হোম এফেয়র্সকী কেন্দ্র মন্ত্রী অমসুং কোওপরেসন মন্ত্রী শ্রী অমীত সাহনা মনিপুরগী তমেংলোং জিলাগী লুৱাংকাও খুন্দা রানী গাইদিংলু ত্রাইবেল ফাইতর্স ম্যুজিয়ম শানবগীদমক্তা মনিপুরগী মুখ্য মন্ত্রী শ্রী নোংথোম্বর বিরেন সিংহ, ত্রাইবেল এফেয়র্সকী কেন্দ্র মন্ত্রী শ্রী অর্জুন সিংহ য়াওনা ইম্ফাল ইস্তকী সিতী কনভেন্সন সেন্তরদগী ভিদিও কনফরেন্সতগী হয়েং উরেপ-উয়ুং তম্লগনি।।

প্রোজেক্ত অসি ভারত সরকারগী ত্রাইবেল এফেসর্স মন্ত্রালয়না লুপা করোর ১৫ চংগনি হায়না পানদুনা সেঙ্কসন তৌখিবনি।  রাজ্যগী মন্ত্রী মন্দলনা ম্যুজিয়ম অসি ফাওরবা নিংতম লান্মী রানী গাইদিংলুগী পোক্নফম ওইরিবা তমেংলোং জিলাগী লুৱাংকাও খুঙ্গংদা লিংখৎনবা নিংতম লান্মী রানী গাংদিংলুগী মিংদা লিংখৎনবা ৱারেপ লৌখ্রে।  ত্রাইবেল এফেয়র্স মন্ত্রালয়না নবেম্বর ১৫দা প্তধান মন্ত্রী শ্রী নরেন্দ্র মৌদীনা জনজাতীয় গৌরব দিবস হৌদোকখিবা মহাক্কী আজাদী কা অমৃত মহোত্সবকী চয়োল পাংথোক্লি। 

রানী গাইদিংলু অসি জনুৱারী তাং ২৬, ২১৯১৫ দা মনিপুরগী তেংলোং জিলাগী তৌসেম সব-দিবিজন্দা লৈবা লুৱাংকাও খুঙ্গংদা পোকখি। চহী ১৩ তা মহাক জাদোনাংগা লোয়নবা হৌখি অমসুং মহাক অসি মীয়ামগী, লাইনিং-লাইনিং-লোইশোন অমসুং রাজনীতিগী ইহৌদা  মহাক্কী লেফেতেনেন্ত ওইখি। মহাক্না ১৯২৬ নত্রগা ১৯২৭ গী অদুৱাইদা জাদোনাংগা চহী মরি লোইনখিবা অসিদা ব্রিতিশকী মায়োক্তা লান্থেংনবগী শেম-শাখি। জাদোনাংবু ফাঁসী তৌদুনা হাৎখ্রবা মতুংদা গাইদিংলুনা ইহৌ অসিগী লুচিংবা ওইখি। জাদোনাংবু ফাঁসী তৌদুনা হাৎক্রবা মতুংদা বৃতিশকী মায়োক্তা গাইদিংলুনা শাথিবা মওংদা লান্থেংনবা হৌরকখিবা অসিগী মরম্না মহাকপু বৃতিশশিংনা চহী ১৪ কৈশুমশঙদা থমখিবদুনা ১৯৪৭ দা থাদোরকখিরম্মী।  

মহাক্না বৃতিশকী মায়োক্তা লান্থেংনরম্বা অদুবু শকখংবা ওইনা মহাক অসিবু “রানী” হায়না কৌনবা হৌরকখি। মহাক অসি ভারতনা নিং-খা তম্লবা মতুংদা তুরা কৈশুমশঙদগী থাদোরকখি।  রানী গাইদিংলু অসি ফেব্রুৱারী ১৭, ১৯৯৩ দা মশাগী খুঙ্গং লুৱাংকাওদা নোঙ্গাখি।

মহাক অসি ১৯৭২ দা তম্রপত্র, ১৯৮২ দা পদ্ম ভুশন, ১৯৮৩ দা বিবেকানন্দ সেবা সম্মান, ১৯৯১ দা স্ত্রী শক্তী পুরস্কার অমসুং নোঙ্গাক্রবা মতুং ১৯৯৬ দা ভগৱান বিরসা মুন্দা পুরস্কার পীখি।  ১৯৯৬ দা ভারত সরকারনা গানী গাইদিংলুগী নিংশিংনিংঙাই ওইবা স্তাম্প অমা পুথোকখি।  ২০১৫ দা মহাক্কী চামা শুবা মপোক কুমওন পাংথোকপগী থৌরমদা ভারতকী প্রদান মন্ত্রীনা লুপা চামা চৎপী অমসুং লুপা মঙা চৎপীগী সর্কুলেসন কোইন পুথোকখি। ভারতীয় কোস্ত গার্দনা ওক্তোবর ১৯, ২০১৬ দা  “আই.সি.জি.এস.” কী অয়াংবা পেত্রোল ভেসেল অমা লমথাখি।

মনিপুর অসিদা তুরিজম সেক্তরদা তৌবা য়াবা কয়া অমা লৈ অমসুং মসিগী প্রোজেক্ত অসিনা মখা তানা তুরিজম সেক্তরদা মকোক থংদুনা রাজ্য অসিগী সোসিও-ইকোনোমিক্কী ফীভম চাউখৎহনগনি।

*****