সুভাস বাবুনা ফিরাল চিংখৎলমবা মফমদুবু শ্রী নরেন্দ্র মোদীনা অচৌবা লমকোয় লমথুংফম অমা ওইনা শেমগৎলে অমদি য়াম্না চাউবা মচু অহুমগী ফিরাল থমদুনা নীংতমবগী চহি ৭৫ সুরকপসিদা লৈবাক নীংবগী ইথিল পোক্নফম ওইহল্লে

প্রধান মন্ত্রী শ্রী নরেন্দ্র মোদীনা সুভাস বাবুগী মপোক নুমিৎ জনুৱারী ২৩বু লৈবাক শীনবা থুংনা পরাক্রম দিবস হায়না পাঙথোক্নবা লাউথোকখ্রে

মনিপুর ব্রিতিশকী মখাদা মতম কুইনা লৈরম্মি অদুবু মনিপুরগী নীংতম লান্মীশিংনা ব্রিতিশশিংগী মায়োক্তা মতম পুম্নমক্তা লান্থেং চত্থরম্মি

মহারাজ কুল্লচন্দ্র ধ্বজ সিংহ অমসুং নীংতম লান্মী ২২ কালা পানিদা থারক্তুনা মাউন্ত হেরিয়ত ঈথত্তা থমখি, মখোয়বু নীংশিংবা ওইনা মাউন্ত হেরিয়তপু মাউন্ত মনিপুর হায়না মিংথোন্দুনা মখোয়গী থৌদাংবু ঐখোয়না ইকায়খুম্নরি

ইং ২০১৪দা মোদী লৈঙাক লাকপা মতমদগী হৌরগা প্রধান মন্ত্রী শ্রী নরেন্দ্র মোদীনা মতম পুম্নমক্তা লৈবাক্কীদমক লান্থেংনখিবা মীওইশিংবু ইকায়খুম্নদুনা লাক্লি, চহি কয়া ঐখোয়গী লান্মী তেঙ্গলো অহুম্না ‘ৱন রেঙ্ক, ৱন পেন্সন’ দিমান্দ তৌদুনা লাকখি অদুবু লৈঙাক অমত্তনা মদুবু ফংহনখিদে

মোদী লৈঙাক্না ‘ৱন রেঙ্ক, ৱন পেন্সন’বু অমুক্তদা অয়াবা পীখি, মসি শেলগী ৱাফম নত্তে, লৈবাক্কীদমক চেকশিন্না খঞ্জরিবশিং অদুগীদমক লৈঙাক্না খল্লিবা ৱাখল্লোন্দুনি

মপুন্সিগী খ্বাইদগী মচং ওইবা মতমবু লৈবাক্কী ঙমখৈদা মাইনস ৪৩ দিগ্রী সেলসিয়সতগী ৪৩ দিগ্রী সেলসিয়সতা লৈরিবা, ঈশিংদা অমদি নোংথক্তা লৈরিবা মীওইশিংদুনা, মখোয়গী ইমুং মনুংশিংনা খঙদবদি, মখোয়গী মচা, মপুরোইবা, মপানা লৈবাকসিবু ঙাক্লিবনি অমদি লৈবাকসিনা মখোয়গীদমক্তসু চেকশিন্না খঞ্জরিবনি অমদি শ্রী নরেন্দ্র মোদীনা ৱাখল্লোন অসিবু থবক্তা ওন্থোকপনি

অন্দমান অমসুং নিকোবার ঈথত্তা লুপা করোর ২৯৯গী ওইগদবা প্রোজেক্ত ১৪ শঙ্গারি অমদি লুপা করোর ৬৪৩গী ওইগদবা প্রোজেক্ত ১২গর উরেপ উয়ুং তম্লি, ঙসিদগী হৌরগা লৈঙাক অসিনা অন্দমান ঈথৎকী পীক্লবা মফমসিদা লুপা করোর ১০০০রোমগী চাওখৎ থৌরাংগী থবকশিং পায়খৎপা হৌরি

ঙসি শঙ্গারিবা থোং অসিবু অজাদ হিন্দ ফৌজ থোং হায়না মোদী লৈঙাক্না মিংথোন্নবা ফিরেপ লৌরে, থোং অসি লান্দুনা চৎলিবা মীপুম খুদিংমক্না নেতাজিগী কিলোমিতর ৩৫,০০০গী খোঙচৎ, মহাক্কী থৌনা অমসুং মতিংগী মফমদা শ্রদ্ধাঞ্জলি কৎপগা মান্নরগনি

অয়ুস হোস্পিতাল অমা অমদি ৱেলনেস সেন্তর কম হেল্প সেন্তর ৪৯ শাগৎলে, চহি ৭৫ হায়রিবা মথৌ তাবা অসি ফংহন্দনা লাকখিবনি, ঙসিদি মোদী লৈঙাক্না মসিবু ফংহনবিবসুদা ঐ য়াম্না নুংঙাই

হোম এফ্যার্স অমসুং কোওপরেসনগী কেন্দ্র মন্ত্রী শ্রী অমিত সাহনা অন্দমান অমসুং নিকোবার ঈথত্তা লৈবা নেতাজি সুভাস চন্দ্র বোস ঈথত্তগী তোঙান তোঙানবা চাউখৎ থৌরাংগী প্রোজেক্তশিং শঙ্গাখ্রে অমদি উরেপ উয়ুং তমখ্রে‍। শ্রী অমিত সাহনা রানি লক্ষ্মীবাই দ্বীপ, সহীদ দ্বীপ ইকো তুরিজম প্রোজেক্ত, স্বরাজ দ্বীপ ৱাতর এরোদ্রোম অমদি অতৈ চাওখৎ থৌরাংগী প্রোজেক্তশিং নোংথক্তগী য়েংশিনখি‍। অন্দমান অমসুং নিকোবার ঈথৎকী লেফ্তনেন্ত গভর্নর, এদমিরেল (রিতাইয়র্দ) দি.কে. জোসি অমসুং কেন্দ্রগী হো সেক্রতরী য়াওনা তোঙান তোঙানবা দিগ্নিতরীশিংনা থৌরমদুদা শরুক য়াখি‍।

থৌরমদুদা ৱা ঙাঙবদা শ্রী অমিত সাহনা ফোঙদোকখিবদা মফমসিদা লাকপদা মহাক্কী পুক্নিংদা মথুম মরাং হৌই অমদি মসি মহৌশানি মরমদি ঐখোয়না লৈবাকসিবু মনীং তমহন্নবা ব্রিতিশশিংগী মায়োক্তা লান্থেংনখি, লৈবাকসিনা মপুং ফানা মনীং তমবা ১৯৪৭দা ফংলবসু, নেতাজি সুভাস চন্দ্রনা ১৯৪৩দা ভারতকী শরুক অসিবু চহি অনি ব্রিতিশশিংগী খুবাম্নুংদগী মনীং তমহনখি‍। মফমসি লৈবাক পুমবগী, মরুওইনা নহা মীরোলগী ওইনা লৈবাক নীংবগী য়াম্না মরুওইবা মফম অমা ওইফম থোকই, মরমদি মফমসিদনি নেতাজীনা অহিং অনি লেনখিবা অমদি মফমসিদনি নেতাজীনা অহানবা ওইনা মচু অহুমগী ফিরাল পাইহনখিবা‍।

লৈবাক শিনবা থুংনা অজাদি কা অমৃত মহোতসব পাঙথোক্লি, মসিগী খুত্থাঙদা অঙাঙ অমসুং নহাশিংনা অনৌবা অমদি অথোইবা ভারত অমা শেমগৎপদা শরুক য়াবা ঙম্নবা মখোয়গী মফমদা লৈবাক নীংবগী ইহুল হাপ্পা পাম্লি‍। মালেমসিদা ভারতকী মফম অমা অথোইবা লৈবাক অমা ওইনা কন্দুনা থমবা হায়বসি মোদীজীগী মঙলান্নি অদুগা ঐখোয়গী অনৌবা মীরোলনা মায়কৈ অসিদা চঙশিনগদবনি হায়না কেন্দ্রগী গৃহ মন্ত্রীনা হায়খি‍।

অন্দমান অমসুং নিকোবার অসি নীংতম ইহৌগী মফম অমনি অমদি লৈবাকসিগী নহাশিংনা কালাপানিদা মীয়াৎ তাখিবা ঐখোয়গী নীংতম লান্মীশিংনা থেংনখিবা মীওৎ মীনৈশিং খঙফম অমদি উফম থোকই‍। নহা মীরোলসিনা বীর সাবরকরনা চহি তরা লৈখিবা, ভাই পর্মানন্দ অমসুং সনয়ালনা লৈরমবা সেলুলর জেল অমুক্তং উরবদি ঙসি ঐখোয়না হিংলিবা নীংতমবা ভারত অসিগীদমক মখোয়না কয়া য়াম্না কত্থোকখিবগে হায়বা খঙগনি‍। কনাগুম্বা অমনা সেলুলর জেলদা চৎত্রিফাওবা অমদি মফমসিগী মীওৎ মীনৈগী মওং মতৌশিং উদ্রিফাওবদি ঐখোয়গী নীংতম লান্মীশিংনা অসুক য়াম্না মীওৎ মীনৈ থেংনরবা ফাওবা নীংতম লান্থেং মখা চ্ত্থখিবগী থৌনা ৱাখলনা শাগৎপা ঙম্লোই‍।

কেন্দ্রগী গৃহ মন্ত্রীনা ফোঙদোকখিবদা অজাদি কা অমৃত মহোতসব মনুংদা কনাগুম্বনা মফমসিদা চৎপদা পুক্নিং থৌগৎপগী ইহুল অমা ফাওই অমদি ঙসিসু বীর সাবরকর অমসুং নেতাজী সুভাস চন্দ্র বোসকী পাউজেলশিং মফমসিগী মালংদা তিন্দুনা লৈরি‍। মহাক্না লৈবাক্কী নহাশিংবু অন্দমান অমসুং নিকোবার ঈথত্তা অমুক্তং ওইরবসু চৎনবা অমদি নীংতম ইহৌগী লাইফম অসিবুসু য়ৌশিল্লম্নবা মহাক্না হায়খি‍। তুংদা লাক্কদৌরিবা মীরোলশিংবু লৈবাকসিনা হৌজিক নীংতমবা ফংলিবা অমদি নেতাজী, বীর সাবরকর অমদি অতৈ শকখঙদ্রবা অথৌবা কয়াগী পুন্সি ৱারীশিংনা মখোয়গী পুক্নিং থৌগৎনবগীদমক প্রধান মন্ত্রী নরেন্দ্র মোদীনা ঈথৎ অহুমবু সহীদ, স্বরাজ অমসুং সুভাস হায়না মিংথোল্লে হায়না শ্রী সাহনা হায়খি‍। ঐখোয়না পাম্লিবা ভারত অসি ওইহল্লক্নবগী থৌদাং নহা ওইরিবা মীরোলসিদা লৈ‍। ঐখোয়না নীংতম লালহৌদা শরুক য়ারুবগী তাঞ্জা ফংদ্রবসু ঐখোয়না লৈবাক্কীদমক হিংনবগী তাঞ্জাদুদি কনানসু মুনবা ঙম্লোই অমদি করিগুম্বা ঐখোয়না চাওখৎপা, খোঙজেল অমসুং ভারতকী মিংচৎকীদমক ঐখোয়গী পুন্সিবু কত্থোকপা পাম্লবদি কনানসু ঐখোয়বু থিংবা ঙম্লোই‍।

ঐখোয়না সুভাস চন্দ্র বোসকী ১২৫শুবা মকোক কুমওন পাঙথোকপগা লোয়ননা নীংতম্বগী অমৃত মহোতসবসু পাঙথোক্লি হায়না শ্রী অমিত সাহনা ফোঙদোকখি‍। দিসেমবর ৩০, ১৯৪৩দা সুভাস বাবুনা নীংতমবা ভারতকী মনিং তম্বা নুংশিৎপু নীংশা হোনখিবা, মচু অহুমগী ফিরাল পাইহনখিবা মফমসিদা অসিগুম্লবা চহিসিদা ঐনা লাক্লি‍। নেতাজীগী পুন্সি নৈনরুবদা মহাক্কী মফমদা অচুম্বা ৱায়েল ফংহনখিদ্রে হায়না খল্লি‍। নীংতম ইহৌগী অরংবা পোল স্তার ওইরিবা নেতাজীনা ফংফম থোকপা মরুওইবা মফম ফংখিদে‍। চহি কয়া নীংতম ইহৌগী নীংথিনা শকখঙনরবা লুচিংবশিং অমসুং মখোয়গী থৌদাংবু শিংথানবিদনা লাক্লি‍। হৌজিক্তি পুৱারীগী লামায়দা মখোয়গী চপ চাবা মফম কন্নবা মতম ওইরে, মখোয়গী মপুন্সি কত্থোকখিবা অমদি থৌদাং চাউনা লৌখিবা মীপুম খুদিংমক পুৱারীদা চপ চাবা মফম থমবিগদবনি, অমদি মরম অসিননি প্রধান মন্ত্রী মোদীনা ঈথৎ অসিবু নেতাজী সুভাস চন্দ্র বোসকী মিংদা থোন্নবা ফীরেপ লৌরিবা‍।

মতৌ অসুম্না সরদার পতেলগী মফমদসু অচুমবা ৱায়েল ফংহনখিদে হায়না হোম অমসুং কোওপরেসনগী কেন্দ্র মন্ত্রীনা হায়খি‍। চহি অমা মখায় য়ৌদবা মতমগী মনুংদা নীংথৌ পানবা লৈবাক ৫৫০ হেনববু ভারতকী লৈয়াৎনুংদা পুশিল্লকখিবা সরদার পতেলগী থৌদাং য়াওদ্রবদি ইন্দিয়ন রিপব্লিক অসি লৈরম্লোই‍। ব্রিতিশশিংনা পুম্নমক মনীং তমহল্লমখি, অদুবু সরদার পতেলনা নিংথৌ পানবা লৈবাক পুম্নমকপু ইন্দিয়ন য়ুনিয়ন্দা পুনশিল্লকপগী থবক মপুং ফাহন্দুনা মপাঙ্গল কল্লবা ভারত অমা শেমখি‍। নীং তম্লবা মতুংদা মহাক্না ফংফম থোকপা ইকায়খুম্বা অদু সর্দার সাহবনা ফংখিদে‍। অদুবু পুৱারীনা অমুক হল্লক্তুনা অচুমবা ৱায়েল ফনা ফংহনখিদ্রবসু ঙসি কেবরিয়াদা শ্রী নরেন্দ্র মোদীনা মালেমগী খ্বাইদগী ৱাংবা সরদার সাহবকী মীতম খিনখ্রে, অমদি মালেমগী মফম পুম্বদগী মীওইশিংনা মসিবু য়েংবা লাক্নরি‍।

শ্রী অমিত সাহনা সুভাস বাবু অমসুং সরদার পতেলবু নীংতম ইহৌগী ইকায়খুম্নবা মতিক চানা ফংখিদ্রবা মীওই অনিনি হায়না হায়খি‍। ঙসি লৈবাক পুমবনা সুভাস বাবুবু ইকায়খুম্নবগা লোয়ননা নীংশিংনরি, অদুগা মরম অসিননি সুভাস বাবুনা ফিরাল চিংখৎলমবা মফমদুবু শ্রী নরেন্দ্র মোদীনা অচৌবা লমকোয় লমথুংফম অমা ওইনা শেমগৎলে অমদি য়াম্না চাউবা মচু অহুমগী ফিরাল থমদুনা নীংতমবগী চহি ৭৫ সুরকপসিদা লৈবাক নীংবগী ইথিল পোক্নফম ওইহল্লিবসি‍। লাক্কদৌরিবা নুমিৎশিংদা ঐখোয়না ঈথৎ অসিবুসু শেমগৎকনি অমদি সুভাস বাবুগী অচৌবা নীংশিং খুফম অমা শেমগৎকনি‍। প্রধান মন্ত্রী শ্রী নরেন্দ্র মোদীনা সুভাস বাবুগী মপোক নুমিৎ জনুৱারী ২৩বু করাক্রন দিবস হায়না পাঙথোক্লগনি হায়না লাউথোকখিবগা লোয়ননা স্তেত অমসুং কেন্দ্র লৈঙাকশিংনা পরাক্রম দিবস পাঙথোক্নরি‍।

কেন্দ্রগী গৃহ মন্ত্রীনা হায়খিবদা সুভাস বাবু আই.সি.এস. ওফিসর ওইখিবা য়াম্না মহৈ মশিং হৈবা মহৈরোই অমা ওইখি অমদি মতমদুদা আই.সি.এস. ওফিসর অমা ওইবা হায়বসি অরং অরাক্কী পুন্সিনি, অদুবু সুভাস বাবুনা তোঙানবা পান্দম অমগী মখাদা লাইরিক তমখিবনি‍। মহাক্না আই.সি.এস. চাংয়েং ব্রিতিশকী মখাদা থবক তৌনবা মায় পাকখিবা নত্তে, মদুগী মহুত্তা ব্রিতিশবু মরু ফুক্তুনা লৈবাকসিদগী তান্থোকখিনবা আই.সি.এস. ওফিসর ওইখিবনি‍। আই.সি.এস. চাংয়েং মকোক থোংনা মায় পাক্লবফাওবদা মহাক্না ব্রিতিশনা পীরকপা থবক লৌদনা রাজনিতীদা খোঙদাদুনা কলকতাগী মেয়র ওইখি, কংগ্রেস প্রসিদেন্ত অনিরক ওইখি, অদুদগী কংগ্রেসকী লাল্লোংদা খেন্নবা ৱাফম লাকপদগী তোক্লক্তুনা ফোর্ৱার্দ ব্লোক শেমখি অমদি নীংতম ইহৌগী শরুক অমা ওইরক্তুনা অচৌবা পন্দুপ অমা হাংদোকখি‍। মালেমগী অনিসুবা লাঞ্জাও মনুংদা সুভাস বাবু কলকতাদা ময়ুমদা ফাজিন্দুনা থমখি, অদুবু মহাক্না ব্রিতিশকী মীৎয়েঙদগী লিত্থোক্তুনা অচৌবা নান্থোকপগী খোঙচৎ হৌখি‍। কলকতাদগী পেসাৱর, পেসাৱরদগী মোস্কো অমদি মফমদুদগী বর্লিন ফাওবা সুভাস বাবুনা কিলোমিতর ৭,২৭৫ কারদা চৎখি‍। মরৈবাক নীংবগী মৈরীনা চুদুনা নীংতমবা ফংনবগী অপামবনা মহাকপু ব্রিতিশতগী থৈদুনা বর্লিন য়ৌহনখি‍। সুভাস বাবুনা জর্মনীদগী ইন্দোনেসিয়া ফাওবা কিলোমিতর ২৭,০০০কী সবমেরিনগী খোঙচৎ চৎখি, মফমুদুদগী জপান অমদি সিঙ্গাপোরদা চৎখি‍। ইন্দিয়ন নেসনেল আর্মী (অজাদ হিন্দ ফৌজ) নীংতমবা তান্নবগী পান্দমগা লোয়ননা লিংখৎখি, রেদিও স্তেসনশিং চলাইখি অমদি ইন্দিয়ন নেসনেল আর্মীনা ঈথৎ অসিদা মনীং তম্বা ভারত লিংখৎখি‍। মদুবু জপান লৈঙাক্না শকখঙখি‍। মহাক্না কৈদৌঙৈদসু নুমিৎ তাদে হায়নরিবা ব্রিতিশকী মায়োক্তা লান হৌদুনা নীংতমবা ফংনবা হোৎনখি‍। ঐখোয়না অদুগুম্বা সুভাস বাবুনা হোৎনখিববু কাউথোকপা ঙমগদ্রা, সুভাস বাবুগী মরৈবাক নীংববু হন্থবা থাক্তা থম্ফম থোকপরা, নীংতমবগী পুৱারীদা মহাক্কী চাউথোকচবা য়াবা মফম অমা থম্ফম থোক্তবরা, তুংদা লাক্কদৌরিবা মীরোল শিংনা মহাক্কী মওং মতৌ লাক্কদৌরিবা চহি লিশিং কয়াসিদা পুক্নিং থৌগৎফম ওইরোইদরা, অদুনা মহাক্কী নীংশিং খুদমশিং চাউথোকচবগা লোয়ননা ঐখোয়না সুভাস বাবুবু লৈবাকসিগী অমদি মালেমগী মাঙদা থাংদোকফম থোক্তবরা? হৌজিক্তি সুভাস বাবুবু লৈবাকসিদা মহাক্কী ফংফম থোকপা মফম পীবা মতমদু ওইরে‍। সুভাস চন্দ্র বোসকী মপোক নুমিৎপু পরাক্রম দিবস হায়না পাঙথোক্নবা, সুভাস বাবুবু মহাক্না অহানবা ওইনা ফিরাল চিংখৎলমবা মফমসিদা মচু অহুমগী ফিরাল চিংখত্তুনা নীংশিংনবা শ্রী নরেন্দ্র মোদীগী ফিরেপ অসি মায়কৈ অসিদা থাংজিল্লকপা খোঙথাঙ অমনি‍। চহি কয়া মহাক্কী মমনিং শোন্নহৌনবা, তুংদা লাক্কদৌরিবা মীরোলশিংনা সুভাস বাবুবু কাউদনবা ঈথৎ অসিবু মহাক্কী মমিং লৌদুনা থোন্দুনা মহাক্কী মফমদা শ্রদ্ধাঞ্জলি কৎচনবা থৌরাংনি‍।

ঙসি অজাদি কা অমৃত মহোতসব মনুংসিদা অতোপ্পা মরুওইবা থৌদা অমসু পাঙথোক্লি হায়না শ্রী অমিত সাহনা ফোঙদোকখি‍। অৱাং নোংপোক পুমবদা ১৮৫৭গী লালহৌ অমসুং ১৮৯১গীদসু ব্রিতিশশিংবু থেংনবদা মনিপুরনা মশক থোকপা থৌদাং লৌখি‍। মনিপুরনা কৈদৌঙৈদা পুক্নিং হনখিদে অমদি মফমদুগী মীয়াম্না লান্থেং মখা চত্থদুনা লাকখি‍। মনিপুর মশাগী সংবিধান শেমজখিবা অমত্তা ঙায়রবা স্তেতনি‍। কেন্দ্রগী গৃহ মন্ত্রীনা হায়খিবদা মনিপুর মতম শাংনা ব্রিতিশকী মখাদা লৈরম্লবসু মনিপুরগী নীংতম লান্মীশিংনা মতম পুম্নমক্তা ব্রিতিশশিংগী মায়োক্তা ইচঙ থৌনা লান্থেং চত্থখি‍। মনিপুরগী লানগী অথৌবা য়ুবরাজ তিকেন্দ্রজিত অমসুং জেনেরেল থাঙ্গাল ইম্ফালগী ফৈদাপুংদা মীয়াম মাঙদা থৌরী য়ান্দুনা হাৎখি‍। মখোয়বু থৌরী য়ান্দুনা হাৎপনা নীংতম ইহৌ নমথবা ঙমগনি হায়না ব্রিতিশশিংনা খনখি অদুবু মদু ওইখিদে‍। মদুগী মতুংদা মহারাজ কুলচন্দ্র ধ্বজ সিংহ অমদি নীংতম লান্মী ২২ কালা পানিদা থারক্তুনা মাউন্ত হেরিয়ত ইথত্তা থমখি‍। ঙসি মহাকপু নীংশিংবা অমদি ইকায় খুম্নবা ওইনা ঐখোয়না মাউন্ত হেরিয়তপু মাউন্ত মনিপুর হায়না মিংথোল্লে হায়না কেন্দ্রগী গৃহ মন্ত্রীনা হায়খি‍। মনিপুর লৈঙাক্না মফমসিদা নীংশিং খুভম অমা শাবা পামদুনা লাকখিবনি, হা্ররিবা খুভম অসিনা লম কোয়বশিং, লৈবাক শিনবা থুংবদগী নহা অমসুং নহা মীরোলশিংবু কমদৌনা অকক্নবা মচাক খরনা লান্থেংনগদগে হায়বা ৱাফমসিদা পুক্নিং থৌগৎকনি হায়না শ্রী সাহনা হায়খি‍। মায়থিগনি হায়বা খঙলবসু, মায়থিরবা মতুংদা শিবগী চৈরাক নৎত্রগা কালাপানিদা থাগনি হায়বা খঙলবসু মখোয়না লান শোক্নখি‍। লান্ফমদুদা হিংহৌবশিং মফমসিদা পুরক্তুনা কৈশুমশঙদা থমখি‍। অসিগুম্বা নীং তমবগী ইহুল অসিননি ঙসি ঐখোয়দা মনীং তমবা ভারত অমা পীরম্লিবসি অমদি ঐখোয়না মখোয়বু কৈদৌঙৈদা কাউথোক্লোইদবনি‍। প্রধান মন্ত্রী শ্রী নরেন্দ্র মোদীনা মতম পুম্নমক্তা লৈবাক্কীদমক লান্থেংনখিবা মীওইশিংবু ইকায়খুম্নদুনা লাক্লি‍। ইং ২০১৪দা মোদী লৈঙাক লাকপা মতমদুদা চহি কয়া ঐখোয়গী লান্মী তেঙ্গলো অহুম্না ‘ৱন রেঙ্ক, ৱন পেন্সন’ দিমান্দ তৌদুনা লাকখি অদুবু লৈঙাক অমত্তনা মদুবু ফংহনখিদে‍। মোদী লৈঙাক্না ‘ৱন রেঙ্ক, ৱন পেন্সন’বু অমুক্তদা অয়াবা পীখি, মসি শেলগী ৱাফম নত্তে, লৈবাক্কীদমক চেকশিন্না খঞ্জরিবশিং অদুগীদমক লৈঙাক্না খল্লিবা ৱাখল্লোন্দুনি‍। মপুন্সিগী খ্বাইদগী মচং ওইবা মতমবু লৈবাক্কী ঙমখৈদা মাইনস ৪৩ দিগ্রী সেলসিয়সতগী ৪৩ দিগ্রী সেলসিয়সতা লৈরিবা, ঈশিংদা অমদি নোংথক্তা লৈরিবা মীওইশিংদুনা, মখোয়গী ইমুং মনুংশিংনা খঙদবদি, মখোয়গী মচা, মপুরোইবা, মপানা লৈবাকসিবু ঙাক্লিবনি‍। মরম অসিনা লৈবাকসিনা মখোয়গীদমক্তসু চেকশিন্না খঞ্জরিবনি অমদি শ্রী নরেন্দ্র মোদীনা ৱাখল্লোন অসিবু থবক্তা ওন্থোকপনি‍।

হোম অমসুং কোওপরেসনগী কেন্দ্র মন্ত্রীনা হায়খিবদা ঙসি অন্দমান অমসুং নিকোবার ঈথত্তা লুপা করোর ২৯৯গী ওইগদবা প্রোজেক্ত ১৪ শঙ্গারি অমদি লুপা করোর ৬৪৩গী ওইগদবা প্রোজেক্ত ১২গী উরেপ উয়ুং তম্লি‍। ঙসি মোদী লৈঙাক্না অন্দমান ঈথৎকী পীক্লবা মফমসিদা লুপা করোর ১০০০রোমগী চাওখৎ থৌরাংগী থবকশিং পায়খৎপা হৌরি‍। ঙসি শঙ্গারিবা থোং অসিবু অজাদ হিন্দ ফৌজ থোং হায়না মোদী লৈঙাক্না মিংথোন্নবা ফিরেপ লৌরে‍। থোং অসি লান্দুনা চৎলিবা মীপুম খুদিংমক্না নেতাজিগী কিলোমিতর ৩৫,০০০গী খোঙচৎ, মহাক্কী থৌনা অমসুং মতিংগী মফমদা শ্রদ্ধাঞ্জলি কৎপগা মান্নরগনি‍। ৱাতর সপ্লাই, সেনিতেসন অমসুং হকশেলগী লমদা থবকশিং পায়খৎলিবা অসি হকশেলগা মরী লৈনবা য়াম্না মরুওইবা ৱাফম্ন‍ি‍। অফবা অমদি অশেংবা ঈশিং, সেনিতেসন, হেল্থকেয়র অমসুং হেল্থ তেস্ত লৈবা য়াম্না মরুওই‍। এঞ্জিওপ্লাস্তী তৌবা য়াবা অমদি পেসমেকর হাপ্পা য়াবা থম্মোয়গী লায়না লৈবা অনাবশিংগীদমক অনৌবা ফেসিলিতী অমা হৌদোক্লে হায়না শ্রী সাহনা হায়খি‍। মসিগা লোয়ননা অয়ুস হোস্পিতাল অমা অমদি ৱেলনেস সেন্তর কম হেল্প সেন্তর ৪৯ শাগৎলে‍। চহি ৭৫ হায়রিবা মথৌ তাবা অসি ফংহন্দনা লাকখিবনি, ঙসিদি মোদী লৈঙাক্না মসিবু ফংহনবিবসুদা ঐ য়াম্না নুংঙাই‍। ঙসি ঐনা নোঙথক্তগী য়েংশিল্লুরগা লাকপনি অমদি খোঙচৎ অসিদা ফিরেপ খরা লৌরে অদুগা হায়রিবা ফিরেপশিং অদু এদমিনিস্ত্রেতিব দিসিজন লৌরবা মতুংদা লাউথোক্লগনি হায়না শ্রী অমিত সাহনা হায়খি‍।

হোম অমসুং কোওপরেসনগী কেন্দ্র মন্ত্রীনা হায়খিবদা অন্দমান অমসুং নিকোবর লাইতহাউস অসি নীংতমবা পামজবশিংগী লমথুংফম অমনি অদুগা মফম অসি নহা মীরোলগী মফম ওইহনবা তাই, মফমসিদা অফবা ফেসিলিতীশিং থম্নবা ফিরেপ ঐখোয়না লৌরে‍। লাক্কদৌরিবা চহি কয়াদা সুভাস বাবুগী মিংচৎ অমদি থৌনাশিং লৈবাকসিনা নীংশিংহৌনবা অন্দমান অমসুং নিকোবার ঈথত্তা ঐখোয়না সুভাস বাবুগী নীংশিং খুভম অমা শেমগৎলগনি হায়না মহাক্না ফোঙদোকখি‍।

****