ਭਾਰਤ ਮਾਤਾ ਕੀ ਜੈ,

ਭਾਰਤ ਮਾਤਾ ਕੀ ਜੈ।

ਉੱਤਰ ਪ੍ਰਦੇਸ਼ ਦੀ ਗਵਰਨਰ ਸ਼੍ਰੀਮਤੀ ਆਨੰਦੀ ਬੇਨ ਪਟੇਲ ਜੀ, ਉੱਤਰ ਪ੍ਰਦੇਸ਼ ਦੇ ਯਸ਼ਸਵੀ ਅਤੇ ਤੇਜ- ਤਰਾਰ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਜੀ, ਉਪ ਮੁੱਖ ਮੰਤਰੀ ਦਿਨੇਸ਼ ਸ਼ਰਮਾ ਜੀ, ਯੂਪੀ ਸਰਕਾਰ  ਦੇ ਮੰਤਰੀਗਣ, ਹੋਰ ਸਾਂਸਦਗਣ, ਵਿਧਾਇਕਗਣ ਅਤੇ ਅਲੀਗੜ੍ਹ ਦੇ ਮੇਰੇ ਪਿਆਰੇ ਭਾਈਓ ਅਤੇ ਭੈਣੋਂ,

ਅੱਜ ਅਲੀਗੜ੍ਹ ਦੇ ਲਈ, ਪੱਛਮੀ ਉੱਤਰ ਪ੍ਰਦੇਸ਼ ਦੇ ਲਈ ਬਹੁਤ ਬੜਾ ਦਿਨ ਹੈ। ਅੱਜ ਰਾਧਾ ਅਸ਼ਟਮੀ ਵੀ ਹੈ। ਇਹ ਅਵਸਰ ਅੱਜ ਦੇ ਇਸ ਦਿਨ ਨੂੰ ਹੋਰ ਵੀ ਪੁਨੀਤ  ਬਣਾਉਂਦਾ ਹੈ। ਬ੍ਰਜਭੂਮੀ ਦੇ ਤਾਂ ਕਣ-ਕਣ ਵਿੱਚ, ਰਜ-ਰਜ ਵਿੱਚ ਰਾਧਾ ਹੀ ਰਾਧਾ ਹੈ। ਮੈਂ ਆਪ ਸਭ ਨੂੰ, ਅਤੇ ਪੂਰੇ ਦੇਸ਼ ਨੂੰ ਰਾਧਾ ਅਸ਼ਟਮੀ ਦੀਆਂ ਹਾਰਦਿਕ ਵਧਾਈਆਂ ਦਿੰਦਾ ਹਾਂ।

ਸਾਡਾ ਸੁਭਾਗ ਹੈ ਕਿ ਵਿਕਾਸ ਦੇ ਇਤਨੇ ਬੜੇ ਕਾਰਜਾਂ ਦੀ ਸ਼ੁਰੂਆਤ ਅੱਜ ਇਸ ਪਵਿੱਤਰ ਦਿਨ ਤੋਂ ਹੋ ਰਹੀ ਹੈ। ਸਾਡੇ ਸੰਸਕਾਰ ਹਨ ਕਿ ਜਦੋਂ ਕੋਈ ਸ਼ੁਭ ਕਾਰਜ ਹੁੰਦਾ ਹੈ ਤਾਂ ਸਾਨੂੰ ਆਪਣੇ ਬੜੇ ਜ਼ਰੂਰ ਯਾਦ ਆਉਂਦੇ ਹਨ। ਮੈਂ ਅੱਜ ਇਸ ਧਰਤੀ ਦੇ ਮਹਾਨ ਸਪੂਤ, ਸਵਰਗੀ ਕਲਿਆਣ ਸਿੰਘ ਜੀ ਦੀ ਗ਼ੈਰਹਾਜ਼ਰੀ ਬਹੁਤ ਜ਼ਿਆਦਾ ਮਹਿਸੂਸ ਕਰ ਰਿਹਾ ਹਾਂ। ਅੱਜ ਕਲਿਆਣ ਸਿੰਘ ਜੀ ਸਾਡੇ ਨਾਲ ਹੁੰਦੇ ਤਾਂ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਸਟੇਟ ਯੂਨੀਵਰਸਿਟੀ ਅਤੇ ਡਿਫੈਂਸ ਸੈਕਟਰ ਵਿੱਚ ਬਣ ਰਹੀ ਅਲੀਗੜ੍ਹ ਦੀ ਨਵੀਂ ਪਹਿਚਾਣ ਨੂੰ ਦੇਖ ਕੇ ਬਹੁਤ ਖੁਸ਼ ਹੋਏ ਹੁੰਦੇ ਅਤੇ ਉਨ੍ਹਾਂ ਦੀ ਆਤਮਾ ਜਿੱਥੇ ਵੀ ਹੋਵੇਗੀ, ਸਾਨੂੰ ਅਸ਼ੀਰਵਾਦ  ਦਿੰਦੀ ਹੋਵੇਗੀ।

ਸਾਥੀਓ,

ਭਾਰਤ ਦਾ ਹਜ਼ਾਰਾਂ ਵਰ੍ਹਿਆਂ ਦਾ ਇਤਿਹਾਸ ਐਸੇ ਰਾਸ਼ਟਰ ਭਗਤਾਂ ਨਾਲ ਭਰਿਆ ਪਿਆ ਹੈ, ਜਿਨ੍ਹਾਂ ਨੇ ਸਮੇਂ - ਸਮੇਂ ’ਤੇ ਭਾਰਤ ਨੂੰ ਆਪਣੇ ਤਪ ਅਤੇ ਤਿਆਗ ਨਾਲ ਦਿਸ਼ਾ ਦਿੱਤੀ ਹੈ। ਸਾਡੀ ਆਜ਼ਾਦੀ ਦੇ ਅੰਦੋਲਨ ਵਿੱਚ ਐਸੀਆਂ ਕਿਤਨੀਆਂ ਹੀ ਮਹਾਨ ਸ਼ਖ਼ਸੀਅਤਾਂ ਨੇ ਆਪਣਾ ਸਭ ਕੁਝ ਖਪਾ ਦਿੱਤਾ। ਲੇਕਿਨ ਇਹ ਦੇਸ਼ ਦਾ ਦੁਰਭਾਗ ਰਿਹਾ ਕਿ ਆਜ਼ਾਦੀ ਦੇ ਬਾਅਦ ਐਸੇ ਰਾਸ਼ਟਰ ਨਾਇਕ ਅਤੇ ਰਾਸ਼ਟਰ ਨਾਇਕਾਵਾਂ ਦੀ ਤਪੱਸਿਆ ਨਾਲ ਦੇਸ਼ ਦੀਆਂ ਅਗਲੀਆਂ ਪੀੜ੍ਹੀਆਂ ਨੂੰ ਪਰੀਚਿਤ ਹੀ ਨਹੀਂ ਕਰਵਾਇਆ ਗਿਆ। ਉਨ੍ਹਾਂ ਦੀਆਂ ਗਾਥਾਵਾਂ ਨੂੰ ਜਾਣਨ ਤੋਂ ਦੇਸ਼ ਦੀਆਂ ਕਈ ਪੀੜ੍ਹੀਆਂ ਵੰਚਿਤ ਰਹਿ ਗਈਆਂ।

20ਵੀਂ ਸਦੀ ਦੀਆਂ ਉਨ੍ਹਾਂ ਗ਼ਲਤੀਆਂ ਨੂੰ ਅੱਜ 21ਵੀਂ ਸਦੀ ਦਾ ਭਾਰਤ ਸੁਧਾਰ ਰਿਹਾ ਹੈ। ਮਹਾਰਾਜਾ ਸੁਹੇਲਦੇਵ ਜੀ ਹੋਣ, ਦੀਨਬੰਧੂ ਚੌਧਰੀ ਛੋਟੂਰਾਮ ਜੀ ਹੋਣ, ਜਾਂ ਫਿਰ ਹੁਣ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ  ਜੀ, ਰਾਸ਼ਟਰ ਨਿਰਮਾਣ ਵਿੱਚ ਇਨ੍ਹਾਂ ਦੇ ਯੋਗਦਾਨ ਤੋਂ ਨਵੀਂ ਪੀੜ੍ਹੀ ਨੂੰ ਪਰੀਚਿਤ ਕਰਵਾਉਣ ਦਾ ਇਮਾਨਦਾਰ ਪ੍ਰਯਤਨ ਅੱਜ ਦੇਸ਼ ਵਿੱਚ ਹੋ ਰਿਹਾ ਹੈ। ਅੱਜ ਜਦੋਂ ਦੇਸ਼ ਆਪਣੀ ਆਜ਼ਾਦੀ ਦੇ 75 ਵਰ੍ਹੇ ਦਾ ਪੁਰਬ ਮਨਾ ਰਿਹਾ ਹੈ, ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਮਨਾ ਰਿਹਾ ਹੈ, ਤਾਂ ਇਨ੍ਹਾਂ ਕੋਸ਼ਿਸ਼ਾਂ ਨੂੰ ਹੋਰ ਗਤੀ ਦਿੱਤੀ ਗਈ ਹੈ। ਭਾਰਤ ਦੀ ਆਜ਼ਾਦੀ ਵਿੱਚ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਦੇ ਯੋਗਦਾਨ ਨੂੰ ਨਮਨ ਕਰਨ ਦਾ ਇਹ ਪ੍ਰਯਤਨ ਐਸਾ ਹੀ ਇੱਕ ਪਾਵਨ ਅਵਸਰ ਹੈ।

ਸਾਥੀਓ,

ਅੱਜ ਦੇਸ਼ ਦੇ ਹਰ ਉਸ ਯੁਵਾ ਨੂੰ, ਜੋ ਬੜੇ ਸੁਪਨੇ ਦੇਖ ਰਿਹਾ ਹੈ, ਜੋ ਬੜੇ ਲਕਸ਼ ਪਾਉਣਾ ਚਾਹੁੰਦਾ ਹੈ,  ਉਸ ਨੂੰ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ  ਜੀ ਬਾਰੇ ਜ਼ਰੂਰ ਜਾਣਨਾ ਚਾਹੀਦਾ ਹੈ, ਜ਼ਰੂਰ ਪੜ੍ਹਨਾ ਚਾਹੀਦਾ ਹੈ। ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਜੀ ਦੇ ਜੀਵਨ ਤੋਂ ਸਾਨੂੰ ਅਜਿੱਤ ਇੱਛਾ ਸ਼ਕਤੀ, ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਕੁਝ ਵੀ ਕਰ ਗੁਜਰਨ ਵਾਲੀ ਜੀਵਟਤਾ ਅੱਜ ਵੀ ਸਾਨੂੰ ਸਿੱਖਣ ਨੂੰ ਮਿਲਦੀ ਹੈ। ਉਹ ਭਾਰਤ ਦੀ ਆਜ਼ਾਦੀ ਚਾਹੁੰਦੇ ਸਨ ਅਤੇ ਆਪਣੇ ਜੀਵਨ ਦਾ ਇੱਕ-ਇੱਕ ਪਲ ਉਨ੍ਹਾਂ ਨੇ ਇਸੇ ਲਈ ਸਮਰਪਿਤ ਕਰ ਦਿੱਤਾ ਸੀ। ਉਨ੍ਹਾਂ ਨੇ ਸਿਰਫ਼ ਭਾਰਤ ਵਿੱਚ ਹੀ ਰਹਿ ਕੇ ਅਤੇ ਭਾਰਤ ਵਿੱਚ ਹੀ ਲੋਕਾਂ ਨੂੰ ਪ੍ਰੇਰਿਤ ਨਹੀਂ ਕੀਤਾ, ਬਲਕਿ ਉਹ ਭਾਰਤ ਦੀ ਆਜ਼ਾਦੀ ਦੇ ਲਈ ਦੁਨੀਆ ਦੇ ਕੋਨੇ-ਕੋਨੇ ਵਿੱਚ ਗਏ। ਅਫ਼ਗ਼ਾਨਿਸਤਾਨ ਹੋਵੇ, ਪੋਲੈਂਡ ਹੋਵੇ, ਜਪਾਨ ਹੋਵੇ, ਦੱਖਣ ਅਫ਼ਰੀਕਾ ਹੋਵੇ, ਆਪਣੇ ਜੀਵਨ ’ਤੇ ਹਰ ਖ਼ਤਰਾ ਉਠਾਉਂਦੇ ਹੋਏ, ਉਹ ਭਾਰਤ ਮਾਤਾ ਨੂੰ ਬੇੜੀਆਂ ਤੋਂ ਆਜ਼ਾਦ ਕਰਨ ਦੇ ਲਈ ਜੁਟੇ ਰਹੇ, ਜੀ- ਜਾਨ ਨਾਲ ਜੁਟੇ ਰਹੇ, ਜੀਵਨ ਭਰ ਕੰਮ ਕਰਦੇ ਰਹੇ।

ਮੈਂ ਅੱਜ ਦੇ ਨੌਜਵਾਨਾਂ ਨੂੰ ਕਹਾਂਗਾ ਕਿ ਜਦੋਂ ਵੀ, ਮੇਰੇ ਦੇਸ਼ ਦੇ ਯੁਵਾਓ ਮੇਰੀ ਗੱਲ ਨੂੰ ਗੌਰ ਨਾਲ ਸੁਣਿਓ,  ਮੈਂ ਦੇਸ਼ ਦੇ ਨੌਜਵਾਨਾਂ ਨੂੰ ਕਹਾਂਗਾ ਜਦੋਂ ਵੀ ਉਨ੍ਹਾਂ ਨੂੰ ਕੋਈ ਲਕਸ਼ ਕਠਿਨ ਲਗੇ, ਕੁਝ ਮੁਸ਼ਕਿਲਾਂ ਨਜ਼ਰ  ਆਉਣ ਤਾਂ ਮੇਰੀ ਤੁਹਾਨੂੰ ਬੇਨਤੀ ਹੈ ਕਿ ਤੁਸੀਂ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਜੀ ਨੂੰ ਜ਼ਰੂਰ ਯਾਦ ਕਰਨਾ, ਤੁਹਾਡਾ ਹੌਂਸਲਾ ਬੁਲੰਦ ਹੋ ਜਾਵੇਗਾ। ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਜੀ ਜਿਸ ਤਰ੍ਹਾਂ ਇੱਕ ਲਕਸ਼, ਇੱਕ ਨਿਸ਼ਠ ਹੋ ਕੇ ਭਾਰਤ ਦੀ ਆਜ਼ਾਦੀ ਦੇ ਲਈ ਜੁਟੇ ਰਹੇ, ਉਹ ਅੱਜ ਵੀ ਸਾਨੂੰ ਸਭ ਨੂੰ ਪ੍ਰੇਰਣਾ ਦਿੰਦਾ ਹੈ।

ਅਤੇ ਸਾਥੀਓ,

ਅੱਜ ਜਦੋਂ ਮੈਂ ਤੁਹਾਡੇ ਨਾਲ ਗੱਲ ਕਰ ਰਿਹਾ ਹਾਂ, ਤਾਂ ਮੈਨੂੰ ਦੇਸ਼ ਦੇ ਇੱਕ ਹੋਰ ਮਹਾਨ ਸੁਤੰਤਰਤਾ ਸੈਨਾਨੀ,  ਗੁਜਰਾਤ ਦੇ ਸਪੂਤ, ਸ਼ਿਆਮ ਜੀ ਕ੍ਰਿਸ਼ਣ ਵਰਮਾ ਜੀ ਦੀ ਵੀ ਯਾਦ ਆ ਰਹੀ ਹੈ। ਪਹਿਲੇ ਵਿਸ਼ਵ ਯੁੱਧ ਦੇ ਸਮੇਂ ਰਾਜਾ ਮਹੇਂਦਰ ਪ੍ਰਤਾਪ ਜੀ ਵਿਸ਼ੇਸ਼ ਤੌਰ ’ਤੇ ਸ਼ਿਆਮ ਜੀ ਕ੍ਰਿਸ਼ਣ ਵਰਮਾ ਜੀ ਅਤੇ ਲਾਲਾ ਹਰਦਿਆਲ ਜੀ ਨੂੰ ਮਿਲਣ ਲਈ ਯੂਰੋਪ ਗਏ ਸਨ। ਉਸੇ ਬੈਠਕ ਵਿੱਚ ਜੋ ਦਿਸ਼ਾ ਤੈਅ ਹੋਈ,  ਉਸ ਦਾ ਪਰਿਣਾਮ ਸਾਨੂੰ ਅਫ਼ਗ਼ਾਨਿਸਤਾਨ ਵਿੱਚ, ਭਾਰਤ ਦੀ ਪਹਿਲੀ ਨਿਰਵਾਸਿਤ ਸਰਕਾਰ ਦੇ ਤੌਰ ’ਤੇ ਦੇਖਣ ਨੂੰ ਮਿਲਿਆ। ਇਸ ਸਰਕਾਰ ਦੀ ਅਗਵਾਈ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ  ਜੀ ਨੇ ਹੀ ਕੀਤੀ ਸੀ।

ਇਹ ਮੇਰਾ ਸੁਭਾਗ ਸੀ ਕਿ ਜਦੋਂ ਮੈਂ ਗੁਜਰਾਤ ਦਾ ਮੁੱਖ ਮੰਤਰੀ ਸਾਂ, ਤਾਂ ਮੈਨੂੰ ਸ਼ਿਆਮ ਜੀ ਕ੍ਰਿਸ਼ਣ ਵਰਮਾ ਜੀ ਦੀਆਂ ਅਸਥੀਆਂ ਨੂੰ 73 ਸਾਲ ਬਾਅਦ ਭਾਰਤ ਲਿਆਉਣ ਵਿੱਚ ਸਫ਼ਲਤਾ ਮਿਲੀ ਸੀ। ਅਤੇ ਅਗਰ ਤੁਹਾਨੂੰ ਕਦੇ ਕੱਛ ਜਾਣ ਦਾ ਮੌਕਾ ਮਿਲੇ ਤਾਂ ਕੱਛ ਦੇ ਮਾਂਡਵੀ ਵਿੱਚ ਸ਼ਿਆਮ ਜੀ ਕ੍ਰਿਸ਼ਣ ਵਰਮਾ ਜੀ ਦਾ ਇੱਕ ਬਹੁਤ ਹੀ ਪ੍ਰੇਰਕ ਸਮਾਰਕ ਹੈ, ਜਿੱਥੇ ਉਨ੍ਹਾਂ ਦੇ ਅਸਥੀ ਕਲਸ਼ ਰੱਖੇ ਗਏ ਹਨ, ਉਹ ਸਾਨੂੰ ਮਾਂ ਭਾਰਤ ਦੇ ਲਈ ਜੀਣ ਦੀ ਪ੍ਰੇਰਣਾ ਦਿੰਦੇ ਹਨ।

ਅੱਜ ਦੇਸ਼ ਦੇ ਪ੍ਰਧਾਨ ਮੰਤਰੀ ਦੇ ਨਾਤੇ, ਮੈਨੂੰ ਫਿਰ ਤੋਂ ਇੱਕ ਵਾਰ ਇਹ ਸੁਭਾਗ ਮਿਲਿਆ ਹੈ ਕਿ ਮੈਂ ਰਾਜਾ ਮਹੇਂਦਰ ਪ੍ਰਤਾਪ ਜੀ ਜਿਹੇ ਵਿਜ਼ਨਰੀ ਅਤੇ ਮਹਾਨ ਸੁਤੰਤਰਤਾ ਸੈਨਾਨੀ ਦੇ ਨਾਮ ’ਤੇ ਬਣ ਰਹੀ ਯੂਨੀਵਰਸਿਟੀ ਦਾ ਨੀਂਹ ਪੱਥਰ ਰੱਖ ਰਿਹਾ ਹਾਂ। ਮੇਰੇ ਜੀਵਨ ਦਾ ਇਹ ਬੜਾ ਸੁਭਾਗ ਹੈ। ਅਤੇ ਐਸੇ ਪਵਿੱਤਰ ਅਵਸਰ ’ਤੇ ਆਪ ਇਤਨੀ ਬੜੀ ਸੰਖਿਆ ਵਿੱਚ ਅਸ਼ੀਰਵਾਦ ਦੇਣ ਆਏ, ਜਨਤਾ-ਜਨਾਰਦਨ  ਦੇ ਦਰਸ਼ਨ ਕਰਨਾ, ਇਹ ਵੀ ਸ਼ਕਤੀਦਾਇਕ ਹੁੰਦਾ ਹੈ।

ਸਾਥੀਓ,

ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਜੀ, ਸਿਰਫ਼ ਭਾਰਤ ਦੀ ਆਜ਼ਾਦੀ ਦੇ ਲਈ ਹੀ ਨਹੀਂ ਲੜੇ, ਉਨਾਂ ਨੇ ਭਾਰਤ  ਦੇ ਭਵਿੱਖ ਦੇ ਨਿਰਮਾਣ ਦੀ ਨੀਂਹ ਵਿੱਚ ਵੀ ਸਰਗਰਮ ਯੋਗਦਾਨ ਦਿੱਤਾ ਸੀ। ਉਨ੍ਹਾਂ ਨੇ ਆਪਣੀਆਂ ਦੇਸ਼ -ਵਿਦੇਸ਼ ਦੀਆਂ ਯਾਤਰਾਵਾਂ ਤੋਂ ਮਿਲੇ ਅਨੁਭਵਾਂ ਦਾ ਉਪਯੋਗ ਭਾਰਤ ਦੀ ਸਿੱਖਿਆ ਵਿਵਸਥਾ ਨੂੰ ਆਧੁਨਿਕ ਬਣਾਉਣ ਦੇ ਲਈ ਕੀਤਾ। ਵ੍ਰਿੰਦਾਵਨ ਵਿੱਚ ਆਧੁਨਿਕ ਟੈਕਨੀਕਲ ਕਾਲਜ, ਉਨ੍ਹਾਂ ਨੇ ਆਪਣੇ ਸੰਸਾਧਨਾਂ ਨਾਲ, ਆਪਣੀ ਜੱਦੀ ਸੰਪਤੀ ਨੂੰ ਦਾਨ ਕਰਕੇ ਬਣਵਾਇਆ। ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਦੇ ਲਈ ਵੀ ਬੜੀ ਜ਼ਮੀਨ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਨੇ ਹੀ ਦਿੱਤੀ ਸੀ। ਅੱਜ ਆਜ਼ਾਦੀ  ਕੇ ਇਸ ਅੰਮ੍ਰਿਤਕਾਲ ਵਿੱਚ, ਜਦੋਂ 21ਵੀਂ ਸਦੀ ਦਾ ਭਾਰਤ ਸਿੱਖਿਆ ਅਤੇ ਕੌਸ਼ਲ ਦੇ ਨਵੇਂ ਦੌਰ ਦੀ ਤਰਫ਼ ਵਧ ਚਲਿਆ ਹੈ, ਤਦ ਮਾਂ ਭਾਰਤੀ ਦੇ ਐਸੇ ਅਮਰ ਸਪੂਤ ਦੇ ਨਾਮ ’ਤੇ ਯੂਨੀਵਰਸਿਟੀ ਦਾ ਨਿਰਮਾਣ ਉਨ੍ਹਾਂ ਨੂੰ ਸੱਚੀ ਕਾਰਯੰਜਲੀ ਹੈ। ਇਸ ਵਿਚਾਰ ਨੂੰ ਸਾਕਾਰ ਕਰਨ ਦੇ ਲਈ ਯੋਗੀ ਜੀ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਨੂੰ ਬਹੁਤ-ਬਹੁਤ ਵਧਾਈ।

ਸਾਥੀਓ,

ਇਹ ਯੂਨੀਵਰਸਿਟੀ ਆਧੁਨਿਕ ਸਿੱਖਿਆ ਦਾ ਇੱਕ ਬੜਾ ਕੇਂਦਰ ਤਾਂ ਬਣੇਗੀ ਹੀ, ਨਾਲ ਹੀ ਦੇਸ਼ ਵਿੱਚ ਡਿਫੈਂਸ ਨਾਲ ਜੁੜੀ ਪੜ੍ਹਾਈ, ਡਿਫੈਂਸ ਮੈਨੂਫੈਕਚਰਿੰਗ ਨਾਲ ਜੁੜੀ ਟੈਕਨੋਲੋਜੀ ਅਤੇ ਮੈਨਪਾਵਰ ਬਣਾਉਣ ਵਾਲਾ ਸੈਂਟਰ ਵੀ ਬਣੇਗਾ। ਨਵੀਂ ਰਾਸ਼ਟਰੀ ਸਿੱਖਿਆ ਨੀਤੀ ਵਿੱਚ ਜਿਸ ਤਰ੍ਹਾਂ ਸਿੱਖਿਆ,  ਕੌਸ਼ਲ ਅਤੇ ਸਥਾਨਕ ਭਾਸ਼ਾ ਵਿੱਚ ਪੜ੍ਹਾਈ ’ਤੇ ਜ਼ੋਰ ਦਿੱਤਾ ਗਿਆ ਹੈ, ਉਸ ਨਾਲ ਇਸ ਯੂਨੀਵਰਸਿਟੀ ਵਿੱਚ ਪੜ੍ਹਨ ਵਾਲੇ ਵਿਦਿਆਰਥੀ-ਵਿਦਿਆਰਥਣਾਂ ਨੂੰ ਬਹੁਤ ਲਾਭ ਹੋਵੇਗਾ।

ਆਪਣੀ ਮਿਲਿਟਰੀ ਤਾਕਤ ਨੂੰ ਮਜ਼ਬੂਤ ਕਰਨ ਦੇ ਲਈ ਆਤਮਨਿਰਭਰਤਾ ਦੀ ਤਰਫ਼ ਵਧਦੇ ਭਾਰਤ ਦੇ ਪ੍ਰਯਤਨਾਂ ਨੂੰ ਇਸ ਯੂਨੀਵਰਸਿਟੀ ਵਿੱਚ ਹੋਣ ਵਾਲੀ ਪੜ੍ਹਾਈ ਨਵੀਂ ਗਤੀ ਦੇਵੇਗੀ। ਅੱਜ ਦੇਸ਼ ਹੀ ਨਹੀਂ ਦੁਨੀਆ ਵੀ ਦੇਖ ਰਹੀ ਹੈ ਕਿ ਆਧੁਨਿਕ ਗ੍ਰੇਨੇਡ ਅਤੇ ਰਾਈਫਲ ਤੋਂ ਲੈ ਕੇ ਲੜਾਕੂ ਜਹਾਜ਼,  ਆਧੁਨਿਕ ਡ੍ਰੋਨ, ਯੁੱਧਪੋਤ, ਇਹ ਸਭ ਭਾਰਤ ਵਿੱਚ ਹੀ ਨਿਰਮਿਤ ਕਰਨ ਦਾ ਅਭਿਯਾਨ ਚਲ ਰਿਹਾ ਹੈ।  ਭਾਰਤ ਦੁਨੀਆ ਦੇ ਇੱਕ ਬੜੇ ਡਿਫੈਂਸ ਇੰਪੋਰਟਰ ਦੇ ਅਕਸ ਤੋਂ ਬਾਹਰ ਨਿਕਲ ਕੇ…ਵਰਨਾ ਸਾਡਾ ਅਕਸ ਇਹੀ ਹੈ ਅਸੀਂ ਡਿਫੈਂਸ ਦੇ ਲਈ ਜੋ ਵੀ ਚਾਹੀਦਾ ਹੈ, ਇੰਪੋਰਟ ਕਰਦੇ ਹਾਂ, ਬਾਹਰ ਤੋਂ ਮੰਗਵਾਉਂਦੇ ਰਹਿੰਦੇ ਹਾਂ। ਆਜ਼ਾਦੀ ਦੇ 75 ਸਾਲ ਹੋ ਗਏ, ਅਸੀਂ ਮੰਗਵਾਉਂਦੇ ਰਹਿੰਦੇ ਹਾਂ ... ਇਸ ਅਕਸ ਤੋਂ ਬਾਹਰ ਨਿਕਲ ਕੇ ਦੁਨੀਆ ਦੇ ਇੱਕ ਅਹਿਮ ਡਿਫੈਂਸ ਐਕਸਪੋਰਟਰ ਦੀ ਨਵੀਂ ਪਹਿਚਾਣ ਬਣਾਉਣ ਦੇ ਸੰਕਲਪ ਦੇ ਨਾਲ ਅੱਗੇ ਵਧ ਰਹੇ ਹਾਂ। ਭਾਰਤ ਦੀ ਇਸ ਬਦਲਦੀ ਪਹਿਚਾਣ ਦਾ ਇੱਕ ਬਹੁਤ ਬੜਾ ਕੇਂਦਰ ਇਹ ਸਾਡਾ ਉੱਤਰ ਪ੍ਰਦੇਸ਼ ਬਣਨ ਵਾਲਾ ਹੈ। ਅਤੇ ਉੱਤਰ ਪ੍ਰਦੇਸ਼ ਦੇ ਸਾਂਸਦ ਦੇ ਨਾਤੇ ਮੈਨੂੰ ਇਸ ਗੱਲ ਦਾ ਵਿਸ਼ੇਸ਼ ਮਾਣ ਹੈ।

ਸਾਥੀਓ,

ਥੋੜ੍ਹੀ ਦੇਰ ਪਹਿਲਾਂ ਡਿਫੈਂਸ ਕੌਰੀਡੋਰ ਦੇ ‘ਅਲੀਗੜ੍ਹ ਨੋਡ’ ਦੀ ਪ੍ਰਗਤੀ ਦਾ ਮੈਂ ਅਵਲੋਕਨ ਕੀਤਾ ਹੈ।  ਅਲੀਗੜ੍ਹ ਵਿੱਚ ਹੀ ਡਿਫੈਂਸ ਮੈਨੂਫੈਕਚਰਿੰਗ ਨਾਲ ਜੁੜੀਆਂ ਡੇਢ ਦਰਜਨ ਤੋਂ ਅਧਿਕ ਕੰਪਨੀਆਂ ਸੈਂਕੜੇ ਕਰੋੜ ਰੁਪਏ ਦੇ ਨਿਵੇਸ਼ ਨਾਲ ਹਜ਼ਾਰਾਂ ਨਵੇਂ ਰੋਜ਼ਗਾਰ ਇੱਥੇ ਬਣਾਉਣ ਵਾਲੀਆਂ ਹਨ।  ਅਲੀਗੜ੍ਹ ਨੋਡ ਵਿੱਚ ਛੋਟੇ ਹਥਿਆਰ, ਆਰਡਨੈਂਸ,ਡ੍ਰੋਨ, ਏਅਰੋਸਪੇਸ, ਮੈਟਲ ਕੰਪੋਨੈਂਟਸ, ਐਂਟੀ ਡ੍ਰੋਨ ਸਿਸਟਮ,  ਡਿਫੈਂਸ ਪੈਕੇਜਿੰਗ, ਐਸੇ ਉਤਪਾਦ ਬਣ ਸਕਣ, ਇਸ ਦੇ ਲਈ ਨਵੇਂ ਉਦਯੋਗ ਲਗਾਏ ਜਾ ਰਹੇ ਹਨ। ਇਹ ਬਦਲਾਅ ਅਲੀਗੜ੍ਹ ਅਤੇ ਆਸ-ਪਾਸ ਦੇ ਖੇਤਰ ਨੂੰ ਇੱਕ ਨਵੀਂ ਪਹਿਚਾਣ ਦੇਵੇਗਾ।

ਸਾਥੀਓ, 

ਹੁਣ ਤੱਕ ਲੋਕ ਆਪਣੇ ਘਰ ਦੀ, ਦੁਕਾਨ ਦੀ ਸੁਰੱਖਿਆ ਲਈ ਅਲੀਗੜ੍ਹ ਦੇ ਭਰੋਸੇ ਰਹਿੰਦੇ ਸਨ, ਪਤਾ ਹੈ ਨਾ ?  ਕਿਉਂਕਿ ਅਲੀਗੜ੍ਹ ਦਾ ਤਾਲਾ ਅਗਰ ਲਗਿਆ ਹੁੰਦਾ ਸੀ ਤਾਂ ਲੋਕ ਨਿਸ਼ਚਿੰਤ ਹੋ ਜਾਂਦੇ ਸਨ। ਅਤੇ ਮੈਨੂੰ ਅੱਜ ਬਚਪਨ ਦੀ ਇੱਕ ਬਾਤ ਕਰਨ ਦਾ ਮਨ ਕਰ ਰਿਹਾ ਹੈ। ਕਰੀਬ 55-60 ਸਾਲ ਪੁਰਾਣੀ ਬਾਤ ਹੈ। ਅਸੀਂ ਬੱਚੇ ਸਾਂ ਤਾਂ ਅਲੀਗੜ੍ਹ ਤੋਂ ਤਾਲੇ ਦੇ ਜੋ ਸੇਲਸਮੈਨ ਹੁੰਦੇ ਸਨ, ਇੱਕ ਮੁਸਲਿਮ ਮਹਿਮਾਨ ਸਨ। ਉਹ ਹਰ ਤਿੰਨ ਮਹੀਨੇ ਸਾਡੇ ਪਿੰਡ ਆਉਂਦੇ ਸਨ। ਹਾਲੇ ਵੀ ਮੈਨੂੰ ਯਾਦ ਹੈ ਉਹ ਕਾਲੀ ਜੈਕੇਟ ਪਹਿਨਦੇ ਸਨ। ਅਤੇ ਸੇਲਸਮੈਨ ਦੇ ਨਾਤੇ ਦੁਕਾਨਾਂ ਵਿੱਚ ਆਪਣਾ ਤਾਲਾ ਰੱਖ ਕੇ ਜਾਂਦੇ ਸਨ ਅਤੇ ਤਿੰਨ ਮਹੀਨੇ ਦੇ ਬਾਅਦ ਆ ਕੇ ਆਪਣੇ ਪੈਸੇ ਲੈ ਜਾਂਦੇ ਸਨ। ਪਿੰਡ ਦੇ ਅਗਲ-ਬਗਲ ਦੇ ਪਿੰਡਾਂ ਵਿੱਚ ਵੀ ਵਪਾਰੀਆਂ ਦੇ ਪਾਸ ਜਾਂਦੇ ਸਨ, ਉਨ੍ਹਾਂ ਨੂੰ ਵੀ ਤਾਲੇ ਦਿੰਦੇ ਸਨ। ਅਤੇ ਮੇਰੇ ਪਿਤਾ ਜੀ ਨਾਲ ਉਨ੍ਹਾਂ ਦੀ ਬਹੁਤ ਅੱਛੀ ਦੋਸਤੀ ਸੀ। ਅਤੇ ਉਹ ਆਉਂਦੇ ਸਨ ਤਾਂ ਚਾਰ-ਛੇ ਦਿਨ ਸਾਡੇ ਪਿੰਡ ਵਿੱਚ ਰੁਕਦੇ ਸਨ। ਅਤੇ ਦਿਨ ਭਰ ਜੋ ਪੈਸੇ ਉਹ ਵਸੂਲ ਕੇ ਲੈ ਆਉਂਦੇ ਸਨ ਤਾਂ ਮੇਰੇ ਪਿਤਾ ਜੀ ਦੇ ਪਾਸ ਛੱਡ ਦਿੰਦੇ ਸਨ ਅਤੇ ਮੇਰੇ ਪਿਤਾ ਜੀ ਉਨ੍ਹਾਂ ਦੇ ਪੈਸਿਆਂ ਨੂੰ ਸੰਭਾਲ਼ਦੇ ਸਨ।  ਅਤੇ ਚਾਰ-ਛੇ ਦਿਨ ਦੇ ਬਾਅਦ ਜਦੋਂ ਉਹ ਮੇਰਾ ਪਿੰਡ ਛੱਡ ਕੇ ਜਾਂਦੇ ਸਨ ਤਾਂ ਮੇਰੇ ਪਿਤਾ ਜੀ ਤੋਂ ਉਹ ਸਾਰੇ ਪੈਸੇ ਲੈ ਕੇ ਫਿਰ ਉਹ ਆਪਣਾ ਟ੍ਰੇਨ ਤੋਂ ਨਿਕਲ ਜਾਂਦੇ ਸਨ। ਅਤੇ ਅਸੀਂ ਬਚਪਨ ਵਿੱਚ ਦੋ ਸ਼ਹਿਰਾਂ ਤੋਂ ਉੱਤਰ ਪ੍ਰਦੇਸ਼ ਦੇ ਬੜੇ ਪਰੀਚਿਤ ਰਹੇ, ਇੱਕ ਸੀਤਾਪੁਰ ਅਤੇ ਦੂਜਾ ਅਲੀਗੜ੍ਹ। ਸਾਡੇ ਪਿੰਡ ਵਿੱਚ ਅਗਰ ਕਿਸੇ ਨੂੰ ਅੱਖ ਦੀ ਬਿਮਾਰੀ ਵਿੱਚ ਟ੍ਰੀਟਮੈਂਟ ਕਰਨੀ ਹੈ ਤਾਂ ਹਰ ਕੋਈ ਕਹਿੰਦਾ ਸੀ ਸੀਤਾਪੁਰ ਜਾਓ। ਅਸੀਂ ਜ਼ਿਆਦਾ ਸਮਝਦੇ ਨਹੀਂ ਸਾਂ, ਲੇਕਿਨ ਸੀਤਾਪੁਰ ਸਭ ਤੋਂ ਸੁਣਦੇ ਸਾਂ। ਅਤੇ ਦੂਸਰਾ ਇਸ ਮਹਾਸ਼ਯ ਦੇ ਕਾਰਨ ਅਲੀਗੜ੍ਹ ਵਾਰ-ਵਾਰ ਸੁਣਦੇ ਸਾਂ।

ਲੇਕਿਨ ਸਾਥੀਓ,

ਹੁਣ ਅਲੀਗੜ੍ਹ ਦੇ ਰੱਖਿਆ ਉਪਕਰਣ ਵੀ...ਕੱਲ੍ਹ ਤੱਕ ਜੋ ਅਲੀਗੜ੍ਹ ਤਾਲੇ ਦੇ ਜ਼ਰੀਏ ਘਰਾਂ ਦੀਆਂ ਦੁਕਾਨਾਂ ਦੀ ਰੱਖਿਆ ਕਰਦਾ ਸੀ, ਉਹ 21ਵੀਂ ਸਦੀ ਵਿੱਚ ਇਹ ਮੇਰਾ ਅਲੀਗੜ੍ਹ ਹਿੰਦੁਸਤਾਨ ਦੀਆਂ ਸੀਮਾਵਾਂ ਦੀ ਰੱਖਿਆ ਕਰਨ ਦਾ ਕੰਮ ਕਰੇਗਾ। ਇੱਥੇ ਐਸੇ ਆਰਡਨੈਂਸ ਬਣਨਗੇ। ਵੰਨ ਡਿਸਟ੍ਰਿਕਟ ਵੰਨ ਪ੍ਰੋਡਕਟ ਯੋਜਨਾ ਦੇ ਤਹਿਤ ਯੂਪੀ ਸਰਕਾਰ ਨੇ ਅਲੀਗੜ੍ਹ ਦੇ ਤਾਲਿਆਂ ਅਤੇ ਹਾਰਡਵੇਅਰ ਨੂੰ ਇੱਕ ਨਵੀਂ ਪਹਿਚਾਣ ਦਿਵਾਉਣ ਦਾ ਕੰਮ ਕੀਤਾ ਹੈ। ਇਸ ਨਾਲ ਨੌਜਵਾਨਾਂ ਦੇ ਲਈ,  MSMEs ਦੇ ਲਈ ਨਵੇਂ ਅਵਸਰ ਤਿਆਰ ਹੋ ਰਹੇ ਹਨ। ਹੁਣ ਡਿਫੈਂਸ ਇੰਡਸਟ੍ਰੀ ਦੇ ਜ਼ਰੀਏ ਵੀ ਇੱਥੋਂ ਦੇ ਮੌਜੂਦਾ ਉੱਦਮੀਆਂ ਨੂੰ,  MSMEs ਨੂੰ ਵਿਸ਼ੇਸ਼ ਲਾਭ ਹੋਵੇਗਾ ਅਤੇ ਨਵੇਂ MSMEs ਦੇ ਲਈ ਪ੍ਰੋਤਸਾਹਨ ਵੀ ਪ੍ਰਾਪਤ ਹੋਵੇਗਾ। ਜੋ ਛੋਟੇ ਉੱਦਮੀ ਹਨ, ਉਨ੍ਹਾਂ ਦੇ ਲਈ ਵੀ ਡਿਫੈਂਸ ਕੌਰੀਡੋਰ ਦਾ ਅਲੀਗੜ੍ਹ ਨੋਡ, ਨਵੇਂ ਮੌਕੇ ਬਣਾਵੇਗਾ।

ਭਾਈਓ ਅਤੇ ਭੈਣੋਂ,

ਡਿਫੈਂਸ ਕੌਰੀਡੋਰ ਦੇ ਲਖਨਊ ਨੋਡ ਵਿੱਚ ਦੁਨੀਆ ਦੀ ਸਭ ਤੋਂ ਬਿਹਤਰੀਨ ਮਿਸਾਇਲ ਵਿੱਚੋਂ ਇੱਕ,  ਬ੍ਰਮਹੋਸ ਦਾ ਨਿਰਮਾਣ ਵੀ ਪ੍ਰਸਤਾਵਿਤ ਹੈ। ਇਸ ਦੇ ਲਈ ਅਗਲੇ ਕੁਝ ਸਾਲਾਂ ਵਿੱਚ 9 ਹਜ਼ਾਰ ਕਰੋੜ ਰੁਪਏ ਨਿਵੇਸ਼ ਕੀਤੇ ਜਾ ਰਹੇ ਹਨ। ਝਾਂਸੀ ਨੋਡ ਵਿੱਚ ਵੀ ਇੱਕ ਹੋਰ ਮਿਸਾਇਲ ਮੈਨੂਫੈਕਚਰਿੰਗ ਨਾਲ ਜੁੜੀ ਬਹੁਤ ਵੱਡੀ ਮਹੱਤਵਪੂਰਨ ਯੂਨਿਟ ਲਗਾਉਣ ਦਾ ਪ੍ਰਸਤਾਵ ਹੈ। ਯੂਪੀ ਡਿਫੈਂਸ ਕੌਰੀਡੋਰ, ਐਸੇ ਹੀ ਬੜੇ ਨਿਵੇਸ਼ ਅਤੇ ਰੋਜ਼ਗਾਰ ਦੇ ਬਹੁਤ ਬੜੇ ਅਵਸਰਾਂ ਨੂੰ ਲੈ ਕੇ ਆ ਰਿਹਾ ਹੈ।

ਸਾਥੀਓ,

ਅੱਜ ਉੱਤਰ ਪ੍ਰਦੇਸ਼ ਦੇਸ਼ ਅਤੇ ਦੁਨੀਆ ਦੇ ਹਰ ਛੋਟੇ-ਬੜੇ ਨਿਵੇਸ਼ਕਾਂ ਦੇ ਲਈ ਬਹੁਤ ਆਕਰਸ਼ਕ ਸਥਾਨ ਬਣਦਾ ਜਾ ਰਿਹਾ ਹੈ। ਇਹ ਤਦ ਹੁੰਦਾ ਹੈ ਜਦੋਂ ਨਿਵੇਸ਼ ਲਈ ਜ਼ਰੂਰੀ ਮਾਹੌਲ ਬਣਦਾ ਹੈ, ਜ਼ਰੂਰੀ ਸੁਵਿਧਾਵਾਂ ਮਿਲਦੀਆਂ ਹਨ। ਅੱਜ ਉੱਤਰ ਪ੍ਰਦੇਸ਼, ਡਬਲ ਇੰਜਣ ਸਰਕਾਰ ਦੇ ਡਬਲ ਲਾਭ ਦਾ ਬਹੁਤ ਬੜਾ ਉਦਾਹਰਣ ਹੈ। ਯੋਗੀ ਜੀ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਨੇ ਸਬਕਾ ਸਾਥ, ਸਬਕਾ ਵਿਕਾਸ, ਸਬਕਾ ਵਿਸ਼ਵਾਸ ਦੇ ਮੰਤਰ ’ਤੇ ਚਲਦੇ ਹੋਏ, ਉੱਤਰ ਪ੍ਰਦੇਸ਼ ਨੂੰ ਨਵੀਂ ਭੂਮਿਕਾ ਦੇ ਲਈ ਤਿਆਰ ਕੀਤਾ ਹੈ। ਹੁਣ ਸਭ  ਦੇ ਪ੍ਰਯਤਨ ਨਾਲ ਇਸ ਨੂੰ ਹੋਰ ਅੱਗੇ ਵੀ ਵਧਾਉਣਾ ਹੈ। ਸਮਾਜ ਵਿੱਚ ਵਿਕਾਸ ਦੇ ਅਵਸਰਾਂ ਤੋਂ ਜਿਨ੍ਹਾਂ ਨੂੰ ਦੂਰ ਰੱਖਿਆ ਗਿਆ, ਐਸੇ ਹਰ ਸਮਾਜ ਨੂੰ ਸਿੱਖਿਆ ਅਤੇ ਸਰਕਾਰੀ ਨੌਕਰੀਆਂ ਵਿੱਚ ਅਵਸਰ ਦਿੱਤੇ ਜਾ ਰਹੇ ਹਨ। ਅੱਜ ਉੱਤਰ ਪ੍ਰਦੇਸ਼ ਦੀ ਚਰਚਾ ਬੜੇ ਇਨਫ੍ਰਾਸਟ੍ਰਕਚਰ ਪ੍ਰੋਜੈਕਟਸ ਅਤੇ ਬੜੇ ਫ਼ੈਸਲਿਆਂ ਦੇ ਲਈ ਹੁੰਦੀ ਹੈ। ਪੱਛਮੀ ਉੱਤਰ ਪ੍ਰਦੇਸ਼ ਤਾਂ ਇਸ ਦਾ ਇੱਕ ਬਹੁਤ ਬੜਾ ਲਾਭਾਰਥੀ ਹੈ।

ਗ੍ਰੇਟਰ ਨੌਇਡਾ ਵਿੱਚ ਇੰਟੀਗ੍ਰੇਟੇਡ ਇੰਡਸਟ੍ਰੀਅਲ ਟਾਊਨਸ਼ਿਪ ਦਾ ਨਿਰਮਾਣ, ਮਲਟੀ ਮੋਡਲ ਲੌਜਿਸਟਿਕਸ ਹੱਬ, ਜ਼ੇਵਰ ਇੰਟਰਨੈਸ਼ਨਲ ਏਅਰਪੋਰਟ, ਦਿੱਲੀ-ਮੇਰਠ ਰੀਜਨਲ ਰੈਪਿਡ ਟ੍ਰਾਂਜ਼ਿਟ ਸਿਸਟਮ, ਮੈਟਰੋ ਕਨੈਕਟੀਵਿਟੀ, ਆਧੁਨਿਕ ਹਾਈਵੇ ਅਤੇ ਐਕਸਪ੍ਰੈੱਸਵੇ, ਐਸੇ ਅਨੇਕ ਕੰਮ ਅੱਜ ਪੱਛਮੀ ਉੱਤਰ ਪ੍ਰਦੇਸ਼ ਵਿੱਚ ਹੋ ਰਹੇ ਹਨ। ਯੂਪੀ ਵਿੱਚ ਚਲ ਰਹੇ ਇਹ ਹਜ਼ਾਰਾਂ ਕਰੋੜ ਰੁਪਏ ਦੇ ਪ੍ਰੋਜੈਕਟ, ਆਉਣ ਵਾਲੇ ਵਰ੍ਹਿਆਂ ਵਿੱਚ ਭਾਰਤ ਦੀ ਪ੍ਰਗਤੀ ਦਾ ਬੜਾ ਅਧਾਰ ਬਣਨਗੇ।

ਭਾਈਓ ਅਤੇ ਭੈਣੋਂ,

ਮੈਨੂੰ ਅੱਜ ਇਹ ਦੇਖ ਕੇ ਬਹੁਤ ਖੁਸ਼ੀ ਹੁੰਦੀ ਹੈ ਕਿ ਜਿਸ ਯੂਪੀ ਨੂੰ ਦੇਸ਼ ਦੇ ਵਿਕਾਸ ਵਿੱਚ ਇੱਕ ਰੁਕਾਵਟ  ਦੇ ਰੂਪ ਵਿੱਚ ਦੇਖਿਆ ਜਾਂਦਾ ਸੀ, ਉਹੀ ਯੂਪੀ ਅੱਜ ਦੇਸ਼ ਦੇ ਬੜੇ ਅਭਿਯਾਨਾਂ ਦੀ ਅਗਵਾਈ ਕਰ ਰਿਹਾ ਹੈ। ਸ਼ੌਚਾਲਯ ਬਣਾਉਣ ਦਾ ਅਭਿਯਾਨ ਹੋਵੇ, ਗ਼ਰੀਬਾਂ ਨੂੰ ਆਪਣਾ ਪੱਕਾ ਘਰ ਦੇਣਾ ਹੋਵੇ, ਉੱਜਵਲਾ ਦੇ ਤਹਿਤ ਗੈਸ ਕਨੈਕਸ਼ਨ ਹੋਵੇ, ਬਿਜਲੀ ਕਨੈਕਸ਼ਨ ਹੋਵੇ, ਪੀਐੱਮ ਕਿਸਾਨ ਸਨਮਾਨ ਨਿਧੀ ਹੋਵੇ,  ਹਰ ਯੋਜਨਾ, ਹਰ ਮਿਸ਼ਨ ਵਿੱਚ ਯੋਗੀ ਜੀ ਦੇ ਯੂਪੀ ਨੇ ਦੇਸ਼ ਦੇ ਲਕਸ਼ਾਂ ਨੂੰ ਹਾਸਲ ਕਰਨ ਵਿੱਚ ਮੋਹਰੀ ਭੂਮਿਕਾ ਨਿਭਾਈ ਹੈ। ਵਰਨਾ, ਮੈਨੂੰ ਤਾਂ ਯਾਦ ਹੈ, ਉਹ ਦਿਨ ਮੈਂ ਭੁੱਲ ਨਹੀਂ ਸਕਦਾ, ਜਦੋਂ 2017 ਤੋਂ ਪਹਿਲਾਂ, ਗ਼ਰੀਬਾਂ ਦੀ ਹਰ ਯੋਜਨਾ ਵਿੱਚ ਇੱਥੇ ਰੋੜੇ ਅਟਕਾਏ ਜਾਂਦੇ ਸਨ। ਇੱਕ-ਇੱਕ ਯੋਜਨਾ ਲਾਗੂ ਕਰਨ ਲਈ ਦਰਜਨਾਂ ਵਾਰ ਕੇਂਦਰ ਦੀ ਤਰਫੋਂ ਚਿੱਠੀਆਂ ਲਿਖੀਆਂ ਜਾਂਦੀਆਂ ਸਨ, ਲੇਕਿਨ ਇੱਥੇ ਉਸ ਗਤੀ ਨਾਲ ਕੰਮ ਨਹੀਂ ਹੁੰਦਾ ਸੀ…ਇਹ ਮੈਂ 2017 ਦੇ ਪਹਿਲਾਂ ਦੀ ਗੱਲ ਕਰ ਰਿਹਾ ਹਾਂ ... ਜੈਸੇ ਹੋਣਾ ਚਾਹੀਦਾ ਸੀ, ਵੈਸਾ ਨਹੀਂ ਹੁੰਦਾ ਸੀ।

ਸਾਥੀਓ,

ਯੂਪੀ ਦੇ ਲੋਕ ਭੁੱਲ ਨਹੀਂ ਸਕਦੇ ਕਿ ਪਹਿਲਾਂ ਇੱਥੇ ਕਿਸ ਤਰ੍ਹਾਂ ਦੇ ਘੋਟਾਲੇ ਹੁੰਦੇ ਸਨ, ਕਿਸ ਤਰ੍ਹਾਂ ਰਾਜ - ਕਾਜ ਨੂੰ ਭ੍ਰਿਸ਼ਟਾਚਾਰੀਆਂ ਦੇ ਹਵਾਲੇ ਕਰ ਦਿੱਤਾ ਗਿਆ ਸੀ। ਅੱਜ ਯੋਗੀ ਜੀ ਦੀ ਸਰਕਾਰ ਪੂਰੀ ਇਮਾਨਦਾਰੀ ਨਾਲ ਯੂਪੀ ਦੇ ਵਿਕਾਸ ਵਿੱਚ ਜੁਟੀ ਹੋਈ ਹੈ। ਇੱਕ ਦੌਰ ਸੀ ਜਦੋਂ ਇੱਥੇ ਸ਼ਾਸਨ-ਪ੍ਰਸ਼ਾਸਨ,  ਗੁੰਡਿਆਂ ਅਤੇ ਮਾਫੀਆਵਾਂ ਦੀ ਮਨਮਾਨੀ ਨਾਲ ਚਲਦਾ ਸੀ। ਲੇਕਿਨ ਹੁਣ ਵਸੂਲੀ ਕਰਨ ਵਾਲੇ,  ਮਾਫੀਆਰਾਜ ਚਲਾਉਣ ਵਾਲੇ ਸਲਾਖਾਂ ਦੇ ਪਿੱਛੇ ਹਨ।

ਮੈਂ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਲੋਕਾਂ ਨੂੰ ਵਿਸ਼ੇਸ਼ ਤੌਰ ’ਤੇ ਯਾਦ ਦਿਵਾਉਣਾ ਚਾਹੁੰਦਾ ਹਾਂ। ਇਸੇ ਖੇਤਰ ਵਿੱਚ ਚਾਰ-ਪੰਜ ਸਾਲ ਪਹਿਲਾਂ ਪਰਿਵਾਰ ਆਪਣੇ ਹੀ ਘਰਾਂ ਵਿੱਚ ਡਰ ਕੇ ਰਹਿੰਦੇ (ਜਿਊਂਦੇ) ਸਨ। ਭੈਣ-ਬੇਟੀਆਂ ਨੂੰ ਘਰ ਤੋਂ ਨਿਕਲਣ ਵਿੱਚ, ਸਕੂਲ-ਕਾਲਜ ਜਾਣ ਵਿੱਚ ਡਰ ਲਗਦਾ ਸੀ। ਜਦੋਂ ਤੱਕ ਬੇਟੀਆਂ ਘਰ ਨਾ ਆ ਜਾਣ, ਮਾਤਾ-ਪਿਤਾ ਦੇ ਸਾਹ ਅਟਕੇ ਰਹਿੰਦੇ ਸਨ। ਜੋ ਮਾਹੌਲ ਸੀ, ਉਸ ਵਿੱਚ ਕਿਤਨੇ ਹੀ ਲੋਕਾਂ ਨੂੰ ਆਪਣਾ ਪੁਸ਼ਤੈਨੀ ਘਰ ਛੱਡਣਾ ਪਿਆ, ਪਲਾਇਨ ਕਰਨਾ ਪਿਆ। ਅੱਜ ਯੂਪੀ ਵਿੱਚ ਕੋਈ ਅਪਰਾਧੀ ਐਸਾ ਕਰਨ ਤੋਂ ਪਹਿਲਾਂ ਸੌ ਵਾਰ ਸੋਚਦਾ ਹੈ।

ਯੋਗੀ ਜੀ ਦੀ ਸਰਕਾਰ ਵਿੱਚ ਗ਼ਰੀਬ ਦੀ ਸੁਣਵਾਈ ਵੀ ਹੈ, ਗ਼ਰੀਬ ਦਾ ਸਨਮਾਨ ਵੀ ਹੈ। ਯੋਗੀ ਜੀ ਦੀ ਅਗਵਾਈ ਵਿੱਚ ਯੂਪੀ ਦੀ ਬਦਲਦੀ ਕਾਰਜਸ਼ੈਲੀ ਦਾ ਇੱਕ ਬਹੁਤ ਬੜਾ ਪ੍ਰਮਾਣ ਹੈ-ਸਬਕੋ ਵੈਕਸੀਨ - ਮੁਫ਼ਤ ਵੈਕਸੀਨ ਅਭਿਯਾਨ। ਉੱਤਰ ਪ੍ਰਦੇਸ਼ ਹੁਣ ਤੱਕ 8 ਕਰੋੜ ਤੋਂ ਅਧਿਕ ਟੀਕੇ ਲਗਾ ਚੁੱਕਿਆ ਹੈ।  ਦੇਸ਼ ਵਿੱਚ ਇੱਕ ਦਿਨ ਵਿੱਚ ਸਭ ਤੋਂ ਜ਼ਿਆਦਾ ਟੀਕਾਕਰਣ ਦਾ ਰਿਕਾਰਡ ਵੀ ਯੂਪੀ ਦੇ ਹੀ ਨਾਮ ਹਨ।  ਕੋਰੋਨਾ ਦੇ ਇਸ ਸੰਕਟ ਕਾਲ ਵਿੱਚ ਗ਼ਰੀਬ ਦੀ ਚਿੰਤਾ ਸਰਕਾਰ ਦੀ ਸਰਬਉੱਚ ਪ੍ਰਾਥਮਿਕਤਾ ਹੈ।  ਕੋਈ ਗ਼ਰੀਬ ਭੁੱਖਾ ਨਾ ਰਹੇ, ਇਸ ਦੇ ਲਈ ਮਹੀਨਿਆਂ ਤੋਂ ਮੁਫ਼ਤ ਅਨਾਜ ਦਿੱਤਾ ਜਾ ਰਿਹਾ ਹੈ। ਗ਼ਰੀਬਾਂ ਨੂੰ ਭੁਖਮਰੀ ਤੋਂ ਬਚਾਉਣ ਦੇ ਲਈ ਜੋ ਕੰਮ ਦੁਨੀਆ ਦੇ ਬੜੇ-ਬੜੇ ਦੇਸ਼ ਨਹੀਂ ਕਰ ਪਾਏ, ਉਹ ਅੱਜ ਭਾਰਤ ਕਰ ਰਿਹਾ ਹੈ, ਇਹ ਸਾਡਾ ਉੱਤਰ ਪ੍ਰਦੇਸ਼ ਕਰ ਰਿਹਾ ਹੈ।

ਸਾਥੀਓ,

ਆਜ਼ਾਦੀ ਦੇ ਇਸ ਅੰਮ੍ਰਿਤਕਾਲ ਵਿੱਚ ਗ੍ਰਾਮੀਣ ਅਰਥਵਿਵਸਥਾ ਵਿੱਚ ਵੀ ਤੇਜ਼ੀ ਨਾਲ ਬਦਲਾਅ ਹੋ ਰਹੇ ਹਨ। ਬਦਲਾਅ ਦੇ ਨਾਲ ਕਿਵੇਂ ਤਾਲਮੇਲ ਬਿਠਾਉਣਾ ਪੈਂਦਾ ਹੈ, ਇਸ ਦਾ ਰਸਤਾ ਖ਼ੁਦ ਚੌਧਰੀ ਚਰਨ ਸਿੰਘ ਜੀ ਨੇ ਦਹਾਕਿਆਂ ਪਹਿਲਾਂ ਦੇਸ਼ ਨੂੰ ਦਿਖਾਇਆ ਹੈ। ਜੋ ਰਸਤਾ ਚੌਧਰੀ ਸਾਹਬ ਨੇ ਦਿਖਾਇਆ, ਉਨ੍ਹਾਂ ਤੋਂ ਦੇਸ਼ ਦੇ ਖੇਤੀ ਮਜ਼ਦੂਰਾਂ ਅਤੇ ਛੋਟੇ ਕਿਸਾਨਾਂ ਨੂੰ ਕਿਤਨਾ ਲਾਭ ਹੋਇਆ, ਇਹ ਅਸੀਂ ਸਾਰੇ ਜਾਣਦੇ ਹਾਂ।  ਅੱਜ ਦੀਆਂ ਅਨੇਕ ਪੀੜ੍ਹੀਆਂ ਉਨ੍ਹਾਂ ਸੁਧਾਰਾਂ ਦੇ ਕਾਰਨ ਇੱਕ ਗਰਿਮਾਮਈ ਜੀਵਨ ਜੀ ਪਾ ਰਹੀਆਂ ਹਨ।

ਦੇਸ਼ ਦੇ ਜਿਨ੍ਹਾਂ ਛੋਟੇ ਕਿਸਾਨਾਂ ਦੀ ਚਿੰਤਾ ਚੌਧਰੀ ਸਾਹਬ ਨੂੰ ਸੀ, ਉਨ੍ਹਾਂ ਦੇ ਨਾਲ ਸਰਕਾਰ ਇੱਕ ਸਾਥੀ ਦੀ ਤਰ੍ਹਾਂ ਖੜ੍ਹੀ ਰਹੇ, ਇਹ ਬਹੁਤ ਜ਼ਰੂਰੀ ਹੈ। ਇਨਾਂ ਛੋਟੇ ਕਿਸਾਨਾਂ ਦੇ ਪਾਸ ਦੋ ਹੈਕਟੇਅਰ ਤੋਂ ਵੀ ਘੱਟ ਜ਼ਮੀਨ ਹੈ ਅਤੇ ਸਾਡੇ ਦੇਸ਼ ਵਿੱਚ ਛੋਟੇ ਕਿਸਾਨਾਂ ਦੀ ਸੰਖਿਆ 80 ਪ੍ਰਤੀਸ਼ਤ ਤੋਂ ਵੀ ਜ਼ਿਆਦਾ ਹੈ। ਯਾਨੀ ਦੇਸ਼ ਦੇ 10 ਕਿਸਾਨ ਦੇ ਪਾਸ ਜੋ ਜ਼ਮੀਨ ਹੈ, ਉਸ ਵਿੱਚ 8 ਕਿਸਾਨ ਐਸੇ ਹਨ, ਜਿਨ੍ਹਾਂ ਦੇ ਪਾਸ ਛੋਟਾ-ਜਿਹਾ ਜ਼ਮੀਨ ਦਾ ਟੁਕੜਾ ਹੈ। ਇਸ ਲਈ ਕੇਂਦਰ ਸਰਕਾਰ ਦਾ ਨਿਰੰਤਰ ਪ੍ਰਯਤਨ ਹੈ ਕਿ ਛੋਟੀ ਜੋਤ ਵਾਲਿਆਂ ਨੂੰ ਤਾਕਤ ਦਿੱਤੀ ਜਾਵੇ। ਡੇਢ  ਗੁਣਾ MSP ਹੋਵੇ, ਕਿਸਾਨ ਕ੍ਰੈਡਿਟ ਕਾਰਡ ਦਾ ਵਿਸਤਾਰ ਹੋਵੇ, ਬੀਮਾ ਯੋਜਨਾ ਵਿੱਚ ਸੁਧਾਰ ਹੋਵੇ,  3 ਹਜ਼ਾਰ ਰੁਪਏ ਦੀ ਪੈਨਸ਼ਨ ਦੀ ਵਿਵਸਥਾ ਹੋਵੇ, ਐਸੇ ਅਨੇਕ ਫ਼ੈਸਲੇ ਛੋਟੇ-ਛੋਟੇ ਕਿਸਾਨਾਂ ਨੂੰ ਸਸ਼ਕਤ ਕਰ ਰਹੇ ਹਨ।

ਕੋਰੋਨਾ ਦੇ ਇਸ ਸਮੇਂ ਵਿੱਚ, ਦੇਸ਼ ਭਰ ਦੇ ਛੋਟੇ ਕਿਸਾਨਾਂ ਦੇ ਖਾਤੇ ਵਿੱਚ ਸਰਕਾਰ ਨੇ ਇੱਕ ਲੱਖ ਕਰੋੜ ਰੁਪਏ ਤੋਂ ਅਧਿਕ ਸਿੱਧੇ ਟ੍ਰਾਂਸਫਰ ਕੀਤੇ ਹਨ। ਇਸ ਵਿੱਚ 25 ਹਜ਼ਾਰ ਕਰੋੜ ਰੁਪਏ ਤੋਂ ਜ਼ਿਆਦਾ ਸਿਰਫ਼ ਯੂਪੀ ਦੇ ਕਿਸਾਨਾਂ ਨੂੰ ਮਿਲੇ ਹਨ। ਮੈਨੂੰ ਇਸ ਗੱਲ ਦੀ ਖੁਸ਼ੀ ਹੈ ਕਿ ਯੂਪੀ ਵਿੱਚ ਬੀਤੇ 4 ਸਾਲਾਂ ਵਿੱਚ MSP ’ਤੇ ਖਰੀਦ ਦੇ ਨਵੇਂ ਰਿਕਾਰਡ ਬਣੇ ਹਨ। ਗੰਨੇ ਦੇ ਭੁਗਤਾਨ ਨੂੰ ਲੈ ਕੇ ਵੀ ਜੋ ਪਰੇਸ਼ਾਨੀਆਂ ਆਉਂਦੀਆਂ ਸਨ, ਉਨ੍ਹਾਂ ਨੂੰ ਲਗਾਤਾਰ ਘੱਟ ਕੀਤਾ ਜਾ ਰਿਹਾ ਹੈ। ਬੀਤੇ 4 ਸਾਲ ਵਿੱਚ ਯੂਪੀ ਦੇ ਗੰਨਾ ਕਿਸਾਨਾਂ ਨੂੰ 1 ਲੱਖ 40 ਹਜ਼ਾਰ ਕਰੋੜ ਰੁਪਏ ਤੋਂ ਅਧਿਕ ਦਾ ਭੁਗਤਾਨ ਕੀਤਾ ਗਿਆ ਹੈ। ਆਉਣ ਵਾਲੇ ਸਾਲ ਤਾਂ ਯੂਪੀ ਦੇ ਗੰਨਾ ਕਿਸਾਨਾਂ ਦੇ ਲਈ ਨਵੀਆਂ ਸੰਭਾਵਨਾਵਾਂ ਦੇ ਦਰਵਾਜ਼ੇ ਖੋਲ੍ਹਣ ਵਾਲਾ ਹੈ। ਗੰਨੇ ਤੋਂ ਜੋ ਈਥੇਨੌਲ ਬਣਦਾ ਹੈ, ਬਾਇਓਫਿਊਲ ਬਣਦਾ ਹੈ ਉਸ ਦਾ ਉਪਯੋਗ ਈਂਧਣ ਵਿੱਚ ਵਧਾਇਆ ਜਾ ਰਿਹਾ ਹੈ। ਇਸ ਦਾ ਬੜਾ ਲਾਭ ਪੱਛਮੀ ਯੂਪੀ ਦੇ ਗੰਨਾ ਕਿਸਾਨਾਂ ਨੂੰ ਵੀ ਹੋਣ ਵਾਲਾ ਹੈ।

ਸਾਥੀਓ,

ਅਲੀਗੜ੍ਹ ਸਮੇਤ ਪੂਰਾ ਪੱਛਮੀ ਉੱਤਰ ਪ੍ਰਦੇਸ਼ ਅੱਗੇ ਵਧੇ, ਇਸ ਦੇ ਲਈ ਯੋਗੀ ਜੀ ਦੀ ਸਰਕਾਰ ਅਤੇ ਕੇਂਦਰ ਸਰਕਾਰ ਮੋਢੇ ਨਾਲ ਮੋਢਾ ਮਿਲਾ ਕੇ ਦਿਨ ਰਾਤ ਮਿਹਨਤ ਕਰ ਰਹੀ ਹੈ। ਸਾਨੂੰ ਮਿਲ ਕੇ ਇਸ ਖੇਤਰ ਨੂੰ ਹੋਰ ਸਮ੍ਰਿੱਧ ਕਰਨਾ ਹੈ, ਇੱਥੋਂ ਦੇ ਬੇਟੇ-ਬੇਟੀਆਂ ਦੀ ਸਮਰੱਥਾ ਨੂੰ ਹੋਰ ਵਧਾਉਣਾ ਹੈ ਅਤੇ ਵਿਕਾਸ ਵਿਰੋਧੀ ਹਰ ਤਾਕਤ ਤੋਂ ਉੱਤਰ ਪ੍ਰਦੇਸ਼ ਨੂੰ ਬਚਾਉਣਾ ਹੈ। ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ ਜੀ ਜੈਸੇ ਰਾਸ਼ਟਰ ਨਾਇਕਾਂ ਦੀ ਪ੍ਰੇਰਣਾ ਨਾਲ ਅਸੀਂ ਸਾਰੇ ਆਪਣੇ ਲਕਸ਼ਾਂ ਵਿੱਚ ਸਫ਼ਲ ਹੋਈਏ। ਇਸੇ ਕਾਮਨਾ ਦੇ ਨਾਲ ਆਪ ਇਤਨੀ ਬੜੀ ਤਾਦਾਦ ਵਿੱਚ ਅਸ਼ੀਰਵਾਦ ਦੇਣ ਆਏ, ਮੈਨੂੰ ਆਪ ਸਭ ਦੇ ਦਰਸ਼ਨ ਦਾ ਸੁਭਾਗ ਮਿਲਿਆ, ਇਸ ਦੇ ਲਈ ਤੁਹਾਡਾ ਧੰਨਵਾਦ ਵੀ ਕਰਦਾ ਹਾਂ, ਬਹੁਤ-ਬਹੁਤ ਸ਼ੁਭਕਾਮਨਾਵਾਂ ਦਿੰਦਾ ਹਾਂ।

ਦੋਨੋਂ ਹੱਥ ਉੱਪਰ ਕਰਕੇ ਮੇਰੇ ਨਾਲ ਬੋਲਣਾ ਹੈ-ਮੈਂ ਕਹਾਂਗਾ ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ, ਆਪ ਦੋਨੋਂ ਹੱਥ ਉੱਪਰ ਕਰਕੇ ਬੋਲੋਗੇ - ਅਮਰ ਰਹੇ, ਅਮਰ ਰਹੇ।

ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ

ਅਮਰ ਰਹੇ, ਅਮਰ ਰਹੇ।

ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ

ਅਮਰ ਰਹੇ, ਅਮਰ ਰਹੇ।

ਰਾਜਾ ਮਹੇਂਦਰ ਪ੍ਰਤਾਪ ਸਿੰਘ

ਅਮਰ ਰਹੇ, ਅਮਰ ਰਹੇ।

ਭਾਰਤ ਮਾਤਾ ਕੀ

ਜੈ।

ਭਾਰਤ ਮਾਤਾ ਕੀ

ਜੈ।

ਬਹੁਤ-ਬਹੁਤ ਧੰਨਵਾਦ !!

 ******

ਡੀਐੱਸ/ਐੱਸਐੱਚ/ਐੱਨਐੱਸ