হকশেল অমসুং য়াইফ-য়ুম্বাল মন্ত্রালয়

ভারত সরকারগী তেলিমেদিসিনগী থৌরাং ওইরিবা ইসঞ্জীবনিদা কন্সল্তেসন করোর ১.২ শুখ্রে

ইশা চত্তনা হেল্থ সর্ভিসশিং লৌনবা নুমিৎ খুদিংগী পেসেন্ত ৯০,০০০রোমনা ইসঞ্জীবনি শীজিন্নরি

Posted On: 21 SEP 2021 10:46AM by PIB Imphal

ভারত সরকারগী নেস্নেল তেলিমেদিসিন সর্ভিস, ইসঞ্জীবনিদা তৌখিবা কন্সল্তেসন করোর ১.২ (লাখ ১২০) শুদুনা লৈবাক অসিগী খ্বাইদগী পাম্নবা অমসুং খ্বাইদগী চাউবা তেলিমেদিসিন সর্ভিস অমা ওইরক্লি। হৌজিক্কী ওইনা নেস্নেল তেলিমেদিসিন সর্ভিস অসি লৈবাক শিনবা থুংবদা নুমিৎ খুদিংগী পেসেন্ত ৯০,০০০রোমনা লোইননা লৈবাক শিনবা থুংবদা লৈরিবা দোক্তরশিং অমসুং স্পেসিএলিস্তশিংনা পাকশন্না শীজিন্নরি।

হকশেল অমসুং য়াইফ-য়ুম্বাল মন্ত্রালয়গী নেস্নেল তেলিমেদিসিন সর্ভিস, ইসঞ্জীবনি অসি মোদ অনিগী খুত্থাংদা – হব অমসুং স্পোক মোদেলদা য়ুম্ফম ওইবা ইসঞ্জীবনি এ.বি.ঐচ.দবল্যু.সি.(দোক্তর তু দোক্তর তেলিমেদিসিন প্লেৎফোর্ম) অমসুং প্রজাশিংনা মখোয়গী ময়ুমদা লেংদনা লৈরগা আউতপেসেন্ত সর্ভিসশিং ফংহল্লিবা ইসঞ্জীবনি ও.পি.দি. (পেসেন্ত তু দোক্তর তেলিমেদিসিন প্লেৎফোর্ম) মসি মথৌ তৌরি। 

ইসঞ্জীবনি এ.বি.-ঐচ.দবল্যু.সি.না চাউরাক্না কন্সল্তেসন ৬৭,০০,০০০ মপুং ফানা তৌখ্রে। মসি আয়ুশ্মান ভারত স্কীমগী মখাদা হেল্থ এন্দ ৱেলনেস সেন্তরশিংদা ইমপ্লিমেন্ত তৌরি। মসি নভেম্বর ২০১৯দা হৌদোকখি। ইসঞ্জীবনি এ.বি.-ঐচ.দবল্যু.সি. সর্ভিস অসি হৌদোকপা অহানবা রাজ্য অন্ধ্র প্রদেশনা ওইখি। মসি হৌদোকখিবদগী হৌনা তোঙান-তোঙানবা রাজ্যশিংদা হব ২০০০ অমসুং স্পোক ২৮,০০০রোম লিংখৎখ্রে।

ইসঞ্জীবনি ও.পি.দি. অসি নন-কোবিদ১৯ অমসুং কোবিদ১৯গা মরী লৈনবা আউতপেসেন্ত হেল্থ সর্ভিসেস লৌনবগা প্রজাশিংগীদমক্তা লৈরিবা তেলিমেদিসিন মখল অমনি। মসি ও.পি.দি. পুম্নমক থোং লোনখিবা মতম, লৈবাক অসিদা অহানবা লোকদাউন থমখিবা এপ্রিল ১৩, ২০২০দা হৌদোকখি। হৌজিক ফাওবদা ইসঞ্জীবনি ও.পি.দি.গী খুত্থাংদা পেসেন্ত ৫১,০০,০০০ হেন্না শেবা তৌখ্রে, মসিনা জেনরেল ও.পি.দি.শিং অমসুং স্পেসিএলিতী ও.পি.দি.শিং য়াওনা ওনলাইন ও.পি.দি. ৪৩০ হেন্না পাঙথোকখ্রে। বথিন্দা (পঞ্জাব), বিবিনগর (তেলঙ্গনা), কাল্যনি (ৱেস্ত বেঙ্গল), রিশিকেশ (উত্তরাখন্দ)দা লৈবা এম্দ অমসুং লকনৌ (উত্তর প্রদেশ)কী কিং জোর্জ মেদিকেল কোলেজ অসিগুম্বা মরু ওইবা তর্সিয়রী লেবেল মেদিকেল ইন্সতিত্যুসনশিংনা ইসঞ্জীবনি ও.পি.দি.গী খুত্থাংদা আউতপেসেন্ত হেল্থ সর্ভিসশিং ফংহল্লি।

ভারত সরকারগী ই-সঞ্জীবনি – নেস্নেল তেলিমেদিসিন সর্ভিস অসিনা ভারতকী শহর অমসুং খুঙ্গংদা লৈরিবা দিজিতেল হেল্থকী খেন্নবা অদু মেনখৎলি। মসিনা গ্রাউন্দ লেবেলদা দোক্তরশিং অমসুং স্পেসিএলিস্তশিংগী অৱাৎপা লৈবা অদু কোকহল্লি অমরোমদনা সেকেন্দরী অমসুং তর্সিয়রী লেবেল হোস্পিতালশিংদা পোৎলুম হন্থহল্লি। নেস্নেল দিজিতেল হেল্থ মিসিনগী মখাদা মসিগী দিজিতেলগী থৌরাং অসিনা লৈবাক অসিগী দিজিতেল হেল্থ ইকোসিস্তেম থৌগৎলি। মসি মোহালিদা লৈবা সেন্তর ফোর দিবেলপমেন্ত ওফ এদভান্স কম্প্যুতিং (সি-দি.এ.সি.)না দিবেলপ তৌখিবা ইন্দিজিনস তেলিমেদিসিন তেক্নোলোজী অমনি। মৌহালিদা লৈবা সি-দি.এ.সি.তীমনা এন্দ তি এন্দ সর্ভিসশিং ফংহল্লি। তেলিমেদিসিনগী কান্নবা অসি খঙলদুনা অমসুং কোবিদ-১৯ লাইচৎকী অতোপ্পা ৱেব অমা খঙহৌদনা থোরক্লবদি হায়না প্লানিং তৌদুনা হকশেল অমসুং য়াইফ-য়ুম্বাল মন্ত্রালয়গী থৌরাং অসি নোংমদা কন্সল্তেসন ৫০০,০০০ তৌবা ঙম্নবা হেন্না চাউথোকহনখি।

ইসঞ্জীবনি এদোপ্ত তৌবদা মাংজিল থারিবা রাজ্য ১০ অদুদি অন্ধ্র প্রদেশ (৩৭,০৪,২৫৮), কর্নাতকা (২২,৫৭,৯৯৪), তামিল নাদু (১৫,৬২,১৫৬), উত্তর প্রদেশ (১৩,২৮,৮৮৯), গুজরাত (৪,৬০,৩২৬), মধ্য প্রদেশ (৪,২৮,৫৪৪), বিহার (৪,০৪,৩৪৫), মহারাস্ত্র (৩,৭৮,৯১২), ৱেস্ত বেঙ্গল (২,৭৪,৩৪৪), কেরেলা (২,৬০,৬৫৪) অসিনি।

****



(Release ID: 1756705) Visitor Counter : 69