মশক থোকপা থৌরম অমদা হকশেলদা ‘অন্ত্যোদায়া’দা সরকারনা থমখিবা ৱাফমদা মপুং ফাবা খুদম অমা ওইনা; লৈবাক অসিদা লৈরিবা মীপুম খুদিংদা হেলথকেয়র ফংহন্নবা হেলথ অমসুং ফেমিলী ৱেলফিয়রগী কেন্দ্রগী মন্ত্রী শ্রী মনসুখ মন্দাবিয়ানা অৱাং নোংপোক্তা আই.সি.এম.আর.গী দ্রোন রেস্পোন্স অমসুং আউতরিতচ (আই.-দ্রোন) হৌদোকখ্রে। মসি মীপুম খুদিংমক্তা পুন্সি কনবা হিদাক লাংথক শোইদনা য়ৌহন্নবা মোদেল অমনি।

প্রধান মন্ত্রী শ্রী নরেন্দ্র মোদীগী মিৎয়েং শানবা লুচিংবু থাগৎপা ফোংদোক্লদুনা, কেন্দ্রগী হেলথ মন্ত্রীনা হায়খি, “মহাক্কী লুচিং মখাদা লৈবাক অসি য়াম্না থুনা চাউখৎলক্লি।  ঙসি অসি পুৱারী ওইরগদবা নুমিৎ অমনি, হায়রিবা অসিদা মতৌ করম্না তোক্নোলোজীনা পুন্সি মহিং হেন্না লাইথোকহনবা অমসুং সমাজদা অওনবা অমা পুরকপা ঐখোয়দা উৎলি”।

মসিগী অনৌবা খোঙথাং অসিদা লৈবাক অসিগী মীয়ামদা হরাওবা ফোংদোক্লদুনা, শ্রী মনসুখ মন্দাবিয়ানা হায়খি, “খা এসিয়াদা নোংথক্কী ওইবা অরাপ্পা কিলোমিতর ১৫ মিনিত ১২-১৫ চংনা পি.ঐচ.সি.দা শিজিন্ননবা মনিপুরদা বিষ্ণুপুর দিস্ত্রীক্ত হোস্পিতালদগী লোক্তাক পাৎ, করাং ইথৎ ফাওবা কোবিদ ভেক্সিন পুবদা “মেক ইন ইন্দিয়া’ দ্রোন শিজিন্নখিবা অসি অহনবনি। লম্বীগী ওইবা মফম অনিগী মরক্তা লৈরিবা অরাপ্পা অসি কিলোমিতর ২৬নি। ঙসি পি.ঐচ.সি. অসিদা বেনিফিসরী ১০না অহানবা দোজ ফংগনি অমসুং ৮ অমনা অনিশুবা দোজ ফংগনি”।  

মহাক্না মখা তানা হায় মদুদি, “ভারত অসি লমগী খেন্নবা য়াম্না লৈবা মফম অমনি অমসুং দ্রোনশিং অসি খ্বায়দগী অরোইবা ফাওবা তঙাইফদবশিং য়ৌহনবদা শিজিন্নবা য়াই। ঐখোয়না দ্রোনশিং অসি শিজিন্নদুনা মরুওইবা পুন্সি কন্নবা হিদাক লাংথক, খোমগৎলবা ঈগী সেম্পলশিং য়ৌহনবা য়াই। হায়রিবা তেক্নোলোজী অসি য়াম্না মরু ওইবা তাঞ্জা কয়াদসু শিজিন্নবা য়াই। মসিগী তেক্নোনোজী অসি মরুওইনা য়াম্না লুবা মফমদা হকশেলগী পোৎ পীবদা থেংনরিবা অৱাবশিং কোকহনবদা খুদম অমা ওইবা য়াই।

ভারতকী য়ৌশিনবদা ৱাবা মফমশিং ভেক্সিন পীবদা লায়থোক্নবা খোঙথাং হৌদোক্লদুনা কেন্দ্রগী হেলথ মন্ত্রীনা হায়খি, “ঐখোয়গী কোবিদ-১৯গী ইম্ম্যুনাইজেসনগী থৌরম ওইহন্নিংবশিং লান্থোকখ্রে। ঐহাক্না য়াম্না কন্না থাজৈ মদুদি মসিগী খোঙথাং অসিনা মখা তানা কোবিদ-১৯গী ইম্ম্যুনাইজেসন কবরেজদা য়াম্না ৱাংনা ফংবগী ওইথোকপা লৈ। লৈবাক্কী থৌরমশিংদা অসিগুম্বা দ্রোনগী তেক্নোলোজী য়াওশিল্লকপা অসিনা অতোপ্পা ভেক্সিন অমসুং মেদিকেল সপ্লাইশিং য়াম্না থুনা ফংহনবদা মতেং ওইরগনি”।

রাজ্য অমসুং য়ুনিয়ন তেরিতোরীশিংদা মায় পাক্না অমসুং শাফগদবা ভেক্সিন কাপথোকপগী মথক্তা, ভারতকী য়ৌশিনবা ৱাবা মফমদা ভেক্সিন য়ৌহনবা অসি অৱাবা অমা ওইরি। মসিগী আই.-দ্রোন অসি অসিগুম্বা অৱাবশিং অসি কোক্নবা অনমেন এরিয়েল ভেহিকল (য়ু.এ.ভি.)/দ্রোনশিং অসি হাপতুনা তাম্না লৈবা অমসুং য়ৌবদা ৱাবা মফমশিং য়ৌশিন্নবা শেম্বনি। হৌজিক্কী ওইনা দ্রোন্দা য়ুম্ফম ওইবা পোৎ পীনবগী প্রোজোক্ত অসি মনিপুর অমসুং নাগালেন্দদা হাপ্নবা অয়াবা পীরি, লোয়ন-লোয়ননা আন্দমান অমসুং নিকোবর ইথৎকী য়ুনিয়ন তেরিতোরীসু য়াওরি।  

আই.সি.এম.আর.না ইন্দিয়ন ইন্সতিত্যুৎ ওফ তেক্নোলোজী, কানপুরগা খুৎশম্নদুনা দ্রোনশিংনা ভেক্সিনশিং অসি তেক্ত কাইদনা পুদুনা য়ৌহনবা য়ানবা চাংয়েংগীদমক স্তদী অমা পাংথোকখি। স্তদী অসি মনিপুর, নাগালেন্দ অমসুং আন্দমান অমসুং নিকোবরদা পাংথোকখি। মসিগী স্তদী অসিনা মিনিস্ত্রী ওফ সিবিল এবিএসন (এম.ও.সি.এ.), দাইরেক্তোরেত জেনেরেল ওফ সিবিল এবিএসন (দি.জি.সি.এ.) অমসুং অতৈ রিগুলেতরী ওথোরিতীনা মিৎনা উবা ফংবা মফমদগী লান্না পাইনবগী অয়াবা পীরি।

শ্রী মন্দাবিয়ানা খোঙথাংশিং অসিদা মহাক্কী থাজবা ফোংদোকখি অমসুং খোঙথাং অসিনা ভেক্সিন খক্তা নত্তনা অতৈ মেদিকেল সপ্লাইশিং য়ৌহনবদা মতেং ওইরগনি হায়না পনখি। হায়রিবা অসিনা হৌজিক লৈরিবা ভেক্সিন ফংহনবগী অহোবা লৈরিবা অসি মেনশিনবা ঙমগনি। মহাক্না সিবিল এবিএসনগী মিনিস্ত্রী, দি.জি.সি.এ., অমসুং এয়রপোর্ত ওথোরিতী ওফ ইন্দিয়াবু মখোয়না কন্না হোৎনদুনা মতেং পাংবিবগীদমক থাগৎপা ফোংদোকখি।  

হেলথ অমসুং ফেমিলী ৱেলফিয়র মিনিস্ত্রীগী সেক্রেতরী, শ্রী রাজেশ ভুশন, আই.সি.এম.আর.গী দাইরেক্তর জেনেরেল দাঃ বালরাম ভার্গাবা অমসুং মিনিস্ত্রী, রাজ্য সরকার, আই.সি.এম.আর.গী  অতৈ মকোক থোংবা ওফিসরশিংসু শরুক য়াখি।

থৌরম অসি মখাগী অসিদা ৱেবকাস্ত তৌরি:

https://www.youtube.com/watch?v=f3UZpxLfbr8

****