وزیر اعظم جناب نریندر مودی 7 دسمبر 2021 کو دوپہر 1 بجے گورکھپور کا دورہ کریں گے اور 9600 کروڑ روپے سے زیادہ مالیت کے ترقیاتی پروجیکٹوں کو قوم کے نام وقف کریں گے۔

وزیر اعظم گورکھپور فرٹیلائزر پلانٹ قوم کے نام وقف کریں گے۔ اس پلانٹ کا سنگ بنیاد  وزیر اعظم نے 22 جولائی 2016 کو رکھا تھا۔ 30 سال سے زائد عرصے تک بند رہنے کے بعد اس میں  پھر سے جان ڈالی گئی اور  تقریباً 8600 کروڑ کی لاگت سے اس کی تعمیر کی گئی ہے۔ یوریا کی پیداوار میں خود انحصاری حاصل کرنے کے وزیر اعظم کے وژن سے تحریک لیتے ہوئے اسے دوبارہ شروع کیا جا رہا ہے۔ گورکھپور پلانٹ سالانہ 12.7  ایل ایم ٹی  دیسی نیم کوٹیڈیوریا تیار کرے گا۔ یہ پوروانچل خطہ اور اس سے ملحقہ علاقوں کے کسانوں کے لیے یوریا کھاد کی مانگ کو پورا کرنے کے لیے بہت فائدہ مند ثابت ہوگا۔ اس سے خطے کی مجموعی اقتصادی ترقی کو بھی تقویت ملے گی۔

یہ پروجیکٹ نیشنل تھرمل پاور کارپوریشن، کول انڈیا لمیٹڈ، انڈین آئل کارپوریشن لمیٹڈ، فرٹیلائزر کارپوریشن آف انڈیا، ہندوستان فرٹیلائزر کارپوریشن لمیٹڈ کی مشترکہ کمپنی، ہندوستان اُرورک اینڈ رسائن لمیٹڈ (ایچ یو آر ایل) کے زیر انتظام  قائم کیا گیا ہےاور  گورکھپور، سنڈھری اور برونی فرٹیلائزر پلانٹس کو پھر سے زنادہ کرنے کے لئے  کام کر رہا ہے۔ گورکھپور پلانٹ کا کام میسرز ٹویو انجینئرنگ کارپوریشن، جاپان اور ٹویو انجینئرنگ انڈیا پرائیویٹ لمیٹڈ کنسورشیم نے ٹیکنالوجی/لائسنسرز کے  بطور کے بی آر، یو ای اے  (امونیا کے لیے) اور ٹویو، جاپان (یوریا کے لیے) کے ساتھ مکمل کیا ہے۔ اس پروجیکٹ میں دنیا کا سب سے اونچا 149.2 میٹر کا پری لنگ ٹاور قائم کیا گیا ہے۔ اس میں ہندوستان کا پہلا ہوا سے چلنے والا ربر ڈیم اور حفاظتی پہلوؤں کو بڑھانے کے لیے ایک بلاسٹ پروف کنٹرول روم بھی ہے۔

وزیر اعظم گورکھپور میں مکمل طور پر کام کرنے والے ایمس کیمپس کو بھی قوم کے نام وقف کریں گے، جو 1000 کروڑ روپے سے زیادہ کی لاگت سے بنایا گیا ہے۔ کمپلیکس کا سنگ بنیاد وزیر اعظم نے 22 جولائی 2016 کو رکھا تھا۔ یہ پردھان منتری سواستھیہ سرکشایوجنا کے تحت قائم کیا گیا ہے، جس میں وزیر اعظم کے وژن کے مطابق علاقائی عدم توازن  کو دور کرنے کے لئے  معیاری ثالثی سطح کی صحت دیکھ ریکھ  خدمات  دستیاب ہیں۔ ایمس، گورکھپور کی سہولیات میں 750 بستروں والا اسپتال، میڈیکل کالج، نرسنگ کالج، آیوش بلڈنگ، تمام عملے کے لیے رہائش، یوگی اور  پی جی  طلباء کے لیے ہاسٹل وغیرہ شامل ہیں۔

وزیر اعظم آئی سی ایم آر-ریجنل میڈیکل ریسرچ سنٹر (آر ایم آر سی) گورکھپور کی نئی عمارت کا بھی افتتاح کریں گے۔ اس مرکز نے خطے میں جاپانی انسیفلائٹس/ایکیوٹ انسیفلائٹس سنڈروم کے چیلنج سے نمٹنے میں اہم رول ادا کیا ہے۔ جدید ترین سہولیات کے ساتھ نئی عمارت متعدی اور غیر متعدی امراض کے شعبوں میں تحقیق کے نئی راہیں  کھولنے کے ساتھ ساتھ صلاحیت سازی  اور خطے کے دیگر طبی اداروں کو مدد فراہم کرانے  میں مدد کرے گی۔

۔۔۔۔۔۔۔۔۔۔۔

ش ح۔ا گ ۔ن ا۔

U-13723