প্রধানমন্ত্রীগী লোইশঙ
পি.এম.না নবেম্বর ১২দা আর.বি.আই.গী অনৌবা কস্তমর সেন্ত্রিক ওইবা খোঙথাং অনি হৌদোক্কদৌরি
Posted On:
11 NOV 2021 10:18AM by PIB Imphal
প্রধান মন্ত্রী, শ্রী নরেন্দ্র মোদীনা ২০২১গী নবেম্বর ১২গী অয়ুক পুং ১১ তাবা মতমদা রিজার্ব বেঙ্ক ওফ ইন্দিয়াগী অনৌবা কস্তমর সেন্ত্রিক ওইবা খোঙথাং অনি ভিদিও কনফরেন্সকী খুৎথাংদা হৌদোক্কদৌরি। হায়রিবা খোঙথাংশিং অসি আর.বি.আই.গী রিতেল দাইরেক্ত স্কীম অমসুং রিজার্ব বেঙ্ক – ইন্তিগ্রেতেৎ ওম্বুদস্মন স্কীমশিংনি।
আর.বি.আই.গী রিতেল দাইরেক্ত স্কীম অসিনা রিতেল ইনভেস্তরশিংগীদমক সরকারগী সেক্যুরিতী মার্কেত্তা চংশিনবা হেন্নবা পান্দমনি। মসিনা ভারত সরকার অমসুং রাজ্য সরকারনা পীবা সেক্যুরিতীদা হকথেংননা ইনভেস্ত তৌবা অনৌবা এভেন্যু অমনি। ইনভেস্তরশিংনা মখোয়গী সরকারগী সেক্যুরিতী একাউন্তশিং অসি আর.বি.আই.দা ওনলাইন্দা খুৎথাংদা য়াম্না লায়না লেম্না হাংবা য়াই।
রিজার্ব বেঙ্ক – ইন্তিগ্রেতেৎ ওম্বুদস্মন স্কীমশিং অসিনা পান্দম থম্লিবা অসি আর.বি.আই.না রিগুলেৎ তৌবা এন্তিতীসশিংগী মায়োক্তা কস্তমরশিংনা ৱাকৎ থাংগৎলকপগী মায়োক্তা অরানবশিং ফাগৎপা হেন্না ফগৎহল্লগনি। স্কীম অসিগী মরুওইবা থীমদি কস্তমরশিংদা মখোয়গী ৱাকৎ থাংগৎনবা ৱান ই-মেইল, ৱান পোর্তেলগা লোয়ননা ‘ৱান নেসন – ৱান ওম্বুদস্মন’দা য়ুমফম ওই। হায়রিবা অসিদা কস্তমরশিংনা ৱাকৎ থাংগৎনবা, চে-চাং পীশিন্নবা, ফিভমশিং য়েংনবা অমসুং ফিদবেক পীনবা অমত্তা ওইবা মফম অমা লৈগনি। লোল কয়াগী ওইবা তোল-ফ্রী নম্বর অমা অরানবশিং ফাগৎনবা অমসুং ৱাকৎশিং মতেং লৌনবগা মরী লৈননা পীরি।
কেন্দ্রগী ফাইনান্স মন্ত্রী অমসুং আর.বি.আই.গী গবর্নরসু থৌরম অসিদা শরুক য়াগনি।
*****
(Release ID: 1771012)
Visitor Counter : 226
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam