নিতি আয়োগনা ঙসি ২০১৯-২০গীদমক্তা ওইবা স্তেত হেল্থ ইন্দেক্সকী  মরিশুবা এদিশন ফোংখ্রে। “হেলদী স্তেতস, প্রোগ্রেসিব ইন্দিয়া” হায়না মীংথোনবা রিপোর্ত অসিনা রাজ্যশিং অমসুং য়ুনিয়ন তেরিতোরীশিংগী হকশেলগী লমদা পুরক্লিবা অহোংবশিং অমসুং মসিগা লোইন-লোইননা মখোয়গী অপুনবগী ওইবা ফিভম অদুগী মতাংদা চহি চহিগী ওইবা ইনক্রিমেন্তেল পর্ফোর্মেন্সকী মতাংদা রেঙ্ক খায়দোকই।

রিপোর্ত অদুগী মরিশুবা রাউন্দ অদুনা চহি ২০১৮-১৯দগী ২০১৯-২০ ফাওবগী মতম অসিদা রাজ্যশিং অমসুং য়ু.তি.শিংগী মপুং ওইবা পর্ফোর্মেন্স অমসুং ফগৎলকপগী চাং হেনগৎলকপা অদু ওনবা অমসুং অদুবু মশক তাকপগী মতাংদা মরু ওইনা উৎলি।

রিপোর্ত অদু নিতি আয়োগকী ভাইস চেয়রমেন, দা. রাজিব কুমার, সি.ই.ও. অমিতাব কেন্ত, এদিশনেল সেক্রেতরী দা. রাকেশ সরৱাল, অমসুং ৱার্লদ বেঙ্ক সেনিয়র হেল্থ স্পেসিয়েলিস্ত, শীনা ছাব্রাগা খুৎশম্নদুনা ফোংখিবনি। রিপোর্ত অদু নিতি আয়োগনা ৱার্লদ বেঙ্কতগী তেক্নিকেলগী ওইবা মতেংগা লোইননা, অমসুং হকশেল অমসুং য়াইফ য়ুম্বালগী মন্ত্রালয় (এম.ও.ঐচ.এফ.দবল্যু.)গা য়াম্না চেকশিন্না তানদুনা পুথোরকখিবনি।

ফাইন্দিংশিং

স্তেত হেল্থ ইন্দেক্স হায়বসি রাজ্যশিং অমসুং য়ু.তি.শিংগী পার্ফোর্মেন্স অদু য়েংশিন্নবা চহিগী ওইবা খুৎলাই অমনি। মসি ‘হেল্থ আউতকমশিং’, ‘গোবর্নেন্স অমসুং ইনফোর্মেশন’, অমসুং ‘কী ইনপুতশিং/প্রোসেসশিং’গী হিরমশিং অসিগী মখাদা পুনশিল্লবা ইন্দিকেতর ২৪দা য়ুমফম ওইবা য়াম্না মরু ওইবা কমপোজিত ইন্দেক্স অমনি।

চপ মান্নবা এনতিতীশিংগী মরক্তা চাংদম্ননবা, রেঙ্কিং অসিদা ‘অচৌবা রাজ্যশিং’, ‘অপিকপা রাজ্যশিং’ অমসুং ‘য়ুনিয়ন তেরিতোরীশিং’ হায়না খায়দোকই।

‘অচৌবা রাজ্য’শিংগী মরক্তা, এন্যুৱেল ইনক্রিমেন্তেল পার্ফোর্মেন্সকী মতুং ইন্না, উত্তর প্রদেশ, অসাম অমসুং তেলঙ্গনানা মকোক থোংবা রাজ্য অহুম ওইখি।

ইনক্রিমেন্তেল পার্ফোর্মেন্স অমসুং অপুনবগী ওইবা পার্ফোর্মেন্সকী মতুং ইন্না অচৌবা রাজ্যশিংবু খায়দোকপা

 ‘অপিকপা রাজ্য’শিংগী মরক্তা, মিজোরাম অমসুং মেঘালয়াদা চহিগী ওইনা খ্বাইদগী য়াম্না এন্যুৱেল ইনক্রিমেন্তেল প্রোগ্রেস থেংনখি।

ইনক্রিমেন্তেল পার্ফোর্মেন্স অমসুং অপুনবগী ওইবা পার্ফোর্মেন্সকী মতুং ইন্না অপিকপা রাজ্যশিংবু খায়দোকপা

য়ু.তি.শিংগী মরক্তা, দিল্লীগী মতুংদা জম্মু অমসুং কাশ্মিরনা ইনক্রিমেন্তেল পর্ফোর্মেন্স খ্বাইদগী হেন্না ফনা উৎখি।

ইনক্রিমেন্তেল পার্ফোর্মেন্স অমসুং অপুনবগী ওইবা পার্ফোর্মেন্সকী মতুং ইন্না য়ু.তি.শিংবু খায়দোকপা

২০১৯-২০গী কমপোজিত ইন্দেক্স স্কোরদা য়ুমফম ওইবা অপুনবগী ওইবা রেঙ্কিংদা, খ্বাইদগী মকোক থোংবা রাজ্যশিং অদু ‘অচৌবা রাজ্য’শিংগী মরক্তা কেরলা অমসুং তামিল নাদু, ‘অপিকপা রাজ্য’শিংগী মরক্তা মিজোরাম অমসুং ত্রিপুরা, অমসুং য়ু.তি.শিংগী মরক্তা দি.ঐচ. অমসুং চান্দিগর ওইখি।

মেকানিজম

পর্ফোর্মেন্স ওন্নবগীদমক্তা য়াম্না চাউবা অমসুং চৎনবা য়াবা মেকানিজম শিজিন্নৈ। দেতা অদু ময়াম্না য়ানরবা ইন্দিকেতরশিংগী মতুং ইন্না এন.আই.তি.আই.না য়েংশিনবা পোর্তেল অমগী খুত্থাংদা খোমগৎলি। হায়রিবা অসিগী মতুংদা দেতা অদু ত্রান্সপররেন্ত বিদিং প্রোসেস অমগী খুত্থাংদা খনগৎলবা ইন্দিপেন্দেন্ত ওইবা ভেলিদেশন এজেন্সী অমগী খুত্থাংদা ভেলিদেত তৌই।ভেলিদেত তৌরবা দেতা শীতশিং অদু ভেরিফিকেশনগীদমক্তা রাজ্যশিং অদুগা শেয়র তৌই, মসিগী মতুংদা য়ানিংদবশিং নত্রগা য়ানদবশিং লৈরবদি, মদুদা অয়াবা অমা পুরক্নবগীদমক্তা রাজ্যশিং অদুগা ভীদিও কনফরেন্সশিং পাংথোইকই। অসুম্না অরেপ্পা অমা পুরক্লবা অরোইবা শীতশিং রাজ্যশিংদা শেয়র তৌই, অমসুং য়ানরবা মতুংদা, দেতা অদু অরোইবা ওইনা লেপ্পি অমসুং এনালিসিস তৌনবা অমসুং রিপোর্ত ইনবগীদমক্তা শিজিন্নৈ।

‘রাজ্যশিংনা  ইন্দাইসেসশিং খুদম ওইনা স্তেত হেল্থ ইন্দেক্সকী মতাংদা মশক খঙবা হৌরক্লে অমসুং মখোয়গী পোলিসীমেকিং অমসুং রিসোর্স এলোকেশনদা হায়রিবশিং অসিবু শিজিন্নবা হৌরক্লে। মসিগী রিপোর্ত অসি কমপিতিতিব অমসুং কোওপরেতিব ফেদরেলিজম অনিমক্কী খুদম অমনি,’ হায়না  ভি.সি. দা. রাজিবনা হায়খি।

‘মসিগী ইন্দেক্স অসিগী খুত্থাংদা পাম্লিবা ঐখোয়গী পান্দমদি রাজ্যশিং অদুগী হিস্তোরিকেল পর্ফোর্মেন্স অদু  য়েংবা খক্তা নত্তনা মখোয়গী ইনক্রিমেন্তেল পর্ফরোমেন্স অদুবুসু য়েংবনি। ইন্দেক্স অসিনা রাজ্যশিং অমসুং য়ু.তি.শিংগী মরক্তা হেলদী কমপিতিশন অমসুং ক্রোস লার্নিংবু থৌগৎলি,’ হায়না সি.ই.ও অমিতব কন্তনা হায়খি। 

ইন্দেক্স অসি ২০১৭দগী কমপাইল তৌদুনা অমসুং ফোংদুনা লাক্লি। রিপোর্তশিং অসিনা  রাজ্যশিং/য়ু.তি.শিংদা য়াম্না চাউবা অফবা হেল্থ সীস্তেমশিং শেমগৎনবা অমসুং সার্বিস তৌবগী মওংদা ফগৎহন্নবা ইনোৎ হাপ্নবা পান্দম থম্লি।

মসিগী এন্যুৱেল তুল অসিগী মরু ওইবা অসি নেস্নেল হেল্থ মিশনগী মখাদা পীরিবা কান্নবশিং অদুদা মসিগী ইন্দেক্স অসি লিঙ্ক তৌনবা এম.ও.ঐচ.এফ.দবল্যু.গী ৱারেপ অদুনা অমুক্কসু হন্না খঙহনখি।

রিপোর্ত অদু অসিদা পাবীয়ু।

ইন্দিকেতরশিং অমসুং স্কোরশিংগী মতাংদা অকুপ্পা মরোলশিংগীদমক্তা ঐখোয়গী দাসবোর্দতা  পাবীয়ু।

থোদোকখিবা ভীদিও অদু অসিদা য়েংবীয়ু।

****