“লৈবাক অসিদা কোবিদ ১৯ ভেক্সিনগী ‘সুরক্সা কৱচ’ য়াওদনা ইলিজিবল ওইরবা মীওই অমতা লৈহৌদনবা কোলাবোরেতিব অমদি মল্তি-স্তেকহোল্দর ইফর্তশিংগী খুৎথাংদা ঐখোয় পুন্না থবক তৌমিন্নসি৷ লৈবাক অসিগী মফম খুদিংমক্তা অমদি য়ুমথোং খুদিংমক্তা ঐখোয়না য়ৌহল্লসি অমদি প্রধান মন্ত্রী শ্রী নরেন্দ্র মোদীগী হর ঘর দস্তক কেম্পেন্দগী মখাদা দোজ অনিমক কাপনবা মীয়ামগী পুক্নিং চিংশিল্লসি”৷ ৱারোল অসি ঙসি হকশেল অমদি য়াইফ-য়ুম্বালগী রাজ্য মন্ত্রী, দা. ভারতি প্রবিন পৱার শরুক য়াদুনা হকশেল অমদি য়াইফ-য়ুম্বালগী কেন্দ্র মন্ত্রী দা. মন্সুখ মন্দাবিয়ানা রাজ্যশিং/য়ু.তি.শিংগী হকশেল মন্ত্রীশিংগা উনখিবদা মহাক্না ফোংদোকখিবনি৷ মীফম অসিনা রাজ্যশিং অমসুং য়ু.তি.শিংদা কোবিদ ১৯ লাকশিন্নবা অমদি লান্থেংননবা পাইখৎলিবা পব্লিক হেল্থ মিজরশিং অদু য়েংশিনখি৷

রাজ্যশিং/য়ু.তি.শিংগী হকশেল মন্ত্রী শ্রীমতি বীনা জিওর্জ(কেরলা), দা. ধন সিংহ রৱত(উত্তরখন্দ), শ্রী বন্না গুপ্তা(ঝর্খন্দ), দা. লালথাংলিয়না(মিজোরাম), শ্রী মঙ্গল পান্দে(বিহার), দা. কে. সুধাকর(কর্নাতকা), শ্রী রাজেশ তোপে (মহারাস্ত্র), দা. প্রভুরাম তৌধুরী(মধ্য প্রদেশ), শ্রী জয় প্রতাপ সিংহ(উত্তর প্রদেশ), শ্রী মাসুব্রামনিয়ন(তামিল নাদু), শ্রী বিস্বাজিৎ রেন(গোৱা), শ্রী রুশিকেশ গনেশভাই পতেল(গুজরাত), শ্রী কেশব মহন্তা(অসাম), শ্রী সতয়েন্দ্র জেন(দিল্লী)না মীফম অসিদা শরুক য়াখি৷ রাজ্য পুম্নমক্কী প্রিন্সিপাল সেক্রেতরীশিং/এদিস্নেল চীফ সেক্রেতরীশিং/মিসন দাইরেক্তর(এন.ঐচ.এম.)সু মীফম অসিদা শরুক য়াখি৷

হৌজিক হৌজিক্কী ওইনা মপুং-মরৈ ফারবা মীওই ৭৯%না কোবিদ১৯ ভেক্সিনগী অহানবা দোজ কাপখ্রে অমদি কাপ্পা য়ারবা মীওইগী ৩৮%না অনিশুবা দোজ কাপখ্রে হায়না কেন্দ্রগী মন্ত্রীনা ফোংদোকখি৷ বেনিফিসরী কোতি ১২ হেন্না কোবিদ১৯ ভেক্সিনগী অনিশুবা দোজ কাপতনা লৈরিবা অদু পল্লদুনা, হৌজিক হৌজিক চত্থরিবা ‘হর ঘর দস্তক’ কেম্পেন্দগী মনুং অসিদা মপুং মরৈ ফারবা মীওই পুম্নমক অহানবা দোজ কাপথোক্নবা অমদি অনিশুবা দোজ কাপতনা লৈরিবা মীওইশিংনা অনিশুবা দোজ কাপথোক্নবা মহাক্না রাজ্যগী হকশেল মন্ত্রীশিংদা তকশিনখি৷

খুঙ্গংশিংদা মাংজৌননা ‘প্রচার তোলি’ দিপ্লোই তৌদুনা ইলিজিবল ওইরবা মীয়ামগী মরক্তা এৱার্নেস কেম্পেন্দশিং পাংথোকপগা লোইননা কাউন্সিলিং অমসুং মোবিলাইজেসন তৌহনবা অমদি মতুং তারকপদা ‘ভেক্সিনেসন তোলি’না মতুং ইন্দুনা ইলিজিবল ওইরবা মীয়াম্না অহানবা অমসুং অনিশুবা দোজ কাপথোকহনবা য়াওনা ‘হর ঘর দস্তক’ কেম্পেন্দ মপাঙ্গল লৈহন্নবগীদমক প্রধান মন্ত্রীগী লাল্লোংশিং অদু কেন্দ্রগী হকশেল মন্ত্রীনা হঞ্জিন-হঞ্জিন পনখি৷ অকক্নবা মতম অমগী মনুংদা তার্গেতেদ এরিয়াদা ১০০% কোভরেজ লৈহন্নবা ভেক্সিনেসন তীম কয়া অমগী স্ত্রাতিজী অমা; কোবিদ ১৯ ভেক্সিন কাপ্পা অসি পুক্নিং থৌগৎনবগীদমক পুং ২৪ খুদিংগী ভেক্সিন খ্বাইদগী য়াম্না কাপ্লিবা ভেক্সিনেসন তীমশিং(জিলা অমদি ব্লোক) অদু খন্দোক্নবগীদমক অমদি থাগৎ-ৱাহৈ ফোংদোক্নবগীদমক রেঙ্কিং মেকানিজম অমা শেমগৎপা; এৱার্নেস পীনবা অমদি ভেক্সিনেসন সর্ভিসশিং ফংহন্নবা লোকেল্লী চয়োলগী ওইনা ফম্বা বজারশিং অমদি হাতশিং শিজিন্নবা; লোকেল রিলিজিয়র্স অমদি কম্ম্যুনিতী লিদরশিংগা কোলাবোরেসন তৌবা; খুঙ্গং/শহরগী মফমশিংদা ভেক্সিন কাপতনা লৈরিবা মীওইশিং অদুগী মপুক্নিং ওলহন্নবা সি.এস.ও.শিং, এন.জি.ও.শিং, এন.এস.এস., এন.ৱাই.কে.গা পুন্না চৎমিন্নবা; ভেক্সিন কাপ্পগী মতাংদা লান্না পাউ শন্দোক্লিবা অসি মাই পাক্না থেংননবা মল্তিমেদিয়া আই.ই.সি. এৱার্নেস পাংথোকপা; অমদি অসিগুম্না মান্নবা স্ত্রাতিজীশিং শিজিন্ননবগীদমক রাজ্যশিং/য়ু.তি.শিংগী মনুংদা হাই কভরেজ জিলাশিংনা মতুং ইল্লিবা ইন্নোবেতদিব এপ্রোচশিং অমদি প্রেক্তিসশিং অদু দা. মন্সুখ মন্দাবিয়ানা মীফম অসিদা ফোংদোকখি৷ শাজৎ হোংহনবগী খ্বাইদগী ফরবা এম্বাসেদরশিং অসি অঙাংশিংনা ওই হায়না পল্লদুনা, মপুং ফানা ভেক্সিন কাপ্নবগী মেসেজ অসি অঙাংশিংনা শন্দোকহন্নবা মহাক্না রাজ্যশিং/য়ু.তি.শিংদা তকশিনখি৷“ভেক্সিন দোজ অনিমক অসি কাপথোক্নবা অঙাংশিংনা মখোয় মখোয়গী মমা-মপাশিং অমদি ইমুংগী অতোপ্পা মীওইশিংগী পুক্নিং ওলহনবা ওইরসনু”, হায়না মহাক্না ফোংদোকখি৷

দা. মন্দাবিয়ানা হায়খি: “মরু ওইনা অচৌবা মেত্রোশিংদা লৈরিবা বস স্তেসনশিং, রেলৱে স্তেসনশিং অসিনা শহর অদুদা য়াম্লবা মীয়াম চংলকপগী প্রাইমরী পোইন্তশিং ওইরিবনা, হায়রিবশিং অসিদা ঐখোয়না কোবিদ ভেক্সিনেসন সেন্তরশিং হাংদোক্লসি৷ রাজ্য খরনা ‘রোকো অমসুং তোকো’ কেম্পেন্দ হৌদোকখিদুনা বসশিং, ত্রেনশিং, রিকশোশিংদা লাক্লিবা মীয়াম অদু ভেক্সিন দোজশিং অসি কাপথোক্নবা পুক্নিং ওলহনসি”৷ ‘হর ঘর দস্তক’ কেম্পেন্দগী নুমিৎ খুদিংমক অসি বেনিফিসরীশিংগী তোঙান তোঙানবা কাংলুপশিংগী ভেক্সিনেসন অমদি মোবিলাইজেসনদা কৎথোক্লসি৷ “নোংম অমনা ত্রেদরশিং, হোকরশিং, বেন্দরশিং, শোপকিপরশিংগীদমক কৎথোকপা য়াই অদুগা অতোপ্পা নুমিৎশিংদনা ঐখোয়না রিকশো থৌরিবা মীওইশিং অমদি ওতো দ্রাইবরশিং অসি মোবিলাইজ তৌবা ঙমগনি৷ নোংম অমনা শিন্মীশিং অমদি লৌমীশিংগীদমক কৎথোকপা ঙমগনি”, হায়না মহাক্না মখাতাখি৷

হৌজিক হৌজিক পাংথোক্লিবা কোবিদ কন্ত্রোল অমদি মেনেজমেন্ত পব্লিক হেল্থ মিজরশিং অসি য়েংশিল্লদুনা, কোবিদ ১৯ অসি লোইখিবা নত্রি হায়না কেন্দ্রগী হকশেল মন্ত্রীনা রাজ্যশিং/য়ু.তি. পুম্নমক্তা চেকশিন ৱাহৈ হায়খি৷ কোবিদকী কেস অসি মলেম পুম্বগী ওইনা হেনগৎলক্লি৷ সিঙ্গাপুর, ব্রিতেন, রসিয়া অমসুং চাইনাদা, ভেক্সিন কাপ্পগী চাং চাদা ৮০ হেনখ্রবসু কোবিদ কেসশিং লেপ্প-লৈতনা হেনগৎলক্লি৷ ভেক্সিন কাপথোকপা অমদি কোবিদকা চুনবা শাজৎ ঙাক্না চৎপা অসি য়াম্না মরু ওই”, হায়না মহাক্না ফোংদোকখি৷ ভেক্সিন কাপথোকপনা লাইনা-লাইচৎ নাবগী ফিভম অসি হন্থহল্লবসু হৌজিক ফাওবদা লৈবাক অসিনা হোৎনদুনা ফংলক্লিবা মহৈশিং অসি লেম্না মাংখিদনবা অমদি কোবিদ ১৯ কেসশিংগী অতোপ্পা সর্জ অমা হেক্তা থোক্লক্তনবা ঐখোয়না কোবিদকা চুনবা শাজৎশিং ঙাক্না চৎপা য়াম্না মরু ওই হায়না মহাক্না মখাতানা ফোংদোকখি৷ কোবিদ-১৯গী মাইয়োক্তা লান্থেংনরিবা অসি অরোইবা স্তেজতা লৈরে হায়না দা. মন্দাবিয়ানা উরি: “ভেক্সিন কাপথোকপা অমদি কোবিদকা চুনবা শাজৎ চৎপা হায়বা খুৎলাই অনি অসিনা লাইচৎ অসিগী মাইয়োক্তা লৈরিবা ঐকোয়গী খ্বাইদগী কল্লবা দিফেন্স ওইরগনি অমদি লাইচৎ অসি মপুং ফানা লোইশিনদ্রিবা ফাওবা ঐখোয়গী গার্দ অসি ঐখোয়না লৌথোক্লোইদবনি৷” ভেক্সিনেসনবু ‘সুরক্সা কৱচ’নি হায়না পল্লদুনা, প্রধান মন্ত্রী শ্রী নরেন্দ্র মোদীগী “দৱাই ভি কদাই ভি”বু মহাক্না পনখি৷

কোবিদ মেনেজমেন্তগীদমক ভেক্সিনশিং, দ্রগশিং, ফাইনান্সিয়েল অমদি তেক্নিকেল রিসোর্সশিং সপ্লাই তৌরকপগীদমক রাজ্যগী হকশেল মন্ত্রীশিংনা কেন্দ্রগী হকশেল মন্ত্রীদা মখোয়গী অপেনবা ফোদোরকখি৷ মরু ওইনা ভেক্সিনগী চাং নেম্না কাপ্লিবা জিলাশিংদা ভেক্সিনেসনগী সেচুরেসন ফংননবা লৌখৎলিবা ইনোবেতিব ওইবা খোঙথাংশিং অদুসু মখোয়না সেয়র তৌখি৷ রাজ্য পুম্নমক অমদি য়ু.তি.শিংনা সপোর্ত পীরকখিবা অসিগীদমক দা. মন্দাবিয়ানা থাগৎপা ফোংদোকখি৷ “হর ঘর দস্তক” কেম্পেন্দগী মখাদা য়ুমথোং খুদিং য়ৌনবা রাজ্যগী হকশেল ওফিসিয়েল পুম্নমক্তা মহাক্না হায়খি৷

কেন্দ্রগী হকশেল সেক্রেতরী শ্রী রাজেশ ভুশন, দি.জি.-আই.সি.এম.আর. দা. বালরাম ভর্গব, হেল্থ সর্ভিসেসকী দাইরেক্তর জেনেরেল দা. সুনিল কুমার, এদিস্নেল সেক্রেতরী(হেল্থ) দা. মনোহর অগনানি, এদিস্নেল সেক্রেতরী অমদি মিসন দাইরেক্তর-এন.ঐচ.এম. শ্রী বিকাস শীল, এদিস্নেল সেক্রেতরী শ্রীমতি আর্তি অহুজা, জোইন্ত সেক্রেতরী(হেল্থ) শ্রী লাব অগর্ৱাল অমদি মন্ত্রালয়গী অতোপ্পা সেনিয়র ওফিসিয়েলশিংনা মীফম অসিদা শরুক য়াখি৷

******