ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ତାଜିକିସ୍ତାନର ଦୁଶାନବେରେ ଏସସିଓ ପରିଷଦର ରାଷ୍ଟ୍ର ମୁଖ୍ୟମାନଙ୍କର ୨୧ ତମ ବୈଠକ
Posted On:
15 SEP 2021 1:00PM by PIB Bhubaneshwar
ଏସସିଓ ପରିଷଦର ରାଷ୍ଟ୍ର ମୁଖ୍ୟମାନଙ୍କର ୨୧ତମ ବୈଠକ ୧୭ ସେପ୍ଟେମ୍ବର ୨୦୨୧ ରେ ଦୁଶାନବେରେ ହାଇବ୍ରିଡ୍ ଫର୍ମାଟରେ ଅନୁଷ୍ଠିତ ହେବ । ଏହି ବୈଠକରେ ତାଜିକିସ୍ତାନର ରାଷ୍ଟ୍ରପତି ମହାମହିମ ଇମୋମାଲି ରହମାନ ଅଧ୍ୟକ୍ଷତା କରିବେ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭାରତୀୟ ପ୍ରତିନିଧି ଦଳର ନେତୃତ୍ୱ ନେବେ ଏବଂ ଭିଡିଓ-ଲିଙ୍କ୍ ମାଧ୍ୟମରେ ପୂର୍ଣ୍ଣ ଅଧିବେଶନକୁ ସମ୍ବୋଧିତ କରିବେ । ଦୁଶାନବେରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ଏସ୍. ଜୟଶଙ୍କର ପ୍ରତିନିଧିତ୍ୱ କରିବେ ।
ଏସସିଓ ସମ୍ମିଳନୀରେ ଏସସିଓ ସଦସ୍ୟ ରାଷ୍ଟ୍ର, ପର୍ଯ୍ୟବେକ୍ଷକ ରାଷ୍ଟ୍ର, ଏସସିଓର ସେକ୍ରେଟେରୀ ଜେନେରାଲ୍, ଏସସିଓ ଆଞ୍ଚଳିକ ଆତଙ୍କବାଦ ବିରୋଧୀ ସଂରଚନା (ଆରଏଟିଏସ୍) ର କାର୍ଯ୍ୟର୍ନିବାହୀ ନିର୍ଦ୍ଦେଶକ, ତୁର୍କମେନିସ୍ତାନର ରାଷ୍ଟ୍ରପତି ତଥା ଅନ୍ୟାନ୍ୟ ନିମନ୍ତ୍ରିତ ଅତିଥିମାନେ ଯୋଗଦେବେ ।
ହାଇବ୍ରିଡ୍ ଫର୍ମାଟରେ ଆୟୋଜିତ ହୋଇଥିବା ଏହା ହେଉଛି ପ୍ରଥମ ଏସ୍ସିଓ ସମ୍ମିଳନୀ ଏବଂ ଚତୁର୍ଥ ସମ୍ମିଳନୀ ଯାହା ଭାରତ ଏସସିଓର ଜଣେ ପୂର୍ଣ୍ଣ ସଦସ୍ୟ ଭାବରେ ଅଂଶଗ୍ରହଣ କରିବ । ଏହି ସମ୍ମିଳନୀ ଏହାର ୨୦ ତମ ବାର୍ଷିକୀ ପାଳନ କରୁଥିବାରୁ ଏହାର ଗୁରୁତ୍ୱ ରହିଛି । ଏହି ସମ୍ମିଳନୀରେ ନେତାମାନେ ଗତ ଦୁଇ ଦଶନ୍ଧି ମଧ୍ୟରେ ସଂଗଠନର କାର୍ଯ୍ୟକଳାପ ସମୀକ୍ଷା କରିବେ ଏବଂ ରାଜ୍ୟ ତଥା ଭବିଷ୍ୟତ ସହଯୋଗର ବିଷୟରେ ଆଲୋଚନା କରିବେ ବୋଲି ଆଶା କରାଯାଉଛି । ଆଞ୍ଚଳିକ ଏବଂ ଆନ୍ତର୍ଜାତିକ ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡ଼ିକ ଉପରେ ମଧ୍ୟ ଆଲୋଚନା ହେବାର ସମ୍ଭାବନା ରହିଛି ।
HS
(Release ID: 1755737)
Read this release in:
English
,
Urdu
,
Hindi
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam