শেল-থুম মন্ত্রালয়গী এক্সপেন্দিচর বিভাগনা রাজ্য ১৯গী রুরেল অমসুং অর্বান লোকেল বোদীশিংগী হেল্থ সেক্তর গ্রান্ত ওইনা লুপা করোর ৮,৪৫৩.৯২গী শেনফম অমা কাইথখ্রে। শেন্থংশিং অসি তরা-মঙা শুবা ফাইনান্স কম্মিসনগী পাউতাকশিংগী মতুং ইন্না কাইথখি। রাজ্য অমমমগী ওইনা কাইথখিবা শেন্থংগী শেনফম মখাদা হাপ্লি।

তরা-মঙা শুবা ফাইনান্স কম্মিসনগী (এফ.সি.- XV) ২০২১-২২দগী ২০২৫-২৬ ফাওবগী মতমগী ওইনা মখোয়গী রিপোর্ত্তা লোকেল গভর্নমেন্তশিংদা পুন্না লুপা করোর ৪,২৭,৯১১গী শেন্থং কাইথনবা পাউতাক পীখি। কম্মিসন অসিনা অয়াবা পীখিবা শেন্থং কয়াগী মরক্তা লুপা করোর ৭০,০৫১ গী হেল্থ গ্রান্ত য়াওখি। শেনফম অসিগী মনুংদা রুরেল লোকেল বোদীশিংগী ওইনা লুপা করোর ৪৩,৯২৮ অমসুং অর্বান লোকেল বোদীশিংগী ওইনা লুপা করোর ২৬,১২৩ য়াওখি।

শেন্থংশিং অসি হেল্থ সিস্তেমশিং মপাঙ্গল কনখৎহন্নবা অমসুং প্রাইমরি হেল্থ কিয়রগী থাক্তা লৈরিবা হেল্থ কিয়র সিস্তেমগী মরু ওইবা অৱাৎপশিং অসি মেনখৎনবগীদমক্তনি। কম্মিসন্না খুঙ্গং অমসুং সহরগী মফম অনিমক্তা প্রাইমরী হেল্থ ইনফ্রাস্ত্রকচর অমসুং ফেসিলিতীশিংগী মপাঙ্গল হকথেংননা কনখৎহনবা ঙমগদবা থৌরাংশিংসু মশক খঙদোকখ্রে অমসুং থৌরাং অমমমগী ওইনা শেন্থংশিং খাক্তুনা থমখ্রে। থৌরাংশিং অদুদি:

1. খুঙ্গংগী মফমশিংদা লৈবা প্রাইমরী হেল্থকিয়র ফেসিলিতীশিংগী দাইগ্নোস্তিক ইনফ্রাস্ত্রকচর মতেং পাংনবা  – লুপা করোর  ১৬,৩৭৭ ৱ
2. খুঙ্গংগী মফমশিংদা লৈবা ব্লোক্কী থাক্কী পব্লিক হেল্থ য়ুনিতশিংগী ওইনা – লুপা করোর ৫,২৭৯
3. খুঙ্গংগী মফমশিংদা বিল্দিং লৈতবা সব সেন্তরশিং, পি.ঐচ.সি.শিং, সি.ঐচ.সি.শিংগী বিল্দিংশিং শানবা– লুপা করোর ৭,১৬৭
4. খুঙ্গংগী পি.ঐচ.সি. অমসুং সব-সেন্তরশিং হেল্থ এন্দ ৱেলনেস সেন্তরদা ওন্থোক্নবা – লুপা করোর ১৫,১০৫
5. সহরগী মফমশিংদা লৈবা প্রাইমরী হেল্থকিয়র ফেসিলিতীশিংগী দাইগ্নোস্তিক ইনফ্রাস্ত্রকচর মতেং পাংনবা   – লুপা করোর ২,০৯৫
6. অর্বান হেল্থ এন্দ ৱেলনেস সেন্তরশিং (ঐচ.দবল্যু.সি.শিং) – লুপা করোর ২৪,০২৮

শেনবা চহি ২০২১-২২দা কাইথগদবা হেল্থ গ্রান্ত অসি লুপা করোর ১৩,১৯২ ওইরি মসিদা রুরেলগী লুপা করোর ৮,২৭৩ অমসুং অর্বান লোকেল বোদীগী ৪,৯১৯ য়াওরি।

রুরেল অমসুং অর্বান লোকেল বোদীশিংনা ‘কত্তিং এদজ’ লেবেলদা মরু ওইনা প্রাইমরী হেল্থ কিয়র সর্ভিসশিং ফংহনবদা মরু ওইবা থৌদাং অমা লৌগনি অমসুং মসিনা য়ুনিভর্সেল হেল্থ কিয়রগী পান্দমশিং থুংহনবদা মতেং পাংগনি। রিসোর্সশিং, হেল্থ ইনফ্রাস্ত্রকচর অমসুং কেপাসিতী বিল্দিংদা লোকেল গভর্নমেন্তশিংবধ মপাঙ্গল কনখৎহনবনা লাইচৎশিংদা মখোয়না মরু ওইবা থৌদাং অমা লৌবা ঙমহল্লগনি।

পঞ্চায়তি রাজকী লোয়শঙশিং অমসুং অর্বান লোকেল গভর্নমেন্তনা প্রাইমরি হেল্থ কিয়র ইন্সতিত্যুসনশিং অসিগী সুপর্ভাইসিং এজেন্সীশিং ওইনা শরুক য়াবনা অপুনবা প্রাইমরি হেল্থ কিয়র সিস্তেম ফগৎহনগনি অমসুং লোকেল গভর্নমেন্তশিংনা য়াওশিনবনা হেল্থ সিস্তেম অসি মীয়ামগীদমক ফগৎহনগনি।

লেমহৌরিবা রাজ্য ৯গী হেল্থ গ্রান্তশিং অসি হকশেল অমসুং য়াইফ-য়ুম্বাল মন্ত্রালয়গী খুত্থাংদা মশা-মশাগী রাজ্যশিংদগী মখোয়গী প্রোজেলশিং লাক্লবা মতুংদা কাইথগনি।

লোকেল বোদীশিংগীদমক্তা কাইথখিবা হেল্থ সেক্তর গ্রান্ত

*****