ఆరోగ్య, కుటుంబ సంక్షేమ‌ మంత్రిత్వ శాఖ
azadi ka amrit mahotsav

ఐ-ద్రోన్ ఐసిఎంఆర్ ద్రోన్ ఆధారిత వాక్సిన్ డెలివరీ వ్యవస్థను ప్రారంభించిన కేంద్ర ఆరోగ్య, కుటుంబ సంక్షేమ మంత్రి శ్రీ మన్సుఖ్ మాండవ్య

దక్షిణ ఆసియాలో మొదటిసారిగా, "మేక్ ఇన్ ఇండియా" డ్రోన్, కోవిడ్-19 వ్యాక్సిన్‌లను రవాణా చేయడానికి ఉపయోగించారు

"ప్రాణాంతక పరిస్థితులలో మరియు కఠినమైన భౌగోళిక ప్రాంతాల్లో రక్త నమూనాలను సేకరించడం, ముఖ్యమైన ప్రాణాలను కాపాడే ఔషధాలను అందించడంలో ద్రోన్ లను ఉపయోగించవచ్చు": శ్రీ మన్సుఖ్ మాండవ్య

Posted On: 04 OCT 2021 3:51PM by PIB Hyderabad

ఆరోగ్యంలో ‘అంత్యోదయ’ పట్ల ప్రభుత్వ నిబద్ధతను ప్రతిబింబించే ఒక మైలురాయి ఇది; దేశంలోని చివరి పౌరుడికి ఆరోగ్య సంరక్షణను అందుబాటులోకి తెస్తూ, కేంద్ర ఆరోగ్య మరియు కుటుంబ సంక్షేమ శాఖ మంత్రి శ్రీ మన్సుఖ్ మాండవియా ఈశాన్య ప్రాంతంలో ఐసిఎంఆర్  ద్రోన్ రెస్పాన్స్ మరియు అవుట్‌రిచ్ (ఐ-ద్రోన్) ప్రారంభించారు. ప్రాణాలను కాపాడే టీకాలు అందరికీ అందేలా ఇది ఒక డెలివరీ నమూనా.

ప్రధాన మంత్రి శ్రీ నరేంద్ర మోదీ దార్శనికత గల నాయకత్వానికి కృతజ్ఞతలు తెలుపుతూ, “ఆయన నాయకత్వంలో దేశం చాలా వేగంగా అభివృద్ధి చెందుతోంది. ఈ రోజు ఒక చారిత్రాత్మక రోజు, ఇది టెక్నాలజీ జీవితాన్ని ఎలా సులభతరం చేస్తుందో మరియు సామాజిక మార్పును తీసుకువస్తుందో మనకు స్పష్టం చేసింది" అని కేంద్ర ఆరోగ్య మంత్రి అన్నారు.

 

"12 నుండి 15 నిమిషాల్లో 15 కిలోమీటర్ల గగన మార్గంలో కోవిడ్ వ్యాక్సిన్‌ను రవాణా చేయడానికి" మేక్ ఇన్ ఇండియా "డ్రోన్‌ను దక్షిణాసియాలో ఉపయోగించడం ఇదే మొదటిసారి. బిష్ణుపూర్ జిల్లా ఆసుపత్రి నుండి లోక్ తక్ సరస్సు, మణిపూర్‌లోని కరాంగ్ ద్వీపం పిహెచ్సి లో వాక్సిన్ వేయడానికి ఈ ప్రయత్నం జరిగింది. ఈ ప్రదేశాల మధ్య రహదారి మార్గంలో దూరం 26 కిమీ ఈరోజు, 10 మంది లబ్ధిదారులు మొదటి డోస్ అందుకున్నారు, 8 మంది రెండో డోస్ అందుకుంటారు " అని కేంద్ర మంత్రి వెల్లడించారు.

 

 

 "భౌగోళిక వైవిధ్యాలకు భారతదేశం నిలయం మరియు చివరి మైలు వరకు నిత్యావసరాలను అందించడానికి డ్రోన్‌లను ఉపయోగించవచ్చు. ముఖ్యమైన ప్రాణాలను కాపాడే ఔషధాలను అందించడంలో, రక్త నమూనాలను సేకరించడంలో మనం డ్రోన్‌లను ఉపయోగించవచ్చు. క్లిష్ట పరిస్థితుల్లో కూడా ఈ టెక్నాలజీని ఉపయోగించవచ్చు. ఈ సాంకేతికత ఆరోగ్య సంరక్షణ డెలివరీలో సవాళ్లను పరిష్కరించడంలో గేమ్ ఛేంజర్‌ని నిరూపించవచ్చు, ప్రత్యేకించి కష్టతరమైన ప్రాంతాల్లో ఆరోగ్య సరఫరాలు విషయంలో... " అని కేంద్ర మంత్రి తెలిపారు

 

 భారతదేశంలోని కఠినమైన మరియు చేరుకోవడానికి కష్టమైన భూభాగాలకు వ్యాక్సిన్ డెలివరీని సులభతరం చేసే చొరవను ప్రారంభించిన కేంద్ర ఆరోగ్య మంత్రి, “కోవిడ్-19 కోసం మన ఇమ్యునైజేషన్ కార్యక్రమం ఇప్పటికే అన్ని అంచనాలను మించిపోయింది" అని అన్నారు. కోవిడ్-19కి సాధ్యమైనంత ఎక్కువ ఇమ్యునైజేషన్ కవరేజీని సాధించడానికి ఈ చొరవ మరింత సహాయపడుతుందని గట్టిగా నమ్ముతున్నాను అని తెలిపారు. జాతీయ కార్యక్రమాలలో ఇటువంటి డ్రోన్ టెక్నాలజీలను చేర్చడం వలన ఇతర టీకాలు మరియు వైద్య సామాగ్రిని వీలైనంత త్వరగా అందించడంలో సహాయపడుతుంది. " చెప్పారు.

 రాష్ట్రాలు, కేంద్రపాలిత ప్రాంతాల్లో సమర్థవంతమైన మరియు సురక్షితమైన వ్యాక్సిన్ నిర్వహణ ఉన్నప్పటికీ, భారతదేశంలోని కఠినమైన ప్రాంతాలకు చేరుకోవడానికి, కష్టమైన భూభాగాలలో వ్యాక్సిన్ పంపిణీ ఇప్పటికీ సవాలుగా ఉంది. ఈ ఐ-డ్రోన్ ఈ సవాళ్లను అధిగమించడానికి మానవరహిత వైమానిక వాహనాలు (యుఏవి) / ద్రోన్ లను సుదూర ప్రాంతాలకు విస్తరించడం మరియు భూభాగాలను చేరుకోవడం కష్టం. ప్రస్తుతం, డ్రోన్ ఆధారిత డెలివరీ ప్రాజెక్ట్ మణిపూర్ మరియు నాగాలాండ్, అలాగే కేంద్రపాలిత ప్రాంతం అండమాన్ మరియు నికోబార్ ద్వీపాలలో అమలు చేయడానికి అనుమతి ఇవ్వబడింది.

ఐసిఎంఆర్, ఇండియన్ ఇనిస్టిట్యూట్ ఆఫ్ టెక్నాలజీ, కాన్పూర్ సహకారంతో ప్రారంభ అధ్యయనం నిర్వహించింది, వ్యాక్సిన్‌లను సురక్షితంగా తీసుకెళ్లడానికి మరియు బదిలీ చేయడానికి డ్రోన్‌ల సామర్థ్యాన్ని పరీక్షించడానికి. మణిపూర్, నాగాలాండ్ మరియు అండమాన్ నికోబార్‌లో ఈ అధ్యయనం జరిగింది. ఈ అధ్యయనాలు పౌర విమానయాన మంత్రిత్వ శాఖ (MoCA), డైరెక్టరేట్ జనరల్ ఆఫ్ సివిల్ ఏవియేషన్ (DGCA) మరియు ఇతర నియంత్రణ అధికారులు విజువల్ లైన్ ఆఫ్ సైట్ దాటి డ్రోన్‌లను ఎగరడానికి అనుమతించిన ఆధారంగా మంచి ఫలితాలను అందించాయి.

శ్రీ రాజేశ్ భూషణ్, ఆరోగ్య మరియు కుటుంబ సంక్షేమ మంత్రిత్వ శాఖ కార్యదర్శి, డాక్టర్ బలరాం భార్గవ, డైరెక్టర్ జనరల్, ఐసిఎంఆర్ మరియు మంత్రిత్వ శాఖలోని ఇతర సీనియర్ అధికారులు, రాష్ట్ర ప్రభుత్వాలు,  మొదలైనవారు కూడా పాల్గొన్నారు. కార్యక్రమం వెబ్‌కాస్ట్‌లో ప్రసారం జరిగింది

https://www.youtube.com/watch?v=f3UZpxLfbr8
 

 

****



(Release ID: 1760942) Visitor Counter : 87