খুরুমজরি!

এক্সপো ২০২০ দুবাইগী ইন্দিয়ন পেবিলিয়নদা তরাম্না ওকচরি৷ মসি ইতিহাসিক ওইরবা এক্সপো অমনি৷ মসি মিদল ইস্ত, অফ্রিকা অমদি সাউথ এসিয়া লমদমদা পাংথোক্কদৌরিবা অসিগী মনুংদা ইহান হানবনি৷ ভারতনা এক্সপো অসিদা পেবিলিয়ন খ্বাইদগী য়াম্বশিংগী মনুংদা অমা ওইদুনা শরুক য়ারি৷ য়ু.এ.ই.গা অমদি দুবাইগা ঐখোয়গী অচেৎপা অমদি ইতিহাসিক ওইরবা মরীশিং মখাতানা শেমগৎনবা এক্সপো অসিনা মতম শাংনা হোৎনগনি  হায়না ঐনা থাজৈ৷ সরকারগী অমদি ভারতকী প্রজা মীয়ামগী মহুৎ শিন্দুনা য়ু.এ.ই.গী রাস্ত্রপতি অমদি অবু ধাবিগী রুলর, হিজ হাইনেস শৈখ খালিফা বিন জয়েদ বিন অল নায়ানদা ঐনা য়াইফ-পাউজেল পীজরি৷

য়ু.এ.ই.গী প্রধান মন্ত্রী অমদি উপ-রাস্ত্রপতি অমদি দুবাইগী রুলর, হিজ হাইনেস শৈখ মুহামদ বিন রসিদ এল মক্তুমদা ঐনা থমোই শেংনা থাগৎপা ফোংদোকচরি৷ ঐনা অবু ধাবিগী ক্রাউন প্রিন্স, হিজ হাইনেস শৈখ মুহামদ বিন জয়েদ অল নায়ানদসু য়াইফ-মঙ্গোল পীজরি৷ ঐখোয়গী স্ত্রাতিজিক পার্তনরশিপ্তা ঐখোয়না ফংলিবা প্রোগ্রেস্তা মহাক অসি য়াম্না মরু ওইবা মীওই অমা ওইখ্রে৷ লৈবাক অনিমক চাওখৎপা পুরক্নবগীদমক ঐখোয়গী থবক মখা চত্থনবা ঐনা য়েংশিল্লি

মরুপশিং,

এক্সপো ২০২০গী মরু ওইবা থীম অদুদি:ৱাখল পুনশিনবা, তুংদা ফিভম শেম্বা অসিনি৷ থীম অসিগী স্পিরিত অসি অনৌবা ভারত অমা শেম্নবা ঐখোয়না চংশিল্লক্তুনা ভারতনা হোৎনরিবশিং অসিদা উবা ফংই৷ এক্সপো ২০২০বু য়াম্না ফজরবা মওংদা শিনবগীদমক য়ু.এ.ই. সরকারবু ঐনা থাগৎপা ফোংদোকচবা পামজৈ৷ মসিগী এক্সপো অসিনা চহি চা অমগী মনুংদা অমুক্তং থোকপা লাইনা-লাইচৎ অসিগী মাইয়োক্তা লান্থেংনদুনা মীওইবা খুনাইবু অৱাবশিংদগী থোক্লক্নবা হোৎনবগী খুদম অমসু ওইরি৷

মরুপশিং,

অথিংবা থমদবা, খুদোংচাবা অমদি গ্রোথনা ভারতকী পেবিলিয়নগী থীম ওইরি৷ ঙসিগী ভারত অসি মালেম অসিদা খ্বাইদগী অথিংবা থমদবা লৈবাকশিংগী মনুংদা অমা ওইরি৷ লৈবাক অসিনা মহৈ-মশিং তম্বদা অথিংবা থমদে, ৱাখল্লোন ফোংদোকপদা অথিংবা থমদে, ইন্নোবেসনদা অথিংবা থমদে অমদি ইনবেস্তমেন্ত তৌবদসু অথিংবা থমদে৷ মরম অদুনা ঐখোয়গী লৈবাক অসিদা লাকপিনবা অমসুং শেল থাদবিনবা ঐনা নখোয়দা হায়জরি৷ ঙসিদি, ভারত অসি খুদোংচাবশিংগী লৈবাক অমা ওইরে৷ আর্তস নত্রগা কম্মর্স, ইন্দস্ত্রী নত্রগা একাদমিয়াগী ফিল্দদবু ওইরবসু, দিস্কোবর তৌনবগী খুদোংচাবা, খুৎশম্নদুনা চৎমিন্ননবগী খুদোংচাবা, চাওখৎননবগী খুদোংচাবা লৈ৷ ভারত্তা লাকপিয়ু অমদি মসিগী খুদোংচাবশিং অসি লৌবিয়ু৷ নখোয়বু মেক্সিমম গ্রোথ লৈহন্নবসু ভারতনা ওফর তৌরি৷ ভারত্তা লাকপিয়ু অমদি ঐখোয়গী গ্রোথ স্তোরী অসিগী শরুক অমা ওইবিয়ু৷ স্কেলদা গ্রোথ লৈহনবা, পান্দম চাওথোকহনবা অমদি রিজল্তশিংদা গ্রোথ লৈহনবা৷ ভারত্তা লাকপিয়ু অমদি ঐখোয়গী গ্রোথ স্তোরীগী শরুক অমা ওইবিয়ু৷

মরুপশিং,

ভারত অসি মহাক্কী বাইব্রেন্সী অমদি দাইবর্সিতীগীদমক মমিং চৎলি৷ ঐখোয়গী তোঙান তোঙানবা চৎনবিশিং, লোনশিং, চিঞ্জাকশিং, আর্ত, ইশৈ অমদি জগোই মখলশিং লৈ৷ মসিগী দাইবর্সিতী অসি ঐখোয়গী পেবিলিয়নদা মমিং তারি৷ মতৌ অসিগুম্না, ভারত অসি তেলেন্তগী পৱার হাউস অমা ওইরি৷ ঐখোয়গী লৈবাকনা তেক্নোলোজী, রিসর্স অমদি ইন্নোবেসনগী ৱার্ল্দদা কা হেন্না খুমাং চাওশিল্লক্লি৷ ঐখোয়গী ইকোনোমিক গ্রোথ অসি লিগেসী ইন্দস্ত্রীশিং অমদি স্তার্ত-অপশিংগী অপুনবা শক্তম অমনা পৱার তৌই৷ ভারতকী পেবিলিয়ন অসিনা তোঙান তোঙানবা এরিয়াশিংদা ভারতকী খ্বাইদগী হেন্না তৌবা ঙম্বা অদু উৎলগনি৷ মসিনা হেল্থ, তেক্সতাইলশিং, ইনফ্রাস্ত্রকচর,সর্ভিসেস অমদি অতোপ্পা সেক্তর কয়ামরোমদা ইনবেস্ত তৌবগী খুদোংচাবশিং  অদু উৎলগনি৷ হৌখিবা চহি তরেৎ হেল্লকপা অসিদা, লৈবাক অসিদা শেল-থুমগী ফিভম হেন্না ফগৎনবা ভারত সরকারনা তোঙান তোঙানবা রিফোর্মশিং লৌখৎখ্রে৷ মসিগী ত্রেন্দ অসি মখা চত্থনবা ঐখোয়না হেন্না হোৎনগনি৷

মরুপশিং,

অমিৃত মহোতসবকী মওংদা ভারতনা মনিং-মখা তম্লকপা চহি ৭৫ শুরকপা পাংথোক্লিবনা, মীপুম খুদিংনা ইন্দিয়ন পেবিলিয়নদা লাকপিনবা অমদি অনৌবা ভারত অমা শেমগৎনবগী খুদোংচাবা অসি লৌহৌনবা ঐখোয়না হায়জরি৷ সবকা সাথ, সবকা বিকাস, সবকা বিস্বাস, সবকা প্রয়াসকা লোইননা হিংনবা মালেম অসি হেন্না শাফবা মফম অমা ঐথোয়না শেম্লসি৷

ময়াম্বু থাগৎচরি৷

ময়াম্বু হন্না হন্না থাগৎচরি৷

*****