ঙরাং ইলেক্সন কম্মিসন ওফ ইন্দিয়ানা ন্যু দিল্লীদা রাজ্যশিং/য়ু.তি. পুম্নমক্কী চীফ ইলেক্তোরেল ওফিসরশিংগা লোইননা কনফরেন্স অমা শিনখি৷ ইলেক্তোরেল রোল, পোলিং স্তেসনশিং, হৌজিক হৌজিক চত্থরিবা স্পিসিয়েল সম্মরী রিবিজন, আই.তি. এপ্লিকেসনশিং, ই.ভি.এম.শিং/ভি.ভি.পি.এ.তি.শিং, গ্রিভেন্সশিংগী মতম চানা রিজোলুসন পুরকপা, পোলিং স্তাফ ত্রেনিং তৌবা অমসুং কেপাসিতী শেমগৎপা, মেদিয়া অমসুং কম্ম্যুনিকেসন অমদি ভোতর আউত্রিচ প্রোগ্রাম চত্থবগা মরী লৈনবা তোঙান তোঙানবা থিমেতিক এরিয়াশিং খন্ন-নৈননবা অমসুং য়েংশিন্নবা কনফরেন্স অসি শিনখিবনি৷

মহাক্কী ৱারোলদা, সি.ই.ও.শিংনা রাজ্যশিংদা কম্মিসনবু রিপ্রজেন্ত তৌরিবনা সি.ই.ও.শিংগী ইফেক্তিবনেস অমসুং বিজিবিলিতীগী মরু ওইরিবা অদুদা সি.ই.সি. শ্রী সুশিল চন্দ্রনা ৱা ঙাংখি৷ ইলেক্তোরেল রোলগী প্যুরিতী লৈহন্নবা, এস্যোর মিনিমম ফেসিলিতীশিং ফংহন্নবা অমসুং ভোতর পুম্নমক্কীদমক পোলিং বুথ পুম্নমক্তা হেন্না ফবা ফেসিলিতীশিং ফংহন্নবা মহাক্না সি.ই.ও.শিংদা হায়খি৷ মরু ওইনা ভোতর রেজিস্ত্রেসনগা মরী লৈননা পন্দুনা লৈরিবা এপ্লিকেসন পুম্নমক অথুবা মতমদা রিদ্রেসেল তৌনবগীদমক মহাক্না সি.ই.ও.শিংদা হায়খি৷ তশেং-তশেংনা হেন্না ফবা ভোতর এক্সপরিয়েন্স লৈহন্নবা হোৎনবা য়াবা পুম্নমক হোৎনগদবনি হায়না মহাক্না অমুক্কা হন্না ফোংদোকখি৷ মখোয়গী গ্রিভেন্সশিং অসি রিদ্রেস তৌনবা সি.ই.ও.শিংনা পোলিতিকেল পার্তীশিংগা লোইননা চাং নাইনা ৱারি-ৱাতায় শানগদবনি হায়না মহাক্না মখাতাখি৷

লৈবাক অসিদা লৈরিবা রাজ্যশিং/য়ু.তি. পুম্নমক্তা চাং মান্ননা কম্মিসনগী ইন্সত্রক্সনশিং অসি ইন্নবা লৈরিবা গেপশিং অমসুং চেলেঞ্জশিং অসি খন্দোকপা অিনা কনফরেন্স অসিগী ওবজেক্তিবনি হায়না সি.ই.সি. শ্রী সুশিল চন্দ্রনা মহাক্কী ৱারোলদা ফোংদোকখি৷ আউত্রিচ হেনগৎনবগীদমক ইলেক্সনগা মরী লৈননা সি.ই.ও.শিংনা পাংথেক্লিবা খ্বাইদগী ফরবা প্রেক্তিসশিং অমসুং অনৌবা ইনিসিয়েতিবশিং অদু মেদিয়াগী খুৎথাংদা চাং নাইনা শন্দোক্কদবনি হায়না সি.ই.সি.না ফোংদোকখি৷

ইলেক্সনশিংগী লিগেল অমসুং রিগুলেতরী ফ্রেমৱার্ক অসি অদুক্কী মতিক ফৈ, অদুম ওইনমক ফিল্দদা কম্মিসনগী তোঙান তোঙানবা ইন্সত্রক্সনিং চৎনহনবা হায়বসি য়াম্না অরুবা অমনি হায়না ইলেক্সন কম্মিশনার শ্রী রজিব কুমারনা চীফ ইলেক্তোরেল ওফিসরশিংগা ৱারি-ৱাতায় শানখিবদা ফোংদোকখি৷ সি.ই.ও.শিংনা ইন্নোবেতিব ওইবা, হেন্না এক্তিব ওইবা অমসুং অতোপ্পা মীওইশিংনা শিজিন্নরিবা খ্বাইদগী ফরবা প্রেক্তিসশিং অমসুং চেলেঞ্জশিং অদুদগী তম্বা দরকার ওই হায়না মহাক্না ফোংদোকখি৷ কোর্দিনেসন অমসুং মেনিতরিংগীদমক দি.ই.ও.শিংগা চাং-নাইনা ৱারি শাননবা অমসুং তঙাই ফদনা কোর্স করেক্সনশিং লৈহন্নবা ক্রিতিকেল ফীদবেকগীদমক ফিল্দদা চৎপিনবা মহাক্না সি.ই.ও.শিংদা তকশিনখি৷

ই.সি.আই.গী থবক-থৌরমশিংগী ইফেক্তিব ওইবগী চাং অসি ফিল্দ লেবেল ওফিসিয়েলশিংনা ইফেক্তিব ওইনা চৎনরিবা অদুগী মখা পোনবনা বি.এল.ও.শিং ত্রেনিং তৌবা অমসুং কেপাসিতী শেমগৎকদবনি হায়না ইলেক্সন কম্মিশনার শ্রী অনুপ চন্দ্র পান্দেনা ফোংদোকখি৷ ইলেক্সন তৌদবা মতম ফাওবদা চহি চুপ্পা গ্রাউন্দ লেবেলদা আউত্রিচ অমসুং এস.ভি.ই.ই.পি. এক্তিবিতীশিংগীদমক ফিল্দদা তোঙান তোঙানবা স্তেকহোল্দরশিং অমসুং ওফিসিয়েলশিংনা য়াওশিল্লক্নবসু মহাক্না ফোংদোকখি৷ আউত্রিচ হেনগৎনবগীদমক সি.ই.ও.শিংনা অচুম্বা পাউ অমসুং ৱারোলশিং অদু লোকেল মেদিয়াদা চাং-নাইনা সেয়র  তৌহনবা দরকার ওই হায়না মহাক্না ফোংদোকখি৷

ফিল্দ লেবেলগী মথৌ তৌরিবা, তোঙান তোঙানবা স্তেকহোল্দরশিংগা চৎমিন্নরিবা অমসুং কম্মিসনগী ইন্সত্রক্সনশিং ইল্লিবা অদু খঙনবা কনফরেন্স অসি শিল্লিবনি হায়না সেক্রেতরী জেনেরেল শ্রী উমেশ সিনহানা মহাক্কী হৌদোক ৱারোলদা ফোংদোকখ্রে৷ চহি চুপ্পা সি.ই.ও.শিংনা এক্তিব ওইনা লৈগদবনি অমসুং এসেসমেন্ত অমসুং তঙাই ফদবা কোর্স করেক্সনশিংগীদমক ইলেক্সন ওফিসিয়েলশিংগা লোইননা চাং নাইনা এনগেজমেন্ত তৌগদবনি হায়না মহাক্না ফোংদোকখি৷

কনফরেন্স অদুদা, ঙরাং কম্মিসন অসিনা ‘কম্পেন্দিয়ম ওফ কেসেস ওন ইলেক্সন লো’ রিলিজ তৌখ্রে৷ কম্মিসন অসিনা কোপী কেবল বূক অমা “কন্দক্ত ওফ জেনেরেল ইলেক্সন্স তু দি অসাম লেজিস্লেতিব এসেমব্লী ২০২১”, অমসুং সি.ই.ও. অসামনা শেম্বা “কোল ওফ দ্যুতী” হায়না মমিং থোনবা অতেনবা ভিদিও অমা রিলিজ তৌখি৷ ভিদিও অসিনা অথাপ্পা-মনুং হঞ্জিনবা অমসুং অরুবা তেরেনশিংদা পোলিং স্তেসনশিং লৈহনবদা ইলেক্সন ওফিসিয়েলশিংনা থেংনখিবা তোঙান তোঙানবা চেলেঞ্জশিং অদু উৎলি৷ অনৌবা ভোতরশিংগীদমক সি.ই.ও. মনিপুরনা “পৱার ওফ ১৮” হায়না মমিং থোনবা ভোতর এন্থেম অমসু কনফরেন্স অদুদা রিলিজ তৌখি৷

ফোতো ইলেক্তোরেল রোল ২০২২(এস.এস.আর.২০২২)গী স্পিসিয়েল সম্মরী রিবিজনগীদমক এস.ভি.ই.ই.পি. এক্তিবিতীশিংগী মল্তিমেদিয়া একজিবিসনসু কনফরেন্স অদুদা উৎখি৷ এস.এস.আর ২০২২গী স্তেত আইকনশিংগীদমক রাজ্যশিং/য়ু.তি.শিংদগী ফংখিবা তোঙান তোঙানবা ওদিও বিজ্যুল ক্রিতিবশিং, প্রিন্ত এদবর্তাইসমেন্তশিং অমসুং মেসেজশিং উৎখি৷

কনফরেন্স অদুদা রাজ্যশিং/য়ু.তি. পুম্নমক্কী চীফ ইলেক্তোরেল ওফিসরশিং, সেনিয়র দি.ই.সি.শিং. দি.জি. অমসুং অতোপ্পা সেনিয়র ওফিসরশিংনা শরুক য়াখি৷ ইলেক্সন মেনেজমেন্তগা মরী লৈনবা তোঙান তোঙানবা হিরমশিং খন্ন-নৈননবা পোল তৌরিবা রাজ্য পুম্নমক্কা লোইননা নোংমগী তোখায়বা রিভ্যু মীফম অমা ঙসি ই.সি.আই.দা মতম লেপখ্রে৷

******