প্রধানমন্ত্রীগী লোইশঙ
পি.এম.না নবেম্বর ৮দা শ্রী সান্ত দনিয়ানেশ্বর মহারাজ পলখি মার্গ অমসুং শ্রী সান্ত তুকরাম মহারাজ পলখি মার্গকী মরুওইবা সেক্সনগী লেন মরিগী উরেপ উয়ুং তমগনি
মীয়ামদা কৎথোকখ্রবা ‘পলখি’গী খোঙলম্বী হায়রিবা নেস্নেল হায়ৱেজ অসিগী নাকন অনিদা শেমগৎলগনি
পি.এম.না পন্ধার্পুরগী লম্বী হেন্না ফগৎনবা লম্বীগী প্রোজেক্ত কয়া অমা লৈবাক অসিদা খুৎশিন্নরগনি
Posted On:
07 NOV 2021 3:49PM by PIB Imphal
পন্ধার্পুরগী ভক্তশিংগী চৎথোক চৎশিন হেন্না নুঙাইননবা, প্রধান মন্ত্রী শ্রী নরেন্দ্র মোদীনা ২০২১গী নবেম্বর ৮গী নুংথিল পুং ৩:৩০ তাবা মতমদা শ্রী সান্ত দয়ানেশ্বর মহারাজ পলখি মার্গ (এন.ঐচ.-৯৬৫)গী সেক্সন মঙা অমসুং শ্রী সান্ত তুকরাম মহারাজ পলখি মার্গকী (এন.ঐচ.-৯৬৫.জি.)গী সেক্সন অহুম লেন মরিগী উরেপ উয়ুং ভিদিও কনফরেন্সকী খুৎথাংদা তমগনি। মীয়ামদা কৎথোকখ্রবা ‘পলখি’গী খোঙলম্বী হায়রিবা নেস্নেল হায়ৱেজ অসিগী নাকন অনিদা শেমগৎলগনি।
সান্ত দনিয়ানেশ্বর মহারাজ পলখি মার্গকী চাওরাক্না কিলোমিতর ২২১ শাংবা দিবেঘাত্তগী মোহোল ফাওবা অমসুং সান্ত তুকরাম মহারাজ পলখি মার্গকী চাওরাক্না কিলোমিতর ১৩০ শাংবা পতাস্তগী তোন্দালে – বোন্দালে, নাকন অনিদা কৎথোক্লবা ‘পালখি’গী খোঙলম্বীগা লোয়ননা লেন্দ মরি ওইগনি, হায়রিবা অসি লুপা কোতি ৬৬৯০ হেন্না অমসুং চাওরাক্না লুপা কোতি ৪৪০০ মথংশিৎনা ওইবা শেনফম পারি।
থৌরম অসিদা, প্রধান মন্ত্রীনা লুপা কোতি ১১৮০গী মথক্তা চংবা পন্ধার্পুরগী লম্বী ফাওনবা ফগৎনবা নেস্নেল হায়ৱে কি.মি. ২২৩ শাংবা লোইশিল্লবা অমসুং শেমগৎলবা প্রোজেক্তশিংসু খুৎশিন্নগনি। মসিগী প্রোজেক্তশিং অসিদা মহাস্বাদ-পিলিপ – পন্ধার্পুর (এ.ঐচ. ৫৪৮ই.), কুর্দুৱাদি – পান্ধার্পুর (এন.ঐচ. ৯৬৫ সি.), পান্ধার্পুর – সনগোলা (এন.ঐচ.৯৬৫.সি.), তেমভুর্নি- পান্ধার্পুর এন.ঐচ. ৫৬১.এ. অমসুং পান্ধার্পুর – মঙ্গলৱেধা – উমাদি সেক্সন এন.ঐচ. ৫৬১ এ.
কেন্দ্রগী রোদ ত্রান্সপোর্ত অমসুং হায়ৱে মন্ত্রী অমসুং মহারাস্ত্রগী মুখ্য মন্ত্রীনা থৌরম অসিদা শরুক য়াগনি।
***
(Release ID: 1770243)
Visitor Counter : 155
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam