;
5. কস্তমসকী লৈরিবা আইনগী মায়োক্তা কস্তমসকী ৱায়েল কাইবা থবকশিং চত্থবদা শীজিন্নবা অনৌবা পাম্বৈশিং অমসুং থৌশিলশিং।

***