ਇੱਕ ਮਹੱਤਵਪੂਰਨ ਈਵੈਂਟ ਜੋ ਸਿਹਤ ਵਿੱਚ ਸਰਕਾਰ ਦੀ ਵਚਨਬੱਧਤਾ ਦਾ ਪ੍ਰਤੀਕ ਹੈ , ਦੇਸ਼ ਭਰ ਵਿੱਚ ਆਖ਼ਰੀ ਨਾਗਰਿਕ ਤੱਕ ਸਿਹਤ ਸੰਭਾਲ ਪਹੁੰਚਯੋਗ ਬਣਾ ਰਹੀ ਹੈ । ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰੀ ਸ਼੍ਰੀ ਮਨਸੁੱਖ ਮਾਂਡਵੀਯਾ ਨੇ ਆਈ ਸੀ ਐੱਮ ਆਰ ਡਰੋਨ ਰਿਸਪਾਂਸ ਅਤੇ ਉੱਤਰ ਪੂਰਬ (ਆਈ ਡਰੋਨ) ਲਾਂਚ ਕੀਤਾ । ਆਈ—ਡ੍ਰੋਨ ਇਕ ਸਪੁਰਦਗੀ ਮਾਡਲ ਹੈ , ਜੋ ਇਹ ਯਕੀਨੀ ਬਣਾਉਂਦਾ ਹੈ ਕਿ ਜੀਵਨ ਬਚਾਊ ਟੀਕੇ ਹਰੇਕ ਤੱਕ ਪਹੁੰਚਣ ।

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਦੂਰਦ੍ਰਿਸ਼ਟੀ ਅਗਵਾਈ ਦਾ ਧੰਨਵਾਦ ਕਰਦਿਆਂ ਕੇਂਦਰੀ ਸਿਹਤ ਮੰਤਰੀ ਨੇ ਕਿਹਾ , “ਉਨ੍ਹਾਂ ਦੀ ਅਗਵਾਈ ਤਹਿਤ ਰਾਸ਼ਟਰ ਤੇਜ਼ ਰਫ਼ਤਾਰ ਨਾਲ ਉੱਨਤੀ ਕਰ ਰਿਹਾ ਹੈ । ਅੱਜ ਦਾ ਦਿਨ ਇਤਿਹਾਸਕ ਹੈ , ਜੋ ਇਹ ਦਰਸਾਉਂਦਾ ਹੈ ਕਿ ਤਕਨਾਲੋਜੀ ਜਿ਼ੰਦਗੀ ਨੂੰ ਸੁਖਾਲਾ ਅਤੇ ਸਮਾਜਿਕ ਪਰਿਵਰਤਨ ਕਿਵੇਂ ਲਿਆ ਸਕਦੀ ਹੈ” ।



ਇਸ ਨਵਾਚਾਰ ਕਦਮ ਬਾਰੇ ਦੇਸ਼ ਦੇ ਲੋਕਾਂ ਨੂੰ ਵਧਾਈ ਦਿੰਦਿਆਂ ਸ਼੍ਰੀ ਮਨਸੁੱਖ ਮਾਂਡਵੀਯਾ ਨੇ ਕਿਹਾ , “ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਇੱਕ ਮੇਕ ਇਨ ਇੰਡੀਆ ਡਰੋਨ ਦੱਖਣ ਏਸ਼ੀਆ ਵਿੱਚ 15 ਕਿਲੋਮੀਟਰ ਵਿਸ਼ਨੂੰਪੁਰ ਜਿ਼ਲ੍ਹੇ ਦੇ ਹਸਪਤਾਲ ਤੋਂ ਮਨੀਪੁਰ ਵਿੱਚ ਕਰੰਗ ਦੀਪ , ਲੋਕਤਕ ਝੀਲ ਲਈ ਪੀ ਐੱਚ ਸੀ ਵਿਖੇ ਪ੍ਰਸ਼ਾਸਨ ਲਈ 12 ਤੋਂ 15 ਮਿੰਟਾਂ ਵਿੱਚ ਹਵਾਈ ਸਫ਼ਰ ਤੈਅ ਕਰਕੇ ਕੋਵਿਡ ਟੀਕੇ ਦੀ ਢੋਆ ਢੁਆਈ ਕੀਤੀ ਗਈ ਹੈ । ਦੋਨਾਂ ਜਗ੍ਹਾਂ ਵਿਚਾਲੇ ਅਸਲ ਵਿੱਚ ਸੜਕੀ ਫਾਸਲਾ 26 ਕਿਲੋਮੀਟਰ ਦਾ ਹੈ । ਅੱਜ 10 ਲਾਭਪਾਤਰੀਆਂ ਨੂੰ ਪਹਿਲੀ ਖ਼ੁਰਾਕ ਪ੍ਰਾਪਤ ਹੋਵੇਗੀ ਅਤੇ 8 ਪੀ ਐੱਸ ਸੀਜ਼ ਵਿਖੇ ਦੂਜੀ ਖ਼ੁਰਾਕ ਪ੍ਰਾਪਤ ਕਰਨਗੇ” ।



ਉਨ੍ਹਾਂ ਅੱਗੇ ਕਿਹਾ ਕਿ ਭਾਰਤ ਭੂਗੋਲਿਕ ਵਿਭਿੰਨਤਾ ਦਾ ਘਰ ਹੈ ਅਤੇ ਡ੍ਰੋਨਸ ਨੂੰ ਆਖ਼ਰੀ ਮੀਲ ਤੱਕ ਜ਼ਰੂਰੀ ਵਸਤਾਂ ਭੇਜਣ ਲਈ ਵੀ ਵਰਤਿਆ ਜਾ ਸਕਦਾ ਹੈ । ਅਸੀਂ ਖੂਨ ਨਮੂਨਿਆਂ ਨੂੰ ਇਕੱਠੇ ਕਰਨ ਅਤੇ ਮਹੱਤਵਪੂਰਨ ਜਿ਼ੰਦਗੀ ਬਚਾਊ ਦਵਾਈਆਂ ਭੇਜਣ ਲਈ ਵੀ ਡਰੋਨ ਦੀ ਵਰਤੋਂ ਕਰ ਸਕਦੇ ਹਾਂ । ਇਸ ਤਕਨਾਲੋਜੀ ਨੂੰ ਨਾਜ਼ੁਕ ਸਥਿਤੀਆਂ ਵਿੱਚ ਵੀ ਵਰਤਿਆ ਜਾ ਸਕਦਾ ਹੈ । ਇਹ ਤਕਨਾਲੋਜੀ ਸਿਹਤ ਸੰਭਾਲ ਸਪੁਰਦਗੀ , ਵਿਸ਼ੇਸ਼ ਕਰਕੇ ਮੁਸ਼ਕਿਲ ਇਲਾਕਿਆਂ ਵਿੱਚ ਸਿਹਤ ਸਪਲਾਈ ਭੇਜਣ ਲਈ ਆਉਣ ਵਾਲੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਇੱਕ ਗੇਮ ਚੇਂਜਰ ਸਾਬਤ ਹੋ ਸਕਦੀ ਹੈ ।



ਪਹਿਲਕਦਮੀ ਜੋ ਭਾਰਤ ਦੇ ਮੁਸ਼ਕਿਲ ਅਤੇ ਅਪਹੁੰਚਯੋਗ ਇਲਾਕਿਆਂ ਵਿੱਚ ਟੀਕੇ ਦੀ ਸਹੂਲਤ ਮੁਹੱਈਆ ਕਰੇਗੀ , ਨੂੰ ਲਾਂਚ ਕਰਦਿਆਂ ਕੇਂਦਰੀ ਸਿਹਤ ਮੰਤਰੀ ਨੇ ਕਿਹਾ , ਕੋਵਿਡ 19 ਲਈ ਸਾਡਾ ਟੀਕਾਕਰਣ ਪ੍ਰੋਗਰਾਮ ਪਹਿਲਾਂ ਹੀ ਸਭ ਉਮੀਦਾਂ ਅੱਗੇ ਜਾ ਚੁੱਕਾ ਹੈ । ਮੈਨੂੰ ਪੱਕਾ ਵਿਸ਼ਵਾਸ ਹੈ ਕਿ ਇਹ ਪਹਿਕਦਮੀ ਕੋਵਿਡ 19 ਲਈ ਟੀਕਾਕਰਣ ਦੀ ਸਭ ਤੋਂ ਉੱਚੀ ਸੰਭਵ ਕਵਰੇਜ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ । ਡਰੋਨ ਤਕਨਾਲੋਜੀ ਨੂੰ ਰਾਸ਼ਟਰੀ ਪ੍ਰੋਗਰਾਮਾਂ ਵਿੱਚ ਸ਼ਾਮਲ ਕਰਨ ਨਾਲ ਟੀਕਿਆਂ ਅਤੇ ਹੋਰ ਮੈਡੀਕਲ ਸਪਲਾਈ ਜਿੰਨੀ ਜਲਦੀ ਸੰਭਵ ਹੋ ਸਕੇ ਪਹੁੰਚਾਉਣ ਵਿੱਚ ਮਦਦ ਕਰੇਗੀ ।



ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਪ੍ਰਭਾਵੀ ਅਤੇ ਸੁਰੱਖਿਅਤ ਟੀਕਾਕਰਣ ਪ੍ਰਸ਼ਾਸਨ ਤੋਂ ਇਲਾਵਾ ਭਾਰਤ ਦੇ ਮੁਸ਼ਕਿਲ ਪਹੁੰਚ ਵਾਲੇ ਅਤੇ ਮੁਸ਼ਕਿਲ ਇਲਾਕਿਆਂ ਵਿੱਚ ਟੀਕਾ ਪਹੁੰਚਾਉਣਾ ਅਜੇ ਵੀ ਚੁਣੌਤੀ ਹੈ । ਇਹ ਆਈ — ਡਰੋਨ  ਦੂਰ ਦੁਰਾਡੇ ਇਲਾਕਿਆਂ ਅਤੇ ਮੁਸ਼ਕਿਲ ਪਹੁੰਚ ਵਾਲੇ ਇਲਾਕਿਆਂ ਵਿੱਚ ਮਨੁੱਖ ਰਹਿਤ ਡਰੋਨਸ ਦੀ ਤਾਇਨਾਤੀ ਦੁਆਰਾ ਇਨ੍ਹਾਂ ਚੁਣੌਤੀਆਂ ਤੇ ਕਾਬੂ ਪਾਉਣ ਲਈ ਡਿਜ਼ਾਇਨ ਕੀਤੀ ਗਈ ਹੈ । ਇਸ ਵੇਲੇ ਡਰੋਨ ਅਧਾਰਤ ਸਪੁਰਦਗੀ ਪ੍ਰਾਜੈਕਟ ਨੂੰ ਮਨੀਪੁਰ ਅਤੇ ਨਾਗਾਲੈਂਡ ਦੇ ਨਾਲ ਨਾਲ ਅੰਡੇਮਾਨ ਤੇ ਨਿੱਕੋਬਾਰ ਦੀਪ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਵੀ ਲਾਗੂ ਕਰਨ ਦੀ ਪ੍ਰਵਾਨਗੀ ਦਿੱਤੀ ਗਈ ਹੈ ।

ਆਈ ਸੀ ਐੱਮ ਆਰ ਨੇ ਇੰਡੀਅਨ ਇੰਸਟੀਚਿਊਟ ਆਫ਼ ਤਕਨਾਲੋਜੀ , ਕਾਨਪੁਰ ਦੇ ਸਹਿਯੋਗ ਨਾਲ ਟੀਕਿਆਂ ਨੂੰ ਸੁਰੱਖਿਅਤ ਢੰਗ ਨਾਲ ਲਿਜਾਣ ਅਤੇ ਤਬਦੀਲ ਕਰਨ ਦੀ ਸਮਰੱਥਾ ਦਾ ਇੱਕ ਸ਼ੁਰੂਆਤੀ ਅਧਿਐਨ ਕੀਤਾ ਸੀ । ਇਹ ਅਧਿਐਨ  ਮਨੀਪੁਰ , ਨਾਗਾਲੈਂਡ ਅਤੇ ਅੰਡੇਮਾਨ ਨਿੱਕੋਬਾਰ ਵਿੱਚ ਕੀਤਾ ਗਿਆ ਸੀ । ਇਨ੍ਹਾਂ ਅਧਿਐਨ ਦੇ ਅਧਾਰ ਤੇ  ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ (ਐੱਮ ਓ ਸੀ ਏ) , ਡਾਇਰੈਕਟੋਰੇਟ ਜਨਰਲ ਆਫ਼ ਸਿਵਲ ਏਵੀਏਸ਼ਨ (ਡੀ ਜੀ ਸੀ ਏ) ਅਤੇ ਹੋਰ ਨਿਯੰਤਰਣ ਅਥਾਰਟੀਆਂ ਨੇ ਵਿਜ਼ੁਅਲ ਲਾਈਨ ਆਫ ਸਾਈਟ ਤੋਂ ਪਰ੍ਹੇ ਡ੍ਰੋਨਸ ਉਡਾਉਣ ਦੀ ਪ੍ਰਵਾਨਗੀ ਦਿੱਤੀ ਹੈ ।

ਸ਼੍ਰੀ ਮਾਂਡਵੀਯਾ ਨੇ ਪਹਿਲਕਦਮੀ ਵਿੱਚ ਆਪਣਾ ਵਿਸ਼ਵਾਸ ਪ੍ਰਗਟ ਕੀਤਾ ਅਤੇ ਨੋਟ ਕੀਤਾ ਕਿ ਇਹ ਪਹਿਲਕਦਮੀ ਨਾ ਕੇਵਲ ਟੀਕਿਆਂ ਦੀ ਸਪੁਰਦਗੀ ਵਿੱਚ ਸਹਾਇਤਾ ਕਰ ਸਕਦੀ ਹੈ , ਬਲਕਿ ਹੋਰ ਮੈਡੀਕਲ ਸਪਲਾਈ ਲਈ ਵੀ । ਇਹ ਮੌਜੂਦਾ ਕੋਰੋਨਾ ਸਪੁਰਦਗੀ ਢੰਗ ਤਰੀਕਿਆਂ ਦੇ ਵਿੱਚ ਪਾੜਿਆਂ ਨੂੰ ਪੂਰਨ ਵਿੱਚ ਮਦਦ ਕਰੇਗੀ । ਉਨ੍ਹਾਂ ਨੇ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ , ਡੀ ਜੀ ਸੀ ਏ ਅਤੇ ਏਅਰਪੋਰਟ ਅਥਾਰਟੀ ਆਫ਼ ਇੰਡੀਆ ਦੀ ਇਸ ਕੋਸਿ਼ਸ਼ ਲਈ ਦਿੱਤੀ ਸਹਾਇਤਾ ਲਈ ਧੰਨਵਾਦ ਕੀਤਾ ਅਤੇ ਆਈ ਸੀ ਐੱਮ ਆਰ , ਸਿਹਤ ਕਾਮਿਆਂ ਅਤੇ ਇਸ ਮਹੱਤਵਪੂਰਨ ਪਹਿਲਕਦਮੀ ਨਾਲ ਸਬੰਧਤ ਸਾਰਿਆਂ ਨੂੰ ਵਧਾਈ ਦਿੱਤੀ । 

ਸ਼੍ਰੀ ਰਾਜੇਸ਼ ਭੂਸ਼ਣ , ਸਕੱਤਰ , ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ , ਡਾਕਟਰ ਬਲਰਾਮ ਭਾਰਗਵ , ਡਾਇਰੈਕਟਰ ਜਨਰਲ ਆਈ ਸੀ ਐੱਮ ਆਰ ਅਤੇ ਮੰਤਰਾਲਾ , ਸੂਬਾ ਸਰਕਾਰਾਂ ਅਤੇ ਆਈ ਸੀ ਐੱਮ ਆਰ ਦੇ ਸੀਨੀਅਰ ਅਧਿਕਾਰੀ ਵੀ ਇਸ ਮੌਕੇ ਹਾਜ਼ਰ ਸਨ ।

 

************

ਐੱਮ ਵੀ / ਏ ਐੱਮ

ਐੱਚ ਐੱਫ ਡਬਲਿੳ / ਐੱਚ ਐੱਫ ਐੱਮ ਆਈ — ਡਰੋਨ ਲਾਂਚ / 4 ਅਕਤੂਬਰ 2021 / 4