কোবিদ-১৯ লায়চৎকী মাংজৌননা লৌখৎপা অমসুং খুদোংথিনিঙাইদা য়ুম্ফম ওইবা চংশিল্লিবা শিল-লাংবগী চৎথরকপা ওইনা, হকশেলগী কেন্দ্রগী মন্ত্রীনা ২০২১গী নবেম্বর ২৮দা শেমদোক্লবা ‘ইন্তর্নেস্নেল এরাইবেলগী লমজিং-লমতাক’ ইসু তৌখ্রে। অপদেৎ তৌরবা লমজিং-লমতাক অসিনা দিপার্তচরগী মমাং পুং ৭২দা লৌবা প্রি-দিপার্তচর কোবিদ-১৯ তেস্তিংগী মথক্তা ‘খুদোংথিনিংঙাই ওইনা লৈরিবা লৈবাকশিং’ ওইনা খঙলবা লৈবাকশিংদগী ভারত্তা লাক্লিবা ত্রেবল্লর (কোবিদ-১৯ ভেক্সিনেসনগী ফিভম য়াওদনা) পুম্বনা তঙাইফদনা চংবা লমজিং-লমতাকশিং এয়রপোর্ত্তা থুংলবা মতমদা পোস্ত-এরাইবেল কোবিদ-১৯ তেস্তিং শোইদনা চৎথগদবনি। তেস্ত অসিদা পেসেঞ্জরশিং পোজিতিব ওইনা ফংলবা , মখোয়বু তোঙান্না থমগনি অমসুং ক্লিনিকেল মেনেজমেন্ত প্রোতোকোল মতুং ইন্না লায়েংগনি মথক্তা জেনোম সিক্বেন্সিংগীদমক মখোয়গী সেম্পল লৌগনি। নেগেতিব ওইনা ফংবা পেসেঞ্জরশিং চৎখিবা য়াগনি অমদি মখোয়বু য়ুমদা তোঙান্না নুমিৎ ৭নি লৈগদবনি, ভারত য়ৌরকপা ৮শুবা নুমিৎতা হন্না তেস্ত তৌগনি, মতুংদা নুমিৎ ৭নি মশা মথন্তা য়েংশিনজগদবনি।

 মখা তানা, ওমিক্রোন ভেরিএন্তগী রিপোর্ত তৌরপা লৈবাক্কী মশিং হেনগৎলকপগী রিপোর্ত য়েংদুনা, হৌজিক লৈরিবা লমজিং-লমতাক্না ‘রিস্ক কেতগরী’দা লৈতবা লৈবাকশিংদগী লাকপা ত্রেবেল্লর ৫%সু এয়রপোর্ত্তা কোবিদ-১৯গী তেস্ত শোইদনা তৌনবা হায়রি।

কোবিদ-১৯গী তেস্তিং পোজিতিব ওইরবা মীওইশিংগী সেম্পলশিং, মসি এয়রপোর্ত্তা ওইগেরা, য়ুমদা নাইতোম লৈবা ওইগেরা নত্ত্রগা রেন্দম সেমপ্লিং ওইগেরা, হায়রিবশিং অসি এস.এ.আর.এস.-কো.ও.ভি.-২ ভেরিএন্ত (ওমিক্রোন য়াওনা) য়াওরিবরা হায়না য়েংনবা মশক খঙলবা আই.এন.এস.এ.সি.ও.জি.গী নেতৱার্ক লেবোরেতরীদা মপুং ফাবা জেনোমিক সিক্বেন্সিংগীদমক থাগনি।

বি.১.১.৫২৯ ভেরিএন্ত (ওমিক্রোন) অসি অহানবা ওইনা ২০২১গী নবেম্বর ২৪দা খা অফ্রিকাদগী দবল্যু.ঐচ.ও.দা রিপোর্ত পীরকখি অমসুং ২০২১গী নবেম্বর ২৬তা এস.এ.আর.এস.-কো.ভি.-২ ভাইরস ইবোলুসন (তি.এ.জি.-ভি.ই.)দা লৈরিবা দবল্যু.ঐচ.ও.গী তেক্নিকেল এদভাইজরী গ্রুপ্না মসিবু  ভেরিএন্তদা লৈবা খ্বায়দগী য়াম্বা ভেরিএন্ত ওফ কন্সর্ন (ভি.ও.সি.)নি হায়রি, মসিগী মরক্তা খরা অমনা য়াম্না লান্নবা অমসুং ইম্ম্যুন ইস্কেপকী চৎনবী লৈবা ওইরি। ইসু অসিদা উবা ফংলিবা খুদমশিং অসি হকশেলগী কেন্দ্রগী মন্ত্রালয়না য়েংশিল্লি।

রাজ্যশিং অসিদসু ইন্তর্নেস্নেল পেসেঞ্জরশিং কুপ্না য়েংশিনবা, তেস্তিং হেনগৎহনবা, কোবিদ-১৯ কনবা মফম য়েংশিনবা, হকশেলগী ইনফ্রাস্ত্রকচর হেনগৎহন্নবা পাউতাক পীখ্রে।

হকশেলগী কেন্দ্রগী মন্ত্রালয়না লায়চৎ অসিগী মওং, কোবিদকীদমক চৎনগদবা (মাস্ক শিজিন্নবা/মায় উপ্পা, থাপ্না লৈনবা, খুৎ নান্না থম্বা অমসুং রেস্পিরেচরী হায়জিন) অমসুং কোবিদ-১৯ ভেক্সিনেসন লৌখৎলিবা কোবিদ-১৯বু কম্ম্যুনিতীগী থাক্তা শিল-লাংদুনা লৈরি।  

অনৌবা লমজিং লমতাং অসি ২০২১গী দিসেম্বর ১ (০০.০১ অৱার)দগী চৎনবা হৌগনি। মরীক চুম্বা লমজিং লমতাং অসিদা ফংবিগনি:

(https://www.mohfw.gov.in/pdf/GuidelinesforInternationalarrival28112021.pdf)

***