প্রধানমন্ত্রীগী লোইশঙ

গ্লাসগোগী সি.ও.পি.২৬ সম্মিত্তা প্রধান মন্ত্রী শ্রী নরেন্দ্র মোদীনা পীখিবা নেস্নেল স্তেতমেন্ত

Posted On: 01 NOV 2021 11:30PM by PIB Imphal

চহি লিশিং কয়াগী মমাংদগী মন্ত্র অসি পীবিরমখিবা লমদম অসিদা, ঙসি ঐনা ময়ামগী মহুৎ শিল্লি-
सम्-गच्छ-ध्वम्,
सम्--दद्वम् ,
सम् वो मानसि जानताम्

ঙসি ২১শুবা চহি চাদা, মসিগী মন্ত্র অসি হেন্না মরু ওইরকখ্রে, হেন্না চান্নরকখ্রে৷

सम्-गच्छ-ध्वम् – মসিনা হায়নিংলিবা অদুদি, ঐখোয় পুন্না চংশিনমিন্নসি হায়বনি, सम्--दद्वम् – মসিনা হায়নিংলিবা অদুদি, ঐখোয় পুম্নমক্না অমতা ওইনা ইন্তরেক্ত তৌসি হায়বনি অমদি सम् वो मनानसि जानताम् – মসিনা হায়নিংলিবা অদুদি, মীপুম খুদিংমক্কী ৱাখল অসি অসিসু অমতা ওইগদবনি হায়বনি৷

মরুপশিং,

ক্লাইমেত সম্মিত অসিগীদমক ঐনা ইহান হান্না পেরিস্তা লাকখিবা মতমদা, মালেম অসিদা থম্লিবা ৱাশক কয়া অমদা অনৌবা ৱাশক অমা হাপচিনবা হায়বসি ঐনা খনখিবা নত্তে৷ মীওইবা জাতি পুম্বগী ওইনা ঐনা কন্সর্ন অমগা লোইননা লাকখিবনি৷ মীপুম খুদিংমক নুংঙাইগদবনি হায়না ফোংদোক্লিবা ‘সার্ব ভাবনতু সুখিনা’গী মেসেজ পীখিবা কল্চর অমগী মীহুৎ অমা ওইনা ঐ লাকখিবনি৷

অদুগা ঐগী ওইনসু, পেরিস্তা পাংথোক্লিবা থৌরম অসিসু সম্মিত অমা ওইখিবা নত্তে, মসি সেন্তিমেন্ত অমা, কম্মিতমেন্ত অমা ওইখি৷ অদুগা অদুগুম্বা ৱাশকশিং অদু ভারতনা ৱালেম অসিদা ৱাশক্ত্রি, অদুবু অদুগুম্বা ৱাশকশিং অদু, ভারত মচা কোতি ১২৫না মখোয় মশাদা ৱাশকচরি৷

অদুগা ঙসি মালেম অসিদা লৈরিবা মীশিংগী চাদা ১৭ লৈরিবা ভারত্তা মীওই চাদা ৫ খক্তমক্না থৌদাং লৌদুনা ঙসি ফাওবদা মথৌ নিংথিনা তৌদুনা মীওই কোতি কয়াগী হিংবগী পুন্সি লাইথোকহন্নবা অয়ুক-নুমিদাং নাইদনা হোৎনদুনা মীয়াম্বু লাইরবা অসিদগী মুথৎনবা ভারতকুম্বা চাওখৎলক্লিবা লৈবাক অমনা হোৎনরিবা অসিদা ঐ নুংঙাইবা ফাওই৷

পেরিস কম্মিতমেন্তদা নিয়মশিং ঙাক্না ইনখিবা অচৌবা ইকোনোমীগী লৈবাক অসি ভারত খক্তনি হায়না ঙসিদি মালেম পুম্বনা থাজনরি৷ ঐখোয়না অচেৎপা ফিরেপকা লোইননা অখাং-কন্না হোৎনরি অমদি রিজল্তশিং উৎলি৷

মরুপশিং,

ঙসি, ঐনা ময়ামগী মরক্তা লাকখিবা মতমদা, ভারতকী ত্রেক রেকোর্দসু ঐনা পুরকখ্রে৷ ঐগী ৱাহৈশিং অসি ৱাহৈশিং খক্তা নত্তে, মসি তুংদা লাক্কদৌরিবা মীরোনশিংগীদমক নুংঙাই-যাইফরবা মঙাল নাইরবা তুং ওইগদৌরিবনি৷ ঙসিদি, ভারত অসি ইন্সতোল্দ রেনিৱেবল ইনর্জী কেপাসিতীদা মালেমগী মরিশুবা মফমদা লৈরি৷ হৌখিবা চহি ৭ অসিদা, ভারতকী নন-ফোজিল ফ্যুল ইনর্জী অসি ২৫% হেন্না হেনগৎখ্রে৷ অমদি হৌজিক্তি, মসি ঐখোয়গী ইনর্জী মিক্সকী চাদা ৪০ য়ৌখ্রে৷

মরুপশিং,

মালেমগী মীশিং পুম্বগী মশিং অসিদগী হেনবা পেসেঞ্জর মশিং চহি খুদিংগী ওইনা ইন্দিয়ন রেলৱেজনা পুথোক-পুশিন তৌই৷ মসিগী পাক-চাওরবা রেলৱে সিস্তেম অসিনা মশকমক অসি ২০৩০ ফাওবগী মনুংদা 'নেত জিরো' ওইহন্নবা পান্দম অমা থমখ্রে৷ মসিগী ইনিসিয়েতিব অসি খক্তনা ইমিসনগী চাং অসি চহি খুদিংগী ওইনা মিলিয়ন তন ৬০ হন্থহল্লগনি৷ মতৌ অসিগুম্না, ঐখোয়গী চাওরবা এল.ই.দি. বল্ব কেম্পেন্দ অসিনা ইমিসনগী চাং অসি চহি খুদিংগী ওইনা মিলিয়ন তন ৪০ হন্থহল্লি৷ ঙসিদি, ভারতনা অকনবা ৱিল অমগা লোইননা অসিগুম্বা ইনিসিয়েতিব কয়া অমদা খোঙজেল য়াংনা হোৎনরি৷

মসিগা লোইননা, ভারতনা মালেমগী থাক্তা মালেম অসিদা কোওপরেত তৌননবা ইন্সতিত্যুস্নেল সোলুসনশিংসু পীখ্রে৷ সোলর পৱারদা রিবোলুস্নরী খোঙথাং অমা ওইনা, ঐখোয়না ইন্তরনেস্নেল সোলর এলাইন্স হৌদোকখি৷ ক্লাইমেত এদাপ্তেসনগীদমক দিজাস্তর রিসাইলেন্ত ইনফ্রাস্ত্রকচরগী কোলিসন অমা ঐখোয়না শেমখি৷ মসি মীওই কোতি কয়াগী পুন্সিশিং কন্নবা সেন্সিতিব ওইবা অমসুং মরু ওইবা ইনিসিয়েতিব অমনি৷

মরুপশিং,

অহেনবা য়াম্না মরু ওইবা তোপিক অমদা ঐনা নখোয়গী পুক্নিং চিংশিনবা পাম্মী৷ ঙসি, ক্লাইমেত চেঞ্জতা লাইফস্তাইলগী অচৌবা থৌদাং অমা লৈ হায়বসি মালেম অসিনা মশক খঙলক্লি৷ ঙসি নখোয়দা ঐনা ইহৌ-হায়বা ৱাহৈ অমা পল্লি৷

ক্লাইমেতকী কন্তেক্সতা য়েংলুবা মতমদা, মসিগী ৱাহৈ-অমা অসি অমতা ওইবা মালেম অমা শেম্বগী মরু ওইবা ফাউন্দেসন ওইবা য়াগনি৷ লাইফ-এল.আই.এফ.ই. হায়বা ৱাহৈ অসি...লাইফস্তাইল ফোর এনবাইরোনমেন্ত হায়বনি৷ ঙসিদি, ঐখোয় পুম্নমক্না অমতা ওইনা চংশিনমিন্নদুনা, পুন্না শরুক য়ামিন্নদুনা, লাইফস্তাইল ফোর এনবাইরোনমেন্ত(এল.আই.এফ.ই.) অসি কেম্পেন্দ অমা ওইনা ওন্থোক্নবগী তঙাই ফদবা লৈরে৷

মসি এনবাইরোনমেন্তেল কন্সিয়র্সনেস লাইফ স্তাইলগী অচৌবা ইহৌ অমা ওইবা য়াগনি৷ ঙসি দরকার ওইরিবা অদুদি ৱাখল খন্থদনা অমদি মাংহনবা মওংদা শিজিন্নবা অসিগী মহুৎতা ৱাখল লৈনা অমসুং হৈ-শিংনা শিজিন্নবা অসিনি৷ মসিগী ইহৌশিং অসি পুনশিন্দুনা ঙা য়োকপা, লৌউ-শিংউবা, ৱেলনেস, দাইতরী চোইসেস, পেকেজিং, হাউজিং, হোস্পিতিলিতী, তুরিজম, ক্লোদিং, ফেসন, ৱেতর মেনেজমেন্ত অমসুং ইনর্জীগুম্বা তোঙান তোঙানবা এরিয়াশিংদা অমসুং সেক্তর কয়া অমবু ওলহনবা ঙম্বা পান্দমশিং থম্বা ঙমগনি৷

মসি ইকোনোমিক গ্রাউন্দশিংদসু য়েংলবসু, সাইন্তিফিক গ্রাউন্দশিংদবু য়েংলবসু, হৌখিবা চহি-চাগী এক্সপরিয়েন্সতবু য়েংলবসু, লৈরিবা গ্রাউন্দশিংদা মসিনা ক্রাইতরিয়ন খুদিংমক ইনবনা ঐনা মসিবু গ্রাউন্দ খুদিংমক্তা ইহৌ অমনি হায়না খল্লি৷ মসি ইশানা-ইশাবু মশক খঙজরকপগী লম্বী অদুনি, কান্নবা ফংনবগী লম্বী অদুসু মসি খক্তনি৷

মরুপশিং,

ক্লাইমেত চেঞ্জকী মতাংদা গ্লোবেল ব্রেনস্তোর্মিং তৌরিবা অসিদা, ঐনা ভারতকী মহুৎ শিন্দুনা, মসিগী চেলেঞ্জ অসি থংনবা ঙম্নবা নেক্তর ইলিমেন্ত মঙা, পঞ্চামৃত পুথোকপা ঐনা পাম্মী৷

অহানবা- ভারতনা ২০৩০ ফাওবগী মনুংদা নন-ফোজিল ইনর্জী কেপাসিতী জি.দবল্যু.৫০দা য়ৌরগনি৷

অনিশুবা- ভারতনা ২০৩০ ফাওবগী মনুংদা ইনর্জীদা লৈরিবা অৱাৎপা অসিগী চাদা ৫০দি রেনিৱেবল ইনর্জীদগী মেনশিনবা ঙম্লগনি৷

অহুমশুবা- হৌজিক্তগী হৌনা ২০৩০ ফাওবগী মনুংদা ভারতনা থাদোরক্লিবা কার্বোনগী চাং অসি পুন্না বিলিয়ন তন অমা হন্থরগনি৷

মরিশুবা- ২০৩০ ফাওবগী মনুংদা, ভারতকী ইকোনোমীগী কার্বোন ইন্তেন্সিতী অসি চাদা ৪৫দগী হেন্না তানা হন্থহল্লগনি৷

অমদি মঙাশুবদা- ২০৭০ ফাওবগী মনুংদা, ভারতনা নেত জিরোগী তার্গেৎ অদু ফংবা ঙম্লগনি৷ মসিগী পঞ্চামৃতশিং অসি ক্লাইমেত এক্সনদা ভারতনা মমাংগী মতমদা অমুক্ত ফাওবা লৌখিদ্রিবা থৌদাং অমা ওইরগনি৷

মরুপশিং,

ক্লাইমেত ফাইনান্সকী মতাংদা ঙসি ফাওবদা শকখিবা ৱাশকশিং অসি হোলো ওই হায়না প্রুব তৌখিবা অচুম্বা ৱাফম অসি ঐখোয় পুম্নমক্না খঙলে৷ ক্লাইমেত এক্সনদা ঐখোয় পুম্নমক্না পান্দমশিং থম্লিঙৈদা, ক্লাইমেত ফাইনান্সতা মালেম অসিনা পান্দম থম্লিবা অসি পেরিস এগ্রীমেন্তগী মতমদা থোকখিবনা ক্লাইমেত এক্সনগা মান্নবা য়ারোই৷

ঙসিদি, ভারতনা অনৌবা কম্মিতমেন্ত অমদি অনৌবা ইনর্জী অমগা লোইননা চংশিনলক্নবা লেপখ্রবা অসিগুম্বা মতমশিং অসিদা, লো কোস্ত ক্লাইমেত তেক্নোলোজীশিং অমদি ক্লাইমেত ফাইনান্সকী ত্রান্সফর অসি হেন্না মরু ওইরক্লি৷ চাওখৎলবা লৈবাকশিংনা অথুবা মতমদা $ ত্রিলিয়ন ১গী ক্লাইমেত ফাইনান্স থাদরক্লগনি হায়না ভারতনা থাজরি৷ ঙসিদি, ঐখোয়না ক্লাইমেত মিতিগেসনদা ফংখিবা প্রোগ্রেস অদু ত্রেক তৌরুবা অদুগুম্না, ঐখোয়না  ক্লাইমেত ফাইনান্সতসু ত্রেক তৌবা অসি য়াম্না মরু ওই৷

ক্লাইমেত এক্সনদা থমখিবা ৱাশকশিং অদুগী মতুং ইন্দনা লৈরিবা লৈবাকশিংদা প্রেসর পীবা অসিনা মতিক চাবা পিচার ওইরগনি৷

মরুপশিং,

ঙসিদি, ভারতনা থৌনা লৈনা অমসুং ফজরবা পান্দমগা লোইননা ক্লাইমেতকী হিরমদা চংশিল্লক্লি৷ ভারতনা অতোপ্পা চাওখৎলক্লিবা লৈবক পুম্নমক্কী অৱাবা অদু খঙইস মখোয়দা সেয়র তৌই অমদি মখোয়গী থাজবশিং অদু ফোংদোক্নবা মখাতানা হোৎনগনি৷

চাওখৎলক্লিবা লৈবাক কয়া অমগী ওইনদি, ক্লাইমেত চেঞ্জ অসি মখোয়গী একজিস্তেন্সতগী হেন্না মরু ওইরিমালেম অসি কন্নবা ঙসিদি ঐখোয়না অচৌবা খোংথাংশিং লৌখৎকদবনি৷ মসি পুংফম অসিদা তঙাই ফদে অমদি মসিনা ফোরম অসিগী মগুন অদুসু প্রুব তৌরগনি৷ গ্লাসগোদা লৌখিবা ৱারেপ অসিনা ঐখোয়গী লাক্কদৌরিবা মীরোনশিংগী তুংগী পুন্সিবু কল্লগনি, সেক্যোর ওইবা অমসুং চাওখৎপা পুন্সি অমগী খুদোল অদু মখোয়দা ফংহল্লগনি হায়বসি ঐগী থাজবনি৷

স্পিকর সর, ঐনা মতম হেন্না লৌজরে, ঙাকপিয়ু হায়না অদোমদা ঐনা হায়জরি, অদুবু চাওখৎলক্লিবা লৈবাকশিংগী খোল্লাউ থাংগৎপা অসি ঐগী থৌদাংনি হায়না ঐনা খল্লি৷ মরম অদুনা, মদুদসু ঐনা অখন্ননা মীৎয়েং চংলি৷ ঐনা অমুক্কা হন্না অদোম্বু হন্না-হন্না থাগৎচরি৷

******



(Release ID: 1768961) Visitor Counter : 267