প্রধানমন্ত্রীগী লোইশঙ
পি.এম.না ৩৯শুবা প্রগতি মীফমগী ময়াই তাংবল লৌখ্রে
Posted On:
24 NOV 2021 7:05PM by PIB Imphal
প্রধান মন্ত্রী শ্রী নরেন্দ্র মোদীনা ঙসি প্রগতিগী ৩৯শুবা মীফমগা ময়াই তাংবল লৌখ্রে, মসি প্রো-এক্তিব গবর্নেন্স এন্দ তাইমলী ইম্প্লিমেন্তেসন (অচেৎপা লৈঙাক অমসুং মতম চানা থবক পায়খৎপা)গীদমক্তা আই.সি.তি.দা য়ুম্ফম ওইবা মল্তি-মোদেল প্লেৎফোর্ম অমনি, মসিদা কেন্দ্র অমসুং রাজ্য সরকারশিং য়াওরি।
মীফম অদুদা ঙসি প্রোজেক্ত নিপাল অমসুং স্কিম অমা য়াওনা এজেন্দা মাপলগী মরমদা য়েংশিনখি। প্রোজেক্ত নিপাল অদুগী মনুংদা, প্রজোক্ত অহুম রেল মন্ত্রালয়গীনি, প্রোজেক্ত অনিনা রোদ ত্রান্সপোর্ত & হাইৱে মন্ত্রালয় অমসুং পাৱর মন্ত্রালয়গীনি অমসুং প্রোজেক্ত অমনা পেত্রোলিয়ম & নেচরেল গ্যাস মন্ত্রালয়গীনি। প্রোজেক্ত নিপাল অসিগী অপুনবা শেনফম চাউরাক্না লুপা করোর ২০,০০০নি। প্রোজেক্তশিং অসি রাজ্য তরেৎ – বিহার, মধ্য প্রদেশ, রাজস্থান, আন্ধ্র প্রদেশ, গুজরাত, মহারাস্ত্রা অমসুং নোংচুপ বেঙ্গলগীনি । প্রধান মন্ত্রীনা অহেনবা শেনফমদগী কঞ্জনবা প্রোজেক্তশিং অসি মতম চানা লোইশিন্নবা শাফু পীখি।
ৱারী-ৱাতাই অদুদা প্রধান মন্ত্রীনা পোশন অভিয়ানগী মতাংদসু য়েংশিনখি। মহাক্না হায়খি মদুদি পোশন অভিয়ানবু সরকারগী মপুং ফাবা মিৎয়েংগা লোইননা রাজ্য খুদিংমক্তা মিশন মোদতা চৎনহনগদবনি। মহাক্না মকোক্তগী হৌনা অঙাংশিংবু হকশেল অমসুং ন্যুত্রিসনগী মতাংদা খঙহনবা হেনগৎহন্নবা সেল্ফ-হেল্প গ্রুপ (এস.ঐচ.জি.)শিং অমসুং মফম অদুগী অতৈ ওর্গনাঅজেসশিনশিং শরুক য়াহনবগী মতাংদসু ফোংদোকখি, মদুনা খোংজং অসিবু পাকথোক-চাউথোকহনবা অমসুং মখা তানা চৎথহনবদা মতেং ওইনগনি।
প্রগতি মীফমগী ৩৮শুবা এদিশন ফাওবদা, লুপা করোর লাখ ১৪.৬৪কী অপুনবা শেনফম ওইবা প্রোজেক্ত ৩০৩ য়েংশিনখ্রে।
***
(Release ID: 1774882)
Visitor Counter : 151
Read this release in:
Urdu
,
Kannada
,
Malayalam
,
Assamese
,
Bengali
,
English
,
Marathi
,
Hindi
,
Punjabi
,
Gujarati
,
Odia
,
Tamil
,
Telugu