ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ
ಕೋವಿಡ್-19: ಸತ್ಯ ಮತ್ತು ಮಿಥ್ಯೆ
ಭಾರತದಲ್ಲಿ ಅವಧಿ ಮೀರಿದ ಲಸಿಕೆಗಳನ್ನು ನೀಡಲಾಗುತ್ತಿದೆ ಎಂಬ ಮಾಧ್ಯಮ ವರದಿಗಳು ಸುಳ್ಳು ಮತ್ತು ದಾರಿ ತಪ್ಪಿಸುವಂತಿವೆ
ಸಿ ಡಿ ಎಸ್ ಸಿ ಒ ಈ ಹಿಂದೆಯೇ ಕೋವ್ಯಾಕ್ಸಿನ್ ಮತ್ತು ಕೋವಿಶೀಲ್ಡ್ ಲಸಿಕೆಗಳ ಬಳಕೆಯ ಅವಧಿಯನ್ನು ಕ್ರಮವಾಗಿ 12 ತಿಂಗಳು ಮತ್ತು 9 ತಿಂಗಳುಗಳಿಗೆ ವಿಸ್ತರಿಸಲು ಅನುಮೋದಿಸಿದೆ
Posted On:
03 JAN 2022 4:12PM by PIB Bengaluru
ಭಾರತದ ರಾಷ್ಟ್ರೀಯ ಕೋವಿಡ್ -19 ಲಸಿಕೆ ಕಾರ್ಯಕ್ರಮದ ಅಡಿಯಲ್ಲಿ ಅವಧಿ ಮೀರಿದ ಲಸಿಕೆಗಳನ್ನು ನೀಡಲಾಗುತ್ತಿದೆ ಎಂದು ಕೆಲವು ಮಾಧ್ಯಮ ವರದಿಗಳು ಆರೋಪಿಸಿವೆ. ಇವು ತಪ್ಪಾದ ಮತ್ತು ದಾರಿ ತಪ್ಪಿಸುವ ವರದಿಗಳಾಗಿದ್ದು, ಅಪೂರ್ಣ ಮಾಹಿತಿಯನ್ನು ಆಧರಿಸಿವೆ.
ರಾಷ್ಟ್ರೀಯ ಔಷಧ ಗುಣಮಟ್ಟ ನಿಯಂತ್ರಣ ಸಂಸ್ಥೆಯು (ಸಿ ಡಿ ಎಸ್ ಸಿ ಒ) 25ನೇ ಅಕ್ಟೋಬರ್ 2021 ರಂದು, ಭಾರತ್ ಬಯೋಟೆಕ್ ಇಂಟರ್‌ನ್ಯಾಶನಲ್ ಲಿಮಿಟೆಡ್‌ನ ಪತ್ರ ಸಂಖ್ಯೆ: BBIL/RA/21/567 ಗೆ ಪ್ರತಿಕ್ರಿಯೆಯಾಗಿ ಕೋವ್ಯಾಕ್ಸಿನ್ ಲಸಿಕೆಯ ಬಳಕೆಯ ಅವಧಿಯನ್ನು (ಶೆಲ್ಫ್ ಲೈಫ್) 9 ತಿಂಗಳಿಂದ 12 ತಿಂಗಳವರೆಗೆ ಅನುಮೋದಿಸಿದೆ. ಅದೇ ರೀತಿ, ಕೋವಿಶೀಲ್ಡ್‌ನ ಬಳಕೆಯ ಅವಧಿಯನ್ನು ರಾಷ್ಟ್ರೀಯ ನಿಯಂತ್ರಣ ಸಂಸ್ಥೆಯು 22ನೇ ಫೆಬ್ರವರಿ 2021 ರಂದು 6 ತಿಂಗಳಿಂದ 9 ತಿಂಗಳಿಗೆ ವಿಸ್ತರಿಸಿದೆ.
ಲಸಿಕೆ ತಯಾರಕರು ಒದಗಿಸಿದ ದೃಢತೆ ಅಧ್ಯಯನದ ಅಂಕಿಅಂಶಗಳ ಸಮಗ್ರ ವಿಶ್ಲೇಷಣೆ ಮತ್ತು ಪರೀಕ್ಷೆಯ ಆಧಾರದ ಮೇಲೆ ರಾಷ್ಟ್ರೀಯ ನಿಯಂತ್ರಣ ಸಂಸ್ಥೆಯು ಲಸಿಕೆಗಳ ಬಳಕೆಯ ಅವಧಿಯನ್ನು ವಿಸ್ತರಿಸಿದೆ.
***
(Release ID: 1787156)
Visitor Counter : 282
Read this release in:
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Malayalam