প্রধানমন্ত্রীগী লোইশঙ
পি.এম.না পি.এম. আয়ুশ্মান ভারত হেল্থ ইনফ্রাস্ত্রকচর মিসন হৌদোকখ্রে
“নীংতম্লবা মতুংদা ভারত্তা মতম শাংনা হেল্থ ইনফ্রাস্ত্রকচরদা চংফম থোকপা মীৎয়েং অদু চংদনা লৈরকখি অমদি প্রজাশিংনা নীংথিনা লায়েংবা ফংনবা মফম অমদগী অমদা কান্নবা ফংদনা চেনখি, মসিনা ফীভম শোকচিনহনখি অমদি শেলগী অৱাৎপা লৈহল্লকখি”
“কেন্দ্র অমদি রাজ্যদা লায়রবা, নমথবীরবা, হন্থনা য়েংবীরবা, শোত্থরবা, মিদল ক্লাস পুম্নমক অসিগী অৱাবা খঙবীবা সরকার অমা লৈরে”
“পি.এম. আয়ুশ্মান ভারত হেল্থ ইনফ্রাস্ত্রকচর মিসনগী খুত্থাংদা লায়েংবদগী হৌরগা ক্রিতিকেল রিসর্চ ফাওবদা লৈরিবা সর্ভিসশিংগী অপুনবা ইকোসিস্তেম অমা লৈবাক অসিগী কাচিন কোয়া থুংনা শেমগৎলগনি”
“হকশেলগা লোয়ননা পি.এম. আয়ুশ্মান ভারত হেল্থ ইনফ্রাস্ত্রকচর মিসন অসি আত্মনির্ভারতা ওইনবগী পাম্বৈ অমনি”
“কাশীগী থমোয় অসি হোংদ্রি, ৱাখল হোংদ্রি অদুবু হকচাং অসি ফগৎহন্নবা থমোয় শেংনা হোৎনরি”
“ঙসিদি বি.ঐচ.য়ু.দা তেক্নোলোজীদগী হৌরগা হকশেল ফাওবগী মমাংদা লৈরমদবা খুদোংচাবশিং ফংহল্লে। লৈবাক অসিগী মফম কয়ামরুমদগী নহা ওইরিবা মরুপশিংনা মফম অসিদা মহৈ তম্নবা লাক্লি”
Posted On:
25 OCT 2021 3:18PM by PIB Imphal
প্রধান মন্ত্রী শ্রী নরেন্দ্র মোদীনা পি.এম. আয়ুশ্মান ভারত হেল্থ ইনফ্রাস্ত্রকচর মিসন হৌদোকখ্রে। মহাক্না বরানাসিদা লুপা করোর ৫২০০রোমগী ওইবা তোঙান-তোঙানবা চাউখৎ-থৌরাংগী প্রোজেক্তশিংসু হৌদোকখি। থৌরম অদুদা উত্তর প্রদেশকী রাজ্যপাল অমসুং মুখ্য মন্ত্রী, কেন্দ্রগী মন্ত্রীশিং, দা. মন্সুখ মন্দাবিয়া, দা. মহেন্দ্র নাথ পান্দে, রাজ্যগী মন্ত্রীশিং, মীয়ামগী মীহুৎশিংনা হায়রিবশিং অসি অতৈশিংগা লোয়ননা শরুক য়াখি।
মীতিন অদুদা ৱা ঙাংলদুনা প্রধান মন্ত্রীনা হায়খি লৈবাক অসিনা লৈবাক অসিনা কোরোনা লাইচৎকী মায়োক্তা লান্থেংনবদা ভেক্সিন দোজ করোর ১০০ কাপ্পগী অচৌবা মাইপাকপা ঙমখ্রে হায়না ফোঙদোকখি। “বাবা বিশ্বনাথকী থৌজালশিং, ইমা গঙ্গাগী লেংদ্রবা থৌজাল, কাশী মীয়ামগী লেংদ্রবা থাজবগা লোয়ননা মীপুম খুদিংদা ভেক্সিন-লেম্না ভেক্সিন ফংহন্নবা অভিয়ান অসি মাইপাক্না খুমাং চাউশিল্লি” হায়না প্রধান মন্ত্রীনা হায়খি।
নীংতম্লবা মতুংদা ভারত্তা মতম শাংনা হেল্থ ইনফ্রাস্ত্রকচরদা চংফম থোকপা মীৎয়েং অদু চংদনা লৈরকখি অমদি প্রজাশিংনা নীংথিনা লায়েংবা ফংনবা মফম অমদগী অমদা চেনদুনা হোৎনখি মসিনা ফীভম শোকচিনবা অমদি শেলগী অৱাৎপা লৈহল্লকখি হায়না প্রধান মন্ত্রীনা নীংঙমদনা ফোঙদোকখি। মসিনা মরম ওইরগা মিদল ক্লাস অমসুং লায়রবা মীয়ামগী থমোয়দা অনা লায়েংগী মতাংদা তৎতনা ৱাখল ৱাখি। মতম শাংনা লৈবাক অসিদা পাল্লকখিবা সরকারশিংনা লৈবাক অসিগী হেল্থকিয়র সিস্তেমগী অপুনবগী চাউখৎ থৌরাং পুরকপগী মহুৎ খুদোংচাবশিং অমত্তা ফংহনদনা লৈরকখি।
প্রধান মন্ত্রীনা হায়খি পি.এম. আয়ুশ্মান ভারত হেল্থ ইনফ্রাস্ত্রকচর মিসন্না অৱাৎপা অসি মেনখৎনবা পান্দম থমখি। মসিনা মথংগী চহি ৪-৫দা খুঙ্গংদগী ব্লোক ফাওবা, মতুংদা জিলাদা অমদি রিজনেল অমসুং জাতিগী থাক্তা ক্রিতিকেল হেল্থকিয়র নেতৱর্ক মপাঙ্গল কনখৎহন্নবা পান্দম থমখি। অনৌবা মিসনগী মখাদা সরকারনা লৌখৎপা থৌরাং অদু শন্দোক্না তাক্লদুনা প্রধান মন্ত্রীনা হায়খি লৈবাক অসিগী হেল্থ সেক্তরদা লৈরিবা তোঙান-তোঙানবা অৱাৎপশিং অসি মেনখৎনবা আয়ুশ্মান ভারত হেল্থ ইনফ্রাস্ত্রকচর মিসনগী অচৌবা হীরম ৩ লৈ। অহানবা অসিনা দাইগ্নোস্তিক্স অমসুং লায়েং চত্থনবা খুদোংচাবশিং নীংথিনা লৈহনবগা মরী লৈনৈ। মসিগী মখাদা হেল্থ অমসুং ৱেলনেস সেন্তরশিং অসি খুঙ্গংশিং অমসুং শহরশিংদা হাংলি, মসিদা লাইনাশিং ঙন্না খঙদোকপগী খুদোংচাবা ফংহল্লগনি। সেন্তরশিং অসিদা লেম্না মেদিকেল কন্সলতেসন ফংবা, লেম্না তেস্ত তৌবা, লেম্না হীদাক-লাংথক ফংহনবা অসিগুম্বা খুদোংচাবশিং ফংহল্লগনি। অরুবা অনাবশিংগী ওইনা জিলা ৬০০তা অনৌবা ক্রিতিকেল কিয়রগা মরী লৈনবা বেদ লিশিং ৩৫ জিলা ৬০০তা লৈহল্লি অমসুং জিলা ১২৫তা রিফরেল ফেসিলিতীশিং লৈহল্লগনি।
স্কীম অসিগী অনিশুবা হীরম অসিনা লাইনাশিং দাইগ্নোসিস তৌনবগী তেস্তিং নেতৱর্কশিংগা মরী লৈনৈ হায়না প্রধান মন্ত্রীনা ফোঙদোকখি। মিসন অসিগী মখাদা লাইনাশিংগী দাইগ্নোসিস তৌনবা, মখোয়বু মোনিতর তৌনবা মথৌ তাবা ইনফ্রাস্ত্রকচর শেমগৎকনি। লৈবাক অসিগী জিলা ৭৩০দা ইন্তিগ্রেতেদ পব্লিক হেল্থ লেব লৈহল্লগনি অমসুং ব্লোক লিশিং ৩দা ব্লোক পব্লিক হেল্থ য়ুনিত লৈহল্লগনি। মসিগী মথক্তা দিজিজ কন্ত্রোলগী রিজনেল নেস্নেল সেন্তর ৫, মেত্রোপোলিতেন য়ুনিত ২০ অমসুং বি.এস.এল. লেব ১৫ লৈহনদুনা নেতৱর্ক অসি মপাঙ্গল কনখৎহল্লগনি হায়না প্রধান মন্ত্রীনা ফোঙদোকখ্রে।
প্রধান মন্ত্রীগী মতুং ইন্না অহুমশুবা হীরম অসি লাইচৎশিং স্তদী তৌনবা হৌজিক লৈরিবা রিসর্চ ইন্তিত্যুসনশিং অসি পাকথোক-চাউথোকহনবনি। হৌজিক লৈরিবা ভাইরেল দাইগ্নোস্তিক অমসুং রিসর্চ লেব ৮০ মপাঙ্গল কনখৎহল্লগনি, বাইওসেফতী লেবেল গী লেব ১৫ মথৌ তৌহল্লগনি, অনৌবা নেস্নেল ইন্সতিত্যুত ওফ ভাইরোলোজী ৪ অমসুং নেস্নেল ইন্সতিত্যুত ফোর ৱান হেল্থ অমা লিংখৎলি। নেতৱর্ক অসি সাউথ এসিয়াগী দবল্যু.ঐচ.ও. রিজনেল রিসর্চ প্লেতফোর্ম অসিনসু মপাঙ্গল কনখৎহল্লগনি। “মসিনা তাকপদি পি.এম. আয়ুশ্মান ভারত হেল্থ ইনফ্রাস্ত্রকচর মিসনগী খুত্থাংদা লায়েংবদগী হৌরগা ক্রিতিকেল রিসর্চ ফাওবদা লৈরিবা সর্ভিসশিংগী অপুনবা ইকোসিস্তেম অমা লৈবাক অসিগী কাচিন কোয়া থুংনা শেমগৎলগনি”, হায়না প্রধান মন্ত্রীনা ফোঙদোকখ্রে।
প্রধান মন্ত্রীনা মসিগী খোঙথাংশিং অসিদগী থবক পীবা য়াবশিং অদু পল্লদুনা হায় পি.এম. আয়ুশ্মান ভারত হেল্থ ইনফ্রাস্ত্রকচর মিসন অসি হকশেলগা লোয়ননা আত্মনির্ভরতা ফংনবগী পাম্বৈ অমসুনি। “মসি হোলিস্তিক হেল্থ কিয়র ফংনবা থৌরাংগী শরুক অমনি। মসিনা তাক্লিবদি মীপুম খুদিংদা হোংনা অমসুং লায়না ফংহনবা হেল্থকিয়র হায়বনি”। শ্রী মোদীনা হায় ওলিস্তিক হেল্থকিয়রনা হকশেলগা লোয়ননা হকচাং ফনা থম্বদা মীৎয়েং চংলি। স্বছ ভারত মিসন, জল জীবন মীসন, উজ্বালা, পোসন অভিয়ান, মিসন ইন্দ্রাধানুশকুম্বা স্কীমশিংনা লায়নশিংদগী মীওই করোর কয়াগী পুন্সি কনখি। আয়ুশ্মান ভারত য়োজনাগী মখাদা লাইরবা মীওই করোর ২দগী হেনবনা লেম্না লায়েংবা ফংখি অমসুং আয়ুশ্মান ভারত দিজিতেল মিসনগী খুত্থাংদা হকশেলগা মরী লৈনবা ইসু কয়ামরুম কোকহনখ্রে হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি ঙসি কেন্দ্র অমদি রাজ্যদা লায়রবশিং, নমথবীরবা, হন্থনা য়েংবীরবা, শোত্থরবা, মিদল ক্লাস পুম্নমক অসিগী অৱাবা খঙবীবা সরকার অমা লৈরে। “ঐখোয়না লৈবাক অসিদা হেল্থ ফেসিলিতীশিং অসি ফগৎহন্নবা অয়ুক অমদি নুমিদাং হোৎনরি” হায়না প্রধান মন্ত্রীনা ফোঙদোকখ্রে।
মন্ত্রীনা হায়খি উত্তর প্রদেশতা খোঙজেল য়াংনা অনৌবা মেদিকেল কোলেজশিং হাংলকপগা লোয়ননা মেদিকেল সীতশিং অমসুং দোক্তরশিংগী মশিংদা চাউনা কান্নবা অমা ওইরগনি। সীতশিং হেন্না লৈরকপনা মরম ওইরগা লায়রবা মমা-মপাশিংগী মচাশিংনা হৌজিক দোক্তর অমা ওইবগী মঙলান শাগৎচবা অমদি থুংহনবা ঙম্লগনি হায়না মহাক্না মখা তাখি।
কাশীগী শেংলবা সহর অসিগী মমাংদা লৈরম্বা অৱাবা অদুগী মতাংদা ফোঙদোক্লদুনা প্রধান মন্ত্রীনা হায় মীয়াম্না সহর অসিগী ইনফ্রাস্ত্রকচরগী ফীভম শোক্লবা মওং মতৌ অসিদা থাজবা মাংলকখি। ফীভম অসিদি অহোংবা লাক্লে অদুবু ঙসি কাশীগী থমোয় অসি হোংদ্রি, ৱাখল হোংদ্রি অদুবু হকচাং অসি ফগৎহন্নবা থমোয় শেংনা হোৎনরি। “বরানাসিদা হৌখিবা চহি ৭তা পাইখৎখিবা থবক অসি মমাংগী দিকেদ কয়াদা অমুক্তা পাইখৎখিদ্রি” হায়না মহাক্না ফোঙদোকখ্রে।
হৌখিবা চহিশিং অসিদা কাশীগী মরুওইবা মাই পাকপশিংগী মনুংদা অমা ওইনা বি.ঐচ.য়ু.না গ্লোবল এক্সিলেন্সকী মাইকৈদা খুমাং চাওশিল্লকপা অদুবু পনখি। “ঙসিদি বি.ঐচ.য়ু.দা তেক্নোলোজীদগী হৌরগা হকশেল ফাওবগী মমাংদা লৈরমদবা খুদোংচাবশিং ফংহল্লে। লৈবাক অসিগী মফম কয়ামরুমদগী নহা ওইরিবা মরুপশিংনা মফম অসিদা মহৈ তম্নবা লাক্লি” হায়না মহাক্না ফোঙদোকখি।
বরানাসিদা হৌখিবা চহি ৫ অসিদা খাদি অমসুং অতোপ্পা লশিংগী ইন্দস্ত্রীগী পোত্থোকশিংগী পুথোকপগী চাংদা চাদা ৬০ হেনগৎলকপা অমসুং য়োনবগী চাংদা চাদা ৯০ হেনগৎলকপবু থাগৎপা ফোঙদোক্লদুনা প্রধান মন্ত্রী লৈবাক অসিগী মীয়ামদা মফম অসিদা পুথোকচবা পোত্থোকশিং প্রমোৎ তৌনবা অমসুং ‘ভোকেল ফোর লোকেল’ ওইনবা অমুক্কা হন্না ফোঙদোকখ্রে। মহাক্না হায় লোকেল হায়রগা দিয়াগুম্বা পোত্থোক খরা খক্তা নত্তে লৈবাক অসিগী মীয়াম্না কন্না হোৎনজদুনা পুথোকচবা পোত্থোকশিং অসিসু হরাউ কুহ্মৈগী মতম অসিদা লৈবাক মীয়াম অসিনা প্রমোৎ তৌবা অমসুং লৈবা মথৌ তাই।
***
(Release ID: 1766367)
Visitor Counter : 271
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam