প্রধানমন্ত্রীগী লোইশঙ
পি.এম.না জনুৱারী ৭তা কোলকতাগী চিত্তরঞ্জন নেস্নেল কেন্সর ইন্সতিত্যুৎকী অনিশুবা কেম্পস শঙ্গাগনি
কেম্পস অসিনা লৈবাক্কী নোংপোক অমসুং অৱাং-নোংপোক্কী শরুক্তা লৈবা কেন্সরগী অনাবশিংদা মরু ওইনা নীংথিনা লাইয়েংবগী খুদোংচাবা পীগনি
মসিদি প্রধান মন্ত্রীগী লৈবাক শিনবা থুংবগী হকশেলগী ফেসিলিতীশিংবু হেন্না চাউথোকহনবা অমসুং ফগৎহনবগী মঙলানগী মতুং ইনবনি
Posted On:
06 JAN 2022 11:42AM by PIB Imphal
প্রধান মন্ত্রী, শ্রী নরেন্দ্র মোদীনা জনুৱারী ৭, ২০২২গী নুংথিলগী পুং ১ তাবা মতমদা কোলকতাগী চিত্তরঞ্জন নেস্নেল কেন্সর ইন্সতিত্যুৎ (সি.এন.সি.আই.)কী অনিশুবা কেম্পস ভিদিও কনফরেন্সিংগী খুত্থাংদা শঙ্গাগনি।
অনিশুবা কেম্পস অসি প্রধান মন্ত্রীগী লৈবাক শিনবা থুংবগী হকশেলগী ফেসিলিতীশিংবু হেন্না চাউথোকহনবা অমসুং ফগৎহনবগী মঙলানগী মতুং ইন্না শাখিবনি। সি.এন.সি.আই.দা লাইয়েংনবা লাকপা কেন্সরগী অনাবা মশিং অসি য়াম্না হেনগৎলকপদগী কেম্পস অসি পাকথোক-চাউথোক্তবা য়াদ্রে হায়বগী ৱাখল্লোন অমা মতম খরদগী লৈরক্লবনি। অসিশুবা কেম্পস অসিনা মসিগী ৱারোইশিন পুরক্লগনি।
সি.এন.সি.আই.গী অনিশুবা কেম্পস অসি লুপা করোর ৫৩০ হেন্না চঙদুনা শাখিবনি অমসুং মসিদগী লুপা করোর ৪০০দি কেন্দ্রনা পুথোকখি অমসুং লেমহৌরিবা শেনফম অসিনা নোংচুপ বেঙ্গোল সরকারনা ৭৫:২৫গী রেসিওদা পুথোকখি। কেম্পস অসি কেন্সর দাইগ্নোস, স্তেজিং, ত্রিতমেন্ত অমসুং কেয়রগীদমক্তা খ্বাইদগী ফবা ইনফ্রাস্ত্রকচর লৈবা ফমুং ৪৬০গী কেন্সর নীংথিনা লাইয়েংবগী য়ুনিৎ অমা ওইগনি। কেম্পস অসিদা ন্যুক্লিয়র মেদিসিন (পি.ই.তি.), ৩.০ তেসলা এম.আর.আই., ১২৮ স্লাইস সি.তি. স্কেন্নর, রেদিওন্যুক্লাইদ থেরাপী য়ুনিৎ, এন্দোস্কোপী সুইত, মোদর্ন ব্রেকীথেরাপী য়ুনিৎনচিংবা মতমগা চুনবা খুৎলায় কয়া লৈগনি। কেম্পস অসিনা এদভান্স কেন্সর রিসর্চ ফেসিলিতী ওইনা মথৌ পাংথোকপগা লোয়ননা লৈবাক্কী নোংপোক অমসুং অৱাং-নোংপোক্কী শরুক্তা লৈবা কেন্সরগী অনাবশিংদা মরু ওইনা নীংথিনা লাইয়েংবগী খুদোংচাবা পীগনি।
****
(Release ID: 1787923)
Visitor Counter : 184
Read this release in:
Malayalam
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada