প্রধানমন্ত্রীগী লোইশঙ
পি.এম.না জর্মনীগী ফেদরেল চান্সেলর, হিস এক্সেলেন্সী ওলাফ স্কোলজগা ফোনদা ৱারি শানখ্রে
Posted On:
05 JAN 2022 8:33PM by PIB Imphal
প্রধান মন্ত্রী, শ্রীনরেন্দ্র মোদীনা ঙসি জর্মনীগী ফেদরেল চান্সেলর, হিস এক্সেলেন্সী ওলাফ স্কোলজকা ফোনদা ৱারি শাখি।
প্রধান মন্ত্রীনা ঐচ.ই. স্কোলজদা মহাকপু চান্সেলর ওইনা খনখিবগীদমক্তা নুংঙাইবা ফোংদোকখ্রে। মহাক্না হান্নগী চান্সেলর ঐচ.ই. এঞ্জেলা মরকেলবু ইন্দিয়া-জর্মনী স্ত্রেতেজিক পার্তনরশিপু চেৎশিনহনবদা লৌখিবা চাউরবা থৌদাং অদুগীদমক্তা মআক্কী মাইকৈদগী থাগৎপা ফোংদোকখি, অমসুং ঐচ.ই. স্কোলজগী লুচিং মখাদা অসিগুম্বা অফবা খোংথাং অসিবু মখাতানা চত্থখিগনি হায়না আশা তৌরি।
লুচিংবা অনি অসিনা য়ানখি মদুদি অনৌবা জর্মনগী গোবর্মেন্তনা লাউথোককিবা গোবর্নেন্স প্রাবোরিতীশিং অমসুং ভারত মশামক্কী ইকোনোমিক ভিজনগা য়াম্না মান্নবা লৈখি। মখোয়না ইনভেস্তমেন্ত অমসুং ত্রেদ লিঙ্কশিং প্রোমোত তৌনবগীসু বাওনা হৌজিক চত্থরিবা কোওপরেশন ইনিসিয়েতিবশিংগী পোতেন্সিয়েল অদু য়েংশিনখি। মখোয়না মখাতানা তোঙান-তোঙানবা হিরমা কায়াদা কো্পরেশন পীনবা অমসুং অনৌবা হিরম কয়া অমদা এক্সচেঞ্জ তৌনবগী পোতেন্সিয়েল অদুগী মতাংদা য়ানখি। মরু ওইনা লৈবাক অনিমক্না মখোয়গী ক্লাইমেত কমিৎমেন্তশিং অদু ফংবা ঙম্নবা ক্লাইমেত এক্সন অমসুং গ্রীন ইনর্জীগী লমশিং অসিদা অনৌবা কোওপরেশন ইনিসিয়েতিবশিং হৌদোক্নবগী অপাম্বা অদু ফোংদোক্নরকখি।
প্রধান মন্ত্রীনা ঐচ.ই. স্কোলজ অমসুং জর্মন মীয়ামদা অনৌবা চহিগীদমক্তা মহাক্কী য়াইফ পাউজেল পীখি, অমসুং বাইলেতরেল ইন্তর্নেস্নেল গোবর্নমেন্তেল কন্সলতেশনশিংগী মথংগী মীফমগিদমক্তা মহাকপু য়াম্না থুনা উনরগনি হায়না আশা তৌরি।
*****
(Release ID: 1787854)
Visitor Counter : 107
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam