చట్ట, న్యాయ మంత్రిత్వ శాఖ

ఆజాదీ కా అమృత్ మహోత్సవ్ వారోత్సవాల్లో భాగంగా 2021 నవంబర్ 8 నుంచి 14 వరకు న్యాయశాఖ ‘టెలీ లా ఆన్ వీల్స్’ ప్రచారాన్ని ప్రారంభించింది.


నవంబర్ 13, 2021న టెలీ లా మొబైల్ యాప్‌ను లాంచ్ చేయనున్న న్యాయశాఖ మంత్రి

Posted On: 08 NOV 2021 2:45PM by PIB Hyderabad

దేశవ్యాప్తంగా నిర్వహిస్తున్న ఆజాదీ కా అమృత్ మహోత్సవ్ వేడుకల్లో భాగంగా న్యాయశాఖ 2021 నవంబర్ 8 నుంచి 14 వరకు వారం రోజులపాటు నిర్వహించే ‘టెలీ లా ఆన్ వీల్స్’ ప్రచారాన్ని ప్రారంభించింది. ఈ ప్రచారంలో భాగంగా అనేక కార్యకలాపాలు నిర్వహిస్తోంది. న్యాయబద్ధంగా ప్రజల హక్కులను క్లెయిమ్ చేయడం కోసం, ప్రజల ఇబ్బందులను సకాలంలో పరిష్కరించడం కోసం ముందస్తు వ్యాజ్యం సలహా ద్వారా వ్యక్తులను సాధికారపర్చడానికి చర్యలు చేపట్టడం జరిగింది.
గౌరవ ప్రధానమంత్రి నరేంద్ర మోదీ కలలను సాకారం చేసేందుకు.. ప్రగతిశీల మరియు నూతన భారతదేశం అద్భుతమైన చరిత్ర, సంస్కృతి మరియు విజయాలను జరుపుకోవడానికి నిర్వహిస్తున్న ఆజాదీ కా అమృత్ మహోత్సవాల్లో భాగంగా న్యాయశాఖ ప్రారంభించిన ఈ కార్యక్రమంలో డిజిటల్గా చట్టపరమైన సాధికారత ద్వారా అందరికీ న్యాయం జరిగేలా ఈ వారాన్ని అంకితం చేయనున్నారు.



 టెలీ -లా సేవలను అందించే వారి సమీపంలోని కామన్ సర్వీస్ సెంటర్‌లను (CSCలు) సందర్శించమని కోరడం ద్వారా టెలి -మరియు వీడియో కాన్ఫరెన్సింగ్ సౌకర్యాల ద్వారా న్యాయ సలహా మరియు సంప్రదింపులను కోరుకునే వారిని ప్రోత్సహించడానికి దేశవ్యాప్తంగా ప్రత్యేక లాగిన్ వారం నిర్వహించబడుతోంది. ఈ ప్రయోజనం కోసం ఈ సీఎస్సీలు కానూనీ సలాహ్ సహాయక్  కేంద్రంగా బ్రాండ్ చేయబడ్డాయి. టెలీ -లా ఆన్ వీల్స్ ప్రచారం సీఎస్సీ ఇ –గవర్నెన్స్ సహాయంతో నిర్వహించబడుతోంది. ఇది దేశవ్యాప్తంగా 4 లక్షలకుపైగా డిజిటల్‌గా ప్రారంభించబడిన సీఎస్సీల నెట్‌వర్క్‌ను కలిగి ఉంది.

టెలీ లా ఆన్ వీల్స్ ప్రచార సందేశాన్ని ప్రదర్శించే ప్రత్యేక మొబైల్ వ్యాన్‌లు కూడా ప్రారంభించబడ్డాయి. మొదటి దానిని న్యాయ శాఖ ప్రాంగణం నుండి న్యాయ శాఖ కార్యదర్శి జెండా ఊపి ప్రారంభించారు.  ఈ వ్యాన్‌లు ప్రతిరోజూ 30-40 కిలోమీటర్ల దూరం ప్రయాణించి, టెలీ -లాపై సమాచార కరపత్రాలను పంపిణీ చేస్తాయి. టెలీ -లా సేవల గురించి ఫిల్మ్‌లు మరియు రేడియో జింగిల్‌లను ప్రసారం చేస్తాయి. అదే సమయంలో  న్యాయ సలహా, సంప్రదింపులు మరియు సమాచారం పై హిందీ మరియు ఇంగ్లీషులో సంక్షిప్త సందేశాలు పంపడం ద్వారా  కేసులను నమోదు చేయడానికి గ్రామస్థులకు అవగాహన కల్పిస్తాయి.

ఈ వారోత్సవ ప్రచారంలో భాగంగా ప్రధానంగా న్యాయ మంత్రిత్వశాఖ ‘టెలీ లా మొబైల్యాప్’ను న్యాయశాఖ మంత్రి నవంబర్ 13, 2021న ప్రారంభిస్తారు. న్యాయసలహా, సంప్రదింపుల కోసం ఈ యాప్ లబ్ధిదారులను ప్యానెల్ న్యాయవాదులతో నేరుగా అనుసంధానిస్తుంది. యాప్ ప్రారంభించిన తర్వాత గూగుల్ ప్లే స్టోర్ నుంచి డౌన్లోడ్ చేసుకోవడానికి అండ్రాయిడ్ వెర్షన్లో అందుబాటులో ఉంటుంది.  ఈ కార్యక్రమంలో పారా లీగల్ వలంటీర్లు, గ్రామ స్థాయి పారిశ్రామికవేత్తలు, ప్యానెల్ లాయర్లు మరియు రాష్ట్ర కోఆర్డినేటర్లతో సహా 126 మందిని ఉత్తర, దక్షిణ, తూర్పు, పశ్చిమ, ఈశాన్య మరియు మధ్య మండలాలు ఇలా ఆరు వేర్వేరు జోన్ల నుండి ఎంపిక చేశారు. దీనిద్వారా చిట్టచివరి వ్యక్తి వరకు  న్యాయసహాయాన్ని విజయవంతంగా అనుసంధానించారు. 

***

 



(Release ID: 1770159) Visitor Counter : 149