ਕੋਵਿਡ 19 ਮਹਾਮਾਰੀ ਕਾਰਨ ਵਿਦੇਸ਼ੀਆਂ ਨੂੰ ਦਿੱਤੇ ਗਏ ਸਾਰੇ ਵੀਜ਼ੇ ਪਿਛਲੇ ਮੁਅੱਤਲ ਕਰ ਦਿੱਤੇ ਗਏ ਸਨ । ਕੋਵਿਡ 19 ਮਹਾਮਾਰੀ ਦੇ ਫੈਲਾਅ ਨੂੰ ਰੋਕਣ ਲਈ ਕੇਂਦਰ ਸਰਕਾਰ ਦੁਆਰਾ ਅੰਤਰਰਾਸ਼ਟਰੀ ਯਾਤਰਾ ਤੇ ਹੋਰ ਕਈ ਪਾਬੰਦੀਆਂ ਵੀ ਲਗਾਈਆਂ ਗਈਆਂ ਸਨ । ਕੋਵਿਡ 19 ਦੀ ਉੱਭਰ ਰਹੀ ਸਥਿਤੀ ਨੂੰ ਵਿਚਾਰਨ ਤੋਂ ਬਾਅਦ ਵਿਦੇਸ਼ੀਆਂ ਨੂੰ ਬਾਅਦ ਵਿੱਚ ਭਾਰਤ ਵਿੱਚ ਠਹਿਰਣ ਅਤੇ ਦਾਖਲੇ ਲਈ ਯਾਤਰੀ ਵੀਜ਼ੇ ਤੋਂ ਇਲਾਵਾ ਕਿਸੇ ਵੀ ਕਿਸਮ ਦਾ ਭਾਰਤੀ ਵੀਜ਼ਾ ਲੈਣ ਦੀ ਆਗਿਆ ਦਿੱਤੀ ਗਈ ਸੀ ।
ਫਿਰ ਵੀ ਐੱਮ ਐੱਚ ਏ ਕਈ ਸੂਬਾ ਸਰਕਾਰਾਂ ਦੇ ਨਾਲ ਨਾਲ ਵੱਖ ਵੱਖ ਭਾਗੀਦਾਰਾਂ ਵੱਲੋਂ ਸੈਰ—ਸਪਾਟਾ ਖੇਤਰ ਵਿੱਚ ਯਾਤਰੀ ਵੀਜ਼ਾ ਵੀ ਭਾਰਤ ਵਿੱਚ ਆਉਣ ਵਾਲੇ ਵਿਦੇਸ਼ੀ ਸੈਲਾਨੀਆਂ ਲਈ ਜਾਰੀ ਕਰਨ ਲਈ ਕਈ ਪ੍ਰਤੀਨਿੱਧਤਾਵਾਂ ਪ੍ਰਾਪਤ ਹੋਈਆਂ ਸਨ । ਇਸ ਲਈ ਐੱਮ ਐੱਚ ਏ ਨੇ ਸਾਰੇ ਮੁੱਖ ਭਾਗੀਦਾਰਾਂ ਜਿਵੇਂ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ , ਵਿਦੇਸ਼ੀ ਮਾਮਲਿਆਂ ਬਾਰੇ ਮੰਤਰਾਲਾ , ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ , ਸੈਰ—ਸਪਾਟਾ ਮੰਤਰਾਲਾ ਅਤੇ ਵੱਖ ਵੱਖ ਸੂਬਾ ਸਰਕਾਰਾਂ ਜਿੱਥੇ ਵਿਦੇਸ਼ੀ ਸੈਲਾਨੀਆਂ ਦੇ ਆਉਣ ਦੀ ਸੰਭਾਵਨਾ ਹੈ , ਨਾਲ ਸਲਾਹ ਮਸ਼ਵਰਾ ਕੀਤਾ ਸੀ ।
ਵੱਖ ਵੱਖ ਇਨਪੁੱਟਸ ਨੂੰ ਵਿਚਾਰਨ ਪਿੱਛੋਂ ਐੱਮ ਐੱਚ ਏ ਨੇ 15 ਅਕਤੂਬਰ ਤੋਂ ਚਾਰਟੇਡ ਉਡਾਨਾਂ ਰਾਹੀਂ ਭਾਰਤ ਆਉਣ ਵਾਲੇ ਵਿਦੇਸ਼ੀਆਂ ਨੂੰ ਤਾਜ਼ਾ ਟੂਰਿਸਟ ਵੀਜ਼ਾ ਦੇਣਾ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ । ਚਾਰਟੇਡ ਹਵਾਈ ਜਹਾਜ਼ ਤੋਂ ਇਲਾਵਾ ਹੋਰ ਉਡਾਨਾਂ ਰਾਹੀਂ ਭਾਰਤ ਆਉਣ ਵਾਲੇ ਵਿਦੇਸ਼ੀ ਸੈਲਾਨੀਆਂ ਨੂੰ ਤਾਜ਼ਾ ਯਾਤਰੀ ਵੀਜ਼ੇ 15 ਨਵੰਬਰ ਤੋਂ ਮਿਲਣ ਯੋਗ ਹੋਣਗੇ । ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੁਆਰਾ ਸਮੇਂ ਸਮੇਂ ਤੇ ਨੋਟੀਫਾਈ ਕੀਤੇ ਗਏ ਸਾਰੇ ਕੋਵਿਡ 19 ਪ੍ਰੋਟੋਕੋਲ ਅਤੇ ਨਿਯਮਾਂ ਦੀ ਭਾਰਤ ਵਿੱਚ ਲਿਆਉਣ ਵਾਲੇ ਸਾਰੇ ਹਵਾਈ ਜਹਾਜ਼ਾਂ , ਵਿਦੇਸ਼ੀ ਸੈਲਾਨੀਆਂ ਨੂੰ ਲੈਂਡਿੰਗ ਸਟੇਸ਼ਨ ਤੇ ਪਾਲਣਾ ਕਰਨੀ ਹੋਵੇਗੀ ।
ਇਸ ਨਾਲ ਵੀਜ਼ਾ ਅਤੇ ਅੰਤਰਰਾਸ਼ਟਰੀ ਯਾਤਰਾ ਤੇ ਲਗਾਈਆਂ ਗਈਆਂ ਪਾਬੰਦੀਆਂ ਨੂੰ ਮੌਜੂਦਾ ਸਮੁੱਚੀ ਕੋਵਿਡ 19 ਸਥਿਤੀ ਵਿੱਚ ਹੋਰ ਸੁਖਾਲਾ ਬਣਾਇਆ ਗਿਆ ਹੈ । 

******************

ਐੱਨ ਡਬਲਯੁ / ਆਰ ਕੇ / ਏ ਵਾਈ / ਆਰ ਆਰ