ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଟେଲିଫୋନ୍ ଯୋଗେ ଜର୍ମାନୀ ଚାନସେଲର ମାନ୍ୟବର ଓଲାଫ ସ୍କୋଲାଜଙ୍କ ସହ କଥା ହୋଇଛନ୍ତି
Posted On:
05 JAN 2022 8:33PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଜର୍ମାନୀର ଚାନସେଲର ମାନ୍ୟବର ଓଲାଫ ସ୍କୋଲାଜଙ୍କ ସହ ଫୋନରେ କଥା ହୋଇଛନ୍ତି ।
ପ୍ରଧାନମନ୍ତ୍ରୀ ମାନ୍ୟବର ସ୍କୋଲାଜଙ୍କୁ ତାଙ୍କର ଚାନସେଲର ନିଯୁକ୍ତି ପାଇଁ ଅଭିନନ୍ଦନ ଜଣାଇଛନ୍ତି । ପୂର୍ବତନ ଚାନସେଲର ମାନ୍ୟବର ଆଞ୍ଜେଲା ମର୍କେଲଙ୍କ ଭାରତ-ଜର୍ମାନୀ ରଣନୀତିକ ଭାଗିଦାରୀକୁ ମଜବୁତ କରିବାରେ ଅବଦାନ ପାଇଁ ପ୍ରଶଂସା କରିଛନ୍ତି ଏବଂ ମାନ୍ୟବର ସ୍କୋଲାଜଙ୍କ ନେତୃତ୍ୱରେ ଏହି ସକରାତ୍ମକ ଗତି ଜାରି ରଖିବାକୁ ଅପେକ୍ଷା କରିଥିବା କହିଛନ୍ତି ।
ଦୁଇ ନେତା ଏକମତ ହୋଇଥିଲେ ଯେ ନୂତନ ଜର୍ମାନ ସରକାର ଏବଂ ଭାରତର ନିଜସ୍ୱ ଅର୍ଥନୈତିକ ଦୃଷ୍ଟିକୋଣରୁ ଘୋଷିତ ଶାସନ ପ୍ରାଥମିକତା ମଧ୍ୟରେ ମହତ୍ୱପୂର୍ଣ୍ଣ ସମନ୍ୱୟ ରହିଛି । ନିବେଶ ଏବଂ ବାଣିଜ୍ୟ ଲିଙ୍କକୁ ପ୍ରୋତ୍ସାହିତ କରିବା ସହିତ ଜାରି ରହିଥିବା ସହଯୋଗ ପଦକ୍ଷେପଗୁଡ଼ିକର ସମ୍ଭାବନାକୁ ସେମାନେ ସମୀକ୍ଷା କରିଥିଲେ । ନୂତନ କ୍ଷେତ୍ରରେ ସହଯୋଗ ଏବଂ ବିନିମୟକୁ ଅଧିକ ବ୍ୟାପକ କରିବାର ସମ୍ଭାବନା ଉପରେ ସେମାନେ ସହମତ ହୋଇଥିଲେ । ବିଶେଷ ଭାବରେ, ସେମାନେ ଜଳବାୟୁ କାର୍ଯ୍ୟାନୁଷ୍ଠାନ ଏବଂ ସବୁଜ ଶକ୍ତି କ୍ଷେତ୍ରରେ ନୂତନ ସହଯୋଗ ଉପରେ ପଦକ୍ଷେପ ଆରମ୍ଭ କରିବା ସହିତ ଉଭୟ ଦେଶକୁ ଜଳବାୟୁ ପ୍ରତିଶ୍ରୁତି ହାସଲ କରିବାକୁ ସକ୍ଷମ କରିବାକୁ ଆଶା ପ୍ରକଟ କରିଛନ୍ତି ।
ପ୍ରଧାନମନ୍ତ୍ରୀ ମାନ୍ୟବର ସ୍କୋଲାଜ ଏବଂ ଜର୍ମାନବାସୀଙ୍କୁ ନୂତନ ବର୍ଷ ପାଇଁ ଶୁଭେଚ୍ଛା ଜଣାଇଛନ୍ତି ଏବଂ ଦ୍ୱିପାକ୍ଷିକ ଆନ୍ତଃ - ସରକାରୀ ପରାମର୍ଶର ପରବର୍ତ୍ତୀ ବୈଠକ ପାଇଁ ତାଙ୍କୁ ଶୀଘ୍ର ଭେଟିବାକୁ ଅପେକ୍ଷା କରିଥିବା କହିଛନ୍ତି ।
HS
(Release ID: 1787876)
Visitor Counter : 167
Read this release in:
English
,
Urdu
,
Marathi
,
Hindi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam