২০২১গী নবেম্বর ২৫গী নুংথিল পুং ১ তাবা মতমদা প্রধান মন্ত্রী শ্রী নরেন্দ্র মোদীনা উত্তর প্রদেশকী গৌতম বুদ্ধা নগরগী জেৱরদা নোইদা ইন্তরনেস্নেল এয়রপোর্ত(এন.আই.এ.) উরেপ-উয়ুং তমগদৌরিবনা ভারত্তা ইন্তরনেস্নেল এয়রপোর্ত মঙা লৈবা রাজ্য অসি উত্তর প্রদেশ খক্তনা ওইরগনি৷

কন্নেক্তিবিতী হেনগৎহন্নবা অমসুং তুংগীদমক শিজিন্ননবা শেম-শাদুনা থম্বা এভিয়েসন সেক্তর অমা শেমগৎনবা প্রধান মন্ত্রীনা মংজরিবা অদুগা মরী লৈননা এয়রপোর্ত অসি শেমগৎখিবনি৷ অসিগুম্বা অচৌবা মংলানগী অখন্নবা মীৎয়েং অমা উত্তর প্রদেশ(য়ু.পি.)কী রাজ্যদা থমখ্রে হায়বসি হন্দক্তা ইকুই কুইদ্রিঙৈদা শঙ্গাখিবা কুশিনগর এয়রপোর্ত অমসুং অযোধ্যাদা হৌজিক হৌজিক শেমগৎলিবা ইন্তরনেস্নেল এয়রপোর্ত য়াওনা অনৌবা ইন্তরনেস্নেল এয়রপোর্ত কয়া অমা শেমগৎলকপা অসিনা উৎলিবনি৷

এয়রপোর্ত অসিনা দিল্লী এন.সি.আর.দা থোক্লক্কদৌরিবা অনিশুবা ইন্তরনেস্নেল এয়রপোর্ত ওইরগনি৷ মসিনা আই.জি.আই. এয়রপোর্ত্তা চিল্লিবা অদু হন্থহনবদা মতেং পাংলগনি৷ এয়রপোর্ত অসি মফম চানা লৈ অমসুং মসিনা দিল্লী, নোইদা, ঘজিয়াবাদ, অলিগর, অগ্রা, ফরিদবাদ অমসুং থংনবা মফমশিং য়াওনা শহরগী মীয়ামদা কান্নবা পীরগনি৷

এয়রপোর্ত অসি অৱাং থংবা ভারতকী লোজিস্তিক গেতৱে ওইরগনি৷ মহাক্কী স্কেল অমসুং কেপাসিতীনা মরম ওইদুনা, এয়রপোর্ত অসি য়ু.পি.গী ওইনা গেম চেঞ্জর অমা ওইরগনি৷ মসিনা য়ু.পি.গী তৌবা ঙম্বা অদু মালেম অসিদা উৎথোক্লগনি অমসুং রাজ্য অসি গ্লোবেল লোজিস্তিক মেপতা য়াওহনবদা মতেং পাংলগনি৷ ইহান-হানবা ওইনা, লোজিস্তিক্কী মতম অমসুং শেম-শাবদা চংলিবা শেলগী চাদিং হন্থহনবদা মীৎয়েং থমদুনা ইন্তিগ্রেতেদ মল্তি মোদেল কার্গো হব অমগা লোইননা ভারত্তা এয়রপোর্ত অমা কন্সেপ্তচুয়েলাইজ তৌখ্রে৷ দেদিকেতেদ কার্গো তর্মিনেল অসি মেত্রিক তন লাখ ২০গী কেপাসিতী লৈরগনি অমসুং মসিনা মখাতানা মেত্রিক তন লাখ ৮০দা চাওথোকহনবা য়াগনি৷ ইন্দস্ত্রীয়েল পোত্থোকশিং য়াম্না লাইনা পুথোক-পুশিন য়াহন্দুনা, লমদম অসিনা অচৌবা ইনবেস্তমেন্তশিংগী পুক্নিং চিংশিনবদা, ইন্দস্ত্রীয়েল গ্রোথ য়াম্না থুনা লৈহনবদা অমসুং লোকেল প্রদক্তশিং অসি নেস্নেল অমসুং ইন্তরনেস্নেলগী মার্কেৎশিংদা য়ৌহনবদা এয়রপোর্ত অসিনা মতেং পাংদুনা য়াম্না মরু ওইবা থৌদাং অমা লৌরগনি৷ মসিনা এন্তরপ্রাইজেস কয়া অমদা অনৌবা খুদোংচাবশিং ফংহল্লগনি অমসুং থবক্কী খুদোংচাবশিংসু চাওনা ফংহল্লগনি৷

এয়রপোর্ত অসিনা গ্রাউন্দ ত্রান্সপোর্তেসন সেন্তর অমা শেমগৎলগনি, মসিদা মল্তিমোদেল ত্রান্সিত হব অমা, হাউজিং মেত্রো অমসুং হাই-স্পীদ রেল স্তেসনশিং, তেক্সী, বস সর্বিসেস অমসুং প্রাইভেৎ পার্কিং য়াওরগনি৷ অয়েৎ-অপন য়াওদবা মেত্রো সর্ভিস শিজিন্নদুনা নোইদা অমসুং দিল্লী এয়রপোর্ত অসিদা শম্নরগনি৷ য়ামুনা এক্সপ্রেসৱে, ৱেস্তর্ন পেরিফেরেল এক্সপ্রেসৱে, ইস্তর্ন পেরিফেরেল এক্সপ্রেসৱে, দিল্লী-মুম্বাই এক্সপ্রেসৱে অমসুং অতোপ্পশিংগুম্বা অনকপদা লৈরিবা মরু ওইবা লম্বীশিং অমসুং হাইৱে পুম্নমক এয়রপোর্ত অসিদা শম্নরগনি৷ এয়রপোর্ত অসি প্লান দিল্লী-বরানাসি হাই স্পীদ রেলদসু শম্নরগনি, দিল্লী অমসুং এয়রপোর্তকী মরক্কী খোঙচৎ অসি মিনিত ২১ খক্তদা য়ৌহল্লগনি৷

এয়রপোর্ত অসিদা স্তেত-ওফ-আর্ত এম.আর.ও.(মেন্তিনেন্স, রিপেয়র অমসুং ওভরহোলিং) সর্ভিসসু থম্লগনি৷ এয়রপোর্তকী দিজাইন অসি ওপরেতিং কোস্ত নেম্বা অমসুং পেসেঞ্জরশিং য়াম্না থুনা অমসুং লাইনা পুথোক-পুশিন তৌহনবদা মীৎয়েং থম্লি৷ এয়রপোর্ত অসিনা স্বিং এয়রক্রাফত স্তেন্দ কন্সেপ্ত অমা হৌদোক্লি, এয়রক্রাফত অদু রি-পোজিসন তৌদনা কন্তেক্ত স্তেন্দ অমখক্তদগী দোমেস্তিক অমসুং ইন্তরনেস্নেল ফ্লাইতশিং অনিমক্কী ওইনা এয়রক্রাফত অমা ওপরেত তৌনবা এয়রলাইনশিংগীদমক ফ্লেক্সিবিলিতী পীরি৷ মসিনা পেসেঞ্জর ত্রান্সফর প্রোসেস অসি নিংথিনা অমসুং য়াম্না লাইনা চত্থহন্দুনা এয়রপোর্ত্তা এয়রক্রাফত তর্নএরাউন্দশিং থুনা তৌহল্লগনি অমসুং ইফিসিয়েন্ত ওইহল্লগনি৷

মসিনা ভারতকী অহানবা নেত জিরো ইমিসন এয়রপোর্ত ওইরগনি৷ প্রোজেক্ত সাইতকী উশিং শিজিন্নদুনা ফোরেস্ত পার্ক ওন্থোক্নবা লম অসিদা লৈখ্রে৷ এন.আই.এ.না নেতিব স্পিসিস পুম্নমক য়োক্তুনা থম্লগনি অমসুং এয়রপোর্ত অসি শেমগৎ-শাগৎপা লোইদ্রি ফাওবদা পোজিতিব ওইনা অদুমক লৈরগনি৷

এয়রপোর্তকী অহানবা ফেজ শেমগৎপগী থবক অসি লুপা কোতি ১০,০৫০ হেন্না শিজিন্নরিবনি৷ লম হেক্তর ১৩০০ হেন্না শিজিন্নদুনা, এয়রপোর্ত অসিগী মপুং ফারবা অহানবা ফেজ অদুদা চহি অমদা পেসেঞ্জর কোতি ১.২রোম চনবগী কেপাসিতী অমা লৈহল্লগনি অমসুং মদুদা তৌরিবা থবক অদু ২০২৪ ফাওবগী মনুংদা লোইশিন্নবা লেপখ্রে৷ কন্সেসননেয়র ওইনা ইন্তরনেস্নেল বিদ্দর জুরিচ এয়রপোর্ত ইন্তরনেস্নেল এ.জি.না থবক অদু পাংথোক্লগনি৷ লম লৌশিনবা অমসুং শোক্লিবা ইমুংশিংদা মতেং পাংবগা মরী লৈননা অহানবা ফেজকী গ্রাউন্দৱার্ক মপুং ফানা লোইশিনখ্রে৷

******