প্রধান মন্ত্রী শ্রী নরেন্দ্র মোদীনা দিসেম্বর ২০দা কজাকিস্তান, কির্গিজ রিপব্লিক, তাজিকিস্তান, তুর্কমেনিস্তান অমসুং উজবেকিস্তানগী মপান থৌরম পুবা মন্ত্রীশিংগা উনখ্রে।  ময়াইথংবা এসিয়াগী মপান থৌরম পুবা মন্ত্রিশিং অসি ইন্দিয়া-সেন্ত্রেল এসিয়া দাইলোগকী ৩শুবা মীফম শরুক য়ানবা নই দিল্লীদা লাকখিবনি

ময়াই থংবা এসিয়াগী মপান থৌরম পুবা মন্ত্রীশিংনা মখোয়গী রাস্ত্রপতীনা পীরকপা য়াইফ-পাউজেলশিং অদু প্রধান মন্ত্রীদা পাউদমখি অমসুং ভারতকা মখাতানা মরী ফগৎহন্নবা মখোয়গী লুচিংবশিংনা শেম-শারিবা অদু খংহনখি। মখোয়না ললোল-ইতিক, কন্নেক্তিবিতী, দিবেলপমেন্ত পার্নরশীপ অমসুং আফগানিস্তান্দা ওইরিবা ফীভম অদু য়াওনা রিজনেল দিবেলপমেন্তশিংদা মীৎয়েং চংদুনা ২০২১গী দিসেম্বর ১৮-১৯ ফাওবা ভারতকী মপান থৌরম পুবা মন্ত্রীনা চিয়র্মেন ওইদুনা পাংথোকখিবা ইন্দিয়া-সেন্ত্রেল এসিয়া দাইলোগকী খন্ন-নৈনখিবশিং অদুগী মতাংদা শমলপ্না পাউদমখি।

প্রধান মন্ত্রীনা ‘এক্সতেন্দেদ নাইবর্হুদ’কী শরুক অমা ওইনা ভারতনা ময়াইথংবা এসিয়াগী লৈবাকশিংগা মতম শাংনদগী লৈরক্কিবা মরী অসিগী মরুওইবা অদুগী মতাংদা ফোঙদোকখি। চহি অসিদা মখোয়গী নিংখা তম্বগী চহি ৩০ শুখিবা অসিদা মন্ত্রীশিংদা মহাক্না য়াইফ-পাউজেল পীখি। মহাক্না ২০১৫দা ময়াইথংবা এসিয়াগী লৈবাকশিংদা অমসুং মদুগী মতুংদা কজাকিস্তান, উজবেকিস্তান অমসুং কির্গিজ রিপব্লিকতা চৎখিবা কাউঙম্লরোইদবা খোংচৎ অদুগী মতাংদা পাউদমখি। প্রধান মন্ত্রীনা মফম অসিদা ভারতকী ফিল্মশিং, মুজিক, য়োগনচিংবা মীয়াম্না পাম্নরিবা অসি য়েংলগা ভারত অমসুং ময়াইথংবা এসিয়াগী মরক্তা চৎন-লোনচৎ অমসুং মীয়ামগী মরক্তা অফবা মরী থম্বগী মরুওইবা অদুগী মতাংদা পনখি। ভারত অমসুং ময়াইথংবা এসিয়াগী মরক্তা শেন্মীৎলোনগী ওইবা তেংবাং ফগৎহন্নবা ওইথোকপা য়াবা অমসুং মসিগা মরী লৈননা কন্নেক্তিবিতীনা লৌগদবা থৌদাং অদুগী মতাংদা ফোঙদোকখি।

ইন্দিয়া-সেন্ত্রেল এসিয়া দাইলোগ অসিনা ভারত অমসুং ময়াইথংবা এসিয়াগী লৈবাকশিংগী মরক্তা লৈরিবা ফীদমনীংঙাই ওইরবা বাইলেতরেল মরীশিং অদুদা মরুওইবা মীয়েং চংই। ভারত অমসুং ময়াইথংবা এসিয়াগী লৈবাকশিংনা মথংগী চহিদা মখোয়গী দিপ্লোমেতিক ওইবা মরী শেমগৎখিবগী চহি ৩০ মপুং ফারগনি।

***