প্রধানমন্ত্রীগী লোইশঙ
প্রধান মন্ত্রীনা উত্তরাখন্দদা লুপা করোর ১৭৫০০গী প্রোজেক্ত ২৩ শঙ্গাবগা লোয়ননা উরেপ উয়ুং তমখ্রে
“উত্তরাখন্দ মীয়ামগী পাঙ্গলনা দিকেদ অসিবু উত্তরাখন্দগী দিকেদ ওইহল্লগনি”
“লখ্বার প্রোজেক্ত অসি ইং ১৯৭৬তা অহানবা ওইনা হৌদোকখিবনি। ঙসিদি, চহি ৪৬কী মতুংদা, ঐখোয়গী সরকারনা থবক অসিগী উরেপ উয়ুং তম্লে। অসিগুম্না থেংথখ্রিবা অসি অরানবা থৌওং নত্তনা করিসু নত্তে”
“মমাংগী মতমগী অয়েৎপা অমসুং থৌশাখিদবশিংবু হৌজিক্তি খুদোংচাবা অমসুং তংদু লৈতাবদা ওন্থোক্লি”
ঙসিদি, দিল্লী অমসুং দেহরাদুনগী সরকারবু শক্তি পাম্বগী ৱাখল্লোন্না ইথিল পীদ্রে, সেবা তৌনিংবগী ৱাখল্লোন্না ইথিল পীরে”
অদোমগী মঙলানশিং অসি ঐখোয়গী ৱারেপ্নি; অদোমগী অপাম্বনা ঐখোয়গী ইথিলনি; অমসুং অদোমগী অপাম্বা খুদিংমক পীবনা ঐখোয়গী থৌদাংনি”
Posted On:
30 DEC 2021 3:28PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি উত্তরাখন্দদা লুপা করোর ১৭৫০০গী চাউখৎ থৌরাংগী প্রোজেক্ত ২৩ শঙ্গাবগা লোয়ননা উরেপ উয়ুংসু তমখ্রে। ইং ১৯৭৬তা অহানবা ওইনা হৌদোকখিবা অমসুং মতম কয়াদগী পন্দুনা লৈরুরবা লখ্বার প্রোজেক্তকী উরেপ উয়ুংসু মহাক্না ঙসি তমখ্রে। মহাক্না লুপা করোর ৮৭০০কী রোদ সেক্তর প্রোজেক্তকী উরেপ উয়ুং তমখি। মসিগী প্রোজেক্তশিং অসিনা মনুং হঞ্জিনবা, খুঙ্গং অমসুং ঙমখৈগী মফমশিংগী কন্নেক্তিবিতী হেন্না ফগৎহনবগী প্রধান মন্ত্রীগী মঙলানবু মঙফাওনহল্লগনি। কাইলাশ মানশরোবর য়াত্রাগী কন্নেক্তিবিতীসু হেন্না ফগৎলগনি। মহাক্না উধম সিংহ নগরগী এমস ঋষিকেশ সেতিলাইত সেন্তর অমসুং পিথোরগরগী জগজীবন রাম গবর্নমেন্ত মেদিকেল কোলেজগী উরেপ উয়ুংসু তমখি। মসিগী সেতিলাইত সেন্তরশিং অসি প্রধান মন্ত্রীনা লৈবাক শিনবা থুংবদা মালেমগী থাক্তা লৈবা মেদিকেল ফেসিলিতী লৈহন্নবা হোৎনরিবা অসিগী মনুং চনবনি। মহাক্না কাশিপুরগী এরোমা পার্ক অমসুং সিতারগঞ্জকী প্লাস্তিক ইন্দস্ত্রীএল পার্ক্কা লোয়ননা রাজ্য শিনবা থুংবগী হাউজিং, সেনিতেসন অমসুং থক্নবা ঈশিং পীবগী অতোপ্পা থবকশিংগী উরেপ উয়ুং তমখি।
প্রধান মন্ত্রীনা মীতিন অসিদা ৱা ঙাংখিবদা, মহাক্না কুমাউনগা মতম কুইনদগী লৈনরক্লিবা মরীবু নীংশিংলি অমসুং মহাক্কী মফমদা উত্তরাখনদগী তুপী পীবিদুনা ইকায় খুম্নবগীদমক্তা মীয়াম্বু থাগৎপা ফোংদোকখি। হন্দক্কী দিকেদ অসি উত্তরাখন্দগী দিকেদ মতৌ করম্না ওইগনি হায়বগী মতাংদা মহাক্না শন্দোক্না পাউদমখি। উত্তরাখন্দগী মীয়ামগী অপুনবা পাঙ্গলনা দিকেদ অসিবু উত্তরাখন্দগী দিকেদ ওইহনগনি হায়না মহাক্না ফোংদোকখি। মতমগা চুনবা ইনফ্রাস্ত্রকচর কয়া উত্তরাখন্দদা লৈরক্লিবা, চার ধাম প্রোজেক্ত, রেলগী অনৌবা লম্বী শারিবা, ময়ামশিং অসিনা দিকেদ অসিবু উত্তরাখন্দগী দিকেদ ওইহনগনি। হাইদ্রো পাৱর, ইন্দস্ত্রী, তুরিজম, নেচরেল এগ্রিকলচর অমসুং কন্নেতিবিতীগী মতাংদা উত্তরাখন্দনা মপাঙ্গল লৈখৎলক্লিবা অসিনা দিকেদ অসিবু উত্তরাখন্দগী দিকেদ শোইদনা ওইহনগনি।
চিংগী লমদমশিংদা চাউখৎপা পুরক্নবা লেপ্পা লৈতনা হোৎনবগী ৱাখল্লোন পরেং অমসুং চাউখৎ খোঙথাংদগী চিংগী লমদমশিংবু লাপ্না থম্লিবা ৱাখল্লোন পরেংগী খেন্নবগী মতাংদা প্রধান মন্ত্রীনা ৱাফম থমখি। মীওই কয়ানা চাউখৎপা অমসুং খুদোংচাবা ৱাৎপদগী অতোপ্পা লমদা হোংনরি। সরকারনা সবকা সাথ, সবকা বিকাসকী ইথিলগা লোয়ননা থবক পায়খৎলি হায়না মহাক্না ফোংদোকখি। উধম সিংহ নগরগী এমস ঋষিকেশ সেতিলাইত সেন্তর অমসুং পিথোরগরগী জগজীবন রাম গবর্নমেন্ত মেদিকেল কোলেজগী উরেপ উয়ুং তমখিবা অসিনা রাজ্যসিগী মেদিকেল ইনফ্রাস্ত্রকচরগী মপাঙ্গল হেনগৎহনগনি হায়না মহাক্না হায়খি। ঙসি হৌদোকখিবা প্রোজেক্তশিং য়াওনা লৈরিবা অতোপ্পা প্রোজেক্ত কয়ানা লমদমসিগী কন্নেক্তিবিতী হেন্না ফগৎহনগনি হায়না মহাক্না ফোংদোকখি। ঙসি উরেপ উয়ুং তমখিবশিং অসি অচেৎপা ৱারেপ অমগা লোয়ননা মপুং ফাহন্নবা ৱাশক-নুঙনি হায়না মহাক্না হায়খি। মমাংগী মতমগী চয়েৎনবা অমসুং থৌশাদবশিংবু হৌজিক্কী মতমগী খুদোংচাবা অমসুং তংদু লৈতাবদা ওন্থোক্লি হায়না মহাক্না ফোংদোকখি। মমাংগী ছি ৭তা হর ঘর জল, অমাংশঙ, উজ্বালা স্কিম, পি.এম.এ.ৱাই.গী খুত্থাংদা নুপীশিংনা অনৌবা খুদোংচাবা অমসুং মশাগী ইকায় খুম্নবা হেনগৎপগী থৌওং কয়া ফংলে হায়না মহাক্না মখা তাখি।
সরকারগী স্কিমশিংগী মতম মাংহনবনা মমাংগী সরকার পায়রম্বশিংগী মতম পুম্বগী শক্তাক অমা ওইদুনা লাকখি হায়না প্রধান মন্ত্রীনা ফোংদোকখি। “ঙসি উত্তরাখন্দদা হৌদোক্লিবা লখ্বার প্রোজেক্ত অসিগীসু চপ মান্নবা পুৱারী লৈ। প্রোজেক্ত অসিগী অহানবা ৱাখল্লোন অসি ইং ১৯৭৬তা হৌদোকখিবনি, ঙসিদি ঐখোয়গী সরকারনা মসিগী উরেপ উয়ুং তম্লে। অসিগুম্বা থেংথবগী থৌওং অসি অরানবা থৌওং নত্তনা অতোপ্পা করিসু নত্তে”, হায়না মহাক্না হায়খি।
সরকার অসিনা গঙ্গোত্রিদগী হৌদুনা গঙ্গাসাগর ফাওবগী মিসন্দা থবক পায়খৎলি হায়না প্রধান মন্ত্রীনা পাউদমখি। অমাংশঙ, হেন্না ফগৎপা সিৱরেজ সীস্তেম অমসুং মতমগা চুনবা ৱাতর ত্রিতমেন্ত ফেসিলিতী শাবদগী অমোৎপা নালাশিংনা গঙ্গাদা তাশিনবগী থৌওংশিং য়াম্না য়াঙনা হনথরক্লি হায়না মহাক্না মখা তাখি। মান্নবা ওইনা, নানিতাল ঝীল অসিদসু হৌজিক মিৎয়েং চঙলি। কেন্দ্র সরকারনা নাইনিতালগী দেবস্থালদা ভারতকী খ্বাইদগী চাউবা ওপ্তিকেল তেলেস্কোপ অমা শারি হায়না প্রধান মন্ত্রীনা হায়খি। মসিনা লৈবাক্কী সাইন্তিস্তশিংদা অনৌবা খুদোংচাবা পীবতা নত্তনা মীরমগী সাইন্তিস্তশিংদসু খুদোংচাবা অসি ফংহল্লি অমসুং মফম অসিগী অনৌবা শক্তাক অমসু ফংহল্লে হায়না মহাক্না পাউদমখি। ঙসিদি, দিল্লী অমসুং দেহরাদুনগী সরকারনা শক্তি পাম্বগী ইথিলদা থবক তৌদ্রে, সেবা তৌনীংবগী ইথিলনা থবক তৌরে হায়না মহাক্না ফোংদোকখি।
রাজ্য অসিনা ঙমখৈগী রাজ্য ওইরগসু, ঙাক-শেলগা মরী লৈনবা থবক কয়াদা থৌৱা শাবীরমদবা অসিবু প্রধান মন্ত্রীনা য়াম্না নুংঙাইতনা পাউদমখি। কন্নেক্তিবিতীগা লোয়ননা লৈবাক্কী তেক্ত-কায়দবগী হীরম কয়া অমবুসু নাথৈদুনা থম্বীরম্মি। লান্মীশিংনা কন্নেক্তিবিতী, তঙাই ফদবা আর্মর, এম্ম্যুনিসন অমসুং খুৎশু খুৎলায়গীদমক্তা নত্তনা লালহৌবা অমসুং লান্দারকপশিংগা মাইয়োক্নবগী য়াথং ফাওবা ঙাইবা তারম্মি হায়না মহাক্না ফোংদোকখি।
প্রধান মন্ত্রীনা উত্তরাখন্দনা চাউখৎ থৌরাংগী খোঙজেল য়াঙখৎহন্নীংই হায়না ফোংদোকখি। “অদোমগী মঙলান অসি ঐখোয়গী ৱারেপ্নি; অদোমগী অপাম্বসি ঐখোয়গী ইথিলনি; অমসুং অদোমগী তঙাই ফদবা খুদিং পীবা অসিনা ঐখোয়গী থৌদাংনি” হায়না মহাক্না ফোংদোকখি। উত্তরাখন্দগী মীয়ামগী ৱারেপ্না দিকেদ অসি উত্তরাখন্দগী দিকেদ ওইহনগনি হায়না মহাক্না মখা তাখি।
***
(Release ID: 1787195)
Visitor Counter : 154
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam