સ્વાસ્થ્ય અને પરિવાર કલ્યાણ મંત્રાલય
azadi ka amrit mahotsav

કોવિડ-19: માન્યતા વિ. હકીકતો

ભારતમાં એક્સપાયર્ડ વેક્સીન આપવામાં આવી રહી હોવાનો દાવો કરતા મીડિયા રિપોર્ટ ખોટા અને ભ્રામક છે

સીડીએસસીઓએ અગાઉ કોવેક્સિન અને કોવિશિલ્ડ રસીની શેલ્ફ લાઇફને અનુક્રમે 12 મહિના અને 9 મહિના સુધી વધારવાની મંજૂરી આપી હતી.

Posted On: 03 JAN 2022 4:12PM by PIB Ahmedabad

એવા કેટલાક મીડિયા અહેવાલો આવ્યા છે જેમાં આક્ષેપ કરવામાં આવ્યો છે કે ભારતમાં તેના રાષ્ટ્રીય કોવિડ-19 રસીકરણ કાર્યક્રમ હેઠળ સમયસીમા સમાપ્ત થઈ ગયેલી રસીઓ આપવામાં આવી રહી છે. આ ખોટું અને ભ્રામક છે અને અધૂરી માહિતી પર આધારિત છે.

સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO)એ 25મી ઓક્ટોબર 2021ના રોજ, મેસર્સ ભારત બાયોટેક ઈન્ટરનેશનલ લિમિટેડના પત્ર નંબર: BBIL/RA/21/567ના જવાબમાં કોવેક્સિન (હોલ વિરિયન, નિષ્ક્રિય કોરોનાવાયરસ રસી)ની શેલ્ફ લાઈફ  9 મહિનાથી 12 મહિના સુધી વધારવાની મંજૂરી આપી છે. એ જ રીતે, રાષ્ટ્રીય નિયમનકાર દ્વારા કોવિશિલ્ડની શેલ્ફ લાઇફ 22 ફેબ્રુઆરી 2021ના રોજ 6 મહિનાથી વધારીને 9 મહિના કરવામાં આવી છે.

રસીની શેલ્ફ લાઇફ રાષ્ટ્રીય નિયમનકાર દ્વારા રસી ઉત્પાદકો દ્વારા આપવામાં આવેલ સ્થિરતા અભ્યાસ ડેટાના વ્યાપક વિશ્લેષણ અને પરીક્ષાના આધારે લંબાવવામાં આવે છે.

SD/GP/JD

સોશિયલ મીડિયા પર અમને ફોલો કરો :  @PIBAhmedabad   Image result for facebook icon /pibahmedabad1964    /pibahmedabad  pibahmedabad1964@gmail.com



(Release ID: 1787150) Visitor Counter : 91