খুরুমজরি!

ভগবান বির্সা মুন্দাগী মপোক-কুমওনদা ঐখোয়গী ইরক্তা শরুক য়ারিবশিং অদুদি ঝর্খন্দগী রাজ্যপাল শ্রী রামেশ বায়েস জী, ঝর্খন্দগী মুখ্য মন্ত্রী শ্রী হেমান্ত সোরেন জী, ত্রাইবেল এফিয়র্সকী কেন্দ্রগী মন্ত্রী অমসুং ঝর্খন্দগী হান্নগী মুখ্য মন্ত্রী আর্জুন মুন্দা জী, ঝর্খন্দগী হান্নগী মুখ্য মন্ত্রী শ্রী বাবু লাল মরন্দি জী, কেন্দ্রগী কল্চর মন্ত্রী শ্রী জি. কিসন রেদ্দী জী, অন্নপুর্ণ দেবী জী, রঘুবার দাস জী, ঝর্খন্দ সরকারগী অতোপ্পা মন্ত্রীশিং, লৈবাক অসিগী এম.পি.শিং, এম.এল.এ.শিং, ইয়াম্বা-ইনাউশিং অমসুং ইচল-ইচেশিং মরু ওইনা ঝর্খন্দগী ঐগী মরুপশিংনি৷ লৈবাক অসিগী মমিং লৈরবা নিংতম-লান্মী ভগবান বির্সা মুন্দাগী মপোক-নুমিৎতা ত্রাইবেল ইয়াম্বা-ইনাওশিং অমসুং ইচল-ইচে পুম্নমক্তা য়াইফ-পাউজেল পীজরি!

মরুপশিং,

ঐখোয়গী পুন্সিদা অফবতা ওইগদবা নুমিৎ খরনিদা ঙাইরে৷ অদুগা, নুমিৎশিং অসি লাকপা মতমদা, মসিগী ঔরা অমসুং রেদাইয়েন্স অসি লাক্কদৌরিবা মীরোনশিংদা শিন্নবিরম্বা হায়বসি ঐখোয়গী ইথৌনি! ঙসি অসি অদুগুম্লবা য়াইফরবা থৌরম অমনি৷ নবেম্বর ১৫, নুমিৎ! ‘ধর্তি আব’ ভগবান বির্সা মু্ন্দাগী মপোক নুমিৎ! ঝর্খন্দগী ফাউন্দেসন দে! অমদি লৈবাক্কী নিং-খা তম্বগী অমিৃত মহোতসবকী য়াম্না মরু ওইবা মতম!  মসি ঐখোয়গী লৈবাক্কী থাজনবগী থৌরম অমনি, ভারতকী অরিবা ত্রাইবেল কল্চরবু ইকাই খুম্নবগী থৌরম অমনি৷ ত্রাইবেল কম্ম্যুনিতীদগী ইনর্জী লৌদুনা ভারতকী থৱাই অসিবু অনৌবা থাকশিংদা পুখৎপা হায়বসি ঐখোয়গী থৌদাংনি৷ মরম অদুনা, মনিং-মখা তম্বগী মতম অসিদা ত্রাইবেল ত্রেদিসনশিং অমদি মহাক্কী সেগাশিংদা মঙাল নাইরবা আইদেন্তিতী অমা পীনবা লৈবাক অসিনা ৱারেপখ্রে৷ মসিগী শরুক অমা ওইনা, ঙসিদগী হৌদুনা লৈবাক অসিনা নবেম্বর ১৫, ভগবান বির্সা মুন্দাগী মপোক-নুমিৎ অসি জনজাতিয়া গৌরব দিৱস ওইনা চহি খুদিংগী পাংথোক্লগনি হায়না ইতিহাসিক ওইরবা ৱারেপ অমা লৌখ্রে৷

ভগবান বির্সা মুন্দা অমদি ঐখোয়গী ত্রাইবেল ফ্রীদম ফাইতরশিং অমসুং থৌনা ফরবা অথৌবশিংগী খোঙয়াদা ঙসি ঐনা লৈবাক্কী ৱারেপ অসি হায়জরি৷ থৌরম অসিদা, ঐনা ঝর্খন্দগী মীয়াম পুম্নমক্তা, লৈবাক্কী মফম পুম্নমক্তা লৈরিবা ত্রাইবেল ইয়াম্বা-ইনাউ অমসুং ইচল-ইচেশিং অমদি ঐখোয়গী লৈবাকমচাশিংদা হন্না হন্না নুংঙাইবা ফোংদোকচরি৷ ঐগী পুন্সিগী অচৌবা শরুক অমা ত্রাইবেল ইচিল-ইনাউশিং অমদি অঙাংশিংগা লোইনখ্রে৷ মখোয়গী নুংঙাইবশিং  অমসুং অৱাবশিং, মখোয়না নুংতিগী তৌরিবশিং, মখোয়গী পুন্সিদা চংলিবা অপিকপা অমদি অচৌবা পোৎলমশিং পুম্নমক ঐনা খঙখ্রে, উখ্রে৷ মরম অদুনা, ঐ ইশাগী ওইনদি, ঙসি অসি পুক্নিং য়াম্না নুংশিবা নুমিৎ অমনি৷

মরুপশিং,

ঐখোয়গী ইকাই খুম্নরবা অতল বিহারি বাজপয়ী জীগী অখাং-কনবা অদুনা মরম ওইদুনা ঝর্খন্দগী রাজ্য অসিসু নুমিৎ অসিদা শেমখিবনি৷ লৈবাক্কী পোলিসীশিংগা লোইননা ত্রাইবেলগী ইন্তরেস্তশিং ঙাক-শেনখিবা অমদি তোখায়বা ত্রাইবেল মন্ত্রালয় অমা শেমখিবা  অসি বাজপয়ীনা ইহান হানবা ওইখি৷ ঝর্খন্দ ফাউন্দেসন দেগী থৌরমদা, ইকাই খুম্নরবা অতল জীগী খোঙয়াদা তুদুনা ঐনা মফমদা ইকাই-খুম্নবা উৎচরি৷

মরুপশিং,

মসিগী য়াম্না মরু ওইবা থৌরম অসিদা, লৈবাক অসিগী অহানবা ত্রাইবেল ফ্রীদম ফাইতর্স ম্যুজিয়ম  অদু লৈবাকমচাশিংদা কৎলি৷ ভারতকী আইদেন্তিতী অমদি নিং-খা তম্বগীদমক লান্থেংনদুনা, ভগবান বির্সা মুন্দানা রাঞ্চিগী জেল অসিদা মহাক্কী পুন্সি অরোইবা য়াহিপ তাখি৷ ভগবান বির্সাগী ইমপ্রিন্ত লৈরিবা লমদম অসি ঐখোয় পুম্নমক্কী ওইনদি পিলগ্রীমেজ মখল অমনি৷ মতম খরগী মমাংদা, ত্রাইবেল সোসাইতীগী পুৱারি অমদি নিংতম-ইহৌদা মখোয়না লৌখিবা থৌদাং কাওহন্দনবা লৈবাক পুম্বদা অদিবাসি(ত্রাইবেল) ম্যুজিয়মশিং শেমগৎনবগীদমক ঐনা হায়জখ্রে৷ হিরম অসিগীদমক কেন্দ্র অমদি রাজ্য সরকার পুম্নমক্না পুন্না খুৎশম্নদুনা হোৎনরি৷ ত্রাইবেল কল্চর নিংথিনা য়াওবা অহানবা ত্রাইবেল ম্যুজিয়ম অদু ঙসি ঝর্খন্দদা শাখিবা অসিদা ঐ নুংঙাইবা ফাওজৈ৷ ভগবান বির্সা মুন্দা মিমোরিএল উদ্যান কম ফ্রীদম ফাইতর ম্যুজিয়ম অসিগীদমক ভারতকী প্রজা পুম্নমক অমদি লৈবাক্কী ত্রাইবেল সোসাইতীদা ঐনা থাগৎপা ফোংদোকচরি৷ মসিগী ম্যুজিয়ম অসি নিংতম-ইহৌদা থৌনা লৈরবা ত্রাইবেলগী অথৌবা অমদি অথৌবীশিংনা লৌখিবা থৌদাং উৎলিবা, দাইবর্সিতীনা পিক থল্লবা ঐখোয়গী ত্রাইবেল কল্চরগী লিবিং ভেন্যু অমা ওইরক্লগনি৷ সিধু-কানহু, পোতো হো, তেলঙ্গ খারিয়া, গয়া মুন্দা, জত্র তানা ভগৎ অমসুং দিবা-কিসুন য়াওনা ত্রাইবেল অথৌবা কয়া অমগী মুর্ত্তিশিং ম্যুজিয়ম অসিদা লৈরি অমদি মখোয়গী পুন্সি ৱারিশিং অসিসু শন্দোক্না তাক্লি৷

মরুপশিং,

মসিদগী হেন্দোক্তুনা, লৈবাক অসিগী তোঙান তোঙানবা রাজ্যশিংদা অহেনবা মাপন অমগা শানবগী থবক খোঙজেল য়াংনা পাইখৎলি৷ অথুবা মতমদা, গুজরাতকী রাজপিপলাদা, আন্ধ্র প্রদেশকী লম্বাসিঙ্গিদা, ছত্তিশগরগী রাইপুরদা, কেরলাগী কোজিকোদতা, মধ্য প্রদেশকী ছিনদ্বারাদা, তেলঙ্গনাগী হাইদ্রবাদতা, মনিপুরগী তামেংলোংদা, মিজোরামগী কেলসিদা অমসুং গোৱাগী পোন্দাদা ঐখোয়না ম্যুজিয়মশিং উরগনি৷ ম্যুজিয়মশিং অসিনা লৈবাক অসিগী লাক্লিবা অনৌবা মীরোনশিংদা ত্রাইবেল পুৱারিগী চাওথোকচনিংঙাই ওইরিবশিং অসি খঙহনবতা নত্তনা এরিয়াশিং অসিদা অনৌবা ইম্পিতস অমসু পীরগনি৷ ম্যুজিয়মশিং অসিনা মীরোন অমদগী মীরোন অমদা পুদুনা লাকখিবা ইহৈশিং, ম্যুজিক, আর্ত-স্কিলশিং, হেন্দিক্রাফতশিং অমসুং ক্রাফতশিং অসিসু য়োক্তুনা থম্লগনি অমদি প্রমোত তৌরগনি৷

মরুপশিং,

ভগবান বির্সা মুন্দা অমদি ঐখোয়গী ত্রাইবেল ফাইতর কয়া অমনা লৈবাক্কী নিং-খা তম্বগীদমক মখোয়গী পুন্সিশিং কৎথোকখ্রে৷ অদুবু মখোয়দা নিং-খা তম্বগী ৱাহন্থোক অসি করি ওইখি?  ভারতকী সোভরিন্তী অমদি ভারতকীদমক ৱারেপশিং লৌবগী শক্তি অসি ভারতকী প্রজাদা লৈগদবনি হায়বা অসিনা নিংতম-ইহৌগী ইন্নেত গোল ওইখি৷ মতম অসিমক্তদা, 'ধর্তি আব'গীদমক লান্থেনখিবা অসিসু ভারতকী ত্রাইবেল সোসাইতীগী আইদেন্তিতী মুথৎপা পামখিবা ৱাখল্লোন অদুগী মাইয়োক্তা ওইখি৷ মোদর্নিতীগী মমিং শিজিন্নরগা দাইবর্সিতীদা এতেক তৌবা অমদি অরিবা আইদেন্তিতী অমসুং নেচরগা লোইননা চয়েৎনবা পোকহনবা অসিনা সমাজ অসিদা য়াইফবা পুরকপগী লম্বী নত্তে হায়বসি ভগবান বির্সা মুন্দা খঙখি৷ মতমগা চুনরবা মহৈ-মশিং তম্বিবা মহাক্না পাম্লমখি, অহোংবশিং পুরক্নবা মহাক্না শৌগৎখি অমদি মহাক মশাগী সমাজকী মাইয়োক্তা লাক্লিবা অমদি ফৎতবশিং অদুগী মাইয়োক্তা ৱা ঙাংবগী থৌনা অদুসু মহাক্না উৎখি৷ ইলিতরেসী, দ্রগতা লাইচুবগী মাইয়োক্তা মহাক্না কেম্পেন্দ চত্থখি অমদি সমাজ অদুদা লৈরিবা নহাশিংগী মরক্তা এৱার্নেস শন্দোকখি৷ ত্রাইবেল সোসাইতীদা অনৌবা ইনর্জী অমা পীখিবা অসি মসিগী মোরেল ভেল্যুশিং অমসুং পোজিতিব থিঙ্কিং অসিগী ইম্পেক্ত ওইখি৷ ঐখোয়গী ত্রাইবেল সোসাইতী, মুন্দাগী মচিন-মনাউশিং অসিবু শোৎথরবা অমদি অশোনবশিংনি হায়না লৌখিবা ফোরেন্নরশিং অদুমক ভগবান বির্সা মুন্দা অমদি মুন্দা সোসাইতীনা মখোয়গী মখোংদা তুহনখি৷ মসি লান্থেংনবা অসি রুৎ-ফোরেস্ত লেন্দ, ত্রাইবেল সোসাইতীগী আইদেন্তিতী অমসুং ভারতকী মনিং-মখা তম্বগীদমক ওইখি৷ ভগবান বির্সানা মপান লমগী য়েক্নবশিংগী মাইয়োক্তা লান্থেংননবা অমদি মখোয়গী মনুংদা লৈরিবা অশোনবা অদু সমাজ অসিদা তাকথোকখিবনা লান্থেংনখিবা অদু অদুক্কী মতিক শক্তি লৈখি৷ মরম অদুনা, জনজাতিয়া গৌরব দিৱস অসি শমাজ অসিবু শক্তি হাপ্নবা কৎথোকখিবা অদুবু নিংশিংনবগী থৌরম অমসু ওইরি হায়না ঐনা খল্লি৷

মরুপশিং,

ভগবান বির্সা মুন্দাগী 'উলগুলন' (রিবোলুসন)  অসি মাই-পাকপা অমসুং মাইথিবদা লোইখিদে৷ মসি পুৱারিগী অচম্বা লানফম অমা ওইখিদে৷ ‘উলগুলন’ অসি লাক্কদৌরিবা চহি-চাশিংগীদমক পুক্নিং থৌগৎনিংঙাই ওইরবা ইভেন্ত অমা ওইখি৷ ভগবান বির্সা মুন্দানা সমাজ, কল্চর অমসুং লৈবাক অসিগীদমক পুন্সি কৎথোকখি৷ মরম অদুনা ঙসি ফাওবদা, মহাক অসি ঐখোয়গী থাজবা অমসুং থৌনাগী ইশ্বর ওইনা লৈরি৷ ত্রাইবেল সোসাইতীনা লৈবাক্কী চাওখৎ-থৌরাংদা পার্তিসিপেন্ত অমা ওইরক্লিবা অমদি ইনবাইরোনমেন্তদা ভারতপু লমজিংলকপা  অসি ঐখোয়না উরুবা মতমদা, ঐখোয়না ভগবান বির্সা মুন্দাগী মাইথোং অমসুং মহাক্কী য়াইফ-মঙ্গোলশিং অদু নিংশিংই৷ মরম অদুনা, ত্রাইবেল সোসাইতীনা মখোয়গী সমাজকী কস্তমশিং অমদি কল্চরবু ঙাক শেন্দুনা থমগদবনি৷ মসিনা ঐখোয়গী ভারতনা ঙসি মালেম পুম্বগীদমক তৌরিবা অসি!

মরুপশিং,

ভগবান বির্সা অসি ইন্দিবিজ্যুল অমা নত্তে, ঐখোয় পুম্নমক্কী ত্রেদিসন অমনি৷ মহাক অসি চহি-চা কয়া অমা ভারতকী থৱাইগী শরুক অমা ওইখ্রবা পুন্সিগী ফিলোসোফীগী শক্তম্নি৷ মহাকপু ঐখোয়না ‘ধর্তি আব’হায়না খক কৌদে৷ লৈবাক্কী মপা মহাত্ম গান্ধীনা খা অফ্রিকাদা অপার্থাইদকী মাইয়োক্তা মীওই জাতিগী খোল্লাউ ওইরকখিবা মতম অদুদা, বির্সা মুন্দানা মাংজৌননা ভারত্তা সর্বিচুদকী মাইয়োক্তা লান্থেনবগী চেপ্তর অমা ইখ্রে৷‘ধর্তি আব’না মতম কুইনা হিংলমখিদে৷ অদবু মহাক্কী অতেনবা পুন্সিগী মতমদা লৈবাক অসিগী মপুং ফারবা পুৱারি অমা মহাক্না ইরমখি অমদি ভারতকী মীরোনশিংদা অনৌবা দাইরেক্সন অমা পীখি৷ অমিৃত মহোতসবকী মতম অসিদা, লৈবাক অসিনা হৌখিবা চহি খুজিংশিংদা কাওথোক্নরুরবা পুৱারিগী অসিগুম্লবা মশিং থিঙমদ্রবা লৈমাই কয়া অমা হাংদোক্লি৷ লৈবাক অসিগী নিং-খা তম্বা অসিদা মখোয়না মরম ওইদুনা মশক খঙবিরুদ্রবা লান্মী কয়া অমনা কৎথোকখি৷ ঐখোয়গী নিংতম-ইহৌগী মতমদা ঐখোয়না য়েংলুবা মতমদা, লৈবাক অসিগী তোঙান তোঙানবা শরুকশিংদা ত্রাইবেল রিবোলুসন থোকখিদবা মতম অমতা লৈতে! ভগবান  বির্সাগী  লুচিং মখাদা হৌখিবা মুন্দা মুবমেন্তবু ওইরবসু, নত্রগা সন্থাল ইহৌ অমসুং খাসি ইহৌ, অৱাং-নোংপোক্কী অহোম ইহৌ নত্রগা চোতা নাগপুর রিজনগী কোল ৱার অমসুং ভিল ইহৌবু ওইরবসু, ভারতকী ত্রাইবেল মচানুপাশিং অমদি মচানুপীশিংনা মতম খুদিংমক্তা ব্রিতিশ শাসনবু চেলেঞ্চ তৌখি৷

মরুপশিং,

করিগুম্বা ঐখোয়না ঝর্খন্দ অমসুং ত্রাইবেল রিজন পুম্বগী পুৱারীদা য়েংলুবা মতমদা, বাবা তিল্কা মঞ্জিনা ব্রিতিশকী মাইয়োক্তা অকনবা ফ্রন্ত অমা লোঞ্চ তৌখ্রে৷ সিধো-কানহু অমসুং চান্দ-বৈরাভ মচিন-মনাউনা ভোগনাদিদগী সন্থল ৱারগী ত্রম্পেৎ খোংলকখ্রে৷ তেলঙ্গা খারিয়া, শৈখ ভিখানি অমসুং গনপৎ রাই, লমজিংলিবা অথৌবশিং অমদি  অথৌইবীশিং মমিং ওইনা, তিকেৎ অমরাউ সিংহ, বিস্বানাথ শাদিও,নিলম্বর-পিতম্বর, নরায়ন সিংহ, জত্রা ওরাওন, জাদোনং, রাণি গাইদিনলু অমসুং রাজমোহিনি দেবীনা  নিংতম-ইহৌ চত্থবদা কৎথোকখিবা ফাইতর কয়ানি৷ হায়রিবা অথৌবশিং অসিগী থৌদাং অসি কাওবা ঙম্লরোই৷ মসিগী মঙাল নাইরবা হৌখিবা থৌদোক অমদি সাগাশিং অসিনা অনৌবা ভারতকীদমক ইনর্জী পীরগনি৷ মরম অদুনা, নহাশিং অমদি হিস্তোরিয়নশিংনা হায়রিবা মীওইশিং অসি য়াওহন্দুনা নিংতম্বগী পুৱারি অসি অমুক হন্না ইনবা লৈবাক অসিনা হায়জখ্রে৷

লমদম অসিগী পুৱারী পাবা খক্তা নত্তনা লৈবাক্কী রিসোল্ব অসিগী থৌদাং লৌনবা মীৎমক্না উখ্রবা, তাখ্রবা অমদি হিংখ্রবা ঝর্খন্দগী নহা মরু ওইনা ত্রাইবেলগী নহাদসু ঐনা হায়জবা পাম্মী৷ নিংতম-ইহৌগা মরী লৈনবা পুৱারীদা নহাক্না নৈনবা নত্রগা লাইরিক অমা ইবা য়াই৷ ত্রাইবেল আর্ত অমসুং কল্চর অসি মীয়ামদা য়ৌহন্নবা অদোম্না অনৌবা ইন্নোবেতিব ৱেজশিংসু পুথোকপা য়াই৷ ঐখোয়গী অরিবা হেরিতেজ অমদি পুৱারিদা অনৌবা কন্সিয়র্সনেস পীবা হায়বসি ঐখোয়গী থৌদাংনি৷

মরুপশিং,

ভগবান বির্সা মুন্দানা ত্রাইবেল সোসাইতীগী একজিস্তেন্স, আইদেন্তিতী অমসুং সেল্ফ-রিলাইয়েন্সকী অশা তৌখৌ৷ ঙসিদি, রিসোল্ব অসিগা লোইননা লৈবাক অসিনা চংশিল্লক্লি৷ অচৌবা উপাল অমা ওইরবসু, উপাল অদুনা মরা চেৎনা তাশিল্লবা মতম খক্তদা মতোন লোম্না ৱাংনা লেপ্পা ঙমগনি হায়বসি ঐখোয়না কাওরোইদবনি৷ মরম অদুনা, মসিগী রুতশিং অসি শম্নহন্নবা অমদি মসিগী রুতশিং অসি মপাঙ্গল লৈহন্নবগী রিসোল্ব অসিসু অত্মনির্ভর ভারতনা ওইরি৷ হায়রিবা রিজোলুসন অসি ঐখোয় পুম্নমক্না হোৎনরবা মতমদা মংফাওনবা ঙমগনি৷ মসিগী রিজোলুসনশিং অসি ঐখোয়গী লৈবাক অসিনা শোইদনা ফংবা ঙমগনি অমসুং ভগবান বির্সাগী মঙ্গোলশিং ফংদুনা মালেম পুম্বদা অনৌবা দাইরেক্সন অমসু পীবা ঙম্লগনি হায়না ঐগী থাজবা লৈ৷ জনজাতিয়া গৌরব দিৱসকীদমক ঐনা অমুক্কা হন্না লৈবাক অসিদা য়াইফ-মঙ্গোল পীজরি৷ রাঞ্চিদা চৎপিদুনা ত্রাইবেল কম্ম্যুনিতীগী ফজরবা কল্চরবু উৎলিবা একজিবিসন অসি য়েংবিনবা ঐনা লৈবাক অসিগী মহৈরোইশিংদা তকশিল্লগনি৷ মফম অদুদা করিগুম্বা খরা খঙনবা হোৎনৌ৷ ভারতকী অঙাং খুদিংমক্কী ওইনা পুন্সিদা অখাং-কনবা অমগা লোইননা চংশিন্নবা মফম অসিদা কয়া অমা লৈ৷ময়াম পুম্নমকপু ঐনা অমুক্কা হন্না অদুক্কী মতিক থাগৎপা ফোংদোকচরি৷

*****