প্রধানমন্ত্রীগী লোইশঙ

য়ুনাইতেদ স্তেতস কংগ্রেস্নেল দেলিগেসনগা লোইননা ফমখিবা প্রধান মন্ত্রীগী মীফম

Posted On: 13 NOV 2021 12:42PM by PIB Imphal

সেনেতর জোন কোর্নিননা লমজিংখিবা য়ু.এস. কংগ্রেস্নেল দেলিগেসনগা প্রধান মন্ত্রী শ্রী নরেন্দ্র মোদীগা উন্নখি, মসিদা সেনেতর মাইকেল ক্রাপো, সেনেতর থোমাস ত্যুবরবাইল, সেনেতর মাইকেল লী, কংগ্রেসমেন তোনী গোনজালিস অমদি কংগ্রেসমেন জোন কেবিন ইলিজেনা শরুক য়াখি৷ সেনেতর জোন কোর্নিননা ভারত অমদি ইন্দিয়ন অমেরিকানশিংগী সেনেত কোকসকী কো-ফাউন্দর অমসুং কো-চিয়র ওইরি৷

পাক-চাওরবা অমদি মীশিং য়াম্লবগী চেলেঞ্জশিং অসি থেংন-থেংননা ভারত্তা কোবিদকী ফিভম মাই পাক্না থেংনরিবা অসি কংগ্রেস্নেল দেলিগেসননা পনখি৷ লৈবাক্কী দেমোক্রেতিক ইথোস্তা বেজ তৌদুনা মীয়াম্না শরুক য়ারকপা অসিনা হৌখিবা চহি-চা অমগী খ্বাইদগী ফিভম শোক্লবা লাইনা-লাইচৎ অদু লান্থেংনখিবা য়াম্না মরু ওইবা থৌদাং অমা লৌখি হায়না প্রধান মন্ত্রীনা ফোংদোকখি৷

ইন্দিয়া-য়ু.এস. কমপ্রিহেন্সিব গ্লোবেল স্ত্রাতিজিক পার্তনরশিপ হেন্না ফগৎহন্নবা য়ু.এস. কংগ্রেসনা লৌরিবা কন্সত্রক্তিব ওইবা থৌদাং অমদি কন্সিস্তেন্ত সপোর্ত অদু প্রধান মন্ত্রীনা থাগৎখি৷

থৌরম অসিদা খা-এসিয়া অমসুং ইন্দো-পেসিফিক রিজনগা মরী লৈনবশিং য়াওনা মুচুএল ইন্তরেস্তকী রিজনেল ইসুশিংগী মতাংদা নিংথিনা খন্ন-নৈনখি৷ স্ত্রাতিজিক পার্তনর অনিগী মরক্তা স্ত্রাতিজিক ইন্তরেস্তশিং পুনশিনবা হেনগৎলক্লিবা অদু প্রধান মন্ত্রী অমদি লাক্লিবা দেলিগেসননা পনখি অমসুং গ্লোবেল পিচ অমসুং স্তেবিলিতী হেন্না প্রমোত তৌনবগী পান্দম অমদা মখাতানা হেন্না কোওপরেসন পীননবগী অপাম্বা ফোংদোক্নখি৷ তেরোরিজম, ক্লাইমেত চেঞ্জ অমসুং ক্রিতিকেল তেক্নোলোজীশিংগী রিলাইএবল ওইবা সপ্লাই চেন য়াওনা কন্তেম্পোররী গ্লোবেল ইসুশিংদা কোওপরেসন হেন্না পীননবা অমদি বাইলেতরেল রিলেসনশিপ ফগৎহন্নবগী পোতেন্সিয়েল অদুদা প্রধান মন্ত্রীসু ৱাখল্লোনশিং ফোংদোকখি৷

*****



(Release ID: 1771624) Visitor Counter : 171


Read this release in: English , Urdu , Marathi , Hindi , Assamese , Bengali , Punjabi , Gujarati , Odia , Tamil , Telugu , Kannada , Malayalam