প্রধানমন্ত্রীগী লোইশঙ
প্রধান মন্ত্রীনা কানপুর মেত্রো রেল প্রোজেক্ত শঙ্গাখ্রে
বিনা-পঙ্কি মলতিপ্রদক্ত পাইপলাইন প্রোজেক্ত শঙ্গাখ্রে
“উত্তর প্রদেশকী দবল ইঞ্জিন সরকারনা ঙসি মমাংদা মাঙখ্রবা মতম মেনখৎনবা হোৎনরি। ঐখোয়না শরুক অনি হেন্না য়াঙবা খোঙজেলদা থবক পায়খৎলি”
“ঐখোয়গী সরকারনা কানপুর মেত্রোগী উরেপ উয়ূং তমখি অমসুং মসিবু মীয়ামদা খুৎশিন্নরি। ঐখোয়গী সরকারনা পুর্বাঞ্চল এক্সপ্রেসৱেগী উরেপ উয়ুং তমখি অমসুং হৌজিক মসিগী থবক লোইশিল্লে”
“করিগুম্বা ঐখোয়না কানপুর মেত্রোগী অশাঙবসি ঙসি তিন্সিল্লবদি, উত্তর প্রদেশকী মেত্রো লম্বীগী অশাঙবনা হৌজিক্তি কিমি. ৯০ হেল্লে। ইং ২০১৪দা কিমি. ৯ অমসুং ইং ২০১৭তা শুপ্নগী কিমি. ১৮ ওইরম্বনি”
“ঐখোয়না রাজ্যগী থাক্কী ওইনা, খুন্নাইগী মরক্তা লৈরিবা খেন্নবা মুথৎপসি য়াম্না মরু ওইবনি। মসিনা মরম ওইদুনা, ঐখোয়গী সরকারনা সবকা সাথ, সবকা বিকাসকী মন্ত্রদা থবক পায়খৎলিবনি”
“দবল ইঞ্জিন সরকার অসিনা অচৌবা পান্দম থমদুনা করম্না ফংবা ঙমগনি হায়বা খঙই”
Posted On:
28 DEC 2021 3:53PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি কানপুর মেত্রো রেল প্রোজেক্ত শঙ্গাখ্রে। মহাক্না কানপুর মেত্রো রেল প্রোজেক্ত য়েংশিনখি অমসুং আই.আই.তি. মেত্রো স্তেসন্দগী গীতা নগর ফাওবা মেত্রো তোংদুনা চৎখি। মহাক্না বিনা-পঙ্কি মলতিপ্রদক্ত পাইপলাইন প্রোজেক্তসু শঙ্গাখ্রে। পাইপলাইন অসি মধ্য প্রদেশকী বিনা রিফাইনরীদগী কানপুরগী পঙ্কি ফাওবা শাংই অমসুং লমদমসিগী মীয়ামদা বিনা রাইফাইনরীগী পেত্রোলিয়ম প্রদক্তশিং ফংহনবদা তেংবাংগনি। উত্তর প্রদেশকী মুখ্য মন্ত্রী, শ্রী য়োগি অদিত্যনাথ, কেন্দ্র মন্ত্রী, শ্রী হর্দীপ সিংহ পুরিসু অতোপ্পা মীথুংলেনশিংগা লোয়ননা থৌরম অসিদা শরুক য়াখি।
প্রধান মন্ত্রীনা কানপুরগী মীয়াম্বু মেত্রো কন্নেক্তিবিতী অমসুং পাইপলাইন প্রোজেক্ত শঙ্গাখিবগীদমক্তা থাগৎপা ফোংদোকখি। মহাক্কা শহর অসিগা মতম শাংনদগী মরী লৈনরকপগী ৱাফম অমুক হন্না নীংশিংদুনা মহাক্না লোকেলগী মতাং কয়াগী ৱারোল পন্দুনা অমসুং কানপুরগী মীয়ামগী হরাও-নুংঙাইনা লৈগনবা অমসুং পুন্সিবু নুংঙাইনা হিংবগী মতৌগী মতাংদা পল্লদুনা মহাক্কী ৱারোল হৌদোকখি। সহর অসিনা দীন দয়াল উপাধ্যায়, অতল বিহারী ভাজপায় অমসুং সুন্দর সিংহ ভন্দারীগুম্বা শক্নাইরবা মীওই কয়া শেম্বদা লৌখিবা থৌদাং কয়াগী মতাংদা মহাক্না পনখি। ঙসি, লৈবাকপোকপগী নুমিৎ অসি মহাক্না পল্লদুনা উত্তর প্রদেশকী চাউখৎ-থৌরাংদা অতোপ্পা সনাগী তাঙ্কক অমসু পঙ্কি ৱালে হনুমাঞ্জীগী থৌজালদগী হাপ্লবনি হায়না মহাক্না ফোংদোকখি। “উত্তর প্রদেশকী দবল ইঞ্জিন সরকারনা ঙসি মমাংদা মাঙখ্রবা মতম মেনখৎনবা হোৎনরি। ঐখোয়না শরুক অনি হেন্না য়াঙবা খোঙজেলদা থবক পায়খৎলি”, হায়না মহাক্না ফোংদোকখি।
প্রধান মন্ত্রীনা উত্তর প্রদেশকী শক্তাক্তা অহোংবা লাক্লিবশিংগী মতাংদা পনখি। আইন্না য়াদবা খুৎলায়গীদমক্তা শকখঙনরম্বা রাজ্য অসি লৈবাক্কী ঙাক-শেনবা অমসুং তেক্ত-কায়দবগীদমক্তা তেংবাংদুনা দিফেন্স কোরিদোরগী হব অমা হৌজিক ওইরে হায়না মহাক্না পাউদমখি। দেদলাইন নঙনবা থবক শুবগী চৎনবী লৈবগী মতাংদা পল্লদুনা, উরেপ উয়ুং তমখ্রবা থবক কয়াবু লোইশিইনবগীদমক্তা দবল ইঞ্জিন সরকার অসিনা অহিং নুংথিল নাইদনা থবক শুখি হায়না প্রধান মন্ত্রীনা ফোংদোকখি। “ঐখোয়গী সরকারনা কানপুর মেত্রোগী উরেপ উয়ূং তমখি অমসুং মসিবু মীয়ামদা খুৎশিন্নরি। ঐখোয়গী সরকারনা পুর্বাঞ্চল এক্সপ্রেসৱেগী উরেপ উয়ুং তমখি অমসুং হৌজিক মসিগী থবক লোইশিল্লে”, হায়না মোদীনা শেংদোকখি। উত্তর প্রদেশতা হৌজিক শারিবা খ্বাইদগী চাউবা ইন্তর্নেস্নেল এয়রপোর্তকুম্বা মরু ওইবা মাই পাকপশিং পল্লদুনা রাজ্যসিদা লৈবাক্কী খ্বাইদগী শাংবা এক্সপ্রেসৱে শারি অমসুং উত্তর প্রদেশতা দেদিকেতেদ ফ্রৈত কোরিদোর হবসু লৈরগনি হায়না মহাক্না ফোংদোকখি।
উত্তর প্রদেশকী মেত্রোগী অশাংবা অসি ইং ২০১৪গী মমাংদা শুপ্নগী কিমি. ৯খক ওইরম্মি হায়না প্রধান মন্ত্রীনা মিৎয়েং চঙখি। মেত্রোগী অশাংবনা ইং ২০১৪দগী ২০১৭ ফাওবগী মনুংদা অপুনবা কিমি. ১৮ হেনগৎখি। করিগুম্বা ঐখোয়না কানপুর মেত্রোগী অশাঙবসি ঙসি তিন্সিল্লবদি, উত্তর প্রদেশকী মেত্রো লম্বীগী অশাঙবনা হৌজিক্তি কিমি. ৯০ হেল্লে হায়না মহাক্না ফোংদোকখি।
প্রধান মন্ত্রীনা মমাংগী মতমদা খল নাইদনা চাউখৎলিবসি পল্লদুনা দিকেদশিং অসিদা করিগুম্বা মফম অমা চাউখৎপা মতমদা অতোপ্পা মফম অমনা অদুমক লৈহৌই হায়না ফোংদোকখি। “ঐখোয়না রাজ্যগী থাক্কী ওইনা, খুন্নাইগী মরক্তা লৈরিবা খেন্নবা মুথৎপসি য়াম্না মরু ওইবনি। মসিনা মরম ওইদুনা, ঐখোয়গী সরকারনা সবকা সাথ, সবকা বিকাসকী মন্ত্রদা থবক পায়খৎলিবনি”, হায়না ফোংদোকখি। রাজ্যগী তঙাই ফদবশিংবু খঙদুনা, দবল ইঞ্জিন সরকার অসিনা মশক থোকপা থবক কয়া পাংথোক্লি হায়না প্রধান মন্ত্রীনা হায়খি। মমাংগী মতমশিংদা, উত্তর প্রদেশকী য়ুম্থোং খুদিংদা তোতি পাইপ্তগী ঈশিং য়ৌরমদে। ঙসিদি, ঐখোয়না হর ঘর জল মিসনগী খুত্থাংদা য়ু.পি.গী য়ুম্থোং খুদিংদা অশেংবা ঈশিং য়ৌহনবগী থবক চত্থরি হায়না প্রধান মন্ত্রীনা মীয়ামগী মফমদা খঙহনখি।
দবল ইঞ্জিন সরকার অসিনা উত্তর প্রদেশপু চাউখৎপগী অনৌবা অমসুং অৱাংবা থাক্তা য়ৌহন্নবা থম্মোই শেংনা অমসুং মীয়ামদা থাজবা ফাওহন্দুনা থবক পায়খৎলি। দবল ইঞ্জিন সরকার অসিনা অচৌবা পান্দম থমদুনা করম্না ফংবা ঙমগনি হায়বা খঙই। মৈখু থাদোকপা, মৈগী ফিভম, শহর অমসুং তুরেলশিং লু-নানবগী ফিভম ফগৎলক্লিবা অসিগী খুদম কয়া মহাক্না পীখি। ইং ২০১৪দা শহর মচাগী লাইরবশিংগীদমক্তা য়ুম শাবগী অয়াবা পীখিবা লাখ ২.৫গা চাংদম্নবদা, মমাংগী চহি মরি মখায়দা য়ুম লাখ ১৭ শাবগী অয়াবা পীখি হায়না মহাক্না ফোংদোকখি। মান্নবা ওইনা, লম্বীদা পোৎ য়োনবশিংবুসু সরকারনা অহানবা ওইনা শকখঙলে অমসুং পি.এম. স্বনিধী য়োজনাগী মখাদা রাজ্যসিগী মীওই লাখ ৭ হেনবনা লুপা করোর ৭০০ হেন্না ফংখ্রে হায়না মহাক্না হায়খি। লাইচৎ মনুং অসিদসু, সরকারনা রাজ্যসিগী নাগ্রিক করোর ১৫ হেনবদা লেম্না রেসন পীখি। লৈবাক অসিদা ইং ২০১৪দা এল.পি.জি. কন্নেক্সন শুপ্নগী করোর ১৪খক লৈরম্মি। হৌজিক্তি, মসিগী মশিংনা করোর ৩০ হেল্লে। উত্তর প্রদেশ খক্তদা, ইমুং করোর ১.৬০না অনৌবা এল.পি.জি. কন্নেক্সন ফংখি।
প্রধান মন্ত্রীনা লো অমসুং ওর্দরগী ফিভমদা ফগৎলক্লিবা অসিবু পল্লদুনা য়োগী সরকারনা মাফিয়া কলচর মুত্থত্তুনা য়ু.পি.দা ইনভেস্তমেন্ত হেনগৎহল্লক্লিবগী ৱাফম ফোংদোকখি। য়ু.পি. সরকারনা কারবার অমসুং ইন্দস্ত্রীগী কলচর খুমাং চাউশিলহন্নগীদমক্তা কানপুর অমসুং ফসলগঞ্জতা মেগা লেদর ক্লস্তরগী অয়াবা পীখ্রে। দিফেন্স কোরিদোর অমসুং ৱান দিস্ত্রিক্ত ৱান প্রদক্তকুম্বা স্কিম্না কানপুরগী ওন্তোপ্রিনর অমসুং কার্বার তৌবা মীওইশিংদা কান্নবা পীগনি। লোবু কিবদগী অরানবা তৌবশিংসু মনিং হল্লে হায়না মহাক্না ফোংদোকখি। ওফিসিএল রেদকী খুত্থাংদা হন্দক্তা আইনগী ৱাংমদা তাশিনবা শেল কয়া ফাগৎখিবগী মতাংদা পল্লদুনা, প্রধান মন্ত্রীনা অসিগুম্বা মীওইশিং অসিগী থবক তৌবগী চৎনবী অদু মীয়াম্না উবা ফংলে হায়না ফোংদোকখি।
***
(Release ID: 1785891)
Visitor Counter : 219
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam